മാതാ എച്ച് എസ് മണ്ണംപേട്ട/സോഷ്യൽ സയൻസ് ക്ലബ്ബ്

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

ഹൈസ്കൂൾ

ചരിത്രം

അംഗീകാരം

2022-23 വരെ

2023-24

2024-25

സോഷ്യൽ സയൻസ് ക്ലബ്ബ് കൺവീനർ - ഹണി എം.ജെ. പ്രസിഡന്റ് - നന്ദന പി.നായർ വൈസ് പ്രസിഡന്റ് - ശ്രീജേഷ് മനോജ്

സ്കൂൾ ലീഡർ സത്യപ്രതിജ്ഞ 2022-23 അദ്ധ്യയന വർഷത്തിലെ സ്കൂൾ ലീഡർ 9 ബി യിൽ പഠിക്കുന്ന നിവേദ് ജയൻ, സ്കൂൾ പ്രിഫെക്ട് 10 B യിൽ പഠിക്കുന്ന ജനിറ്റ് ജോർനെറ്റ് പ്രിൻസ് എന്നീ തെരഞ്ഞെടുക്കപ്പെട്ടവർ സത്യപ്രതിജ്ഞ ചെയ്ത് സ്ഥാനം ഏറ്റെടുത്തു. ക്ലാസ് പ്രതിനിധികളും അന്നേ ദിവസം സത്യപ്രതിജ്ഞ ചെയ്ത് സ്ഥാനം ഏറ്റെടുത്തു. Fine arts secretary ആയി നോമിനേറ്റ് ചെയ്യപ്പെട്ട 9A യിൽ പഠിക്കുന്ന ദേവനന്ദ എൻ വി ക്ക് ലൗലി ടീച്ചറും ഹണി ടീച്ചറും ചേർന്ന് ബേഡ്ജ് നൽകി.സ്കൂൾ ലീഡർ,സ്കൂൾ പ്രിഫെക്ട് എന്നിവർക്ക് HM തോമസ് മാസ്റ്റർ ബാഡ്ജ് നൽകി അനുമോദിച്ചു. സോഷ്യൽസയൻസ് ക്ലബ്ബിൽ മുപ്പത് കുട്ടികൾ അംഗങ്ങളായുണ്ട്.സ്കൂളിലെ നാല് സോഷ്യൽ സയൻസ് അധ്യാപകരും ഇതിന് നേതൃത്വം നൽകുന്നു. ജൂൺ 5 ലോകപരിസ്ഥിതി ദിനാചരണവുമായി ബന്ധപ്പെട്ട സ്കൂളിൽ എല്ലാ കുട്ടികളിലും ചേർന്ന് മരങ്ങൾ നട്ടുപിടിപ്പിച്ചു. ഗ്ലോബൽ വാമിങ്ങിനെ കുറിച്ച് ക്ലാസ്സ് ചർച്ച നടത്തി. ജൂൺ 26 ലഹരിവിരുദ്ധദിനം, അന്നേദിവസം പോസ്റ്റർ നിർമ്മാണ മത്സരം നടത്തി വിജയികൾക്ക് സമ്മാനം നൽകി. ലഹരി ഉപയോഗത്തിന്റെ ഭവിഷ്യത്തുകളെക്കുറിച്ച് എല്ലാ കുട്ടികൾക്കും ക്ലാസ്സ് നൽകി. കൂടാതെ സിനിമ പ്രദർശനം നടത്തി.ജൂലൈ 11 ലോകജനസംഖ്യദിനം ലോകജനസംഖ്യ ദിനാചരണവുമായി ബന്ധപ്പെടുത്തി ജനസംഖ്യ വർദ്ധനവും സമൂഹത്തിൽ അതിനുള്ള ഗുണദോഷങ്ങൾ എന്തെല്ലാമെന്ന് കണ്ടെത്തി ക്ലാസ്സുകളിൽ പട്ടികപ്പെടുത്തി.