ജി വി വി എസ് ഡി എൽ പി എസ് സൗത്ത് ആര്യാട്

ജി വി വി എസ് ഡി എൽ പി എസ് സൗത്ത് ആര്യാട്
വിലാസം
തെക്കനാര്യാട്
വിദ്യാഭ്യാസ ഭരണസംവിധാനം
റവന്യൂ ജില്ല	ആലപ്പുഴ
വിദ്യാഭ്യാസ ജില്ല	ആലപ്പുഴ
സ്കൂൾ ഭരണ വിഭാഗം
മാദ്ധ്യമം	മലയാളം‌ ENGLISH
അവസാനം തിരുത്തിയത്
03-02-2017	Dcalappuzha

ചരിത്രം

         ഭൂതകാല സംഭവങ്ങളുടെ എഴുതപ്പെട്ട രേഖ" എന്ന ചരിത്ര നിര്‍വ്വചനം ഏറെ അര്‍ത്ഥവത്താകുന്നത് ഭൂതകാലസംഭവങ്ങള്‍ രചിക്കപ്പെടുമ്പോഴാണല്ലോ? അത് വാമൊഴിയായി പകരുകയോ അനുഭവവേദ്യമായവയോ ആകാം. കാരണം ചരിത്രം അത് പൂര്‍ണ്ണമായും ശാസ്ത്രീയമല്ല എന്നതുകൊണ്ടുതന്നെ. എല്ലാ ചരിത്ര രേഖകള്‍ക്കും തെളിവുകള്‍ അവശേഷിക്കുക അസാധ്യമാണ്. തലമുറകള്‍ നമുക്ക് നല്‍കിയ ആ പാഠങ്ങളും അനുഷ്ഠാനങ്ങളും ഇത്തരം ചില സന്ദര്‍ഭങ്ങള്‍ മാത്രം ഇത് ഇവിടെ സൂചിപ്പിക്കുന്നത് ഒരു പുതുസമൂഹത്തിന്‍റെ പിറവിക്ക് നിദാനമായ ഒരു സരസ്വതീക്ഷേത്രത്തിന്‍റെ ചരിത്ര രേഖപ്പെടുത്തലുകള്‍ക്ക്  വേണ്ടിയാണ്.	
         "1835" വിദ്യാഭ്യാസ ചരിത്രത്തില്‍ ഒട്ടേറെ പ്രാധാന്യമുണ്ട്. അതില്‍ ഒന്ന് വില്യം ബെന്‍റിക് 1835 മാര്‍ച്ചില്‍ മെക്കാളെ മിനുട്ട്സ് അംഗീകരിക്കുകയും ഇംഗ്ലീഷിനെ ഇന്ത്യയിലെ ഔദ്യോഗിക ഭാഷയാക്കുകയും ചെയ്തു എന്നതാണ്. ഇത് ഇന്ത്യന്‍ വിദ്യാഭ്യാസത്തില്‍ പാശ്ചാത്യവല്‍ക്കരണം നടപ്പിലാക്കാന്‍ കാരണമായി. "ഇംഗ്ലീഷ് ഭാഷയാണ് ആധുനിക വിദ്യാഭ്യാസത്തിന്‍റെ കാതല്‍. ഭാരതത്തില്‍ നവോത്ഥാനം കൊണ്ടുവരുന്നതിന് ഇംഗ്ലീഷിന് കഴിയും. നാട്ടുകാര്‍ ഇംഗ്ലീഷ് പഠിക്കുന്നതിന് പൊതിവേ തല്‍പരരാണ്" തുടങ്ങിയവയായിരുന്നു മെക്കാളെയുടെ പ്രധാനശുപാര്‍ശകള്‍. ഇത് അദ്ദേഹം വെറുതെ എഴുതി തയ്യാറാക്കിയതല്ല. വൈദേശികാധിപത്യം ഏറെ കൊടുമ്പിരിക്കൊണ്ട് നമ്മുടെ രാജ്യം വിറളി പിടിച്ചപ്പോള്‍ കാര്‍ഷിക-സാമ്പത്തിക-വ്യവസായ മേഖലകള്‍ മാത്രമല്ല വിദ്യാഭ്യാസ രേഖയും കൈയടക്കാന്‍ വേണ്ടിയാവും അതിന് അദ്ദേഹം നമ്മുടെ നാടാകെ സഞ്ചരിക്കുകയും നമ്മുടെ തനത് സംസ്ക്കാരവും ജീവിതശൈലികളും രീതികളും നേരില്‍ക്കണ്ട് മനസ്സിലാക്കുകയും ചെയ്തു. ഏറെ നാളത്തെ പഠനശേഷം മെക്കാളെ ഒരു കാര്യം തീരുമാനിച്ചു. മറ്റു മേഖലകള്‍ പിടിച്ചടക്കിയപോലെ എളുപ്പമല്ല നമ്മുടെ ഭാഷാപഠനരീതിയും അടിസ്ഥാനവിദ്യാഭ്യാസ പ്രവര്‍ത്തനങ്ങളും പൊളിച്ചെഴുതി പുതിയൊരു ഭാഷാ പ്രയോഗത്തില്‍ വരുത്തുക എന്നത്. പൈതൃകമായ നമ്മുടെ സംസ്ക്കാരത്തെയും, വിദ്യാഭ്യാസ സമ്പ്രദായത്തെയും, പാശ്ചാത്യ രീതിക്ക് അനുകൂലമാക്കുവാന്‍ തന്‍റെ ഇംഗ്ലീഷ് പഠനം സമൂഹത്തിലെ മേല്‍ത്തട്ടിലുള്ളവര്‍ക്കായി നല്‍കിതുടങ്ങി. ഇത് സ്വായത്തമാക്കുന്നവര്‍ക്ക് ഏറെ ശമ്പളത്തോടെ ജോലി ലഭ്യമാക്കി.   എന്ന ഈ രീതിയില്‍ മുകള്‍ത്തട്ടില്‍ കൊടുക്കുന്ന വിദ്യാഭ്യാസം ക്രമേണ താഴെത്തട്ടില്‍ എത്തിക്കൊള്ളും എന്നതായിരുന്നു അദ്ദേഹത്തിന്‍റെ സങ്കല്‍പം. മെക്കാളെയുടെ ഈ സങ്കല്‍പം യാഥാര്‍ത്ഥ്യമാക്കുവാന്‍ ഏറെ നാളുകള്‍ വേണ്ടിവന്നില്ല എന്നതുതന്നെയാണ് മറ്റൊരു സത്യം. ഭിന്നിപ്പിക്കുക എന്ന തന്ത്രമായിരുന്നു മെക്കാളെ ഇതിലൂടെ ലക്ഷ്യം വെച്ചത്.	
         1903 കേരള ചരിത്രത്തിന്‍റെ പ്രാധാന്യം ഏറെയാണ് കേരള നവോത്ഥാനനായകരില്‍ പ്രധാനിയായ ശ്രീനാരായണ ഗുരുദേവന്‍ ശ്രീനാരായണ ധര്‍മ്മപരിപാലനയോഗത്തിന് തുടക്കംകുറിച്ചത്. വിദ്യകൊണ്ട് പ്രബുദ്ധരാകുവാന്‍ ഉപദേശിച്ചു. അതേവര്‍ഷം തന്നെയാണ് ശ്രീമൂലം പ്രജാസഭ പ്രവര്‍ത്തനമാരംഭിച്ചതും. ജാതിവ്യത്യാസം കൂടാതെ എല്ലാവര്‍ക്കും പ്രൈമറി വിദ്യാഭ്യാസം നല്‍കുന്നതാണെന്നും തിരുവിതാംകൂര്‍ ഗവണ്‍മെന്‍റ് പ്രഖ്യാപിച്ചതും