സി എം എസ്എൽപിഎസ് മുണ്ടക്കയം/എന്റെ ഗ്രാമം

മുണ്ടക്കയം

കോട്ടയം ജില്ലയിലെ കിഴക്കെ അതിർത്തിയിലുള്ള ഒരു പട്ടണമാണ് മുണ്ടക്കയം.ഹൈറേഞ്ചിന്റെ കവാടം എന്നറിയപ്പെടുന്ന ഈ സ്ഥലം മണിമലയാറിന്റെ തീരത്തുള്ള ഒരു ചെറിയ പട്ടണമാണ്.കോട്ടയം ജില്ലയിലെ കാഞ്ഞിരപ്പള്ളി താലൂക്കിൽ കാഞ്ഞിരപ്പള്ളി ബ്ളോക്കിൽ മുണ്ടക്കയം, ഇടക്കുന്നം, എരുമേലി വടക്ക് വില്ലേജ് ഉൾപ്പെടുന്ന ഗ്രാമപഞ്ചായത്താണ് 56 ചതുരശ്ര കിലോമീറ്റർ വിസ്തീർണ്ണമുള്ള മുണ്ടക്കയം ഗ്രാമപഞ്ചായത്ത്.

നാമചരിത്രം

മുണ്ടക്കയം ചന്തയുടെ സമീപത്തെ കയത്തിൽ ധാരാളം മുണ്ടികൾ (ചാരകൊക്ക്) വന്നിരിക്കുമായിരുന്നുവത്രേ. ആ കയത്തെ സി. എം. എസ്. സുവിശേഷ പ്രവർത്തകനായിരുന്ന ഹെൻറി ബേക്കർ ജൂനിയർ മുണ്ടിക്കയം എന്നു വിളിച്ചു. ക്രമേണ സമീപത്തെ ചന്തയ്ക്കും ആ പേര്‌ ലഭിച്ചു. പിന്നീട് കാലാന്തരത്തിൽ അത് ലോപിച്ച് മുണ്ടക്കയം ആയിത്തീർന്നുവെന്ന് കരുതപ്പെടുന്നു.

വിദ്യാഭ്യാസരംഗം

ധാരാളം വിദ്യാലയങ്ങൾ ഉള്ള സ്ഥലമാണ്‌ മുണ്ടക്കയം. സി.എം.എസ്.എൽ.പി.സ്കൂൾ, സി.എം.എസ്.ഹൈസ്കൂൾ, വിൻഷ്യൻ സഭയുടെ കള്ളിവയലിൽ പാപ്പൻ മെമ്മോറിയൽ പബ്ലിക് സ്കൂൾ , സെന്റ് ജോസഫ് സെൻട്രൽ സ്കൂൾ,സെന്റ് ആന്റണീസ് യു.പി. സ്കൂൾ, സെന്റ് ആന്റണീസ് ഹൈസ്കൂൾ, സെന്റ് ജൊസഫ്സ് ഗേൾസ് ഹൈസ്ക്കുൾ, മുരിക്കുംവയൽ ഗവണ്മെന്റ്ഹയർ സെക്കന്ററി സ്കൂൾ,ഇന്ത്യയിലെ ആദ്യത്തെ ട്രൈബൽ മാനേജ്മെന്റിന് കീഴിലുള്ള കോളേജ് ശ്രീ ശബരീശ മുതലായവ മുണ്ടക്കയത്തെ പ്രധാന വിദ്യാലയങ്ങളാണ്‌.