സെന്റ് ആന്റണീസ് ഗേൾസ് എച്ച്.എസ്സ്. വടകര/അക്ഷരവൃക്ഷം/ നമുക്ക് ചുറ്റും - കവിത

നമുക്ക് ചുറ്റും ഇഴചേർന്നിരിക്കാം നമുക്കിനി ഭൂവിന്റെ മിഴി കാത്തുവെക്കാം വരും ദിനങ്ങൾ പ്രകൃതിയെ കാക്കാം നിറമുള്ള പൂക്കളെ മണമുള്ളതാക്കാൻ മനസ്സുവെക്കാം പുഴകളെ നോക്കാം പുതിയ വസന്തത്തെ തഴുകാം പ്രതീക്ഷയിൽ കാത്തിരിക്കാം മരമില്ലയെങ്കിൽ മഴക്കാറ് നമ്മളെ മറവിയാലെങ്ങോ മറഞ്ഞുപോകും പുഴയില്ലയെങ്കിൽ കുടിനീരുവറ്റിനാം മിഴിയടച്ചെങ്ങോ മറഞ്ഞുപോകും അറിയുക നമ്മളീ പ്രകൃതിയെ നമ്മുടെ ഹൃദയത്തിൽ സൂക്ഷിച്ചു വച്ചിടുവാൻ മലിനമാകല്ലേ മനസ്സിൽ പ്രതീക്ഷതൻ പുതുനാമ്പു മെല്ലെ കിളിർത്തുപൊങ്ങാൻ പ്രണയിക്കു നിങ്ങളീ പ്രകൃതിയെ പെറ്റമ്മ പകരുന്ന സ്നേഹക്കടലുപോലെ ചിരിതൂകി നിങ്ങൾതൻ ചുറ്റുവട്ടങ്ങളെ തഴുകാം നിറമുള്ളതാക്കിടുവാൻ ഉണരട്ടെ ഭൂവിന്റെ വിരിമാറ് വർണ്ണങ്ങൾ വിതറി നമുക്കെന്നും കാത്തുവെക്കാം ഉത്തര മനോജ് 6 എ സെന്റ്. ആന്റണീസ് ഗേൾസ് ഹൈസ്കൂൾ വടകര ഉപജില്ല കോഴിക്കോട് അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - sreejithkoiloth തീയ്യതി: 19/ 04/ 2020 >> രചനാവിഭാഗം - കവിത