ഈ പ്രഖ്യാപനവും നേരത്തെ പറഞ്ഞ ഉപദേശവും ആര്യാടെന്ന നാട്ടിന്‍പുറത്തെ വളഞ്ഞവഴിക്കല്‍ കുടുംബത്തിലെ അംഗമായിരുന്ന കുഞ്ഞന്‍ ഗോവിന്ദന്‍, സഹോദരങ്ങളായ വലിയപറമ്പില്‍ കിട്ടന്‍കുഞ്ഞ,് ചിറ്റുവേലിക്കകത്ത് ചേന്നിക്കുഞ്ഞ,് തൈവെയ്പില്‍ രാമന്‍കുട്ടി, തറയില്‍ കൃഷ്ണന്‍, കുഞ്ഞമ്മ തുടങ്ങിയ മാന്യവ്യക്തികള്‍ ചേര്‍ന്ന് ക്രിസ്തുവര്‍ഷം 1905 മെയ്മാസത്തില്‍ വളഞ്ഞവഴിക്കല്‍ സന്മാര്‍ഗ്ഗ ദീപിക പ്രാഥമിക വിദ്യാലയത്തിന് തുടക്കംകുറിച്ചു. ആരാധനയും അധ്യയനവും ഒന്നിച്ചു പോകാന്‍ വേണ്ടിയാവാം കൈതത്തില്‍ ഘണ്ഠാകര്‍ണ്ണ ക്ഷേത്രത്തിന് സമീപത്തായി വിദ്യാലയത്തിന്‍റെ ആദ്യപ്രവര്‍ത്തനം ആരംഭിച്ചത്. പ്രസ്ഥാനത്തിന്‍റെ വളര്‍ച്ചയ്ക്കും സ്കൂള്‍ നടത്തിപ്പിനുമായി സാമ്പത്തിക ക്ലേശങ്ങള്‍ നേരിടേണ്ടി വന്നപ്പോള്‍ കുടുംബക്കാര്‍ അത് അന്നത്തെ ഭരണകൂടങ്ങള്‍ക്ക് കൈമാറി (രാജഭരണകാലം) പിന്നീട് ഇതിന്‍റെ പ്രവര്‍ത്തനം ആലപ്പുഴ ഷേര്‍ത്തലൈ കനാലിനു (എ.എസ്. കനാല്‍) സമീപത്തെ വിശാലമായ സ്ഥലത്ത് അനന്തകുറുപ്പ് സാര്‍ ആദ്യ പ്രധാന അധ്യാപകനായും വിദ്യാര്‍ത്ഥിയായും ഗവ. വി.വി.എസ്.ഡി.എല്‍.പി. സ്കൂള്‍ (വളഞ്ഞവഴിക്കല്‍ സന്മാര്‍ഗ്ഗദീപിക ലോവര്‍ പ്രൈമറി സ്കൂള്‍) എന്ന് നാമകരണം ചെയ്യപ്പെട്ടുകൊണ്ട് ഇന്ന് സ്കൂള്‍ സ്ഥിതിചെയ്യുന്ന സ്ഥലത്ത് പ്രവര്‍ത്തനം തുടങ്ങി. സാധാരണക്കാരായ നിരവധി കുടുംബങ്ങളില്‍ നിന്നും ഒട്ടേറെ തലമുറകള്‍ക്ക് അറിവു നല്‍കിയ ആര്യാട് ഗ്രാമത്തിലെ ഏക സര്‍ക്കാര്‍ വിദ്യാലയം. കലാസാഹിത്യ സാംസ്കാരിക സാമുഹിക രാഷ്ട്രീയ കാര്‍ഷിക രംഗങ്ങളില്‍ തങ്ങളുടേതാകുന്ന വ്യക്തിമുദ്ര പതിപ്പിച്ച ഒട്ടേറെ വ്യക്തികളെ പൊതുസമൂഹത്തിന് സംഭാവനചെയ്ത സരസ്വതീ ക്ഷേത്രം ഈ സ്കൂളിലെ തന്നെ അധ്യാപകരായി സേവനമനുഷ്ഠിച്ച