സെന്റ് ലിറ്റിൽ ത്രേസ്യാസ് എൽ പി എസ് ഭരണങ്ങാനം/അക്ഷരവൃക്ഷം/കൂട്ടിലടയ്ക്കാം

കൂട്ടിലടയ്ക്കാം നേരം വെളുക്കുമ്പോൾ കൂവിയുണർത്തീടാൻ നാമൊരു പൂവനെ കൂട്ടിലാക്കി വീടിന്നുകാവലായ് വാലാട്ടി നിൽക്കുവാൻ ശുനകനെ ചങ്ങലയാൽ മെരുക്കി കൊഞ്ചിക്കളിക്കുവാൻ ഭാവിപറയുവാൻ ശാരികപ്പെണ്ണീനും കൂടൊരുക്കി പാട്ടൊന്നുപാടിപ്പറക്കുവാൻ കുയിലിനെ ഒത്തിരി നാളു തടവിലാക്കി കാട്ടിൽ മദിക്കുന്ന കൊമ്പനെ വാരി- ക്കുഴിയിൽ വീഴ്ത്തി മെരുക്കി നമ്മൾ അമ്മപ്പശുവിന്റെ പാൽ നുണയാൻ വിട്ടു പൈക്കിടാവിനെ ചതിച്ചു നമ്മൾ തേനീച്ചകൾക്കും കൂടൊരുക്കിക്കൊണ്ട് തേൻ മുഴുവനും പിഴിഞ്ഞെടുത്തു വർണ്ണക്കിളികളേ കൂട്ടിലാക്കിയെന്നും നോക്കിയിരിരുന്നു രസിച്ചുനമ്മൾ വീടിനലങ്കാരമാകുവാൻ വർണ്ണ- മീനുകളെ ചില്ലുകൂട്ടിലാക്കി കൊറോണയെന്നൊരു ഇത്തിരിഭീകരൻ നമ്മെ പിടിച്ചു തടവിലാക്കി സ്വാതന്ത്ര്യമില്ലാത്ത സ്വാതന്ത്ര്യമെന്തെന്ന് ഇനി നമുക്കുമൊന്നറിഞ്ഞിരിക്കാം നമ്മളീഭൂമിയിലെത്രനിസ്സാരമാം ജീവികളാണെന്നും തിരിച്ചറിയാം ശുചിത്വമെന്നൊരു ശീലം പാലിച്ചാൽ കൊറോണയെ പിടിച്ചുതടവിലാക്കിടാം പച്ചക്കറികളും പഴങ്ങളും തിന്നാൽ രോഗങ്ങളെ ദൂരെയകറ്റിനിർത്താം ഡെബി സ്നോബി 2 ബി എസ് എൽ ടി എൽ.പി.സ്കൂൾ, ഭരണങ്ങാനം പാലാ ഉപജില്ല കോട്ടയം അക്ഷരവൃക്ഷം പദ്ധതി, 2020 കവിത