ഓഗസ്റ്റ് 6 ഹിരോഷിമ ദിനം അന്നേദിവസം യുദ്ധവിരുദ്ധ പോസ്റ്റർ മത്സരം നടത്തുകയും വിജയികൾക്ക് സമ്മാനവിതരണവും ഉണ്ടായി ധാരാളം കുട്ടികൾ മത്സരത്തിൽ പങ്കെടുത്തിരുന്നു. ഓഗസ്റ്റ് 9 ക്വിറ്റിന്ത്യാ ദിനാചരണവുമായി ബന്ധപ്പെട്ട സോഷ്യൽസയൻസ് അധ്യാപകർ അവരുടെ ക്ലാസുകളിൽ കൃത്യമായ സന്ദേശം നൽകുകയും ഇന്ത്യയുടെ സ്വാതന്ത്ര്യദിനത്തിന്റെ വിവിധവശങ്ങളെ കുറിച്ച് പത്ത് മിനിറ്റ് പറയുകയും ചെയ്തു ഓഗസ്റ്റ്15 സ്വാതന്ത്ര്യ ദിനാചരണം വിപുലമായ രീതിയിൽ സോഷ്യൽസയൻസ് ക്ലബ്ബിന്റെ നേതൃത്വത്തിൽ നടത്തി. അന്നേദിവസം സ്കൂൾതല റാലി നടത്തി സ്വാതന്ത്ര്യ ദിനത്തോടനുബന്ധിച്ച് സ്കൂളിൽ പ്രസംഗമത്സരവും ദേശഭക്തിഗാന മത്സരവും നടത്തിയിരുന്നു. ആഗസ്റ്റ് 15 സ്വാതന്ത്ര്യ ദിനത്തോടനുബന്ധിച്ച് പ്രസംഗം, പോസ്റ്റർ, ക്വിസ് എന്നിവയുടെ മത്സരം നടത്തി. കൂടാതെ ഗാന്ധി ജയന്തിയോടനുബന്ധിച്ച് പ്രച്ഛന്നവേഷം, പ്രസംഗ മത്സരം,ഗാന്ധി ഗാനങ്ങൾ തുടങ്ങിയവയും നടത്തുകയുണ്ടായി. ഒക്ടോബർ 2 ഗാന്ധിജയന്തി വാരാഘോഷവും സ്കൂളിൽ സംഘടിപ്പിക്കുകയും സ്കൂൾ ഗ്രൗണ്ട്, ഇടവഴികൾ, മുറ്റം, ക്ലാസ് റൂമുകൾ എന്നിവ വൃത്തിയാക്കുന്ന പ്രവർത്തനങ്ങൾക്ക് നേതൃത്വം നൽകി. നവംബർ 1 കേരളപിറവി ദിനത്തിൽ കേരള ചരിത്ര ക്വിസ് മത്സരം സംഘടിപ്പിച്ചു സമ്മാനങ്ങൾ നൽകി. കേരളചരിത്രവുമായി ബന്ധപ്പെട്ട ചിത്രങ്ങളുടെ പ്രദർശനം നടത്തി. ജനുവരി 26 റിപ്പബ്ലിക് ദിനം രാവിലെ 8.30ന് ദേശീയ പതാക ഉയർത്തുകയും സന്ദേശം നൽകുകയും മധുര പലഹാരങ്ങൾ വിതരണം ചെയ്തു. രാജ്യത്തിന്റെ അഖണ്ഡത കാത്തു സൂക്ഷിക്കേണ്ടതിന്റെ ആവശ്യകതയെക്കുറിച്ചും, നമ്മൾ ദേശസ്നേഹികൾ ആകണമെന്നും റിപ്പബ്ലിക് ദിനത്തിൽ കുട്ടികളെ ഓർമ്മിപ്പിച്ചു.

സോഷ്യൽ സയൻസ് ക്ലബ് റിപ്പോർട്ട് 2020

ജൂൺ മാസത്തിൽ ഓൺലൈൻ ക്ലാസ് ആരംഭിച്ചതിനു ശേഷം സോഷ്യൽ സയൻസ് ക്ലബ് ഉദ്ഘാടനം ചെയ്തു. എല്ലാ സോഷ്യൽ സയൻസ് അധ്യാപകരും സോഷ്യൽ സയൻസിൽ താൽപര്യമുള്ള കുട്ടികളേയും അതിൽ ഉൾപ്പെടുത്തി. സോഷ്യൽ സയൻസ് ദിനാചരണവുമായി ബന്ധപ്പെട്ട് ക്വിസ് മത്സരങ്ങളും പോസ്റ്റർ നിർമ്മാണവും നടത്തി. ഉദാഹരണം; ഹിരോഷിമ നാഗസാക്കി ദിനം, യു എൻ ദിനം. സ്വാതന്ത്ര്യ ദിനവുമായി ബന്ധപ്പെട്ട് ദേശഭക്തി ഗാന മത്സരം, പ്രസംഗ മത്സരം എന്നിവ നടത്തി.

യുപി സാമൂഹിക ശാസ്ത്ര ക്ലബ്ബ്
കുട്ടികളിൽ സാമൂഹികാവബോധം വളർത്തുക എന്ന ലക്ഷ്യം സാക്ഷാൽക്കരിക്കുന്നതിനു വേണ്ടിയാണ് സാമൂഹ്യശാസ്ത്ര ക്ലബ് രൂപീകരിച്ചിട്ടുള്ളത്. അതിനായി എല്ലാ മാസവും രണ്ട്,നാല് എന്നീ വെള്ളിയാഴ്ചകളിൽ ഉച്ചയ്ക്ക് ഒന്നര മുതൽ രണ്ട് മണി വരെ എല്ലാ ക്ലബ്ബംഗങ്ങൾ ഒത്തുകൂടുകയും പ്രവർത്തനങ്ങൾ ആസൂത്രണം ചെയ്തു നടപ്പിലാക്കുകയും ചെയ്തു വരുന്നു. എല്ലാ പ്രവർത്തനങ്ങളിലും തന്നെ ക്ലാസ് റൂമിൽ ചുവരുകൾക്കുള്ളിൽ ഒതുങ്ങാതെ പൊതുസമൂഹത്തിനും കൂടി ഗുണകരമായിട്ടുള്ള പ്രവർത്തനങ്ങൾക്കാണ് ക്ലബ് അംഗങ്ങൾ കൂടുതൽ ഊന്നൽ നൽകാറുള്ളത്. ക്ലബ്ബ് പ്രവർത്തനങ്ങൾക്ക് സാമൂഹികശാസ്ത്ര അധ്യാപകർ നേതൃത്വം നൽകുകയും പ്രവർത്തനങ്ങൾ നടപ്പാക്കുമ്പോൾ കുട്ടികൾ നേതൃത്വം നിർവഹിക്കുകയും ചെയ്തു വരുന്നു. തികച്ചും യാന്ത്രികം അല്ലാത്തതും വൈവിധ്യമാർന്നതുമായ പ്രവർത്തനങ്ങളാണ് സാമൂഹികശാസ്ത്ര പ്രവർത്തനങ്ങൾ. ജനുവരി 30 രക്തസാക്ഷിദിനം ഗാന്ധിജി കൊല്ലപ്പെടാനിടയായ സാഹചര്യങ്ങൾ, നമ്മുടെ രാജ്യത്ത് ഇപ്പോൾ നിലനിൽക്കുന്ന ഭീകരവാദം അഖണ്ഡത തകർക്കുന്ന പ്രവർത്തനങ്ങൾ എന്നിവ ചർച്ച ചെയ്യുന്ന പ്രവർത്തനങ്ങൾ സംഘടിപ്പിച്ചു വിവിധ ക്ലാസുകളിലെ കുട്ടികൾ ഗ്രൂപ്പുകളായി ചർച്ചയിൽ പങ്കെടുത്തു. ഉപജില്ല സാമൂഹ്യശാസ്ത്രമേളയിൽ എൽ പി