"സെന്റ് തോമസ് ഇവാഞ്ചലിക്കൽ എൽ പി എസ് പടിഞ്ഞാറത്തറ/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

2023 ജൂൺ 19 ന് വായനാദിനത്തോടനുബന്ധിച്ച് വൈവിധ്യമാർന്ന പ്രവർത്തനങ്ങൾ സ്ക‍ൂളിൽ സംഘടിപ്പിച്ചു. വിദ്യാലയത്തിൽ വളരെ പ്രാധാന്യം നൽകി ആചരിച്ചുവരുന്ന വായനാദിനം വിവിധ പ്രവർത്തനങ്ങളോടെ നടത്തപ്പെട്ടു. ഈ വർഷം വായനാ മസാചരണം ആയതിനാൽ നിരവധി പ്രവർത്തനങ്ങൾ ജൂൺ 19 നും ജൂലൈ 18നും ഇടയിലായി നടത്തുന്നതിന് വേണ്ട തയ്യാറെടുപ്പുകൾ സ്കൂൾ തലത്തിൽ നടത്തിയിരുന്നു. വായനാദിനത്തിൽ വായനാദിനത്തിന്റെ പ്രാധാന്യത്തെക്കുറിച്ച് കുട്ടികളെ ബോധ്യപ്പെടുത്തുന്ന പൊതു അസംബ്ലി ഉണ്ടായിരുന്നു. വായനയുടെ പ്രാധാന്യത്തെക്കുറിച്ച് പ്രശസ്തരായവർ പറഞ്ഞിട്ടുള്ള വരികൾ പ്രദർശിപ്പിച്ച‍ു. മലയാള സാഹിത്യ പ്രതിഭകളെ ചിത്ര സഹിതം മനസ്സിലാക്കുന്നതിനുള്ള പ്രതിഭ പ്രദർശനം, വായനാദിന ക്വിസ് മത്സരം, പോസ്റ്റർ രചന എന്നിവയെല്ലാം അന്നേദിവസം നടത്തപ്പെട്ടു. ക്ലാസ് ലൈബ്രറി ഒരുക്കൽ സ്കൂൾ ലൈബ്രറി സന്ദർശനം പുസ്തക പ്രദർശനം വായന കുറിപ്പ് തയ്യാറാക്കൽ, വായനാമത്സരം, പ്രസംഗ മത്സരം, കഥാ വായന എന്നിങ്ങനെ നിരവധി പ്രവർത്തനങ്ങൾ വായനാദിനത്തിൽ നടത്തി. സ്കൂൾ അസംബ്ലിയിൽ പി എൻ പണിക്കർ അനുസ്മരണം, വായനാദിന പ്രതിജ്ഞ എന്നിവയ‍ും നടത്തി.