"ജി.എച്ച്.എസ്.തടിക്കടവ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ആശയങ്ങളെ അക്ഷരങ്ങളാക്കി മാറ്റിയെടുത്ത ക്ലാസ് മുറികൾ.....അറിവിന്നമൃതം പകർന്ന അധ്യാപകർ.....

സുഖദു:ഖങ്ങളിൽ താങ്ങായി തണലായി നിന്ന കൂട്ടുകാർ....

പ്രസിഡണ്ടായി ശ്രീ.കല്ലൂരുവീട്ടിൽ കൃഷ്ണപിള്ളയെയും സെക്രട്ടറിയായി ശ്രീ.ടി.സി.സെബാസ്റ്റ്യനെയും തിരഞ്ഞെടുത്തു.ഇവരുടെ നേതൃത്വത്തിൽ കമ്മിറ്റി സജീവമായി പ്രവർത്തിച്ചുതുടങ്ങിയകാര്യം എടുത്തു പറയട്ടെ.തികച്ചും ദരിദ്രരായ ജനങ്ങൾക്ക് കെട്ടിട നിർമ്മാണത്തിനാവശ്യമായ പണം സ്വരൂപിക്കുവാൻ വളരെ പ്രയാസമായിരുന്നു.ഈ അവസരത്തിൽ സ്കൂളിനാവശ്യമായ ഒരേക്കർ സ്ഥലവും നിർമ്മാണ ചെലവിലേക്ക് 500ക.യും പാറയിൽ കൃഷ്ണൻ വാഗ്ദാനം ചെയ്തു. അങ്ങനെ 1962 ജൂൺ 10-ാം തീയതി ഇന്ന് സ്കൂൾ സ്ഥിതി ചെയ്യുന്ന സ്ഥലത്ത് ലോവർ പ്രൈമറി സ്കൂളിന് പ്രവർത്തനാരംഭം കുറിച്ചു.

1980ലാണ് എൽ.പി.സ്കൂൾ യു.പി.സ്കൂളായി ഉയർത്തപ്പെടുന്നത്.ആവശ്യമായ അധ്യാപകരേയും ബഞ്ച്, ബോർഡ്,ചില്ലറ മെയിന്റനൻസ് ഫണ്ട് എന്നിവ മാത്രമേ സർക്കാർ ഭാഗത്തുനിന്നും ഈ കാലയളവിൽ സഹായമായി അന്ന് ലഭിക്കുമായിരുന്നുള്ളൂ.ബാക്കിവരുന്ന മുഴുവൻ ഭൗതികസാഹചര്യങ്ങളും ഇവിടെ നാട്ടുകാർ നിർമ്മിച്ചു നൽകിയതാണ്.യു.പി.സ്കൂൾ പ്രവർത്തിപ്പിക്കുന്നതിനാവശ്യമായ സ്ഥലം അര ഏക്കർ 80-20 നീളത്തിലും വീതിയിലുമുള്ള കെട്ടിടം ഇവ സ്വരൂപിച്ച് സർക്കാരിലേക്ക് എഴുതിനൽകണം.ശ്രീ.ടി.സി.സെബാസ്റ്റ്യന്റേയും,കെ.കെ.ജനാർദ്ദനൻ മാസ്റ്ററുടെയും നേതൃത്വത്തിലുള്ള കമ്മിറ്റി ആ ദൗത്യം പൂർത്തീകരിച്ചു.റൊക്കം പണം നൽകി അര ഏക്കർ സ്ഥലം എടുക്കാൻ നിർവ്വാഹമില്ലാത്തത് മൂലം പ്രസിഡണ്ടിന്റെ പേരിൽ തടിക്കടവ് ടൗണിലുള്ള പത്ത് സെന്റ് സ്ഥലും അതിലെ കെട്ടിടവും രജിസ്റ്റർ ചെയ്തു.ഈ അവസരത്തിൽ നാട്ടുകാരും പ്രസിഡണ്ടും മറ്റ് കമ്മിറ്റി പ്രവർത്തകരും ഊണും ഉറക്കവും മറന്ന് സ്കൂൾ നിർമ്മാണ പ്രവർത്തനത്തിൽ ഏർപ്പെട്ടു.

*നവോത്ഥാനത്തിന്റെ തുടക്കം.

മാതൃസമിതിയും സ്കൂളിന് വേണ്ടി ചെയ്ത സേവനങ്ങൾ നിരവധിയാണ്.ശ്രീ.വി.എ.ജോസഫ് വടക്കേമുറി,ശ്രീ. കെ.സി.രാമചന്ദ്രൻ,ശ്രീ.തോമസ് തോക്കനാട്ട് ശ്രീ.ഇ.വി.തോമസ് ഇബിക്കാല,ശ്രീ.ജോയി കളപ്പുര എന്നിവരുടെ യൊക്കെ നേതൃത്വം കൊണ്ട് ധന്യമായിരുന്നു ഈ പ്രസ്ഥാനം.

