"എസ് എസ് ജി എച്ച് എസ് എസ് പുറനാട്ടുകര/ലിറ്റിൽകൈറ്റ്സ്/ഫ്രീഡം ഫെസ്റ്റ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഓഗസ്റ്റ് 10 ന് രക്ഷാകർത്താക്കൾക്ക് സ്വതന്ത്ര സോഫ്റ്റ്‍വെയറിനെ കുറിച്ചുള്ള ക്ലാസ്സ് നൽകുകയുണ്ടായി. നാല്പതോളം രക്ഷാകർത്താക്കൾ പങ്കെടുത്തു. കൈറ്റ് മിസ്ട്രസ്സിനോടൊപ്പം ഒമ്പതാം ക്ലാസ്സിലെ ദേവീകൃഷ്ണ, പ്രദീപ്ത, അനാമിക, ഗാഥ എന്നിവരും ചേർന്നാണ് ക്ലാസ്സെടുത്തത്.

പ്രദർശനം ഐ ടി ലാബിൽ എന്നും ഒരുക്കിയിരുന്നു. കുട്ടികൾ ഒഴിവു സമയങ്ങളിൽ ഇവ നിരീക്ഷിക്കാനും ചെയ്തു നോക്കാനും ആവേശപൂർവ്വം എത്തിയിരുന്നു. റോബോ ഹെൻ, ഡാൻസിങ് ലൈറ്റ്, ടോൾ ഗേറ്റ്, സ്ടീറ്റ് ലൈറ്റ്, എന്നിവയും പ്രോഗ്രാമിങ്ങിൽ സ്ക്രാച്ചിൽ കുട്ടികൾ തയ്യാറാക്കിയ ഏതാനും ഗെയിമുകളാണ് പ്രദർശിപ്പിച്ചത്.

തിരുവനന്തപുരത്ത് നടക്കുന്ന ഫ്രീഡം ഫെസ്റ്റിലേക്കായി സ്വതന്ത്ര വിജ്ഞാനോത്സവത്തിന്റെ സന്ദേശം പ്രചരിപ്പിക്കുന്നതിനു സഹായിക്കുന്ന ഡിജിറ്റൽ പോസ്റ്റർ നിർമ്മാണ മത്സരവും നടത്തുകയുണ്ടായി. ഇരുപത് കുട്ടികളാണ് മത്സരത്തിൽ പങ്കെടുത്തത്. മികച്ച 5 പോസ്റ്റർ സ്കൂൾവിക്കിയിൽ അപ് ലോഡ് ചെയ്തു.