വിഭാഗം സ്റ്റിൽ മോഡലിന് ഭഗത് എം സനിലും, ആരോമൽ സി. ആറും ഒന്നാം സ്ഥാനം കരസ്ഥമാക്കി. എച്ച് എസ് വിഭാഗം സോഷ്യൽ സയൻസ് ക്വിസ് മത്സരത്തിൽ വിഷ്ണു കെ ഒന്നാംസ്ഥാനം നേടി. ഈ വർഷം മുതൽ ആരംഭിച്ച ആക്സിഡന്റ് ഇൻഷുറൻസ് പദ്ധതിയിൽ നമ്മുടെ സ്ക്കൂളിലെ ഭൂരിഭാഗം കുട്ടികളേയും അംഗങ്ങളാക്കാൻ കഴിഞ്ഞിട്ടുണ്ട്. കേരള നിയമനിർമ്മാണസഭയുടെ 125-ാം വാർഷികത്തോടനുബന്ധിച്ച് നടത്തിയ അഭിരുചി പരീക്ഷയിൽ ജില്ലാതലത്തിൽ വിജയിച്ച് സംസ്ഥാനതലത്തിൽ പങ്കെടുത്ത് സമ്മാനം കരസ്ഥമാക്കിയ ലെയ ജോജു തിരുവനന്തപുരത്ത് നിയമമന്ദിരത്തിൽ ഡെപ്യൂട്ടി സ്പീക്കർ ശ്രീ. എൻ ശക്തനിൽനിന്ന് സമ്മാനം സ്വീകരിച്ചു. സ്ക്കൂളിൽ പഠിക്കുന്ന 15 വിദ്യാർത്ഥികളുടെ വീടുകളിൽ വൈദ്യുതി ഇല്ല എന്നു മനസ്സിലാക്കി. ആ വീടുകളിൽ വൈദ്യുതി കണക്ഷൻ എത്തിക്കുന്നതിന് രൂപീകരിച്ച 'കൂട്ടുവെളിച്ചം' പദ്ധതി വൻ വിജയകരമായി തീർന്നു. വിദ്യാർത്ഥികൾക്ക് വെളിച്ചം നൽകിയതിൽ നിന്നും പ്രചോദനം ഉൾക്കൊണ്ട് റെയ്സൽ പോൾ ടീച്ചർ തിരകഥയെഴുതി, സംവിധായകൻ ജോസഫ് വട്ടോലി സംവിധാനം ചെയ്ത 'കൂട്ടൂവെളിച്ചം' ടെലിഫിലിം കേരളചലച്ചിത്രോത്സവത്തിൽ തിളങ്ങി. ഗാന്ധിജയന്തിയോടനുബന്ധിച്ചു വരന്തരപ്പിള്ളി പോലീസ് സംഘടിപ്പിച്ച ക്വിസ് മത്സരത്തിൽ മാതാ എച്ച്. എസ് ഒന്നാംസ്ഥാനം നേടി. അഖിലാഷ് ടി. എസ്, വിഷ്ണു കെ എന്നിവരാണ് പങ്കെടുത്തത്. ലോർഡ്സ് അക്കാദമിയിൽ നടത്തിയ ജനറൽ ക്വിസ് മത്സരത്തിൽ ലയ ജോജു , അഖിലേഷ് ടി.എസ് എന്നിവർക്ക് മൂന്നാം സ്ഥാനം കിട്ടി. ജില്ല ബാലവേദികലോത്സവത്തിൽ ജനറൽ ക്വിസ് മത്സരത്തിൽ ലയ ജോജുവിന് രണ്ടാം സ്ഥാനം കിട്ടി. 2016-17ഉപജില്ലാ സോഷ്യൽ സയൻസ് ക്വിസ് മത്സരത്തിൽ അഭിനവ് കെ ആർ, നന്ദന പി നായർ, എന്നിവർ മൂന്നാംസ്ഥാനം കരസ്ഥമാക്കി. ജില്ലാതലത്തിൽ നടത്തിയ ചരിത്ര ക്വിസിൽ ഹന്ന ജോജു, അഷിത ശങ്കർ ഒന്നാം സ്ഥാനം കരസ്ഥമാക്കി