ജി.യു.പി.എസ്. പടിഞ്ഞാറ്റുമുറി/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
പാഠം ഒന്ന് പാടത്തേക്ക്
ഞാറ്റു പാട്ടിനൊപ്പം ഉഴുതുമറിച്ച പാടത്തു ഞാറു നടുന്ന ആവേശത്തിലാണ് പടിഞ്ഞാറ്റുമ്മുറി യു പി സ്കൂളിലെ കുട്ടികൾ.അന്യം നിന്ന് പോകുന്ന കാർഷിക സംസ്കാരത്തെ തിരിച്ചു പിടിക്കാനുള്ള തീവ്ര ശ്രമത്തിലാണ് ഞങ്ങൾ
അക്ഷരവീട്
കുട്ടികളെ വായനയുടെ ലോകത്തേക്ക് കൈപിടിച്ച് ഉയർത്താനും വായനാ താല്പരരാക്കാനും ലക്ഷ്യമിട്ട് ആരംഭിച്ച പരിപാടിയാണ് അക്ഷര വീട്. വായനാ വാരത്തിനനുബന്ധിച്ച് ഇരുപത്തിനാലിനു രണ്ടാം ക്ലാസിലെ മിഹികയുടെ വീട്ടിൽ ആണ് അക്ഷരവീടിനു തുടക്കം കുറിച്ചത് . പ്രശസ്ത കവി ശ്രീ രാധാകൃഷ്ണൻ ഒള്ളൂ ർ ആണ് അക്ഷരവീട് ഉദ്ഘാടനം ചെയ്തത്
സ്നേഹോപഹാരം
പഠനോപകരണ വിതരണം
കുട്ടികൾക്ക് പഠനത്തിന് കൈത്താങ്ങായി പടിഞ്ഞാറ്റുംമുറി Gups ലെ അധ്യാപകരും ജീവനക്കാരും രംഗത്തെത്തി. സ്കൂളിലെ കാരുണ്യനിധിയുടെ കീഴിലാണ് ഈ സഹായം. നോട്ടുപുസ്തകങ്ങൾ, പേന , പെ ൻസിൽ സൗജന്യമായി നൽകിയാണ് അധ്യാപകർ വിദ്യാർഥികളോടുള്ള സ്നേഹം പ്രകടിപ്പിച്ചത്. സ്കൂളിലെ എൽ കെ ജി മുതൽ 7വരെ ക്ലാസ്സിൽ പഠിക്കുന്ന 550 കുട്ടികൾക്കുമാണ് സ്നേഹോപഹാരം നൽകിയത്. ഇതിനാവശ്യമായ 35000 രൂപ അധ്യാപകരും ജീവനക്കാരും സംഭാവനയായി എടുക്കുകയായിരുന്നു. സ്കൂളിൽ കുട്ടികളെ സഹായിക്കാൻ ഒരു സ്ഥിരം കാരുണ്യനിധി പ്രവർത്തിക്കുന്നുണ്ട്. കഴിഞ്ഞ വർഷവും ഈ നിധിയിൽ നിന്നും സൗജന്യ കിറ്റുകൾ, ടിവി, മൊബൈൽ ഫോൺ, ചികിത്സാ സഹായം, ധനസഹായം എന്നിവ നൽകിയിരുന്നു
'01 JUNE 2021 പ്രവേശനോത്സവം
പടിഞ്ഞാറ്റുംമുറി ഗവ.യുപി സ്കൂളിലെ പ്രവേശനോത്സവത്തിന് അക്ഷരദീപം തെളിഞ്ഞു. സ്കൂളിലെ മുഴുവൻ കുട്ടികളുടെയും വീടുകളിൽ ദീപം തെളിയിച്ചു കൊണ്ടായിരുന്നു പ്രവേശനോത്സവം നടത്തിയത്. ഓൺലൈനിൽ നടന്ന ചടങ്ങിൽ പഞ്ചായത്ത് പ്രസിഡൻറ് കെ.പി .ഷീബ ഉദ്ഘാടനം ചെയ്തു. പഞ്ചായത്ത് ക്ഷേമ കാര്യ ചെയർമാൻ കൈതമോളി മോഹനൻ അധ്യക്ഷത വഹിച്ചു. ചേളന്നൂർ BPO പി.ടി.ഷാജി, ഡയറ്റ് ലക്ചറർ മിത്തു തിമോത്തി, പ്രധാനാധ്യാപകൻ ഇ. സുനിൽ കുമാർ, പി.ടി.എ പ്രസിഡൻ്റ് ടി.