എലിപ്പനി,ഡെങ്കിപ്പനി,ചിക്കുൻഗുനിയ
വർഷം വരുമ്പോളോടിയെത്തും
കൂട്ടിനു ഛർദ്ദീം വയറിളക്കോം
എത്തും നാടുമുടിയ്ക്കാനായ്
പക്ഷിപ്പനി,കുരങ്ങുപനി,തക്കാളിപ്പനി
ഇനിയും പനികൾ പലതുണ്ട്
ഉഷ്ണം വന്നാൽ വരവായ്
ചിക്കൻപോക്സും ചെങ്കണ്ണും
ഇവയോടെല്ലാം ചെറുത്തു നിൽക്കും
മനുഷ്യൻ നല്ലൊരു പോരാളി
ഈയിടെ നാട്ടിൽ വന്നെത്തി
കൊറോണയെന്നൊരു പുതുവില്ലൻ
മനുഷ്യരെയെല്ലാം കൊന്നൊടുക്കും
ഭീകരനാമൊരു കൊലയാളി
ചെറുത്തു നിൽക്കാം തോൽപ്പിക്കാം
ശുചിത്വം,അകലം പാലിച്ച്
കേൾക്കൂ നീയിതു കൊലയാളി
തുരത്തിടും ഞങ്ങൾ കൂട്ടായ്.
