"സെയിന്റ്. പോൾസ്. എ. യു. പി. എസ്. തൃക്കരിപ്പ‌ൂർ/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സ്കൂളിലേക്ക് കുട്ടികൾ ബോട്ടിലിൽ വെള്ളം കൊണ്ടുവരുന്നത് പതിവാണ്. കൊണ്ടുവരുന്ന വെള്ളത്തിൽ അവശേഷിക്കുന്നവ വൈകുന്നേരം കുട്ടികൾ വീട്ടിലേക്ക് പോകുമ്പോൾ അത് മറിച്ച് കളയുകയോ അല്ലെങ്കിൽ വീട്ടിലെത്തി അവിടെ ബെയ്സിനിൽ ഒഴുക്കി കളയുകയോ ആണ് പതിവ്. ജലം അമൂല്യമാണ് അത് പാഴാക്കരുത് എന്നുള്ള ഒരു സന്ദേശമാണ് ലോകജലദിനത്തിൽ നാം മുന്നോട്ടുവെക്കുന്നത്. 1 മുതൽ 7 വരെ ക്ലാസ്സിൽ പഠിക്കുന്ന കുട്ടികളിൽ  നിന്നും ഏകദേശം 50 ലിറ്റർ വെള്ളമാണ് ഈയൊരു ഉദ്യമത്തിലൂടെ ലഭിച്ചത്. ജലം ഒരിക്കലും തന്നെ അനാവശ്യമായി പാഴാക്കരുത് എന്നുള്ള ഒരു സന്ദേശം ഈയൊരു പ്രവർത്തനത്തിലൂടെ കുട്ടികൾക്ക് നൽകാനായി സാധിച്ചു. ഇതേ രീതിയിൽ നാം  വെള്ളം ഉപയോഗിക്കുന്ന സമയം എത്രയെത്ര വെള്ളമാണ് അനാവശ്യമായി പാഴായി പോകുന്നത് എന്നുള്ള ഒരു ചിന്തയും കുട്ടികളിൽ എത്തിക്കുവാൻ സാധിച്ചു. ഇങ്ങനെ ലഭിച്ച വെള്ളം സ്കൂൾ പൂന്തോട്ടത്തിലെ ചെടികൾ നനയ്ക്കാനായി ഉപയോഗിച്ചു.സയൻസ് ക്ലബ്ബിന്റെ ആഭിമുഖ്യത്തിൽ നടത്തിയ ഈ ഒരു പ്രവർത്തനത്തിൽ ഹെഡ്മിസ്ട്രസ് സിസ്റ്റർ ഷായിമോൾ ജോർജ്, സയൻസ് ക്ലബ്ബ് കൺവീനർ ഷൈനി എം ജെ, അധ്യാപികമാരായ  നിഷ സി, മിനി എൻ എന്നിവർ നേതൃത്വം നൽകി.