"എ. എം .എം. ഹയർസെക്കണ്ടറി സ്കൂൾ ഇടയാറന്മുള/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== പാൽ പുഞ്ചിരി ==

ഇന്ത്യൻ ഡെന്റൽ അസോസിയേഷന്റെ ഭാഗമായി, 2024 നവംബർ 7ന്, ഇടയാറന്മുള എ എം എം ഹയർ സെക്കൻഡറി സ്കൂളിലെ ഹെൽത്ത് ക്ലബ്ബിന്റെ ആഭിമുഖ്യത്തിൽ പാൽ പുഞ്ചിരി എന്ന ദന്തസംരക്ഷണ പരിപാടി സംഘടിപ്പിച്ചു. കുട്ടികളിൽ ദന്തസംരക്ഷണ ബോധവൽക്കരണം നടത്തുകയായിരുന്നു പരിപാടിയുടെ ലക്ഷ്യം. ഐ.ഡി.എ ബ്രാഞ്ചുകൾ വിവിധ സ്കൂളുകളിൽ സംഘടിപ്പിച്ച ഈ പരിപാടിയിലൂടെ വിദ്യാർത്ഥികളിലും അധ്യാപകരിലും ദന്തസംരക്ഷണത്തിന്റെ പ്രാധാന്യം ഊന്നിപ്പറഞ്ഞു.

പരിപാടിയുടെ ഭാഗമായി, വിദ്യാർത്ഥികൾക്ക് ശരിയായ പല്ല് തേക്കുന്ന രീതി പരിശീലിപ്പിച്ചു. സമീപത്തെ എൽപി സ്കൂളിലെ വിദ്യാർത്ഥികളും ഈ പരിപാടിയിൽ സജീവമായി പങ്കെടുത്തു. എല്ലാ വിദ്യാർത്ഥികൾക്കും ടൂത്ത് പേസ്റ്റും, ബ്രഷും വിതരണം ചെയ്തു. കുട്ടികളുടെ പല്ലുകൾ അവരുടെ ആജീവനാന്ത സ്വത്താണെന്നും അവയെ നന്നായി സംരക്ഷിക്കേണ്ടതിന്റെ ആവശ്യകതയെക്കുറിച്ചും വിദ്യാർത്ഥികളെ ബോധവൽക്കരിച്ചു. സ്കൂൾ മാനേജർ ഡോ. ടി.ടി. സഖറിയ അധ്യക്ഷത വഹിച്ച പരിപാടിയിൽ ഡോ. സൈമൺ ജോർജ്, ഡോ. സുനിൽ റോയി കോശി, ഡോ. വിനീത ജോർജ്, ഡോ. എലിസബത്ത് എം. ജോസഫ്, ഡോ. ആകാശ് നായർ എന്നിവർ പങ്കെടുത്തു.