ഗവ ഡി വി എച്ച് എസ് എസ് , ചാരമംഗലം/സ്പോർട്ട്സ് ഗാലറി
കായികരംഗത്ത് ചാരംഗലം ഡിവി എച്ച് എസ്.എസിന്‌ ഗണ്യമായ സ്ഥാനമാണുള്ളത്. 1985 -87 കാലഘട്ടത്തിൽ ഇവിടെ ഹെഡ്‌മാസ്റ്ററായിരുന്ന ശ്രീ ഭാസ്കരപ്പണിയ്ക്കർ, അദ്ധ്യാപകരായിരുന്ന ശ്രീ സദാശിവൻ. ശ്രീ തങ്കമണി എന്നിവരുടെ താത്പര്യമാണ്‌ ഈ സ്കൂളിന്‌ കായികരംഗത്ത് ആദ്യമായി സ്ഥാനം നേടാൻ ഇടയാക്കിയത്‌. 1987ൽ അവർ നേടിയെടുത്ത ഖ്യാതി കെടാതെ സൂക്ഷിക്കുവാൻ പിന്നീടുവന്ന അദ്ധ്യാപകർക്കും കഴിഞ്ഞു എന്നതും പ്രസ്താവ്യമാണ്‌.1987 മുതൽ കായിക രംഗത്ത് ഈ സ്കൂൾ മുൻപന്തിയിൽ നിൽക്കുന്നു. 1990 മുതൽ ശ്രീ.കെ.കെ പ്രതാപന്റെ ശിക്ഷണത്തിൽ നിരവധി പ്രതിഭകളെ വാർത്തെടുക്കുവാൻ ഡി.വി. എച്ച്. എസ്, എസിനു കഴിഞ്ഞു.
1992 മുതൽ 2007 വരെ തുടർച്ചയായി 16 വർഷം വിദ്യാഭ്യാസ ജില്ലാ തലത്തിൽ ആൺകുട്ടികളുടെയും പെൺകുട്ടികളുടെയും വിഭാഗങ്ങളിൽ ഓവർ ആൾ ചാമ്പ്യൻഷിപ്പ് നേടുവാൻ ഈ സ്കൂളിനു കഴിഞ്ഞു.റവന്യൂ ജില്ലാതലത്തിൽ ഹൈസ്കൂൾ വിഭാഗത്തിൽ 7 തവണ ഓവർ ആൾ ചാമ്പ്യൻഷിപ്പും, രണ്ടു തവണ റണ്ണർ അപ്പും ആകുവാൻ ഈ സ്കൂളിനു കഴിഞ്ഞു. ഹയർ സെക്കന്ററി വിഭാഗം ആരംഭിച്ചതോടെ ആ വിഭാഗത്തിലും മൂന്നു തവണ ഓവർ ആൾ ചാമ്പ്യൻ ഷിപ്പും, പല തവണ അമച്ച്വർ മീറ്റിൽ ചാമ്പ്യൻഷിപ്പും റണ്ണർ അപ്പും നേടുവാൻ കഴിഞ്ഞു.
സംസ്ഥാന തലത്തിൽ 1991 മുതൽ 2008 വരെ 17 സ്വർണ്ണവും, 31 വെള്ളിയും, 25 വെങ്കലവും ഈ സ്കൂളിന്റെതായുണ്ട്. ദേശീയ മീറ്റിലും 4 സ്വർണ്ണവും, 3 വെള്ളിയും, 6 വെങ്കലവും നേടാൻ ഈ സ്കൂളിലെ മിടുക്കർക്കായി. ചിട്ടയായ പരിശീലനവും, കഠിന പ്രയത്നവും മാത്രമാണ്‌ സാമ്പത്തികമായി വളരെയധികം പിന്നോക്കം നിൽക്കുന്ന കുട്ടികൾക്ക് ഈ നേട്ടെങ്ങളെല്ലാം കൈവരിയ്ക്കാനായത്.
ഒളിമ്പ്യൻ മനോജ് ലാൽ, നാഷണൽ അത്‌ലറ്റിക്ക് താരമായ ഇന്ദുലേഖ തുടങ്ങി നിരവധി പ്രശസ്തരും മാധ്യമ പ്രശസ്തി നേടാതെ കായിക രംഗത്ത് ഇന്നും തുടരുന്ന നിരവധി കായിക താരങ്ങളും, പരിശീലകരും ഈ സ്കൂളിന്റെ സംഭാവനയാണ്‌.
-
ഓഫീസിൽ നിന്ന്
-
ഇന്നത്തെ താരങ്ങൾ
-
പരിശീലനം
-
നേട്ടങ്ങൾ
-
നേട്ടങ്ങൾ
-
നേട്ടങ്ങൾ
-
താരങ്ങൾ
-
ഇന്നത്തെ താരങ്ങൾ