അദ്ധ്യാപകരായ ശ്രീമതി കാര്‍ത്യായനി ടീച്ചര്‍, ശ്രീ വാസു സാര്‍ എന്നിവരുടെ മക്കളും ഈ വിദ്യാലയത്തില്‍ തന്നെ പഠിച്ചവരാണ്. വളഞ്ഞവഴിക്കല്‍ കുടുംബത്തിലെ ഇന്നുള്ള ഒരു വ്യക്തിയും ചേര്‍ത്തല ശ്രീ നാരായണ കോളേജിലെ ഭൗതീക വിഭാഗം മേധാവിയുമായിരുന്ന പ്രൊഫ. സി.വി. നടരാജന്‍ സാര്‍ അദ്ദേഹത്തിന്‍റെ സഹോദരങ്ങളും മക്കളും ഈ സ്കൂളിലാണ് പഠനം പൂര്‍ത്തീകരിച്ചത്. രാഷ്ട്രീയ മേഖലയില്‍ കരുത്ത് തെളിയിച്ച കേരളത്തിലെ നിയമസഭാസാമാജികനായികുന്ന മുന്‍ എം.എല്‍.എ. എസ്. എന്ന എസ്. ദാമോദരന്‍ അദ്ദേഹത്തിന്‍റെ സഹോദരനും ഇന്ത്യന്‍ പാര്‍ലമെന്‍റ് അംഗവുമായിരുന്ന എസ്. കുമാരന്‍ എന്നിവരും ഈ സ്കൂളിന്‍റെ പൂര്‍വ വിദ്യാര്‍ത്ഥികളില്‍ ചിലരാണ്. കൂടാതെ ഇന്ന് തിരുവനന്തപുരം മെഡിക്കല്‍ കോളേജിലെ സൈക്കാട്രിവിഭാഗം പ്രൊഫസറായ ഡോ. അനില്‍കുമാര്‍ അദ്ദേഹത്തിന്‍റെ സഹോദരി ഗവ. ആശുപത്രിയിലെ ഒപ്താല്‍മോളജിസ്റ്റ് ശ്രീമതി ഡോ.ബിന്ദു പ്രഭാഷ് സ്കൂളിലെ പൂര്‍വ്വവിദ്യാര്‍ത്ഥികളാണ്.	
         ചരിത്രത്തിന്‍റെ ഏടുകളിലെന്നും തിളക്കമാര്‍ന്ന വിദ്യാഭ്യാസ പാരമ്പര്യം നിലനിര്‍ത്തി ശതോത്തര ദശവര്‍ഷം പിന്നിടുമ്പോള്‍ ഒരു പൊതുസമൂഹത്തിന്‍റെ വളര്‍ച്ചയ്ക്കുവേണ്ടി സാക്ഷ്യം വഹിക്കാന്‍ നമ്മുടെ വിദ്യാലയ മുറ്റത്തിന് കഴിഞ്ഞു എന്നതും ഏറെ അഭിമാനകരമാണ്. സമൂഹത്തിന്‍റെ വിവിധ തലങ്ങളില്‍ നമ്മുടെ വിദ്യാലത്തിന്‍റെ പേര് എഴുതിച്ചേര്‍ക്കുവാന്‍ കഴിയുന്ന നിലയില്‍ ഇവിടുന്ന് പഠിച്ചിറങ്ങിയ തലമുറയ്ക്ക് കഴിഞ്ഞു. ഏറെക്കാലം ഇവിടെ സേവനമനുഷ്ഠിച്ച അദ്ധ്യാപകരുടെയും ജീവനക്കാരുടെയും ആത്മാര്‍ത്ഥമായ പ്രവര്‍ത്തനങ്ങളും രക്ഷിതാക്കളുടെ സഹകരണ മനോഭാവവും ഈ നിലനില്‍പിന് പിന്നിലുണ്ടെന്നതില്‍ സംശയമില്ല.	 
