കോവിഡാകുന്ന മഹാസാഗരത്തിൽ
മുങ്ങിത്താഴുന്ന പൗരന്മാർ
കരകാണാതെ ഉഴലുമ്പോൾ
മാനവ ഹൃദയം പിടയുന്നു
ഉറ്റവർ ഉടയവർ നഷ്ടമായൊർ
രോഗത്തിൻ പിടിയിലമർന്നവർ
കരാള ചക്ഷുവേ നിന്നിൽ നിന്ന്
എന്ന് ഞങ്ങൾ മോചിതരാകും
നിൻ മുന്നിൽ വലിയവനല്ല ചെറിയവനല്ല
ഞങ്ങൾ മാനവരെല്ലാം ഒന്നുപോലെ
ലൗകിക സുഖങ്ങളിൽ നിന്ന്
ഓടിയകലുന്നു എൻ വീട്ടിലേക്ക്
പ്രകൃതിയെ കീറിമുറിച്ച മാനവന്
പ്രകൃതി തന്ന മറുപടിയോ ഈ കോവിഡ്?
പാതയോരത്ത് വണ്ടിതൻ ശബ്ദവുമന്യം
വീട്ടിലിരിപ്പു സ്വയമേവ തൻ സുരക്ഷയോർത്ത്
സാമൂഹികാകലം പാലിക്കൂ-നാടിൻ രക്ഷക്കായി
ദുർവ്യയം തടയൂ നല്ലൊരു ഭാവിക്കായി
അപരനോട് അലിവ് തോന്നണം നല്ലൊരു നാടിനായി
