"ജി.എച്ച്.എസ്. പന്നിപ്പാറ/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സെൻസറുകളുടെ സഹായത്തോടെ പ്രവർത്തിക്കുന്ന ഓട്ടോമാറ്റിക് സാനിറ്റൈസർ, തീപിടിത്തം തിരിച്ചറിഞ്ഞ് മുന്നറിയിപ്പ് നൽകുന്ന ഫയർ ഡിറ്റക്ടർ, വാതകച്ചോർച്ച കണ്ടെത്തുന്ന ഗ്യാസ് ഡിറ്റക്ടർ, നിറങ്ങൾ തിരിച്ചറിയുന്ന കളർ എമിറ്റർ തുടങ്ങിയ ഉപകരണങ്ങൾ മേളയിലെ പ്രധാന ആകർഷണമായി. വിദ്യാർത്ഥികൾ തന്നെ കോഡിങ്ങിലൂടെ തയ്യാറാക്കിയ കമ്പ്യൂട്ടർ ഗെയിമുകൾ സന്ദർശകർക്ക് പുതിയ അനുഭവമായി. നിർമ്മിതബുദ്ധിയുടെ അനന്ത സാധ്യതകളെക്കുറിച്ചുള്ള വീഡിയോ പ്രദർശനവും ഇതോടൊപ്പം നടന്നു.

സ്കൂളിലെ എൽപി, യുപി, ഹൈസ്കൂൾ വിഭാഗങ്ങളിലെ വിദ്യാർത്ഥികളും അധ്യാപകരും എക്സിബിഷൻ സന്ദർശിച്ചു.

സ്കൂൾ ഹെഡ്മാസ്റ്റർ എം.എസ്. ഹരിപ്രസാദ് എക്സിബിഷൻ ഉദ്ഘാടനം ചെയ്തു. ലിറ്റിൽ കൈറ്റ്സ് അംഗങ്ങളായ സി.കെ. നിഹാൽ, ഹാദി മുഹമ്മദ്, മുഹമ്മദ് ഹാഷിം എന്നിവർ പ്രവർത്തനങ്ങൾക്ക് നേതൃത്വം നൽകി. അധ്യാപകരായ ചെറുശ്ശേരി അബൂബക്കർ, പി. മുഹമ്മദ്, സുരേഷ് ബാബു, അരഞ്ഞിക്കൽ ഹബീബ്, പി അബ്ദുറഹ്മാൻ ആർ. സജീവ്, കെ. ഷിജി മോൾ, പി.സി. സിദ്ധീഖലി, സ്കൂൾ എസ്ഐടിസി സബിത എന്നിവർ പരിപാടിയിൽ സംബന്ധിച്ചു.