പെരുമാച്ചേരി യു.പി. സ്ക്കൂൾ
| പെരുമാച്ചേരി യു.പി. സ്ക്കൂൾ | |
|---|---|
| വിലാസം | |
പെരുമാച്ചേരി | |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കണ്ണൂര്‍ |
| വിദ്യാഭ്യാസ ജില്ല | തളിപ്പറമ്പ |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 02-02-2017 | 13854 |
ചരിത്രം
തളിപ്പറമ്പ് താലൂക്കില്‍ മയ്യില്‍ വില്ലേജില്‍ മയ്യില്‍ അംശം പെരുമാച്ചേരി ദേശത്ത് 1902ല്‍ സ്ഥാപിച്ച സരസ്വതീ ക്ഷേത്രം പണ്ഡിതവരേണ്യരാലും,സ്വാതന്ത്ര്യസമരസേനാനികളാലും,സാഹിത്യകാരന്മാരാലും പേരും പെരുമയുമാര്‍ന്ന പെരുമാച്ചേരിയില്‍ ഇന്ന് പെരുമാച്ചേരി എ യു പി സ്കൂള്‍ എന്നറിയപ്പെടുന്നു. ടി.പി.ചന്തുനമ്പ്യാര്‍,കെ.എം.കമ്മാരന്‍നായര്‍,കുന്നത്ത് രാമന്‍നായര്‍ എന്നിവരുടെ ധിഷണാപരമായ ശ്രമത്തിന്‍റെ ഭാഗമായി 1898-99 കാലഘട്ടത്തില്‍ അടുത്തൊന്നും വിദ്യാലയങ്ങളില്ലാത്ത ഇവിടെ ഒരു വിദ്യാഭ്യാസസ്ഥാപനം തുടങ്ങുകയും 1902ല്‍ അംഗീകാരം നേടുകയും ചെയ്തു. കമ്മാരന്‍ മാസ്റ്റര്‍,രാമന്‍ മാസ്റ്റര്‍,ചന്തു മാസ്റ്റര്‍ എന്നിവരുടെ അശ്രാന്തപരിശ്രമം നമുക്ക് മറക്കാനാവില്ല.വിദ്യാലയത്തിന് സ്ഥലം നല്‍കാന്‍ സന്മനസ്സ് കാട്ടിയ മീത്തലെ ബാപ്രകുന്നുമ്മല്‍ കണ്ണന്‍ മാസ്റ്റര്‍ പ്രത്യേക ബഹുമതിക്ക് അര്‍ഹനാണ്.ഒന്നര ഏക്കര്‍ സ്ഥലത്ത് റെന്‍ഡ് ബില്‍ഡിങ്ങായി നടത്തി വരുന്ന വിദ്യാലയമാണ് ഇത്.
കുന്നത്ത് രാമന്‍ മാസ്റ്റര്‍,അനുജന്‍ കുന്നത്ത് കുഞ്ഞമ്മന്‍ മാസ്റ്റര്‍,അനുജന്‍ കുന്നത്ത് കണ്ണന്‍ മാസ്റ്റര്‍,കെ.എം.കമ്മാരന്‍ മാസ്റ്ററുടെ മകന്‍ കെ.വി.ചന്തുക്കുട്ടി മാസ്റ്റര്‍,കുന്നത്ത് രാമന്‍ മാസ്റ്ററുടെ മകന്‍ പി.കണ്ണന്‍ നായര്‍ എന്ന കുഞ്ഞമ്പു മാസ്റ്റര്‍,ശ്രീ സി.ഒ.കണ്ണന്‍ നായര്‍,മീത്തലെ ബാപ്രകുന്നുമ്മല്‍ കുഞ്ഞമ്പു മാസ്റ്റര്‍,കെ.എം.കമ്മാരന്‍ മാസ്റ്ററുടെ മകന്‍,ശ്രീ കെ.വി.ഗോപാലന്‍ മാസ്റ്റര്‍,ശ്രീ എം.കുഞ്ഞിക്കണ്ണന്‍ മാസ്റ്റര്‍ എന്നിവര്‍ വിദ്യാലയത്തിന്റെ പുരോഗതിക്ക് സാരഥ്യം വഹിച്ച മഹാരഥന്‍മാരാണ് എന്ന് എടുത്ത് പറയട്ടെ. എം.എല്‍.എ.ആയിരുന്ന ഇ.പി.കൃഷ്ണന്‍ നമ്പ്യാര്‍ ഈ സ്ഥാപനത്തില്‍ അധ്യാപനവൃത്തി ചെയ്തിട്ടുണ്ട്.1987ല്‍ഇ.പി.നമ്മെ വിട്ടു പിരിഞ്ഞു.
