മൂക്കിനെ
കുത്തി കീറും വിധമുള്ള
മരുന്നിന്റെ രൂക്ഷ ഗന്ധം
വാനിൽ
തളം കെട്ടി നിൽക്കുന്ന നേരം
ഒരിറ്റു ശ്വാസത്തിനായി
കുരച്ചു കൊണ്ട് കെഞ്ചുന്ന
ഉറ്റവർക്കൊന്ന്
തലോടാൻ പോലുമാവാത്ത
കൊറോണ തൻ ഇരകൾ.
സാമൂഹ്യ അകലത്തിനായ്
ആസ്പത്രി വരാന്തയിലിരുന്ന്
ഡോക്ടർ മാരും
വെയിലേറ്റു പുളയുന്ന റോഡിലിരുന്ന്
ഏമാന്മാരും
അപേക്ഷിക്കുകയാണ്,
സുരക്ഷക്ക് വേണ്ടിയെങ്കിലും
കൂരയിലിരുന്ന്
രാഷ്ട്രീയം പറഞ്
കുരച്ചു ചാടുന്ന ചില മർത്യരുണ്ട്.
അവർക്കായ്
വെറുത്തു കല്ലായ മനസിനുടമ
ഒരപേക്ഷ സമർപ്പിക്കുകയാണ്
അതിജീവനത്തിന്ന് വേണ്ടിയെങ്കിലും
കൈ കോർത്തുകൂടെയെന്ന്....
