ഗവ.മോഡൽ എച്ച്എസ്എസ് വെള്ളമുണ്ട/നേ‍ർക്കാഴ്ച

നേർക്കാഴ്ച-ചിത്രരചനാമത്സരം

ഗവ.മോഡൽ ഹയർ സെക്കണ്ടറി സ്കൂൾ വെള്ളമുണ്ട

നേർക്കാഴ്ച-ചിത്രരചനാമത്സരം

പ്രിയ വിദ്യാർഥികളേ,

കോവിഡ് കാലത്തെ പഠനാനുഭവങ്ങളേയും ജീവിതാനുഭവങ്ങളേയും അടിസ്ഥാനമാക്കി പൊതുവിദ്യാഭ്യാസ വകുപ്പിന്റെ ആഭിമുഖ്യത്തിൽ നേർക്കാഴ്ച എന്ന പേരിൽ ചിത്രരചനാമത്സരം സംഘടിപ്പിക്കുന്നു. ജൂൺ ഒന്നിന് തുടങ്ങി കഴിഞ്ഞ മൂന്നുമാസക്കാലത്തെ ഡിജിറ്റൽ പഠനത്തിന്റെ പഠനാനുഭവങ്ങളും സമൂഹത്തിൽ കൊറോണ വൈറസിന്റെ വ്യാപനം മൂലമുണ്ടായ മാറ്റങ്ങളും ജീവിതാനുഭവങ്ങളും ഭാവി എന്താകുമെന്ന ചിന്തകളും എല്ലാം ചിത്രത്തിൽ പകർത്താൻ ശ്രമിക്കാം.

പെൻസിൽ ഡ്രോയിങ്,വാട്ടർ കളർ,ഓയിൽ പെയിന്റിംഗ് ഇവയിലേതെങ്കിലുമാവാം.

ചിത്രരചനയ്‍ക്ക് നിങ്ങളുടെ വീട്ടിലുള്ളവരുടെ സഹായം തേടാം. വിദ്യാർത്ഥികളാണ് ചിത്രങ്ങൾ വരയ്‍ക്കേണ്ടത്.വരച്ച ചിത്രങ്ങൾ വീട്ടിൽ സൂക്ഷിച്ചുവെയ്ക്കേണ്ടതാണ്.ചിത്രത്തിന്റെ ഫോട്ടോയെടുത്ത് സ്വന്തം ക്ലാസ് ടീച്ചർക്ക് സെപതംബർ 9-നകം അയച്ചുകൊടുക്കണം. മികച്ച ചിത്രങ്ങൾ സ്കൂൾ വിക്കിയിൽ പ്രസിദ്ധീകരിക്കും. സ്‍കൂൾ തലത്തിൽ വിജയികളാകുന്നവർക്ക് സമ്മാനങ്ങൾ നൽകുന്നതാണ്.

കൂടാതെ പഞ്ചായത്ത്/ബി.ആർ.സി/ വയനാട് ജില്ല /സംസ്ഥാനതലങ്ങളിൽ വിജയികളാകുന്നവർക്കും സമ്മാനങ്ങൾ നൽകുന്നതാണ്.

ഓണം വാരാഘോഷം ഒരു വൻ വിജയമാക്കിയതുപോലെ നേർക്കാഴ്‍ച-ചിത്രരചനാമത്സരവും ഗംഭീര വിജയമാക്കുവാൻ ഏവരുടേയും സഹായസഹകരണങ്ങൾ അഭ്യർത്ഥിക്കുന്നു.

നേർകാഴ്ച ചിത്രരചനാ മത്സരത്തിലെ വിജയികൾക്കുള്ള സമ്മാനദാനം

നേർകാഴ്ച ചിത്രരചനാ മത്സരത്തിലെ വിജയികൾക്കുള്ള സമ്മാനദാനവും നിർവഹിച്ചു. ഉദ്ഘാടനം ജില്ലാ പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ എ ദേവകി നിർവഹിച്ചു.പി.ടി.എ പ്രസിഡണ്ട് ടി കെ മമ്മൂട്ടി അധ്യക്ഷനായിരുന്നു.പ്രിൻസിപ്പാൾ പി സി തോമസ് സ്വാഗതമാശംസിച്ചു.സ്കൂൾ ഹെഡ്മിസ്ട്രസ് പി കെ സുധ ,പി ടി എ വൈസ് പ്രസിഡണ്ട് എ ജിൽസ്, മദർ പി ടി എ പ്രസിഡണ്ട് സുനിൽജ മുനീർ, സ്റ്റാഫ് സെക്രട്ടറിമാരായ എൽദോസ് ടി വി , ഷൈജ എൻ ജെ ,| അബ്ദുൾ സലാം എന്നിവർ ആശംസകളർപ്പിച്ച് സംസാരിച്ചു.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•