സെൻറ് മേരീസ് എച്ച്.എസ്.എസ്.പട്ടം/അക്ഷരവൃക്ഷം/ നൊമ്പരം

നൊമ്പരം    മൂടുപടം വലിച്ചു കീറിയ സൂര്യൻ ദർശിച്ചു ആ വിറപ്പിക്കും കാഴ്ചകൾ ! ആർക്കു താങ്ങാനാകുമീ കാഴ്ചകൾ ! ഉറ്റവരുമുടയവരും കണ്ണീരിൽ മുങ്ങുന്ന കാഴ്ച ! ശവങ്ങൾ കുന്നുകൂടുന്ന കാഴ്ച ! ആശുപത്രികൾ നിറയുന്ന കാഴ്ച ! വിനാശകാരിയാം ശത്രു, പടരുന്നു ലോകമെങ്ങും ആരെയും മൃത്യുവിൻ ആഴങ്ങളിൽ തളളീടുമവൻ ജാതിമതവർഗഭേദമന്യേ കാർന്നു തിന്നുന്നു മർത്യനെ എവിടെ നിന്നു പൊട്ടി പുറപ്പെട്ടു ? എങ്ങനെ വധിക്കുമീ അസുരനെ ? സുഖലോലുപതയിൽ മതിമറന്നവർ പണത്തിനുമീതെ ഉറങ്ങിയവർ അത്യാഗ്രഹത്തിൽ ജീവിച്ചവർ പകയ്ക്കും ഈ അഘോരനു മുമ്പിൽ നഗ്ന നേത്രങ്ങൾ കൊണ്ട് കാണാൻ കഴിയാത്ത അദൃശ്യനാം ഇവനു മുന്നിൽ എന്തു ചെയ്യാൻ സാധിച്ചു അധികാരങ്ങൾക്ക് ? എന്തു ചെയ്യാൻ സാധിച്ചു സമ്പത്തിനു ? വെറുതെ വൃഥാവിലായി എന്നല്ലാതെ എന്തു ഫലമുണ്ടായി അതിനെ കൊണ്ട് ? ഇനിയെങ്കിലും തിരിച്ചറിയുക മനുഷ്യാ നീ നിൻ്റെ ജീവിതം വെള്ളത്തിലെ കുമിള പോലെയാണ് ഒരുമയെന്ന വജ്രായുധമെടുക്കാം ശുചിത്വമെന്ന പടച്ചട്ടയണിയാം. ചെറുക്കാമീ ശത്രുവിനെ നാടു വിറപ്പിച്ചു നീങ്ങുമീ ഘാതകനെ. കടന്നുപോകും ഇതും കടന്നുപോകും നല്ലതിനായി പുതിയൊരു യുഗത്തിനായി. റോഷൻ പി. 10 B സെന്റ് മേരീസ് ഹയർ സെക്കന്ററി സ്കൂൾ, പട്ടം തിരുവനന്തപുരം നോർത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sreejaashok25 തീയ്യതി: 20/ 04/ 2020 >> രചനാവിഭാഗം - കവിത