പുഴയും കുട്ടിയും
കുട്ടി പുഴയുടെ തീരത്ത് ഇരിക്കുകയാണ് . കലങ്ങി മറിഞ്ഞ വെള്ളം മനുഷ്യരുടെ മനസ്സിനെ ഓർമിപ്പിച്ചു . മീൻ കുഞ്ഞുങ്ങളുടെ സ്ഥാനത്ത് പ്ലാസ്റ്റിക്ക് കുപ്പികൾ ഓളം വെട്ടിച്ച് ഒഴുകി നടക്കുന്നു . കുമ്പിളിലെടുത്ത് കുടിക്കാൻ പോയിട്ട് തൊടാൻ പോലും പറ്റാത്ത വെള്ളം .
മുത്തശ്ശി പറഞ്ഞ കഥകളിലെ തെളിനീരൊഴുകുന്ന പായലുകൾ നിറഞ്ഞ മീൻ കുഞ്ഞുങ്ങൾ നിറഞ്ഞ ആ പുഴ അവൻ്റെ മനസ്സിൽ കൂടി കടന്നു പോയി അതിലെ വെള്ളം കരകവിഞ്ഞ് ഒഴുകിയതു പോലെ അവൻ്റെ കണ്ണുകളും ഒരു തടാകമായി മാറി . സഹ്യൻ്റെ മടിയിൽ ജനിച്ച അവളുടെ കൂടെ ഇന്ന് വരുന്നത് കറുത്ത വിഷവും പ്ലാസ്റ്റിക്ക് എന്ന 'മാന്ത്രികനും' .
"മോനെ ഇങ്ങ് വാ . നിന്നോടു പറഞ്ഞിട്ടില്ലേ ആ അഴുക്ക് വെള്ളത്തിൽ കളിക്കരുതെന്ന്".അമ്മയുടെ വിളികേട്ട് വീട്ടിലേക്ക് മടങ്ങുമ്പോഴും അവൻ്റെ മനസ്സ് ആ പുഴയായി മാറുകയായിരുന്നു .
 സാങ്കേതിക പരിശോധന - Mtdinesan തീയ്യതി: 28/ 04/ 2020 >> രചനാവിഭാഗം - കഥ
|
