ജിഎൽപിഎസ് ചുള്ളിക്കര
| ജിഎൽപിഎസ് ചുള്ളിക്കര | |
|---|---|
 | |
| വിലാസം | |
ചുള്ളിക്കര ചുള്ളിക്കര, , പി. ഒ.പടിമരുത് 671531 | |
| സ്ഥാപിതം | 30/09/1954 |
| വിവരങ്ങൾ | |
| ഫോൺ | 04672224499 |
| ഇമെയിൽ | 12304glpschullikkara@gmail.com |
| വെബ്‍സൈറ്റ് | 12304.chullikkaraschool.blogspot.in |
| കോഡുകൾ | |
| സ്കൂൾ കോഡ് | 12304 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കാസറഗോഡ് |
| വിദ്യാഭ്യാസ ജില്ല | കാഞ്ഞങ്ങാട് |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതു വിദ്യാലയം |
| പഠന വിഭാഗങ്ങൾ | എൽ.പി |
| മാദ്ധ്യമം | മലയാളം |
| സ്കൂൾ നേതൃത്വം | |
| പ്രധാന അദ്ധ്യാപകൻ | പി.മമ്മദ് |
| അവസാനം തിരുത്തിയത് | |
| 26-09-2017 | Visbot |
ചരിത്രം
ചുള്ളിക്കരയിൽനിന്ന് അല്പം മാറി ഇന്നത്തെകോടോം ബേളൂർ ഗ്രാമപഞ്ചായത്തിലെ പ്രശാന്ത സുന്ദരമായ എരുമപ്പളളം എന്ന സ്ഥലത്ത് 1954 സപ്തംബർ 30-ം തിയ്യതി അന്നത്തെ പട്ടേലരും പിന്നീട് ഉദുമ എം.എൽ.എയുമായ ശ്രീ.എം. കുഞ്ഞിരാമൻ നമ്പ്യാരുടെ ശ്രമഫലമായി ഈ വിദ്യാലയത്തിൻറെ പ്രവർത്തനത്തിന് തുടക്കം കുറിച്ചു. മദിരാശി സംസ്ഥാനത്തിൻറെ ഭാഗമായ സൗത്ത് കാനറ ജില്ലാ ബോർഡ് കാസർഗോഡ് താലൂക്കിൽ ആരംഭിച്ച പതിമൂന്ന് വിദ്യാലയങ്ങളിൽ ഒന്നാണ് നമ്മുടെ വിദ്യാലയം. ചുളളിക്കരയിൽ സ്ഥാപിക്കാൻ അനുമതി ലഭിച്ച വിദ്യാലയം കൊട്ടോടി , അയറോട്ട് തുടങ്ങിയ പ്രദേശങ്ങളിലെ കുട്ടികളുടെ സൗകര്യം പരിഗണിച്ചാണ് എരുമപ്പള്ളത്ത് സ്ഥാപിച്ചത്. എന്നാൽ 1955ൽ കൊട്ടോടിയിൽ തന്നെ വിദ്യാലയം അനുവദിച്ചപ്പോൾ ആദ്യത്തെ അധ്യാപകനും ഹെഡ്മാസ്റ്ററുമായ ശ്രീ.ദാമോദരൻ മാസ്റ്ററുടെയും സുമനസ്സുകളുടേയും ശ്രമഫലമായി ചെരക്കര തറവാട്ടുകാർ നല്കിയ സ്ഥലത്ത് ചുള്ളിക്കരയിൽ ഇന്ന് കാണുന്ന സ്ഥലത്തേക്ക് വിദ്യാVlt8WOKMIKലയം മാറ്റി സ്ഥാപിച്ച് പ്രവർത്തനമാരംഭിക്കുകയും ചെയ്തു. തങ്ങളുടെ പിൻതലമുറക്ക് അറിവ് പകർന്നുനല്കുന്ന വിദ്യാലയത്തിൻറെ വികസനപ്രവർത്തനങ്ങൾക്കായി പ്രദേശത്തെ പ്രമുഖരും നാട്ടുകാരും ഒരുമനസ്സോടെ പ്രവർത്തിച്ചു എന്നതിന് തെളിവാണ് ഓലഷെഡ്ഡിൽ ആരംഭിച്ച വിദ്യാലയം ചുരുങ്ങിയകാലംകൊണ്ട് തന്നെ ചുള്ളിക്കരയുടെ നെറുകയിൽ പ്രൗഢിയോടെ തലയുയർത്തി നില്ക്കാൻ സാധിച്ചു എന്നത്. ആദ്യബാച്ചിൽ തന്നെ എൺപതോളം കുട്ടികളേയും കൊണ്ട് പ്രവർത്തനമാരംഭിച്ച