          കാലചക്രം ചലനവേഗതയില്‍ മാറ്റം വരുത്താറില്ല. പക്ഷേ മാറ്റത്തിന്‍റെ പ്രതിധ്വനി സമൂഹത്തില്‍നിന്നും ഉടലെടുക്കുന്നു. താനും തന്‍റേതും എന്ന സ്വാര്‍ത്ഥത അതിരുകള്‍ പിന്നിടുമ്പോള്‍ അത് തരുന്നത്  പ്രകൃതിയുടെ നിലനില്‍പും സന്തുലിതാവസ്ഥയിലുള്ള വ്യത്യാസമാണ്. ഈ മാറ്റം നമ്മുടെ സ്കൂള്‍ പശ്ചാത്തലത്തിലും പ്രതിഫലിക്കേണ്ടതല്ലേ? കഴിഞ്ഞ ഒരു ദശാബ്ദംകൊണ്ട് നമ്മുടെ വിദ്യാലയ അന്തരീക്ഷത്തിനും ഗുണകരമായ മാറ്റങ്ങള്‍ ഉള്‍ക്കൊള്ളിക്കുവാന്‍ ശ്രമിച്ചിട്ടുണ്ട് എന്നത് ഇവിടെ എടുത്തുപറയട്ടെ. സാങ്കേതികവിദ്യ സമൂഹത്തിന്‍റെ സമസ്തമേഖലകളിലും സഹായകമാകുമ്പോള്‍ നമ്മുടെവിദ്യാലയവും സാങ്കേതിക വിദ്യാപഠനത്തിന്‍റെ പടവുകള്‍ പൂര്‍ത്തിയാക്കിവരുന്നു. സ്കൂള്‍ പശ്ചാത്തല സൗകര്യം ശിശു സൗഹൃദമാക്കി, പാഠ്യപാഠ്യേതര പ്രവര്‍ത്തനങ്ങള്‍ക്ക് മുന്‍തൂക്കം നല്‍കിവരുന്നു. ദൈനംദിനഅസംബ്ലിയും, വിവിധ ക്ലാസ്സ് പ്രവര്‍ത്തനങ്ങളും ക്ലബ്ബ് പ്രവര്‍ത്തനങ്ങളും ഇതില്‍ ഉള്‍പ്പെടുന്നു. പോഷക സമൃദ്ധമായ ആഹാരവും മാതൃകാ ക്ലാസ്സ് മുറികള്‍ , ചുവര്‍ചിത്രങ്ങള്‍, ഡയറി സമ്പ്രദായം, സീല്‍ ചെയ്ത് ടൈലുവിരിച്ച് വൃത്തിയുള്ള ക്ലാസ്സ്മുറികള്‍, അനുയോജ്യമായ ഫര്‍ണിച്ചറുകള്‍, ലൈബ്രറി, കമ്പ്ര്യൂട്ടര്‍ ലാബ്, ഓഫീസ് മുറികള്‍, കിച്ചണ്‍ & സ്റ്റോര്‍, മിനറല്‍വാട്ടര്‍, ആത്മാര്‍ത്ഥമായ അച്ചടക്കം, അദ്ധ്യയനം (ജഠഅ,ങജഠഅ,ജഠഅ ടങഇ പ്രവര്‍ത്തനങ്ങള്‍, കളിയുപകരണങ്ങളുടെയും, കളിക്കോപ്പുകളുടെയും സഹായത്താല്‍ കായിക പരിശീലനം, ആരോഗ്യ ബോധവത്കരണ ക്ലാസ്സുകള്‍, നൃത്ത, ചിത്രരചനാ പരിശീലനം, വിവിധ സ്കോളര്‍ഷിപ്പ് പരിശീലനം, വ്യക്തിത്വവികസനപരിപാടികള്‍ തുടങ്ങി ഒട്ടേറെ പശ്ചാത്തല സൗകര്യങ്ങളില്‍ ഒരുക്കി മേന്മയുള്ള വിദ്യാഭ്യാസം വിദ്യാര്‍ത്ഥികള്‍ക്ക് നല്‍കിവരുന്നു.