പ്രമോദ്, പി. അർച്ചിത്, എസ്. നയനികശ്യാം എന്നിവർ പ്രസംഗിച്ചു. ഇതോടനുബന്ധിച്ച് അധ്യാപകരുടെ സ്വാഗത ഗാനം,ഇംഗ്ലീഷ് ഗാനം, അധ്യാപകരെ പരിചയപ്പെടൽ, നാടൻപാട്ട്, പുതുതായി വന്ന കുട്ടികളെ പരിചയപ്പെടൽ എന്നിവയും നടന്നു.തുടർന്ന് അക്ഷരദീപ പ്രഖ്യാപനം സീനിയർ അസിസ്റ്റൻ്റ് പി.പി. ഷീബ നടത്തി. എല്ലാ വീടുകളിലും അക്ഷര ദീപം തെളിഞ്ഞു. സ്കൂൾ തല ഉദ്ഘാടനംഒന്നാം ക്ലാസ് വിദ്യാർഥിനി കൊളങ്ങരാം പറമ്പത്ത് കെ.പി ധ്യാനയ്ക്ക് മുത്തശ്ശിജ്ഞാനമോഹിനി അക്ഷരദീപം പകർന്നു നൽകി . കൂടെഏഴാം ക്ലാസിലെ ഹർഷ വർധൻ, രണ്ടിലെ മിത്രവിന്ദ, ആറിലെ ദേവാംഗന എന്നിവർക്കും മുത്തശ്ശി ദീപം പകർന്നു. പരിപാടയോടനുബന്ധിച്ച് പുതിയ കുട്ടികൾ സ്വയം പരിചയപ്പെടുത്തുന്ന ഞാനാണ് താരം വീഡിയോയും അവതരിപ്പിച്ചു.
June 5. വിത്തൊരുക്കാം തൈ ഒരുക്കാം
ലോക പരിസ്ഥിതി ദിനത്തോടനുബന്ധിച്ച് ജൂൺ 5 ന് പടിഞ്ഞാറ്റുംമുറി ജിയുപിയിലെ കൂട്ടുകാരെല്ലാം ചേർന്ന് ആയിരം വൃക്ഷങ്ങൾ നട്ടുപിടിപ്പിക്കുകയാണ്. ഈയിടെ നമ്മെ വിട്ടുപിരിഞ്ഞ പരിസ്ഥിതി പ്രവർത്തകനായ സുന്ദർലാൽ ബഹുഗുണയ്ക്ക് ആദരം അർപ്പിച്ചു കൊണ്ട് നടുന്ന വൃക്ഷങ്ങൾക്ക് ബഹുഗുണ വൃക്ഷം എന്നാണ് പേരിട്ടത്. 2 വീതം വൃക്ഷത്തൈകൾ നട്ട് അതിന് ഒരു കാർഡ് ബോർഡിൽ ബഹുഗുണ വൃക്ഷം എന്ന് പേരെഴുതി അതിനടുത്ത് നിന്നൊരു ഫോട്ടോയെടുത്ത് ക്ലാസ് ഗ്രൂപ്പിലിട്ടു.
തേൻ കുരുവി
കെ ജി കുട്ടികൾക്കുള്ള പ്രതിമാസ online പ്രോഗ്രാംKG കുട്ടികളുടെ സർഗാത്മക കഴിവുകൾ പ്രോത്സാഹിപ്പിക്കുന്നതിനായി മാസത്തിലെ രണ്ടാമത്തെ ഞായറാഴ്ച ഓൺലൈൻ സർഗ വിരുന്ന് തേൻ കുരുവി നടത്തി വരുന്നു.
കിലുക്കാംപെട്ടി
1, 2 ക്ലാസിലെ കുട്ടികളുടെ സർഗപരിപോഷണത്തിനായി കിലുക്കാംപെട്ടി മാസത്തിലെ മൂന്നാമത്തെ ഞായറാഴ്ച നടത്തുന്നു. മൂന്ന് മുതൽ 7വരെ ക്ലാസുകളിലെ സർഗവേള മാസത്തിലെ അവസാന ഞായറാഴ്ച നടത്തുന്നു
അധ്യാപക ദിനം
സെപ്തം ബർ 5 അധ്യാപകദിനത്തിൽ കുട്ടികൾ അധ്യാപകരായി എത്തിയ Be a Teacher പരിപാടി സംഘടിപ്പിച്ചു. ഓരോ ക്ലാസിലും Teach mint വഴി നടന്ന ക്ലാസിൽ തെരഞ്ഞെടുക്കപ്പെട്ട കുട്ടികൾ അധ്യാപകരായയെത്തി മുൻകൂട്ടി ആസൂത്രണം ചെയ്ത പാഠഭാഗങ്ങൾ പഠിപ്പിച്ചു. മികച്ച പ്രകടനമാണ് ഓരോരുത്തരും കാഴ്ചവെച്ചത്.
