എന്നാത്മസഖിയോട്..
ഒരു വേഴാമ്പലായി കാണണം
എന്നെ നീ
കേഴുന്നു ഞാൻ പലവട്ടം നിന്നോട്..
കാതോർത്തില്ല നീ ഒരു വട്ടവും
സകലതും അറിയുമെന്ന് നീ
ഭാവിച്ചെങ്കിലും
അറിയാതെ പോയി ഒന്നുമാത്രം
പ്രിയ കൂട്ടുകാരി..
അറിയാതെ പോയതെന്തെന്നു നീ,
അറിഞ്ഞിട്ടും നിൻ നാട്യം
നിർത്താനായില്ലേ ഇനിയും?
ഓർക്കണം നീ ജീവിതത്തിൽ
ചിലതേയുള്ളു സത്യമായി
ഇന്നിൻ്റെ കളങ്കമേശാത്ത നാളെയുണ്ടാവട്ടെ..!
താക്കീതുകൾ ഏറെ തന്നെങ്കിലും
താണ്ടി നീ പോകുന്നു മറ്റെന്തിനോ !
ഇനിയൊരവസരം കിട്ടില്ലെന്നോർക്കണം
കേഴുന്നു നിന്നോടിപ്പോഴും ഞാൻ
മഴ കൊതിക്കും വേഴാമ്പലെന്നപോൽ
നീ എനിക്കെന്നും എൻ പ്രിയ കൂട്ടുകാരി