ഭൗതികസൗകര്യങ്ങള്‍

• 1. എല്ലാ ക്ലാസ്സ് മുറിയിലും വായന പരിപോഷിപ്പിക്കുന്നതിനായി വായനാമൂല.

• 2. ഗണിതാശയങ്ങള്‍ പഠിപ്പിക്കുന്നതിനായി ഗണിതകിറ്റുകള്‍

• 3. ശാസ്ത്രപഠനത്തിന് ലഘുപരീക്ഷണ സംവിധാനങ്ങള്‍

• 4. ഭാഷാപഠനത്തിന് സാഹിത്യ ക്ലബ്ബുകള്‍, വായനാ കാര്‍ഡുകള്‍, ഫ്ളാഷ് കാര്‍ഡുകള്‍, വിവിധ വേദികള്‍

• 5. ഗ്രന്ഥശാല പ്രവര്‍ത്തനങ്ങള്‍

• 6. ഇംഗ്ലീഷ് പഠനത്തിന് റീഡിംഗ് കാര്‍ഡ്, പിക്ചര്‍ കാര്‍ഡ്, മോറല്‍ ചാര്‍ട്ട്, ഗെയിംസ് എന്നിവ.

• 7. സാങ്കേതിക പഠനത്തിന് സജ്ജീകരിച്ച കമ്പ്യൂട്ടര്‍ ലാബിന്‍റെ സഹായത്തോടെ ഐ.ടി. ക്ലാസ്സുകള്‍ കൈകാര്യം ചെയ്യുന്നു.

• 8. പ്രീ-പ്രൈമറി തലം മുതല്‍ മുഴുവന്‍ കുട്ടികള്‍ക്കും കമ്പ്യൂട്ടര്‍ പഠനം.

• 9. ക്ലാസ്സ് തല പഠന പ്രവര്‍ത്തന സജ്ജീകരണത്തിന് ലാപ്ടോപ്പുകള്‍, പ്രൊജക്ടര്‍ എന്നിവ.

• 10. സി.ഡി. ലൈബ്രറി (വിവിധ വിഷയങ്ങള്‍ക്കായി).

• 11. കായിക പഠനം. കായികാദ്ധ്യാപകന്‍റെയും, കളിയുപകരണങ്ങളുടെയും സഹായത്താല്‍.

• 12. പരിചയ സമ്പന്നരായ അദ്ധ്യാപകരുടെ സഹായത്താല്‍ പ്രവൃത്തിപരിചയ പരിശീലനം.

• 13. കലാപഠനം, നൃത്തം, നാടന്‍പാട്ട് - സ്പെഷ്യല്‍ ടീച്ചറുടെ സഹായത്താല്‍.

• 14. ചിത്രകലാ അദ്ധ്യാപകരുടെ നേതൃത്വത്തില്‍ ചിത്രരചനാ, കൊളാഷ് പരിശീലനം.

പാഠ്യേതര പ്രവര്‍ത്തനങ്ങള്‍

• സ്കൗട്ട് & ഗൈഡ്സ്|സ്കൗട്ട് & ഗൈഡ്സ്
• സയന്‍‌സ് ക്ലബ്ബ്.|സയന്‍‌സ് ക്ലബ്ബ്
• ഐ.ടി. ക്ലബ്ബ്| ഐ.ടി. ക്ലബ്ബ്
• ഫിലിം ക്ലബ്ബ്|ഫിലിം ക്ലബ്ബ്
• ബാലശാസ്ത്ര കോണ്‍ഗ്രസ്സ്|ബാലശാസ്ത്ര കോണ്‍ഗ്രസ്സ്.
• വിദ്യാരംഗം കലാ സാഹിത്യ വേദി|വിദ്യാരംഗം കലാ സാഹിത്യ വേദി.