കുന്നത്ത് വീട്ടില്‍ രാമന്‍ നായര്‍,ചന്തു മാസ്റ്റര്‍,കുഞ്ഞമ്മന്‍ മാസ്റ്റര്‍,കെ.കൃഷ്ണന്‍ മാസ്റ്റര്‍,കെ.വി.പത്മനാഭന്‍ മാസ്റ്റര്‍,എം.മുഹമ്മദ്‌കുഞ്ഞി മാസ്റ്റര്‍ എന്നിവര്‍ ഈ വിദ്യാലയത്തില്‍ സര്‍വീസിലിരിക്കെ മരണപ്പെട്ടു.സ്കൂളിലെ ആദ്യ വിദ്യാര്‍ത്ഥി അനന്തന്‍ എന്ന ആണ്‍കുട്ടിയാണ്.പെണ്‍കുട്ടികളില്‍ പൈതല്‍ കുട്ടി.ആദ്യ അദ്ധ്യാപികയായി ചേര്‍ന്നത് ശ്രീമതി കെ.ദാക്ഷായണി അമ്മയാണ്.1956വരെ ലോവര്‍ പ്രൈമറിയായി നടത്തി വന്ന സ്കൂള്‍ ഇ.പി.കൃഷ്ണന്‍ നമ്പ്യാര്‍(എം.എല്‍.എ),ടി.സി.നാരായണന്‍ നമ്പ്യാര്‍(എം.എല്‍.എ)എന്നിവരുടെ പരിശ്രമഫലമായാണ് 1957ല്‍ അപ്ഗ്രേഡ് ചെയ്ത് കിട്ടിയത്.ഇപ്പോള്‍ രണ്ട് കെട്ടിടങ്ങളിലായി ഒന്ന് മുതല്‍ ഏഴുവരെ ക്ലാസ്സുകള്‍ പ്രവര്‍ത്തിക്കുന്നുണ്ട്.
കര്‍ഷകസമരം എന്നത് നമ്മുടെ പ്രദേശത്ത് ബാധിച്ചതായി അറിവില്ല.എങ്കിലും ഏന്തീ കണ്ണോത്ത് കൃഷ്ണന്‍ മാസ്റ്റര്‍,കാത്യാരത്ത് കുഞ്ഞാരന്‍ മാസ്റ്റര്‍ മാസ്റ്റര്‍ എന്നിവര്‍ക്ക് കര്‍ഷക പ്രസ്ഥാനവുമായി ബന്ധമുണ്ടായിരുന്നു.രാഷ്ട്രീയ പ്രവര്‍ത്തനം സ്കൂളിനെ ഒരു തരത്തിലും ബാധിച്ചിരുന്നില്ല.കൂലിവേല ചെയ്ത് ജീവിക്കുന്നവരാണ് നാട്ടുകാരില്‍ ഭൂരിഭാഗവും.ദാരിദ്ര്യവും പട്ടിണിയും കളിയാടിയ കാലത്ത് എത്രയോ കുട്ടികളുടെ പഠനം ഏറ്റെടുത്ത് ഉടുക്കാനും,പുസ്തകം വാങ്ങിക്കൊടുത്ത് പഠിപ്പിക്കുന്നതില്‍ അന്നത്തെ അദ്ധ്യാപകരായ ചന്തുക്കുട്ടി മാസ്റ്റര്‍,കുഞ്ഞമ്പു മാസ്റ്റര്‍,കണ്ണന്‍ മാസ്റ്റര്‍,ഗോപാലന്‍ മാസ്റ്റര്‍ എന്നിവരുടെ കാര്യക്ഷമമായ പ്രവര്‍ത്തനം സ്കൂളിന്‍റെ പുരോഗതിയെ സഹായിച്ചു.പഠനത്തില്‍ പിന്നോക്കം നില്‍ക്കുന്ന കുട്ടികളെ കുഞ്ഞമ്പു മാസ്റ്ററുടെ വീട്ടില്‍ താമസിപ്പിച്ചു പഠിപ്പിച്ച് വിജയം നേടിയ സംഭവങ്ങളുമുണ്ട്.ഈ അനുഭവങ്ങള്‍ ഓര്‍ത്തുകൊണ്ട് ശ്രീ കെ.രാഘവന്‍(വില്ലേജ് ഓഫീസര്‍)ഏഴാം ക്ലാസ്സില്‍ നിന്ന് ഏറ്റവും ഉയര്‍ന്ന മാര്‍ക്ക് കിട്ടുന്ന കുട്ടിക്കുള്ള എന്‍ഡോവ്മെന്‍റ് ഏര്‍പ്പെടുത്തി.
