സെന്റ്. ജോൺസ്. എച്ച്.എസ് . ഇരവിപുരം./സാമൂഹ്യ പ്രവർത്തനങ്ങൾ

വിശക്കുന്നവന്റെ മുന്നിൽ ആഹാരമായും കരയുന്നവന് സ്വാന്തനമായും സാമൂഹിക പ്രവർത്തനങ്ങളിൽ എന്നും മുന്നിലാണ് ഈ സ്കൂൾ.സാമൂഹിക ഉത്തരവാദിത്തം നിറവേറ്റുന്നതിന്റെ ഭാഗമായി നന്മ ക്ലബ് 2015 ഇൽ രൂപീകരിക്കുകയും കുട്ടികൾക്കും തദ്ദേശ വാസികൾക്കും സഹായം ചെയ്യുകയും ചെയ്യുന്നു. പലപ്പോഴും അടുത്തുള്ള അഗതി മന്ദിരമായ കാരുണ്യ തീരം സന്ദർശിക്കുകയും അവരോടൊപ്പം ആഘോഷങ്ങളിൽ പങ്കെടുക്കുകയും ചെയ്യുന്നു. ശ്രീമതി ഷീല ജോർജ് ടീച്ചർ ആണ് ഇതിനു നേതൃത്വം നൽകുന്നത്. മൊത്തം സ്റ്റാഫും ഇതിനു പൂർണ പിന്തുണ നൽകുന്നു.
     2018 ഓഗസ്റ്റിലെ വെള്ളപ്പൊക്കത്തിൽ ദുരിതാശ്വാസ കേന്ദ്രമായും സ്കൂൾ പ്രവർത്തിച്ചു.എന്നും ക്യാമ്പിൽ അദ്ധ്യാപകർ തങ്ങളാലാവും വിധം മറ്റുള്ളവരെ സഹായിക്കാനെത്തി.

നല്ല പാഠം പദ്ധതി

മലയാള മനോരമയുടെ നേതൃത്വത്തിൽ കേരളത്തിലെ വിദ്യാലയങ്ങളിൽ നടക്കുന്ന സാമൂഹികപ്രവർത്തനങ്ങളെ വിലയിരുത്തി പുരസ്കാരം നൽകുന്ന പദ്ധതിയാണ് നല്ലപാഠം. മാതൃകാപ്രവർത്തനങ്ങളെ ഒരു കുട കീഴിൽ ഒന്നിപ്പിക്കുകയും അവയെ സമൂഹത്തിനുമുമ്പിൽ എത്തിയ്ക്കാനും ഈ പദ്ധതി ശ്രമിക്കുന്നു.

നല്ല പാഠത്തിൻ്റെ നേതൃത്വത്തിൽ വിവിധങ്ങളായ പദ്ധതികൾ നടക്കുന്നു.

1.ഒപ്പം (തെരുവോരങ്ങളിലെ അനാഥർക്കുള്ള ഭക്ഷണ പൊതി വിതരണം )

2. ലഹരി വിരുദ്ധ റോളർ സ്കേറ്റിംഗ് യാത്ര. 3. പുസ്തക കൂട് 4. തണൽ (തെരുവോരങ്ങളിൽ ഫലവൃക്ഷ നടീൽ) 5. അരികെ (പാലിയേറ്റിവ് കെയറിലേക്ക് ബെഡ്ഷീറ്റ് വിതരണം )

ചുമതല

ശ്രീ കിരൺ ക്രിസ്റ്റഫർ