കൊറോണക്കാലത്തെ ബാലപാഠങ്ങൾ
ഇത് കൊറോണക്കാലം ... മനുഷ്യകുലമൊന്നാകെ പ്രാണഭീതിൽ വീടുകളിൽ കഴിയുന്ന മഹാമാരിക്കാലം. കോവിഡ് 19 എന്നല്ല മറ്റേതൊരു രോഗാണുക്കൾക്കും നമ്മുടെ ശരീരത്തിൽ കടന്നു നമ്മെ കേഴ്പ്പെടുത്താൻ ആകണമെങ്കിൽ നമ്മുടെ രോഗ പ്രധിരോധ ശക്തിയെ തോല്പിക്കേണ്ടതുണ്ട് . ആർക്കൊക്കെ പ്രധിരോധ ശേഷി കുറയുന്നുവോ അവരെ രോഗാണുക്കൾ വേഗം കീഴ്പ്പെടുത്തും . ഇവിടെ നമ്മുക്ക് ചെയ്യാവുന്ന ഒരേയൊരു കാര്യം പരമാവധി രോഗ പ്രധിരോധ ശേഷി കൂട്ടുക എന്നത് തന്നെയാണ് .നടൻ വിഭവങ്ങളോട് നമുക്കിന്നു വിമുഖതയാണ് . ഇന്നത്തെ മോഡേൺ ഭക്ഷണക്രമം നമ്മുടെശരീരത്തെ കുറച്ചൊന്നുമല്ല ദുർബലമാക്കുന്നത്.
നമ്മുടെ രോഗപ്രധിരോധ ശേഷിയെ തകർക്കുന്ന ഏതാനും കാര്യങ്ങൾ ഒന്ന് പരിചയപ്പെടാം.
1 . പ്രോസെസ്സഡ് ഫുഡിനോടുള്ള ആസക്തി .
അമിതമായ അളവിൽ മധുരവും , ഉപ്പും, പുളിപ്പും, എരിവുമെല്ലാം അടങ്ങിയ കൃത്രിമ ആഹാരങ്ങൾ കഴിക്കുന്ന ശീലം ഇന്ന് സർവ സാധാരണമായിക്കഴിഞ്ഞു . ഇത് നമ്മുടെ ആരോഗ്യം അനുദിനം നശിപ്പിക്കുന്നു.
2 . ശരിയാ ഉറക്കമില്ലായ്മ
ദിവസവും ആറു മുതൽ എട്ടു മണിക്കൂർ വരെ ശരിയായ ഉറക്കം ലഭിച്ചില്ലെങ്കിൽ നമ്മുടെ ശാരീരിക പ്രവർത്തനങ്ങൾ താറുമാറാകും . നാം ജീവിതശൈലീ രോഗങ്ങളുടെ അടിമകളാകുവാൻ പ്രദാന കാരണം ഉറക്കമില്ലായ്മയെന്ന് കണ്ടെത്തിയിട്ടുണ്ട്. ഉറക്കകുറവുള്ളവർ രോഗങ്ങൾ വേഗം കീഴ്പെടുത്തും .
3 . മദ്യപാനം , പുകവലി
മദ്യശാലകളെല്ലാം അടഞ്ഞുകിടക്കുന്ന ഈ കൊരോണക്കാലം വളരെയധികം കുടുംബങ്ങളിൽ സന്തോഷത്തിന്റെ അവസരമാണ് . തങ്ങളുടെ പിതാവിനെ മദ്യസത്തിന്റെ മണമില്ലാതെ കാണാൻ സാധിച്ചതിന്റെ സന്തോഷം . സ്ഥിരമായ മദ്യപാനവും പുകവലിയും രോഗങ്ങളെ ക്ഷണിച്ചു വരുത്തുമെന്ന് അറിയാത്തവർ ആരുമില്ല .. എന്നാൽ ഇതിന്റെ കെണിയിൽ പെട്ട് ജീവിതം നശിപ്പിക്കുന്ന പതിനായിരക്കണക്കിന് ആളുകൾ നമുക്ക് ചുറ്റുമുണ്ട് .
നല്ല ആരോഗ്യ ശീലങ്ങൾ പാലിച്ചുകൊണ്ട് ഒത്തൊരുമയോടെ നമുക്ക് പ്രധിരോധിക്കാം... ഈ കൊറോണക്കാലവും കഴിഞ്ഞുപോകും .. നാം വിജയിക്കുകതന്നെ ചെയ്യും.
സാങ്കേതിക പരിശോധന - Asokank തീയ്യതി: 29/ 04/ 2020 >> രചനാവിഭാഗം - ലേഖനം
|