അദ്ധ്യാപികമാരുടെ രംഗപ്രവേശനത്തോടെ പെണ്‍കുട്ടികളുടെ അഡ്മിഷന്‍ കൂടിവന്നു.1914 ഫിബ്രവരിയില്‍ മമ്മദ് കുഞ്ഞി മാവിലക്കോട്ട് ആണ് ആദ്യമായി ചേര്‍ന്ന മുസ്ലീം ആണ്‍കുട്ടി.1954ല്‍ ആണ് മുസ്ലീം പെണ്‍കുട്ടി ചേരുന്നത്.കനിക്കുണ്ടില്‍ ആയിസ്സ.
പഠനത്തിലും പാഠ്യേതരത്തിലും പേരും പ്രശസ്തിയും നേടിയ വിദ്യാലയമാണ് ഇത്. കോല്‍ക്കളി,പൂരക്കളി.നാടകം,നൃത്തം എന്നിവ പരിശീലിപ്പിക്കുന്നതില്‍ അദ്ധ്യാപകര്‍ ശ്രദ്ധാലുക്കളായിരുന്നു.കുട്ടികള്‍ക്കുള്ള കഴിവുകള്‍,സര്‍ഗ്ഗവാസനകള്‍ പ്രകടിപ്പിക്കാനുള്ള വേദികള്‍ അന്നും ഇന്നും നിലനിന്നുപോരുന്നു.യു.എസ്.എസ്,സംസ്കൃതം സ്കോളര്‍ഷിപ്പ്‌,സുഗമ ഹിന്ദി പരീക്ഷയില്‍ റാങ്ക്,അഖിലേന്ത്യാടിസ്ഥാനത്തില്‍ ശാസ്ത്രപ്രദര്‍ശനം,സംസ്ഥാനതല കരകൌശലപ്രദര്‍ശനത്തില്‍ പങ്കെടുക്കാനുള്ള അവസരം എന്നിവ വിദ്യാലയത്തിന്റെ മാറ്റ് കൂട്ടുന്നു.സബ്ജില്ലാതല മത്സരത്തില്‍ പങ്കെടുത്ത് ജില്ലാതല മത്സരത്തില്‍ പങ്കെടുക്കാനുള്ള അര്‍ഹത ഈ വര്‍ഷവും ലഭിച്ചിട്ടുണ്ട്.
കഴിഞ്ഞ വര്‍ഷം നടന്ന റവന്യു ജില്ലാകലോല്‍സവത്തില്‍ സംസ്കൃതം നാടകത്തിന് ഒന്നാം സ്ഥാനവും, ഈ വര്‍ഷം നടന്ന റവന്യു ജില്ലാകലോല്‍സവത്തില്‍ സംസ്കൃതം പദ്യോച്ചാരണത്തില്‍ നന്ദന.സി എന്ന കുട്ടിക്ക് ഒന്നാം സ്ഥാനവും,സംസ്കൃതം നാടകത്തില്‍ രണ്ടാം സ്ഥാനവും ലഭിച്ചിട്ടുണ്ട് എന്നത് എടുത്തു പറയത്തക്ക നേട്ടം തന്നെയാണ്.
ഭൗതികസൗകര്യങ്ങള്‍
കെഇആര്‍ പ്രകാരവും പ്രീകെഇആര്‍ പ്രകാരവുമുള്ള രണ്ട് കെട്ടിടങ്ങളിലായാണ് സ്കൂള്‍ പ്രവര്‍ത്തിക്കുന്നത്.ഒന്നുമുതല്‍ ഏഴുവരെ ക്ലാസ്സുകള്‍ പ്രവര്‍ത്തിക്കുന്നു.നിലവില്‍ 11 ഡിവിഷനുകള്‍ പ്രവര്‍ത്തിച്ചുകൊണ്ടിരിക്കുന്ന ഇവിടെ 14 ഡിവിഷനുകള്‍ പ്രവര്‍ത്തിക്കാനാവശ്യമായ സൌകര്യങ്ങള്‍ ഉണ്ട്.ആണ് കുട്ടികള്‍ക്കും പെണ്‍കുട്ടികള്‍ക്കും പ്രത്യേകം ശൌചാലയങ്ങള്‍ നിലവിലുണ്ട്.
