എൻ ആർ പി എം എച്ച് എസ് എസ് കായംകുളം/സ്കൗട്ട്&ഗൈഡ്സ്

36 മാവേലിക്കര സ്കൗട്ട് ട്രൂപ്പ്

നമ്മുടെ സ്കൂളിൽ "36 മാവേലിക്കര സ്കൗട്ട് ട്രൂപ്പ് " കഴിഞ്ഞ ഇരുപത്തിയെട്ടോളം വർഷങ്ങളായി പ്രവർത്തിച്ചു വരുന്നു. ആദ്യം 32 സ്കൗട്ടുകൾ ഉള്ള ശ്രീ സി .ഗോപകുമാർ സ്കൗട്ട് മാസ്റ്റർ ആയ ഒരു ട്രൂപ്പ് ആയിരുന്നു പ്രവർത്തിച്ചിരുന്നത്.പിന്നീട് 2006ൽ ശ്രീ ബി .വേണുഗോപാൽ സ്കൗട്ട് മാസ്റ്റർ ആയി 1441 (B) എന്നരജിസ്ട്രേഷനിൽ രണ്ടാമത് ഒരു ട്രൂപ്പ് കൂടി ആരംഭിച്ചു . തുടർന്ന് 64 വിദ്യാർത്ഥികൾക്ക് സ്കൗട്ട് പ്രവർത്തനങ്ങൾ നടത്താൻ അവസരം ലഭി ച്ചു . ട്രൂപ്പി ൻ്റെ പ്രവർത്തനങ്ങളുടെ ഭാഗമായി പരിസ്ഥിതി സംരക്ഷം , ജൈവകൃഷി പ്രോത്സാഹനം , പ്രകൃതി സൗഹൃദ ഉത്പന്നങ്ങളുടെ നിർമ്മാണം , പൊതുജന സേവന പ്രവർത്തനങ്ങൾ, സർക്കാർ ഓഫീസുകളി ൽ ഇരിപ്പിട നിർമ്മാ ണം , കണ്ടൽസസ്യ സംരക്ഷണ പ്രവർത്തനങ്ങൾ, പ്രകൃതി പഠനം , കുട്ടികൾക്ക് വിവിധ പ്രൊഫിഷ്യൻസി ബാഡ്ജ് നേടുന്നതിനാ വശ്യമായ നിരവധി പ്രവർത്തനങ്ങൾ മുതലായവ നടന്നിട്ടുണ്ട്. സുനാമി - സുനാമി പുനരധിവാസവുമായി ബന്ധപ്പെട്ടുള്ള പ്രവർത്തനങ്ങളിലും ഈ സ്കൂൾ ട്രൂപ്പുകൾ പങ്കെ ടുത്തിട്ടുണ്ട്. ഈ പ്രവർത്തനങ്ങൾക്ക് സംസ്ഥാന അസോസിയേഷന്റെ അനുമോദനങ്ങളും അംഗീകാരങ്ങളും നമ്മുടെ ട്രൂപ്പിന് ലഭിച്ചിട്ടുണ്ട്. നമ്മുടെ കുട്ടികൾ പ്രകൃതി പഠനത്തിൻ്റെ ഭാഗമായി സൈലൻ്റ് വാലി , മുല്ലപ്പെരിയാർ, നെയ്യാർ, ചെന്തരുണി, തട്ടേക്കാട് എന്നീ സ്ഥലങ്ങളിൽ വനം വകുപ്പിന്റെ അതിഥികളായി പോയിട്ടുണ്ട്. സ്കൗട്ട് ട്രൂപ്പ് ആരംഭിച്ച കാലം മുതൽ എല്ലാ വർഷവും 12-14 വിദ്യാർത്ഥികൾ രാജ്യ പുരസ്കാർ അവാർഡുകൾ വാങ്ങിയിട്ടുണ്ട്. ഇതുവരെ 16 കുട്ടികൾ രാഷ്ട്രപതി അവാർഡ് നേടിയിട്ടുണ്ട്. ഇപ്പോഴും നമ്മുടെ ട്രൂപ്പ് അംഗത്വത്തിനു വേണ്ടി വിദ്യാർത്ഥികൾ മത്സരിക്കുന്നത് നമ്മുടെ ട്രൂപ്പ് പ്രവർത്തനങ്ങൾക്കുള്ള അംഗീകാരമായി കാണാവുന്നതാണ്.നിലവിൽ 32 സ്കൗട്ടുകൾ ഉള്ള ഒരു ട്രൂ പ്പ് മാത്രമാണ് ഉള്ളത്.ഇക്കഴിഞ്ഞ രാജ്യപുരസ്കാർ പരീക്ഷയിലും 10 വിദ്യാർത്ഥികൾ പങ്കെടുത്തു .നിരവധി വ്യക്തിഗുണങ്ങൾ നിറഞ്ഞ വിദ്യാർത്ഥികളെ വാർത്തെടുക്കാൻ നമുക്ക് കഴിഞ്ഞിട്ടുണ്ട്.

