എസ് എഫ് എ എച്ച് എസ് എസ്, അർത്തുങ്കൽ/അക്ഷരവൃക്ഷം/മരണത്തിന്റെ കറുത്ത കിരീടം

മരണത്തിന്റെ കറുത്ത കിരീടം രാജ്യങ്ങൾ ചുടലക്കളമാക്കി പെയ്തിറങ്ങിയ കറുത്ത പുകയിൽ കിതച്ചു മായുമ്പോൾ ഓർക്കുക മാനവാ, നീ അസ്ഥിബന്ധങ്ങളെ പൊതിഞ്ഞൊരു മാംസപിണ്ഡം. എവിടെ നിൻ സിംഹാസനം? എവിടെയാണു നിൻ രാജ്യാതിർത്തികൾ? അശ്വമേധം ജയിച്ച നിൻ തലപ്പാ- വിലെ പൊൻതൂവലെന്തേ കരിഞ്ഞുവോ? നിദ്രാവിഹീനമാം നിന്നലച്ചിലുകൾ ഒടുവിൽ ശാസ്ത്രം വഴിമുട്ടി നിൽക്കുന്ന കനൽച്ചുഴിയിൽ! അഴിച്ചുവയ്ക്കുക നിൻ രാജകീയ മുദ്ര തച്ചുടയ്ക്കുക നിൻ സിംഹാസനം മർത്യാ ഇവിടെ നീ നിസ്സാരനും നിസ്സഹായനും. ‘ഇവൻ’ വർണ്ണ വെറിയനല്ല; ഉച്ചനീചത്വമില്ല. പതിയെ പതിയെ ഒരു രാജ്യത്തിന്റെ നിയന്ത്രണം മുഴുവൻ ഏറ്റെടുക്കുന്നവൻ; ‘ഇവൻ’ കിരീടമണിഞ്ഞ രൗദ്രഭാവം. മക്കളെ കാണാതെ വായ്ക്കരിയില്ലാതെ ചുണ്ടു നനയ്ക്കാതെ യന്ത്രങ്ങളുടെ മുരൾച്ചയ്ക്കു നടുവിൽ വിടപറഞ്ഞ വൃദ്ധജനങ്ങളേ നിങ്ങൾക്കു പ്രണാമം.   ജിയന്ന സാവിയോ 9 B സെന്റ് ഫ്രാൻസീസ് അസ്സീസി എച്ച് എസ് എസ് അർത്തുങ്കൽ ചേർത്തല ഉപജില്ല ആലപ്പുഴ അക്ഷരവൃക്ഷം പദ്ധതി, 2020 കവിത