ഗുരുദേവ് യു. പി. എസ്സ് ദർശനാവട്ടം/പ്രവർത്തനങ്ങൾ/2025-26
പ്രവേശനോത്സവം
2025 ജൂൺ 2 പ്രവേശനോത്സവം പ്രശസ്ത കവി ശ്രീ മതിര ബാലചന്ദ്രൻ ഉദ്ഘാടനം ചെയ്തു .പ്രശസ്ത സിനിമ ,ടി വി താരം അനുമോൾ ടെ സാന്നിധ്യം അന്ന് സ്കൂളിൽ ഉണ്ടായിരുന്നു .ആദ്യമായി സ്കൂളിൽ ചേർന്ന എല്ലാ കുഞ്ഞു മക്കൾക്കും സമ്മാനപ്പൊതി നൽകി .സ്കൂളിലെ എല്ലാ കുട്ടികൾക്കും രക്ഷിതാക്കൾക്കും മധുരം നൽകി .
വായന യുടെ പൊരുൾ
ഈ അധ്യയന വർഷത്തെ വായനാദിനം 19/06/2025 നു പ്രശസ്ത കവി കുടിയേല ശ്രീകുമാർ സർ ഉദ്ഘാടനം ചെയ്തു .കവി പരിചയം ,കാവ്യാലാപനം ,കുഞ്ഞുണ്ണി കവിതകൾ അവതരണം ,റീഡിങ് തീയേറ്റർ ഇവ സംഘടിപ്പിച്ചു .ഓരോ കുട്ടിയും ഒരു ലൈബ്രറി പുസ്തകം എങ്കിലും വായിക്കത്തക്ക രീതിയിൽ ലൈബ്രറി മെച്ചപ്പെടുത്തി .കുട്ടികളുടെ ആസ്വാദനക്കുറിപ്പുകൾ ഉൾപ്പെടുത്തി വായനയുടെ പൊരുൾ എന്ന പുസ്തകം പ്രകാശനം ചെയ്തു .'അമ്മ വായനയെ പ്രോത്സാഹിപ്പിച്ചു കൊണ്ട് സ്കൂളിൽ വന്നു പുസ്തകം എടുക്കാൻ കഴിയാത്ത അമ്മമാർക്ക് അവരുടെ കുട്ടികളിലൂടെ പുസ്തകം വീട്ടിൽ എത്തിക്കുകയും നിശ്ചിത സമയത്തിനുള്ളിൽ തിരികെ ഏൽപ്പിക്കുന്നതിനുള്ള നിർദേശവും നൽകി .
ശാസ്ത്രമേള
2025-26 അധ്യയന വർഷത്തിൽ ശാസ്ത്രമേളയ്ക്ക് മികച്ച പ്രകടനമാണ് കാഴ്ചവയ്ക്കാൻ കഴിഞ്ഞത്. മുൻവർഷങ്ങളിലെതിനേക്കാൾ കൂടുതൽ പോയിന്റ് നേടാൻ സാധിച്ചു. പ്രവർത്തിപരിചയമേളയിലെ മത്സരിച്ച പലയിനത്തിലും 1 2 3 സ്ഥാനങ്ങളിൽ എത്താൻ സാധിച്ചു എന്നത് വലിയൊരു നേട്ടം തന്നെയാണ്. എല്ലാത്തിനുമുപരിയായി സബ്ജില്ലാതല ഐടി മേളയിൽ ഒന്നാം സ്ഥാനം കരസ്ഥമാക്കിയത് എടുത്ത് പറയത്തക്ക നേട്ടത്തിൽ ഒന്ന് തന്നെയാണ്.
കലോത്സവം
സ്കൂൾ കലോത്സവം നടത്തി ഓരോ ഇനത്തിലും പങ്കെടുക്കുന്നതിനു അതാതിനത്തിൽ കഴിവുള്ള കുട്ടികളെ കണ്ടെത്തി കുട്ടികളുടെ പഠനസമയം നഷ്ടപ്പെടാതെ പരിശീലനം നൽകി കലോത്സവത്തിൽ പങ്കെടുപ്പിക്കാൻ കഴിഞ്ഞു .യു പി വിഭാഗം ഓവറോൾ രണ്ടാം സ്ഥാനം ,സംസ്കൃതം രണ്ടാം സ്ഥാനം ,യു പി ജനറൽ മൂന്നാം സ്ഥാനം, യു പി അറബിക് അഞ്ചാം സ്ഥാനം ,എൽ പി വിഭാഗം ജനറൽ മൂന്നാം സ്ഥാനം ,അറബിക് മൂന്നാം സ്ഥാനം എന്നി ട്രോഫി കൾ നേടി .