വെള്ളയൂർ

മലപ്പുറം ജില്ലയിലെ നിലമ്പുർ താലൂക്കിൽ കാളികാവ് പഞ്ചായത്തിലെ ഒരു ഗ്രാമമാണ് വെള്ളയൂർ .

വണ്ടൂർ വാണിയമ്പലം കറുത്തേനിയിൽ നിന്നും വലത്തോട്ട് രണ്ടു കിലോമീറ്റർ സഞ്ചരിച്ചാൽ എത്തുന്ന സ്ഥലമാണ് പൂങ്ങോട് . ഇവിടെനിന്നും നേരെ രണ്ടു കിലോമീറ്റർ കൂടി സഞ്ചരിച്ചാൽ വെള്ളയൂർ എത്താം . വെള്ളത്താൽ സമൃദ്ധമായ നാടായിരുന്നതിനാലാണ് വെള്ളയൂർ എന്ന പേര് ഗ്രാമത്തിനു ലഭിച്ചത്. ഐലാശ്ശേരി ,കാവുങ്ങൽ എന്നിവയാണ് പ്രധാന കവലകൾ.വെള്ളയൂരിലെ അതിപുരാതന തറവാടാണ് കുണ്ടുമഠം.പണ്ടുകാലത്തു ആചരിച്ചിരുന്ന പാലും വെള്ളരി ഈ തറവാട്ടിൽ വെച്ചായിരുന്നു നടത്തിയിരുന്നത്.ഇതിന്റെ അടുത്തായി രണ്ടായിരം വർഷം പഴക്കമുള്ള ഒരു ദേവിക്ഷേത്രം സ്ഥിതിചെയ്യുന്നുണ്ട്. ക്ഷേത്രത്തോട് ചാരി ഒരു കുളവും ഉണ്ട്.അതുപോലെതന്നെ വെള്ളയൂർ പ്രദേശത്തിന്റെ നൂറ്റാണ്ടുകൾ പഴക്കം ചെന്ന ഒരു പള്ളിയാണ് ജുമാ മസ്ജിദ്. ജാതി മതഭേതമന്യേ ഈ പള്ളിയിലെ നേർച്ചക്കായി ആളുകൾ സഹായിക്കുകയും പങ്കെടുക്കാറുമുണ്ട്.ഭൂമിശാസ്ത്രപരമായി നല്ലൊരു ജൈവവൈവിധ്യ മേഖലയായതിനാൽത്തന്നെ എല്ലാത്തരം കൃഷിക്കും അനുയോജ്യമാണ് ഇവിടം.ഒരു ഗ്രാമത്തിന്റെ വെളിച്ചമായ കെ.എം.എസ്.എൻ.എം.എ.യു.പി സ്കൂൾ ഇവിടെയാണ്.