കുട്ടികള്‍ക്കാവശ്യമായ കമ്പ്യൂട്ടര്‍ പഠനസൌകര്യവും ,സൌകര്യപ്രദമായ രീതിയില്‍ പഠനപ്രവര്‍ത്തനങ്ങള്‍ പ്രദര്‍ശിപ്പിക്കാനാവശ്യമായ ഒരു എല്‍ സി ഡി പ്രോജക്ടറും ഒരു എല്‍ എഫ് ഡി യും നിലവിലുണ്ട്.
പാഠ്യേതര പ്രവര്‍ത്തനങ്ങള്‍
വിദ്യാരംഗം കലാ സാഹിത്യവേദി
വിവിധ ക്ലബ് പ്രവര്‍ത്തനങ്ങള്‍
ഗൈഡ്സ് പ്രവര്‍ത്തനം.'.
എല്‍ എസ് എസ്,യു എസ് എസ് പരിശീലനവും സംസ്കൃതം സ്കോളര്‍ഷിപ്പ്‌ പരിശീലനവും നല്കുന്നുണ്ട്.
തൊഴിലധിഷ്ഠിതവിദ്യാഭ്യാസത്തിന്‍റെ ഭാഗമായി സോപ്പ് നിര്‍മാണപരിശീലനവും നല്‍കിവരുന്നു.
== മാനേജ്‌മെന്റ്==
പെരുമാച്ചേരി എ യു പി സ്കൂള്‍ - മാനേജര്‍മാര്‍(1902 to 2015)
1 കെ.എം.കമ്മാരന്‍ മാസ്റ്റര്‍ 1902 - 1928 ചേലേരി JOINT MANAGEMENT
2 കുന്നത്ത് രാമന്‍ മാസ്റ്റര്‍ 1902 - 1928 പെരുമാച്ചേരി
3 കെ.എം.കമ്മാരന്‍ മാസ്റ്റര്‍ 1929 - 1941 ചേലേരി JOINT MANAGEMENT
4 കുന്നത്ത് കുഞ്ഞമ്മന്‍ മാസ്റ്റര്‍ 1929 - 1941 പെരുമാച്ചേരി
5 കെ.എം.കമ്മാരന്‍ മാസ്റ്റര്‍ 1941 - 1944 ചേലേരി
6 കുന്നത്ത് കണ്ണന്‍ മാസ്റ്റര്‍ 1945 - 1950 പെരുമാച്ചേരി
7 കെ.വി.ചന്തുക്കുട്ടി മാസ്റ്റര്‍ 1951 - 1984 ചേലേരി
8 കെ.വി.നാരായണി 1984 - 2009 പെരുമാച്ചേരി
9 കെ.വി.കരുണാകരന്‍ നായര്‍ 2009 - - കൊളച്ചേരി
മുന്‍സാരഥികള്‍
സ്കൂളിന്‍റെ മുന്‍ പ്രധാനാദ്ധ്യാപകര്‍:
കെ.എം.കമ്മാരന്‍ 1902 -1944
കെ.വി.ചന്തുക്കുട്ടി നായര്‍ 1944-1973
കെ.വി.ഗോപാലന്‍ നായര്‍ 1973-1984
എം.കുഞ്ഞിക്കണ്ണന്‍ നമ്പ്യാര്‍ 1984-1987
കെ.എം.രാമചന്ദ്രന്‍ 1987-1997
പി.വി.മുകുന്ദന്‍ 1997-1998
കെ.വി.കരുണാകരന്‍ 1998-2001
കെ.കമലാക്ഷി 2001-2004
വി.പി.രേണുക 2004-2016
പ്രശസ്തരായ പൂര്‍വവിദ്യാര്‍ത്ഥികള്‍
കെ.വി.രാമകൃഷ്ണന്‍ --സയന്റിസ്റ്റ് (യു.എസ്.എ.)
ഡോ:സൈനുദ്ദീന്‍ --കൊളച്ചേരി
പി.വി.വത്സന്‍ --കൊളച്ചേരി (ഭാരതീയ സ്കൌട്ട് & ഗൈഡ്സിന്റെ സംസ്ഥാനകമ്മീഷണര്‍,ദേശീയ അദ്ധ്യാപക അവാര്‍ഡ് ജേതാവ്.)
കെ.വി.സത്യവതി --തുളിച്ചേരി (സംസ്ഥാന അദ്ധ്യാപക അവാര്‍ഡ് ജേതാവും കവയിത്രിയും ഈ വിദ്യാലയത്തിലെ മുന്‍ സംസ്കൃതാധ്യാപികയുമാണ്.)
വഴികാട്ടി
{{#multimaps: 11.973512, 75.432493 | width=600px | zoom=15 }}
വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
|