എ.എൽ.പി.എസ് വീരോലിപ്പാടം

ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.

എ.എൽ.പി.എസ് വീരോലിപ്പാടം
വിലാസം
വീരോലിപ്പാടം
സ്ഥാപിതം	01 - 06 -
വിദ്യാഭ്യാസ ഭരണസംവിധാനം
റവന്യൂ ജില്ല	തൃശ്ശൂര്‍
വിദ്യാഭ്യാസ ജില്ല	ചാവക്കാട്
സ്കൂൾ ഭരണ വിഭാഗം
മാദ്ധ്യമം	മലയാളം‌
അവസാനം തിരുത്തിയത്
23-01-2017	24649

ചരിത്രം

ദൈവത്തിന്റെ സ്വന്തം നാടായ കേരളത്തിന്റെ സാംസ്ക്കാരിക തലസ്ഥാനമായതൃശ്ശൂർ ജില്ലയിലെ തെക്കുംകര ഗ്രാമപഞ്ചായത്തിന് അഭിമാനമായി തലയുയർത്തി നിൽക്കുന്ന വിദ്യാലയമാണ് എ .എൽ .പി .എസ് .വീരോലിപ്പാടം .മച്ചാട് മലയോരമേഖലയിലെ കുടിയേറിയവർക്ക് തങ്ങളുടെ മക്കളുടെ വിദ്യാഭ്യാസം ഒരു പ്രശ്നമായി നേരിട്ടിരുന്നു .അന്ന് പുന്നംപറമ്പിൽ ഒരു അപ്പർപ്രൈമറി സ്കൂൾ മാത്രമാണുണ്ടായിരുന്നത് .റോഡ് ഗതാഗതസൗകര്യമില്ലാതിരുന്ന ആ കാലഘട്ടത്തിൽ പ്രാഥമികവിദ്യാഭ്യാസത്തിനുവേണ്ടിയുള്ള യാത്ര വളരെ ക്ലേശകരമായിരുന്നു .1962 ൽ തെക്കുംകര ഗ്രാമപഞ്ചായത് രൂപംകൊള്ളുകയും തദ്ദേശസ്വയംഭരണസ്ഥാപനങ്ങളിലേക്കു തെരഞ്ഞെടുപ്പ് നടത്തിയതിൽ മലാക്ക വാർഡിൽനിന്നും ശ്രീ .എം .എം എബ്രഹാം വിജയിക്കുകയും ബഹുമുഖസംഘടനാപ്രവർത്തനങ്ങളിൽ ഏർപ്പെട്ടിരുന്ന അദ്ദേഹത്തിന് തീർത്തും പിന്നോക്കാവസ്ഥയിലായിരുന്ന ഈ പ്രദേശത്തു ഒരു പ്രൈമറിവിദ്യാലയം രൂപംകൊള്ളേണ്ടത്തിന്റെ ആവശ്യകത മനസ്സിലായി .കര്ഷകസംഘത്തിന്റെയും മറ്റു പുരോഗമനചിന്താഗതിക്കാരുടെയും അശ്രാന്തപരിശ്രമത്തിന്റെ ഫലമായി 1964 ജൂൺ 1 ന് സ്കൂൾ തുടങ്ങാൻ ഗവൺമെന്റിൽനിന്നും ഓർഡർ ലഭിച്ചു .കർഷകപ്രമുഖനും സാമൂഹികപ്രവർത്തകനുമായ ശ്രീ .മാഞ്ചേരികൃഷ്ണൻ സ്കൂളിനുവേണ്ടി സ്ഥലം നൽകി .തുടക്കത്തിൽ 102 കുട്ടികളെ പ്രവേശിപ്പിച്ചു 2 അധ്യാപകരുമായി ഒരു താൽക്കാലിക ഓലമേഞ്ഞഷെഡ്‌ഡിൽ സ്കൂൾ പ്രവർത്തനമാരംഭിച്ചു .തുടർന്ന് 1968 ഇൽ ഒരു സമ്പൂർണ്ണ എൽപി സ്കൂൾ ആയി ഉയരുകയും 10 ക്ലാസ്സ്മുറികൾ ഉൾപ്പെടുന്ന ഒരു കെട്ടിടം ഉണ്ടാവുകയും ചെയ്തു .