ഈ വിദ്യാലയത്തിന് പാഠ്യപാഠ്യേതര മേഖലകളിലെ ശ്രദ്ധേയമായ പ്രവർത്തനങ്ങൾകൊണ്ട് ജില്ലയിലെതന്നെ മികച്ച വിദ്യാലയങ്ങളിലൊന്നാകാൻ സാധിച്ചുവെന്നത് അഭിമാന കര മാണ്. കഥപറയുന്ന കൽത്തൂണുകൾ, പുസ്തകപ്പത്തായം പോലുള്ള സംസ്ഥാനതല ത്തിൽ ത്ന്നെ ശ്രദ്ധിക്കപ്പെട്ട പ്രവർത്തനങ്ങൾ സംഭാവന ചെയ്ത ഈ വിദ്യാലയത്തിൽ 60%ത്തോളം വിദ്യാർത്ഥികളും എസ്.ടി. വിഭാഗത്തിൽ പെട്ടവരാണെന്നത് മറ്റൊരു പ്രത്യേ കതയാണ്. 2011-12 ൽ പഠനം ലളിതമാക്കാൻ ഒരുക്കിയ കഥപറയുന്ന കൽത്തൂണുകൾ സംസ്ഥാനതലത്തിൽ തന്നെ ശ്രദ്ധനേടുകയും പലവിദ്യാലയങ്ങളും അനുകരിക്കുകയും മാതൃക യാക്കുകയും ചെയ്തത് വിദ്യാലയത്തിന് ലഭിച്ച അംഗീകാരമാണ്. മാറിമാറിവന്ന പിടിഎയും അദ്ധ്യാപകരും തദ്ദേശസ്വയംഭരണ സ്ഥാപനങ്ങളും വിദ്യാലയത്തിൻറെ പഠന മികവിനോടൊപ്പം മികച്ച ഭൗതികസൗകര്യങ്ങളും ഒരുക്കിയപ്പോൾ ഇംഗ്ലീഷ് മീഡിയം വിദ്യാലയങ്ങളുടെ നടുവിലും ചുള്ളിക്കരയുടെ അഭിമാനമാനമായി ഈ വിദ്യാലയം മാറി എന്നത് ശ്രദ്ധേയമാണ്.
ഭൗതികസൗകര്യങ്ങൾ
പഴയ ഓടുമേഞ്ഞകെട്ടിടത്തിന് പുറമേ 4കോൺകീറ്റ് കെട്ടിടങ്ങൾ, കഞ്ഞിപ്പുര, ക്ലസ്റ്റർ സെൻറർ, ടോയിലറ്റ്, ലൈബ്രറി, വാട്ടർ പ്യൂരിഫയർ, മഴവെള്ള സംഭരണി, ചുറ്റുമതിൽ, ഇൻറർലോക്ക് ഓപ്പൺ അസംബ്ലിഹാൾ തുടങ്ങി ആകർഷകമായ ഭൗതികസൗകര്യങ്ങളുണ്ട്.
പഠനാനുബന്ധ പ്രവർത്തനങ്ങൾ
- പുസ്തകപ്പത്തായം, ഹോണസ്റ്റിഷോപ്പ്, ശുചിത്വസേന, സാക്ഷരംപ്രവർത്തനം, കലാകായിക പ്രവർത്തനങ്ങൾ, അസംബ്ലി, ഇംഗ്ലീഷ് അസംബ്ലി, കഥപറയുന്ന കൽത്തൂണുകൾ, ദിനാചരണങ്ങൾ, ആഘോഷങ്ങൾ, ബർത്ത്ഡേ ഗിഫ്റ്റ്, വായനാക്കുറിപ്പ്, ഈസി ഇംഗ്ലീഷ് ,പത്രവായന, ഡയറി തുടങ്ങിയ പ്രവർത്തനങ്ങൾ.
മുൻ പ്രധാനാധ്യാപകർ
ശ്രീ.ദാമോദരൻ മാസ്റ്റർ, പി.യു.ജോസഫ്, പി.യു.ഏലി, കെ.ടി.ലില്ലിക്കുട്ടി, കാർത്യായനി, നളിനി,ഗോപാലൻ എന്നിവർ മുൻ ഹെഡ്മാസ്റ്റർമാരായിരുന്നു.
പ്രശസ്തരായ പൂർവവിദ്യാർത്ഥികൾ
പി.കെ.സ്റ്റീഫൺ (റിട്ടയേഡ് ട്രാൻസ്പോർട്ട് അസിസ്റ്റൻറ് കമ്മീഷണർ), സി.കുഞ്ഞിക്കണ്ണൻ(പ്രസിഡൻറ് കോടോംബേളൂർ ഗ്രാമപഞ്ചായത്ത്), സി.ജെ.കൃഷ്മൻ(എഞ്ചിനിയർ പി.ഡബ്ല്യു.ഡി), ഗോപാലൻ നായർ (റിട്ടയേർഡ് എസ്.ബി.ഐ മാനേജർ), എഎസ്.ഐ ജോസ് തുടങ്ങി ഒട്ടനേകംപ്രശസ്തരായ വ്യക്തികൾ ഈ വിദ്യാലയത്തിലെ പൂർവ്വവിദ്യാർത്ഥികളായിരുന്നു
വഴികാട്ടി
കാഞ്ഞങ്ങാട്-പാണത്തൂർ റൂട്ടിൽ ചുള്ളിക്കര ബസ്സ്റ്റോപ്പിൽ നിന്നും 100 മീറ്റർ ദൂരം.