ലോകത്തെ ഒന്നായ് വിഴുങ്ങാൻ തുടങ്ങുന്ന
നാശത്തിൻ കാലമിങ്ങെത്തി.
കൂടെയിരിക്കുവാൻ ആശ്വാസമേകുവാൻ
തൻ നിഴൽമാത്രം കൂട്ടായകാലം.
ഒന്നിൽ തുടങ്ങി പലതായ് പിരിയുന്നു
മാനവ ജീവനെ തിന്നുന്ന വ്യാധി.
പലയിടം പാർത്തവർ, പറയാതെ വന്നപ്പോൾ
ജീവൻ പൊലിഞ്ഞതും പലതായ് മാറി.
പകലില്ല ഇരവില്ല പാരിൽ
പകരം മരണം ഭയക്കുന്ന മർത്യർ മാത്രം.
കരയുന്ന മർത്യൻ കൊതിയോടെ
നോക്കുന്ന മരണം മാനിക്കുന്ന മഹാമാരി.
