സെന്റ് ലിറ്റിൽ ത്രേസ്യാസ് എൽ പി എസ് ഭരണങ്ങാനം/അക്ഷരവൃക്ഷം/രാമുവിന്റെ മാവ്

രാമുവിന്റെ മാവ് ഒരിക്കൽ രാമു എന്ന് പേരുള്ള ഒരാൾ ഒരു പട്ടണത്തിൽ താമസിച്ചിരുന്നു. രാമുവിന്റെ വീടിനു പുറകിലായി ഒരു വലിയ മാവ് ഉണ്ടായിരുന്നു. അതിൽ നിറയെ മാമ്പഴവും അതിനു ചുറ്റും നിറയെ ചെടികളും ഉണ്ടായിരുന്നു രാമു കുട്ടിക്കാലത്ത് ആ മരത്തിനു ചുവട്ടിലാണ് കളിച്ചിരുന്നത്. അവനു വിശക്കുമ്പോൾ സ്വാദുള്ള മാമ്പഴം മാവ് നൽകി. കാലം മാറി, മാവിനും രാമുവിനും പ്രായം ചെന്നു. മാവിൽ ഇപ്പോൽ മാമ്പഴം കായ്ക്കാറില്ല. ആ മാവ് മുറിക്കുവാൻ രാമു തീരുമാനിച്ചു. ആ മരം ഒരുപാട് ജീവികൾക്ക് താമസിക്കുവാൻ ഉള്ള ഒരു ഇടമായിരുന്നു. രാമു ആ മരം മുറിക്കാൻ തുടങ്ങിയപ്പോൾ പക്ഷികൾ, പ്രാണികൾ, അണ്ണാൻ എന്നിവയൊക്കെ രാമുവിന് ചുറ്റും വന്നു നിന്ന് പറഞ്ഞു: "ഈ മരം മുറിക്കരുത്. നിന്റെ കുട്ടിക്കാലത്തു ഞങ്ങളെല്ലാം നിന്റെ കൂടെ കളിച്ചിരുന്നു. ഈ മരം നിനക്ക് ഒത്തിരി ഓർമ്മകൾ നൽകിയതാണ് നീ ഈ മരം മുറിച്ചാൽ ഞങ്ങൾക്കു മറ്റൊരു സ്ഥലം ഇല്ലാതാകും." അവർ പറയുന്നത് കേൾക്കാൻ രാമു നിന്നില്ല. ആ മരത്തിലുണ്ടായിരുന്ന തേനീച്ചകൾ രാമുവിന് കുറേ തേൻ കൊണ്ടുവന്ന് കൊടുത്തു. രാമു കുറച്ചു തേൻ രുചിച്ചു നോക്കി. തേനിന്റെ സ്വാദ് അവനെ കുട്ടികാലത്തെ ഓർമ്മപ്പെടുത്തി. തന്റെ കുട്ടിക്കാലം ഒക്കെ ഓർമ്മിച്ചപ്പോൾ അവന് വിഷമമായി. എന്ത് വില കൊടുത്തും ഈ മരം സംരക്ഷിക്കണമെന്നു എല്ലാ ജീവികളും അവനോട് അപേക്ഷിച്ചു. എന്നും തേൻ തരാം തേനീച്ചകളും എന്നും ധാന്യങ്ങൾ തരാം എന്ന് അണ്ണാനും എന്നും പാട്ടു പാടി തരാമെന്നു പക്ഷികളും പറഞ്ഞു. ശേഷം രാമുവിന് തന്റെ തെറ്റ് മനസിലായി. രാമു പറഞ്ഞു:"ഞാൻ ഈ മരം മുറിക്കുന്നില്ല എന്ന് അവൻ പറഞ്ഞു. നിങ്ങൾക്കെല്ലാവർക്കും സന്തോഷമായി ഈ മരത്തിൽ കഴിയാം." ഇത് കേട്ട് എല്ലാവർക്കും വളരെ സന്തോഷമായി.പ്രകൃതിയിലുള്ളവയെല്ലാം പ്രയോജനമുള്ളവയാണ്. അതുകൊണ്ടു തന്നെ അതിനെ നശിപ്പിക്കുന്നതിനെപറ്റി നാം ഒരിക്കലും ചിന്തിക്കരുത്. മിലു റോസ് ലിജോ 3 സി സെന്റ് ലിറ്റിൽ ത്രേസ്യാസ് എൽ പി എസ് ഭരണങ്ങാനം പാലാ ഉപജില്ല കോട്ടയം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - Kavitharaj തീയ്യതി: 22/ 04/ 2020 >> രചനാവിഭാഗം - കഥ