സെന്റ് മാത്യൂസ് എച്ച്.എസ്. പൊഴിയൂർ/അക്ഷരവൃക്ഷം/പ്രണയം

പ്രണയം തിരകൾ പ്രതികരിക്കുന്നു . പ്രതിഷേധിക്കുന്നു, പ്രണയിക്കുന്നു. കാമുകനായ കരയെ പുണരാൻ ഓടിയടുക്കുമ്പോഴും ചുറ്റും മുഴങ്ങുന്ന ശബ്ദങ്ങൾ അവളെ പിറകോട്ട് പിടിച്ചുവലിക്കുന്നു . അറിയാതെ തോന്നിയ പ്രണയം ഭയത്തിന്റെ നിഴൽപാടുകളാവുന്നു . വെന്തുരുകിയ വികാരങ്ങൾ അവൾക്കു ചുറ്റും പൊട്ടിച്ചിരിക്കുന്നു . കത്തിയമരുന്ന രൂപവും മുടിയിഴകൾക്കിടയിൽ ചുറ്റിപ്പിണഞ്ഞ കയർത്തുമ്പുകളും അവളെ പ്രതികാരദാഹിയാക്കുന്നു. കടന്നുകൂടിയ വികാരം ഇരുട്ടിലൊളിക്കാൻ തയ്യാറാവുന്നില്ല. അകലങ്ങൾ അടുത്താണെന്ന് ഓർത്തുകൊണ്ട് മനസ്സിനെ വിദൂരതയിൽ ഇറക്കിവെച്ചു് പ്രണയിനിയായി വീണ്ടും അടുക്കുന്നു , അകലുന്നു, പ്രത്യാശയുടെ പ്രതീകമായി .   രാഹുൽ സുരേഷ് 10 D സെന്റ് മാത്യൂസ്‌ ഹൈസ്‌ക്കൂൾ പൊഴിയൂർ ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത