ഫാത്തിമാബി മെമ്മോറിയൽ എച്ച്.എസ്സ്.എസ്സ് കൂമ്പാറ/പ്രവർത്തനങ്ങൾ/2024-25

ഒരുക്കം അവധിക്കാലം അറിവിൻ കാലം

2024- 25 അധ്യയന വർഷത്തിലെ പത്താം ക്ലാസ് വിദ്യാർത്ഥികളുടെ രക്ഷിതാക്കൾക്കുള്ള ആദ്യ പിടിഎ യോഗവും ബോധവൽക്കരണ ക്ലാസും 2024 മെയ് 20ന് സ്കൂൾ ഓഡിറ്റോറിയത്തിൽ വച്ച് നടന്നു കോഴിക്കോട് ഗവൺമെൻറ് കോളേജ് കെമിസ്ട്രി വിഭാഗം തലവൻ ഡോക്ടർ മുജീബ് റഹ്മാൻ ക്ലാസിന് നേതൃത്വം നൽകി എജുകെയർ കൺവീനർ പിസി ഫിറോസിന്റെ അധ്യക്ഷതയിൽ നടന്ന ചടങ്ങ് ഹെഡ്മാസ്റ്റർ പി മുഹമ്മദ് ബഷീർ ഉദ്ഘാടനം ചെയ്തു. എസ്എസ്എൽസി പരീക്ഷക്കു ഒരുങ്ങുന്ന വിദ്യാർത്ഥികൾക്ക് ശാസ്ത്രീയമായ പിന്തുണ എങ്ങനെ നൽകണമെന്ന് വിഷയത്തിൽ ആയിരുന്നു ക്ലാസ് നടന്നത്.

പ്രവേശനോത്സവം

2024-25 അധ്യയന വർഷത്തിലെ പ്രവേശനോത്സവം ജൂൺ ഒന്നിന് സ്കൂളിൽ നടന്നു. തികച്ചും വർണ്ണാഭമായ ബലൂണുകളും തോരണങ്ങളും അണിയിച്ചുകൊണ്ട് നവാഗതരായ കുട്ടികളെ സ്കൂൾ അങ്കണത്തിലേക്ക് ആനയിക്കുകയും മിഠായി നൽകി സ്വീകരിക്കുകയും ചെയ്തു .തുടർന്ന് ഓഡിറ്റോറിയത്തിൽ വച്ച് നടന്ന പ്രവേശനോത്സവ പരിപാടി കൂടരഞ്ഞി ഗ്രാമപഞ്ചായത്ത് പ്രസിഡണ്ട് ആദർശ് ജോസഫ് ഉദ്ഘാടനം ചെയ്തു .തുടർന്ന് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ,പിടിഎ പ്രസിഡണ്ട് വിൽസൺ പുല്ലുവേലി, പ്രിൻസിപ്പൽ നാസർ ചെറുവാടി എന്നിവർ ആശംസകൾ അർപ്പിച്ചു. നവാഗതരായ കുട്ടികളുടെ വൈവിധ്യമാർന്ന കലാപരിപാടികൾ പ്രവേശനോത്സവത്തിന്റെ മാറ്റ് കൂട്ടി. തികച്ചും ആകാംക്ഷയോടെയും ആവേശത്തോടെയും കുട്ടികൾ കലാലയത്തിലൂടെ പ്രവേശനോത്സവദിനത്തിൽ ആഹ്ലാദിച്ചു