വിദ്യാരംഗം കലാസാഹിത്യവേദി : സര്‍ഗ്ഗാത്മക വാസന പരിപോഷിപ്പിക്കുന്നതിന് ഭാഷാസാഹിത്യര്ചനകളില്‍ ഏര്‍പ്പെടുന്നതിനും അവയുടെ വികസനം സാധ്യമാക്കുന്നതിനും ഭാഷാപഠനം കാര്യക്ഷമ മാക്കുന്നതിനും കുട്ടികളുടെ കൂട്ടായ്മയായ വിദ്യാരംഗം കലാസാഹിത്യവേദി വിവിധ ക്ലാസ്സുകളിലെ കുട്ടികളെ കോര്‍ത്തിണക്കി മികച്ച രീതിയില്‍ പ്രവര്‍ത്തനം നടത്തിവരുന്നു.

• ഗണിത ക്ലബ്ബ് |ഗണിത ക്ലബ്ബ്.
• സാമൂഹ്യശാസ്‌ത്ര ക്ലബ്ബ് |സാമൂഹ്യശാസ്‌ത്ര ക്ലബ്ബ്.
• പരിസ്ഥിതി ക്ലബ്ബ്|പരിസ്ഥിതി ക്ലബ്ബ്.
• ആരോഗ്യക്ലബ്ബ്

                            സീനിയര്‍ ടീച്ചറിന്‍റെ നേതൃത്വത്തില്‍ വിവിധ ക്ലാസ്സിലെ കുട്ടികളെ ഏകോപിപ്പിച്ചുകൊണ്ട് ആരോഗ്യക്ലബ്ബ് പ്രവര്‍ത്തിക്കുന്നു. വ്യക്തിശുചിത്വം, പരിസരശുചിത്വം, ആഹാരവും ആരോഗ്യവും മലിനീകരണ ദോഷങ്ങള്‍ എന്നിവയില്‍ അവബോധം സൃഷ്ടിക്കുന്നതിന് ക്ലബ്ബിന്‍റെ പ്രവര്‍ത്തനങ്ങള്‍ കുട്ടികളെ പ്രാപ്തരാക്കുന്നു.

• ജി. കെ. ക്ലബ്ബ്

           കുട്ടികളില്‍ പൊതുവിജ്ഞാനം വര്‍ദ്ധിപ്പിക്കുന്നതിനായി വിവിധ മേഖലകളില്‍ പഠന വിഷയവുമായി ബന്ധപ്പെട്ട അധിക ചോദ്യങ്ങളും ഉത്തരങ്ങളും കുട്ടികള്‍ ശേഖരിക്കുകയും എല്ലാ തിങ്കളാഴ്ചയും ഉച്ചഭക്ഷണത്തിനുശേഷം ക്ലബ്ബുകള്‍ ചേരുകയും ചോദ്യങ്ങളും ഉത്തരങ്ങളും ക്ലാസ്സ് ലീഡേഴ്സ് പരസ്പരം വിശകലനം ചെയ്ത് എഴുതി സൂക്ഷിക്കുകയും ചെയ്തുവരുന്നു. വിവിധ മത്സരപരീക്ഷകളിലും ക്വിസ് തുടങ്ങിയ പൊതുവിജ്ഞാന മത്സരവേദികളിലും ഇത് പ്രയോജനപ്രദമാകുന്നു.
    