40 വർഷത്തോളം സ്കൂളിനെ ഉന്നതിയിലേക്ക് നയിച്ച മാനേജർ ശ്രീ .എം .എം എബ്രഹാം 2003 -2004 ഇൽ ഗുരുചൈതന്യ ചാരിറ്റബിൾ ട്രസ്റ്റിന് സ്കൂൾ കൈമാറി .ഇതിൽ ശ്രീ .കെ .എസ് .അശോക്‌ കുമാറാണ് ഇന്നത്തെ സ്കൂളിന്റെ മാനേജർ .ഇതുവരെയുള്ള പ്രവർത്തനങ്ങൾ വിലയിരുത്തിയാൽ സ്കൂളിനും നാടിനും അഭിമാനമാക്കാവുന്ന നേട്ടങ്ങളാണ് ഈ വിദ്യാലയം കരസ്ഥമാക്കിയിരിക്കുന്നത് .പാഠ്യ പഠ്യേതര മത്സരങ്ങളിൽ സമ്മാനങ്ങളും ,ബഹുമതികളും വാരിക്കൂട്ടി നമ്മുടെ സ്കൂൾ മുന്നേറിക്കൊണ്ടിരിക്കുകയാണ് .കുട്ടികളുടെ പഠന നിലവാരം ഉയർത്തുന്നതിനും സ്വഭാവരൂപീകരണത്തിനും വേണ്ടി ഇവിടുത്തെ അദ്ധ്യാപകരോടൊപ്പം മാനേജ്മെന്റും രക്ഷിതാക്കളും കൈകോർത്തു മുന്നേറുന്നു .

ഭൗതികസൗകര്യങ്ങള്‍

ഒരേക്കർ സ്ഥലത്തു ഓഫീസ്അടക്കം 10മുറികളിലായി ഈ സ്കൂൾ പ്രവർത്തിച്ചുവരുന്നു . വിശാലമായ ഒരു സ്കൂൾമൈതാനവും യൂറിനൽ സൗകര്യവും ഈ സ്കൂളിലുണ്ട് .കുടിവെള്ളത്തിനായി ജലനിധി പദ്ധതിയോടനുബന്ധിച്ചു നിർമ്മിച്ച വാട്ടർടാങ്ക് ,പൈപ്പ് ,ചുറ്റുമതിൽ കെട്ടിനിർമ്മിച്ച കിണർ എന്നിവയെ ആശ്രയിക്കുന്നു .സുവർണജൂബിലിയോടനുബന്ധിച്ചു നിർമ്മിച്ച ഒരു സ്റ്റേജ് സ്കൂളിണ്ട് . കുട്ടികളുടെ യാത്രസൗകര്യത്തിനായി സ്കൂൾബസ് സ്വന്തമായിട്ടുണ്ട് .

പാഠ്യേതര പ്രവര്‍ത്തനങ്ങള്‍

കബ്ബ്‌ -ബുൾബുൾ== ഈ സ്കൂളിൽ കബ്ബിന്റെയും ബുൾബുള്ളിന്റെയും ഓരോ യൂണിറ്റുവീതം പ്രവർത്തിച്ചുവരുന്നു .ഉപജില്ലാമത്സരങ്ങളിൽ ഉന്നതസ്ഥാനങ്ങൾ കരസ്ഥമാക്കിവരുന്നു . മേളകൾ == സ്കൂൾ തലത്തിൽ എഡ്യൂഫെസ്റ്റ് ,മെട്രിക്‌മേള ,ശാസ്ത്രമേള എന്നിവ എല്ലാവർഷവും നടത്തുകയും മികച്ചപ്രവർത്തനങ്ങൾ പഞ്ചായത്തുതലമത്സരങ്ങളിൽ പങ്കെടുപ്പിക്കുകയും സമ്മാനങ്ങൾ കരസ്ഥമാക്കുകയും ചെയ്യുന്നുണ്ട് .ഉപജില്ലാ കലോത്സവത്തിൽ കുട്ടികളെ പങ്കെടുപ്പിക്കുകയും എല്ലാവർഷവും സമ്മാനങ്ങൾ കരസ്ഥമാക്കിവരുന്നു കുട്ടികളുടെ കായികശേഷി വികസിപ്പിക്കുന്നതിനായി കായികമത്സരങ്ങൾ എല്ലാ വർഷവും നടത്താറുണ്ട്.

മുന്‍ സാരഥികള്‍

ശ്രീമതി :അല്ലി ടീച്ചർ ,ശ്രീ .ചാക്കോമാഷ് , ശ്രീ . വർഗീസ്മാസ്റ്റർ , ശ്രീ. ടി എം തോമസ്മാസ്റ്റർ , ശ്രീ. എം കെ ഷണ്മുഖൻ മാസ്റ്റർ , ശ്രീമതി .കെ വി ഏല്യാമ്മ ടീച്ചർ എന്നിവർ ഇവിടെ സേവനമനുഷ്‌ഠിച്ചിട്ടുണ്ട് .

പ്രശസ്തരായ പൂര്‍വവിദ്യാര്‍ത്ഥികള്‍

ഈ വിദ്യാലയത്തിൽ പഠിച്ച പല വിദ്യാർത്ഥികളും ഇന്ന് സമൂഹത്തിലെ വിവിധ മേഖലകളിൽ സേവനമനുഷ്‌ഠിച്ചുവരുന്നു .ആതുരസേവനരംഗത്തും ,രാഷ്ട്രീയരംഗങ്ങളിലും ,കലാസാംസ്കാരികരംഗങ്ങളിലും മികവുപുലർത്തിവരുന്ന നിരവധി പൂർവിദ്യാർത്ഥികൾ സ്കൂളിനുണ്ട്.

വഴികാട്ടി

{{#multimaps:10.62208,76.28793|zoom=10}}