ലോഗരിതം
ഒരു ആധാരസംഖ്യയുടെ എത്രാമത് ഘാതമാണ് നിര്‍ദ്ദിഷ്ടസംഖ്യ എന്ന് കാണിക്കുന്ന സംഖ്യ അതായത് ഘാതാങ്കം ആണ് ലോഗരിതം. m എന്ന സംഖ്യയെ an എന്ന രൂപത്തിലെഴുതിയാല്‍ a ആധാരവും n, m-ന്റെ ലോഗരിതവും ആണ്.
പൂര്‍ണ്ണസംഖ്യയും ദശാംശസംഖ്യയും ചേര്‍ന്നതാണ് ലോഗരിതം. പൂര്‍ണ്ണസംഖ്യയെ പൂര്‍ണ്ണാംശം എന്നും ദശാംശസംഖ്യയെ ഭിന്നാംശം എന്നും വിളിക്കുന്നു. ഉദാഹരണത്തിന് 2.345 എന്നതില്‍ 2 പൂര്‍ണ്ണാംശവും 0.345എന്നത് ഭിന്നാംശവും ആണ്.
രണ്ട് തരം ലോഗരിതങ്ങള്‍ ഉപയോഗത്തിലുണ്ട്.
- സാധാരണ ലോഗരിതം(Common logarithm) അഥവാ ബ്രിഗ് ലോഗരിതം. 10 ആധാരമായ ലോഗരിതമാണ് സാധാരണ ലോഗരിതം. ഇതിനെ log എന്നാണ് സൂചിപ്പിക്കുന്നത്.
- സ്വാഭാവിക ലോഗരിതം(Natural logarithm) അഥവാ നേപിയര്‍ ലോഗരിതം. e ആധാരമായ ലോഗരിതമാണ് സ്വാഭാവിക ലോഗരിതം. ഇതിനെ loge എന്നോ ln എന്നോ സൂചിപ്പിക്കുന്നു.
അവലംബം
ഹൈസ്കൂള്‍ ശാസ്ത്രനിഘണ്ടു,കേരള ശാസ്ത്രസാഹിത്യപരിഷത്ത് പ്രസിദ്ധീകരണം