ഹലോ കിലുക്കാം പെട്ടി
റേഡിയോ ഹലോ പടിഞ്ഞാറ്റും മുറിയുടെ 50-ാം ദിനാഘോഷത്തിൻ്റെ ഭാഗമായി രാത്രി 8 മുതൽ 9.30 വരെ ഹലോ കിലുക്കാംപെട്ടി ഗായകൻ ശ്രി. വി.ടി.മുരളി ഉദ്ഘാടനം ചെയ്തു. വിവിധ രാജ്യ ങ്ങളിൽ നിന്നുള്ള റേഡിയോ ശ്രോതാക്കൾ പരിപാടിയിൽ ആശംസകൾ അറിയിച്ചു. ഹലോ പടിഞ്ഞാറ്റും മുറി RJ മാരായ മിഹിക, അക്ഷത്കൃഷ്ണ എന്നിവർ അവതാരകരായെത്തി.
കിലുകിലുക്കാം പെട്ടി
ശിശുദിനത്തിൽ കിലുകിലുക്കാംപെട്ടി കുട്ടികളുടെ കലാപരിപാടികളോടെ സർഗ്ഗ വിരുന്ന് സംഘടിപ്പിച്ചു. ഉദ്ഘാടനം ബി.പി സി അഭിലാഷ് സർ.
ബിരിയാണി ചാലഞ്ച്
കക്കോടി: കട്ടപ്പുറത്തായ സ്കൂൾ ബസ് റോഡിലിറക്കാൻ പടിഞ്ഞാറ്റുംമുറി ജിയുപി സ്കൂളിൽ ബിരിയാണി ചാലഞ്ച് നടത്തി പണം കണ്ടെത്തി. 2012 ൽ എ കെ ശശീന്ദ്രൻ തൻ്റെ എംഎൽഎ ഫണ്ടിൽ നിന്നാണ് ബസ് നൽകിയത്. ലോക്ക് ഡൗൺ കാലത്ത് നിർത്തിയിട്ട ബസിൻ്റെ അറ്റകുറ്റപ്പണിക്കും ഇൻഷുറൻസും നികുതിയുമടക്കാനുമാണ് തുക. പി.ടി.എ യുടെ നേതൃത്വത്തിൽ രക്ഷിതാക്കളുടേയും സ്കൂൾ സപ്പോർട്ടിങ് ഗ്രൂപ്പിൻ്റേയും സഹായത്തോടെയായിരുന്നു ചാലഞ്ച്. ചാലഞ്ചിലൂടെ 5 ലക്ഷം രൂപ സമാഹരിക്കാൻ കഴിഞ്ഞതായി എച്ച് എം സുനിൽ കുമാറും പി.ടി.എ പ്രസിഡൻറ് ടി. പ്രമോദും പറഞ്ഞു. 5000 ബിരിയാണിയായിരുന്നു പ്രഖ്യാപിത ലക്ഷ്യമെങ്കിലും 6000 ബിരിയാണിക്ക് ഓർഡർ ലഭിച്ചു. പ്രദേശത്തെ പ്രമുഖ പാചക വിദഗ്ദർ സൗജന്യമായിട്ടായിരുന്നു ബിരിയാണി തയ്യാറാക്കിയത്. ബിരിയാണിയുടെ വിതരണ ഉദ്ഘാടനം സി.ഡി.ഇ വി.പി മിനി നിർവഹിച്ചു. പഞ്ചായത്ത് പ്രസിഡൻ്റ് കെ.പി.ഷീബ, ക്ഷേമകാര്യ സ്ഥിരം സമിതി അധ്യക്ഷൻ കൈതമോളി മോഹനൻ, പി.ടി.എ പ്രസിഡൻ്റ് ടി. പ്രമോദ്, എച്ച്.എം. സുനിൽകുമാർ എന്നിവർ പങ്കെടുത്തു. അറ്റകുറ്റപ്പണിക്ക് ശേഷം ബസ് ഓടാൻ തുടങ്ങി.
ഇതോടൊപ്പം സ്കൂളിലെ പാർക്കും ഗ്രൗണ്ടും നവീകരിക്കാനും പി.ടി.എ തീരുമാനിച്ചു.