സ്കൗട്ട് & ഗൈഡ്സ്

"""""""""""'"'''''''"""'''''''''''''''''''''''''''''''

സാമൂഹ്യസേവനത്തിന്റെ മഹത്വം ജനങ്ങളിലേക്കെത്തിച്ചുകൊണ്ട് സ്കൗട്ട് & ഗൈഡ്സ് നമ്മുടെ വിദ്യാലയത്തിൽ മികവുറ്റ രീതിയിൽ പ്രവർത്തിച്ചുവരുന്നു. ശാരീരികവും മാനസികവുമായ ഉണർവ്വിലൂടെ ലോകത്തിന് മികച്ച പൗരൻമാരെ സംഭാവന ചെയ്യുക എന്നതാണ് ഈ സംഘടനയുടെ ലക്ഷ്യം. ഇതിന്റെ ഭാഗമായി നമ്മുടെ വിദ്യാലയത്തിൽ ഹോബി സെന്റർ പ്രവർത്തിച്ചുവരുന്നു.

പ്രസ്ഥാനത്തിന്റെ സ്ഥാപകൻ

റോബർട്ട് സ്റ്റീഫൻസൺ സ്മിത്ത് ബേഡൻ പവൽ(22 ഫെബ്രുവരി 1857 – 8 ജനുവരി 1941) ആണ് സ്കൗട്ട് പ്രസ്ഥാനത്തിന്റെ സ്ഥാപകൻ. ബ്രിട്ടീഷ്‌ പട്ടാളത്തിലെ ലെഫ്റ്റനന്റ് ജനറലായിരുന്നു ഇദ്ദേഹം. കുട്ടികളെ പരിശീലിപ്പിച്ചാൽ അവർ മുതിർന്നവരെ പോലെ കാര്യക്ഷമമായി പ്രവർത്തിക്കുമെന്ന് പട്ടാളത്തിൽ സേവനമനുഷ്ടിച്ചിരുന്ന കാലത്തെ ഒരനുഭവം വെച്ച് അദ്ദേഹത്തിനു തോന്നി. വിരമിച്ച ശേഷം കുട്ടികളുടെ പ്രവർത്തനശേഷിയും പ്രതികരണവും നേരിൽ കണ്ടറിയാനായി ജീവിതത്തിന്റെ വിവിധ തുറകളിലുള്ള 21 കുട്ടികളെ ഉൾപ്പെടുത്തി 1907ൽ അദ്ദേഹം ഇംഗ്ളീഷ് ചാനലിലുള്ള ബ്രൗൺസി ദ്വീപിൽ വെച്ച് ഒരു ക്യാമ്പ് നടത്തി. ഈ ക്യാമ്പിനെ ആദ്യത്തെ സ്കൗട്ട് ക്യാമ്പായി കണക്കാക്കാം.ഇന്ത്യ,അഫ്ഗാനിസ്ഥാൻ,റഷ്യ സൗത്ത് ആഫ്രിക്ക എന്നിവിടങ്ങളിൽ സേവനം അനുഷ്ഠിച്ചിട്ടുണ്ട്.

യുവാക്കളുടെ മാനസികവും ശാരീരികവും ഭൌതികവുമായ കഴിവുകളെ പരിപോഷിപ്പിച്ചു സമൂഹത്തിനും രാജ്യത്തിനും വേണ്ടി മഹത്തായ കാര്യങ്ങൾ ചെയ്യാൻ പ്രാപ്തരാക്കുകയാണ് സംഘടനയുടെ ലക്‌ഷ്യം. വിവിധ തരത്തിലുള്ള ക്യാമ്പുകൾ സംഘടിപ്പിക്കുന്നതിലൂടെ വിവിധ പ്രാദേശിക സാംസ്കാരിക സ്വഭാവങ്ങളുടെ സമന്വയമുണ്ടാക്കാനും അംഗങ്ങളിൽ ഐക്യവും ദേശീയമായ വീക്ഷണവും ഉണ്ടാക്കാൻ സഹായിക്കുന്നു.

ഗൈഡ്സ്

ബേഡൻ പവൽന്റെ ഇളയ സഹോദരി ആഗ്നസ് ബേഡൻ പവലാണ് ഗേൾ ഗൈഡ് പ്രസ്ഥാനം സ്ഥാപിച്ചത്.

