"ജി.വി.എച്ച്.എസ്.എസ്. വട്ടിയൂർക്കാവ്/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വർഷങ്ങൾക്കു മുമ്പ് നെടുമങ്ങാട് നിന്നും ചാല കമ്പോളത്തിലേക്ക് തലച്ചുമടായും കാളവണ്ടിയിൽ ആയും സാധനങ്ങൾ കൊണ്ടു പോയിരുന്നവർ പേരൂർക്കട റോഡിലൂടെ പോകുമ്പോൾ ചുങ്കം കൊടുക്കേണ്ടിയിരുന്നു. അത് ഒഴിവാക്കാനായി കച്ചവടക്കാർ വട്ടിയൂർക്കാവ് പ്രദേശത്ത് കൂടിയാണ് സഞ്ചരിച്ചിരുന്നത്.

ഏതാണ്ട് 100 വർഷങ്ങൾക്കു മുമ്പ് മുമ്പ് ഒരു ഗ്രാൻഡ്-ഇൻ-എയ്ഡ് ലോവർ പ്രൈമറി സ്കൂളായി പ്രവർത്തനം ആരംഭിച്ച ഈ വിദ്യാലയത്തിന്റെ അന്നത്തെ പേര് പുത്തൻ വിളാകം ലോവർ പ്രൈമറി സ്കൂൾ എന്നായിരുന്നു. അതിന്റെ അവസാന മാനേജരും പ്രഥമാധ്യാപകനും അറപ്പുര വീട്ടിൽ ശ്രീ കെ വാസുദേവൻ നായരായിരുന്നു. 1962- ൽ സ്കൂളിനെ ഒരു അപ്പർ പ്രൈമറി സ്കൂളായി ഉയർത്തി. പാങ്ങോട് വാർഡ് കൗൺസിലർ ആയിരുന്ന മേലെ കെട്ടിടത്തിൽ ശ്രീ കെ. കൃഷ്ണൻ നായർ സൗജന്യമായി വിട്ടുകൊടുത്ത ഒരേക്കർ സ്ഥലത്ത് താൽക്കാലിക ഷെഡ്ഡുകൾ പണിതീർത്തു കൊണ്ട് അതിൽ യു. പി. സ്കൂൾ പ്രവർത്തനം ആരംഭിച്ചു. അന്നത്തെ പ്രഥമാധ്യാപകൻ ശ്രീ ഭാസ്കരൻ നാടാരായിരുന്നു. തുടർന്നാണ് ഈ പ്രദേശത്ത് ഒരു ഹൈസ്കൂളിന്റെ ആവശ്യം ജനങ്ങൾക്ക് ബോധ്യമായത്. നിരവധി പേരുടെ ശ്രമഫലമായി അന്നത്തെ നേമം മണ്ഡലം എം.എൽ.എ ആയിരുന്ന ശ്രീ അവണാകുഴി സദാശിവൻ ഈ ആവശ്യം നിയമസഭയിൽ ഉന്നയിച്ചു. അന്നത്തെ വിദ്യാഭ്യാസ മന്ത്രിയായിരുന്ന ശ്രീ സി. എച്ച്. മുഹമ്മദ് കോയ ഹൈസ്കൂൾ അനുവദിച്ചു.