• നന്മ ക്ലബ്ബ്

      സമൂഹത്തെ സ്കൂളുകളിലേയ്ക്ക് അടുപ്പിക്കുക എന്ന ലക്ഷ്യത്തോടെയും ഭാവിതലമുറയെ സാമൂഹിക പ്രശ്നങ്ങളില്‍ തങ്ങളുടെ കഴിവിനനുസരിച്ച് ഇടപെടുന്നതിനും സമൂഹത്തില്‍ അവശത അനുഭവിക്കുന്നവരോട് അനുകമ്പാപൂര്‍വ്വം സമീപിക്കുന്നതിന് പ്രാപ്തരാക്കുന്നതിനുവേണ്ടിനന്മ ക്ലബ്ബ് പ്രവര്‍ത്തിച്ചുവരുന്നു.

• സീഡ് ക്ലബ്ബ്

കാര്‍ഷിക മേഖലയിലെ പ്രാധാന്യം പഠന പ്രക്രിയയിലൂടെ തിരിച്ചറിയുമ്പോള്‍ തങ്ങളുടെ പങ്കും കാര്‍ഷിക മേഖലയ്ക്ക് പ്രയോജനപ്രദമാകുംവിധം വിവിധ കാര്‍ഷിക വിളകള്‍ വീടുകളിലും സ്കൂള്‍ വളപ്പിലും കൃഷി ചെയ്തുവരുന്നു. 2015-16 അദ്ധ്യയന വര്‍ഷത്തില്‍ സീഡ് ക്ലബ്ബിന്‍റെ നേതൃത്വത്തില്‍ പയര്‍, വെണ്ട, വഴുതന, തക്കാളി, പച്ചമുളക്, പാവല്‍, കറിവേപ്പ് എന്നിവ ചെറിയതോതില്‍ വിളയിച്ചെടുക്കുവാന്‍ കഴിഞ്ഞിട്ടുണ്ട്. പ്രാദേശിക കര്‍ഷകരും ഈ കൂട്ടായ്മയ്ക്ക് പ്രോത്സാഹനം നല്‍കുന്നു.

മുന്‍ സാരഥികള്‍

സ്കൂളിലെ മുന്‍ അദ്ധ്യാപകര്‍ :

1. സുരേന്ദ്രന്‍ 2005-2006
2. മേരി ജസിബനടിക്ററ് 2007-2008
3. പി ബി എലിസത്ത് 2009-2013
4. പ്രീതിജോസ് 2014....

നേട്ടങ്ങള്‍

പി റ്റി എ അവാര്‍ഡ് 2015-2016 (മികച്ചസ്ക്കൂള്‍)ചെരിച്ചുള്ള എഴുത്ത് നവതിക സ്ക്കൂള്‍ മാസിക 2016ലെ സംസ്ഥാനപുരസ്കാരം

പ്രശസ്തരായ പൂര്‍വവിദ്യാര്‍ത്ഥികള്‍

1. എസ്. കുമാരന്‍ member of parlement
2. എസ് ദാമോദര്‍ എം എല്‍ എ
3. പ്രൊഫ. സി വി നടരാജന്‍

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍ ആലപ്പുഴ - ചേര്‍ത്തല ‍ദേ‍ശീയ പാതയില്‍ (ആലപ്പുഴ നഗരത്തില്‍ നിന്നും 4 കി.മി.വടക്ക് --- ചേര്‍ത്തലയില്‍ നിന്നും 14 കി.മി.തെക്ക്) പാതിരപ്പള്ളി ബസ് സ്റ്റാന്റില്‍നിന്നും 500.മി അകലം.( പാതിരപ്പ്ള്ളി ട്രാഫിക് സുചനാവിളക്കിനു സമീപത്തുനിന്നും കിഴക്കോട്ട് എ എസ് കാനാല്‍ റോഡ്) ആലപ്പുഴ -- കൂറ്റുവേലി റോഡരികില്‍. സ്ഥിതിചെയ്യുന്നു.

{{#multimaps:9.54017,76.33149 |zoom=13}}