"ജി.ബി.എച്ച്.എസ്.എസ്. മഞ്ചേരി/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

മഞ്ചേരി ബോയ്സ് ഹൈസ്കൂളിൽ വായനാവാരത്തോടനുബന്ധിച്ച് ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ ഇംഗ്ലീഷ് പുസ്തകങ്ങളുടെ ഒരു പ്രദർശനം  കൺവീനർ മിനി ടീച്ചറുടെയും മറ്റു ഇംഗ്ലീഷ് അധ്യാപകരായ റസ്‌ലി കെ പി, ബിജി കെ, സമീന കെ എം , നിത വേണുഗോപാൽ, സെലീന സി, സജിത കെ, അബ്ദുൾ നാസർ, നയന, നസീൽ എന്നിവരുടെ നേതൃത്വത്തിൽ നടത്തി.' Ink and Imagination'- Penned World Expo എന്ന പേരിൽ നടത്തിയ പ്രദർശനം കുട്ടികൾ ആവേശത്തോടെ സ്വീകരിച്ചു. ലൈബ്രറി യിലെ പുസ്തകങ്ങൾ കൂടാതെ ഇംഗ്ലീഷ് അധ്യാപകർ സ്വന്തം പുസ്തക ശേഖരത്തിൽ നിന്നുള്ള പുസ്തകങ്ങൾ കൂടി പ്രദർശനത്തിന് വച്ചിരുന്നു.തങ്ങൾക്ക് ഇഷ്ടപ്പെട്ട എഴുത്തുകാരുടെ പുതിയ പുസ്തകങ്ങളെ പരിചയപ്പെടാൻ കുട്ടികൾക്കു സാധിച്ചു. പുതിയ എഴുത്തുകാരും പുതിയ രീതികളും വന്നെങ്കിലും ലോക സാഹിത്യങ്ങളോടുള്ള പ്രിയം ഒട്ടും കുറഞ്ഞിട്ടില്ല എന്ന് അവരുടെ കണ്ണുകളിൽ നിന്നും വായിച്ചറിഞ്ഞു. ലൈബ്രറിയിലേക്ക് ആവശ്യമുള്ള പുസ്തകങ്ങൾ കുട്ടികൾക്ക് നിർദ്ദേശിക്കാൻ  ഉള്ള സൗകര്യം ഒരുക്കിയിരുന്നു. ഇത്രയേറെ നവമാധ്യമ ങ്ങളുടെ കടന്നുകയറ്റം ഉണ്ടായിട്ടും 'വായന മരിക്കുന്നില്ല 'എന്ന സത്യം മനസ്സിലാക്കാം.അതിനു പുസ്തകങ്ങൾക്ക് പകരം വയ്ക്കാൻ മറ്റൊന്നിനുമാവില്ല.