  അതോടൊപ്പം തന്നെ മദർ പി.ടി.എയ്ക്ക് നേതൃത്വം നൽകിയവരാണ് ശ്രീമതിമാരായ പത്മിനിവടക്കിനി പുരയിൽ,മോളി മാമൂട്ടിൽ,ഷേർളി വർഗീസ് ചിറക്കലകത്ത്,രമ കരിയിൽ,ലിസി പൂച്ചാലി,പ്രസന്ന കൃഷ്ണൻ പുതിയ പുരയിൽ തുടങ്ങിയവർ.അതു പോലെ തന്നെ നമ്മുടെ പ്രവർത്തനപാതയിൽ നമ്മെ വിട്ടുപിരിഞ്ഞ ഉപ്പേരി രാഘവൻ,ജെയിംസ് ചോക്കാട്ട്,പ്രഭാകരൻ ചാപ്പാടി എന്നിവരെയും സ്മരിക്കുന്നു. ഏത് പ്രതിസന്ധി ഘട്ടത്തിലും നമുക്ക് താങ്ങായി നിന്നവരാണ് തടിക്കടവിലെ നമ്മുടെ വ്യാപാരിസുഹൃത്തുക്കൾ.ഈ വളർച്ചയുടെ പാതയിൽ അവർ ചെയ്തു തന്ന സഹായങ്ങളും ഇവിടെ സ്മരിച്ചു കൊള്ളട്ടെ.തുടർന്ന്  ഈ വിദ്യാലയം ഒരു ഹൈസ്കൂളായി ഉയർത്തുന്നതിനുവേണ്ടിയുള്ള സജ്ജനങ്ങളായ നാട്ടുകാരുടെ സർവ്വതോന്മുഖമായ പരിശ്രമത്തിൻ്റെ ഫലമായി  ഈ സരസ്വതീ ക്ഷേത്രം ഉത്തരോത്തരം അഭിവൃദ്ധി പ്രാപിച്ച് നാടിൻ്റെ നിലവിളക്കായ്... ജ്ഞാനദീപമായ് നിലകൊള്ളുന്നു....

ഭൗതിക സാഹചര്യങ്ങൾ നേടിയെടുക്കുന്നതിൽ അഭൂതപൂർവ്വമായ നേട്ടം കൈവരിക്കുന്നതിനായി നമുക്ക് സാധിച്ചു.ബന്ധപ്പെട്ട എല്ലാ രാഷ്ട്രീയ കക്ഷികളും അതിനായി നമ്മളെ ആത്മാർത്ഥ മായും സഹായിച്ചു. അതോടൊപ്പം തന്നെ എസ്.എസ്.എ. പദ്ധതി കൂടി നടപ്പിലായതോടെ അതിനുള്ള സാധ്യത ഇരട്ടികണ്ട് വർധിപ്പിച്ചു.മാത്രമല്ല എം.പി.ഫണ്ടിൽ നിന്നും,ജില്ലാ പഞ്ചായത്ത് ഫണ്ടിൽ നിന്നും എസ്.എസ്.എ.ഫണ്ടിൽ നിന്നും അനുവദിച്ചു നൽകിയതാണ് ഇന്നു നമ്മൾ ഉപയോഗിക്കുന്ന ആധുനിക സൗകര്യമുള്ള കെട്ടിടങ്ങൾ,ക്ലസ്റ്റർ റിസോഴ്സ് സെന്ററായി പ്രവർത്തിച്ചു വരുന്ന ബിൽഡിംഗ്,ഗ്രാമപഞ്ചായത്തിൽ നിന്നു ലഭിച്ച കഞ്ഞിപ്പുര, പെൺകുട്ടികൾക്കായുള്ള മൂത്രപ്പുര, ബ്ലോക്ക് പഞ്ചായത്ത് വക ലഭിച്ച ചുറ്റുമതിൽ,കേരള വാട്ടർ അതോറിറ്റിയുടെ കുടിവെള്ള പദ്ധതി ഇവയൊക്കെ പിന്നീട് ലഭിച്ച നേട്ടങ്ങളാണ്.അതോടൊപ്പം തന്നെ ശ്രീ. സി.എം.ജോർജ്ജ് കുട്ടി മണലേൽ എന്നവർ അദ്ദേഹത്തിന്റെ സ്വന്തം ചിലവിൽ ഒരു ലക്ഷം ഉറുപ്പിക മുടക്കി നമ്മുടെ പിഞ്ചു മക്കളുടെ കഴിവു പ്രകടിപ്പിക്കാനുതകും വിധമുള്ള സൗകര്യത്തിൽ ഒരു സ്റ്റേജ് നിർമ്മിച്ചു നൽകി.ഇപ്പോൾ നിലവിൽ മികച്ച 33 ഐ.സി.ടി ക്ലാസ് മുറികൾ , സയൻസ് ലാബ് , ഐ.ടി ലാബ് , മാത്സ് ലാബ് , ലൈബ്രറി , പാചകപ്പുര , സൗകര്യങ്ങൾ, കളിസ്ഥലം , കൃഷിത്തോട്ടം , പൂന്തോട്ടം , സ്ക്കൂൾ ബസ് , ഓപ്പൺ സ്റ്റേജ് , സോളാർ പാനൽ എന്നീ ഭൗതിക സൗകര്യങ്ങൾ ഉണ്ട്.