ഗവൺമെന്റ് എച്ച്. എസ്. ജവഹർകോളനി/പ്രവർത്തനങ്ങൾ

സത്യമേവജയതേ

കേരള സർക്കാറിന്റെ പത്തിന പരിപാടിയുടെ ഭാഗമായി സംഘടിപ്പിക്കുന്ന

ഇന്റർനെറ്റ് ബോധവൽകരണ പരിപാടി സത്യമേവ ജയതേയുടെ

സ്കൂൾ തല അധ്യാപക പരിശീലനം 18-12-2021 ൽ സ്കൂളിൽ നടന്നു .

ഹൈസ്കൂൾ വിഭാഗത്തിലെ 12 അധ്യാപകരും പ്രസ്തുത പരിപാടിയിൽ പങ്കെടുത്തു .

ഹലോ ഇംഗ്ളീഷ്

വിദ്യാർത്ഥികളുടെ ഇംഗ്ലീഷ് പഠനം അനായാസമാക്കാനായി വിദ്യാഭ്യാസ വകുപ്പ് ബി.ആർ.സി മുഖേന നടപ്പാക്കുന്ന ഹലോ ഇംഗ്ലീഷ് പദ്ധതിക്ക് സ്കൂളിൽ തുടക്കമായി..സ്കൂൾ തല ഉദ്ഘാടനം വാർഡ് മെമ്പർ ഗീതാ പ്രിജി നിർവഹിച്ചു. ഹെഡ്മിസ്ട്രസ്. ഷീബാഈപ്പൻ, സീനിയർ അസിസ്റ്റന്റ് സജി മുദീൻ.എസ് എന്നിവർ സംസാരിച്ചു. കുട്ടികൾ മികച്ച പ്രകടനങ്ങൾ കാഴ്ചവച്ചു

ബാലികാദിനം ചിത്രരചനാമത്സരം

ജനുവരി 24 ന് പെൺകുട്ടികളുടെ ദേശീയ ദിനത്തോടനുബന്ധിച്ച് പെൺകുട്ടികളുടെ മത്സരങ്ങൾ സംഘടിപ്പിച്ചു. ചിത്രരചന, ഉപന്യാസം, കഥാരചന, കവിതാ രചന എന്നീ മത്സരങ്ങൾ ഓൺലൈനായി സംഘടിപ്പിച്ചു

റിപ്പബ്ളിക് ദിനാഘോഷം2022

ഈ വർഷത്തെ റിപ്പബ്ലിക്ക് ദിനം വിവിധ കലാപരിപാടികളോടെ സ്കൂളിൽ നടന്നു .രാവിലെ 8.30 ന് എച്ച്.എം ഇൻ ചാർജ് ഷീജ എൽ എസ് പതാക ഉയർത്തി. സ്കൗട്ട് ആന്റ് ഗൈഡ്സ് മറ്റു പരിപാടികൾക്ക് നേതൃത്വം കൊടുത്തു. കലാ മത്സരങ്ങൾ ഓൺലൈനായി നടന്നു. കുട്ടികളുടെ മികച്ച പങ്കാളിത്തം മത്സരങ്ങളിലുണ്ടായിരുന്നു

കൗൺസിലിംഗ് ക്ലാസ്സുകൾ

പത്താം ക്ലാസുകാർക്കുള്ള കൗൺസിലിംഗ് ക്ലാസുകൾ രണ്ടു ബാച്ചുകളായി സ്കൂളിൽ നടന്നു .കുട്ടികളുടെ മാനസിക സമ്മർദ്ദം കുറയ്ക്കുന്നതിനും ആത്മവിശ്വാസത്തോടെ പരീക്ഷയെ നേരിടാനും ലക്ഷ്യമാക്കി കൊണ്ടായിരുന്നു ക്ലാസ് സംഘടിപ്പിച്ചത്.ശ്രീ.രാജേഷ് എസ് ആർ ക്ലാസുകൾ നയിച്ചു.