സാമൂഹ്യസേവനത്തിന്റെ മഹത്വം ജനങ്ങളിലേക്കെത്തിച്ചുകൊണ്ട് സ്കൗട്ട് & ഗൈഡ്സ് നമ്മുടെ വിദ്യാലയത്തിൽ മികവുറ്റ രീതിയിൽ പ്രവർത്തിച്ചുവരുന്നു. ശാരീരികവും മാനസികവുമായ ഉണർവ്വിലൂടെ ലോകത്തിന് മികച്ച പൗരൻമാരെ സംഭാവന ചെയ്യുക എന്നതാണ് ഈ സംഘടനയുടെ ലക്ഷ്യം. ഇതിന്റെ ഭാഗമായി നമ്മുടെ വിദ്യാലയത്തിൽ ഹോബി സെന്റർ പ്രവർത്തിച്ചുവരുന്നു. 1996 ലാണ് കായംകുളം എൻ ആർ പി എം എച്ച് എസ് എസ് ൽ ഗൈഡിങ് ആരംഭിക്കുന്നത്. ലോകത്തിലെ ഏറ്റവും വലിയ യൂണിഫോം സംഘടനയാണ് സ്കൗട്ട് ആൻഡ് ഗൈഡ്സ്. കുട്ടികൾക്ക് വ്യക്തിത്വവികസനം ഉണ്ടാക്കുന്നതിനും സ്വയംപര്യാപ്തത നേടുന്നതിനും വളരെ പ്രേയോജനം ചെയ്യുന്നഒരു സംഘടനയാണിത്. പ്രവേശ്, പ്രഥമ,ദ്വിദീയ, തൃതീയ, രാജ്യപുരസ്‌കാർ, രാഷ്ട്രപതി എന്നീ ഘട്ടങ്ങളിലൂടെയാണ് കുട്ടികൾ പഠിക്കേണ്ടത്.ഗൈഡ് നിയമവും പ്രതിജ്ഞയും അനുസരിക്കുക, ദിവസേന ഒരു സൽപ്രവർത്തി ചെയ്യുക, സമൂഹസേവനം ഒക്കെയാണ് ഗൈഡിങ്ങിന്റെ ലക്ഷ്യം. എന്നാൽ വളരെ വർഷങ്ങൾ കുട്ടികൾ ഇതിനായി കഷ്ടപ്പെടുമ്പോൾ കുട്ടികൾ സ്കൂളിലെ പാട് ങ്ങൾ പഠിക്കാൻ സമയം ലഭിക്കാതെ വരുന്നു. അപ്പോൾ വിദ്യാഭ്യാസവകുപ്പ് ആനുകൂല്യമായി ഗ്രേസ് മാർക്കും അഡ്മിഷൻ ആനുകൂല്യങ്ങളും നൽകുന്നു. കേരളത്തിൽ മാത്രമേ ഗ്രേസ് മാർക്ക്‌ ഉള്ളൂ.267കുട്ടികൾക്ക് രാജ്യപുരസ്‌കാർ അവാർഡും 70കുട്ടികൾക്കു രാഷ്ട്രപതിഅവാർഡും വാങ്ങി കൊടുക്കാൻ സാധിച്ചു. ഗവർണർ, ഇന്ത്യൻ പ്രസിഡന്റ്‌ എന്നിവരുടെ കൈയൊപ്പോടു കൂടിയതാണ് ഈ സർട്ടിഫിക്കറ്റ്കൾ. ഹോമിയോ ആശുപത്രിയിൽ, വില്ലജ് ഓഫീസിൽ, പഞ്ചായത്ത്‌ ഓഫീസിൽ, ഗവ.ആശുപത്രിയിൽ, തുടങ്ങിയോ പൊതു സ്ഥാപനങ്ങളിൽ പൂന്തോട്ടം വച്ചു പിടിപ്പിക്കുക, ക്ലീനിങ്, ഉദ്ഘാടന സമയത്തു വി ഐ പി യെ സല്യൂട്ട് കൊടുത്തു സ്വീകർക്കുക, പോളിയോ വാക്സിൻ വിതരണസഹായം സുനാമി റീഹാബിലിറ്റേഷൻ പ്രവർത്തനം, സ്കൂളിലെ എല്ലാ പ്രവർത്തനങ്ങളിലും പങ്കാളി ആവുക, മുഖ്യ ധാരയിൽ ഇടപെടുക, കോവിഡ് കാലത്ത് മാസ്ക് വിതരണം, പ്ലാസ്റ്റിക് ടർണർ ടൈഡ് ലുടെ പറമ്പിലെ പ്ലാസ്റ്റിക് ശേഖരണം , പക്ഷികൾക്കു ചട്ടിയിൽ വെള്ളം കെട്ടി തൂക്കി കൊടുക്കുക തുടങ്ങി നിരവധി പ്രവർത്തങ്ങൾ ഗൈഡ്സ് ന്റെ നേതൃത്വത്തിൽ നടക്കുന്നു.