(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
കൂട്ടിലടച്ച കിളികൾ
പ്രപഞ്ചത്തിൻ ഭൂമിദേവിയാം അമ്മയെ
കാത്തു പാലിക്ക വേണം നാമെല്ലാം
ഒരു നാളും നോവിക്കാതെ നാം പോകണം
മാനുഷരുള്ളിടത്തോളം കാലം
നോവിച്ചതിൻ പാരിദോഷികങ്ങളും
ഏറുന്നു ദുരന്തങ്ങൾ നാം തന്നെ അനുഭവസ്ഥർ
പുഴകൾ വറ്റുന്നതും കുടിവെള്ള ക്ഷാമവും കാടു വെട്ടലും
എല്ലാം നമുക്ക് തന്നെ വിനയായിടുന്നു
നദിതൻ തീരങ്ങളെല്ലാം മനുഷ്യർ കയ്യേറി
പ്രളയത്തിൽ ഗതിമാറി ഒഴുകും പുഴപോലെ
കൊടുംകാറ്റും പേമാരിയും കൊന്നു മർത്യനെയേറെ
പ്ലേഗും കൊറോണും കൊന്നിടുന്നു അതുപോലെ തന്നെ
ഭൂമി പ്രകമ്പനം കൊള്ളുന്ന നേരത്തും
പോയിടുന്നു മർത്യഗണങ്ങൾ ഏറെ
ഭീതികൂടാതെ നാം സോപ്പും വെള്ളവും ഏന്തി
സമ്പർക്കമില്ലാതിരുന്ന് ഞാൻ നേരങ്ങൾ എത്രയോ പിന്നിട്ടു
ഈ ലോക ജിവിതത്തിലാദ്യമായ് നാം
കൂട്ടിലടച്ച കിളികളെ പോലെയായി
ചുരുക്കം പറഞ്ഞാൽ ഈ മന്നിലെ ജീവിതം
എത്രയോ ക്ഷണികമാണന്ന് കരുതിടേണം ഞാൻ
കൊറോണ വ്യാധിയാൽ പൊലിഞ്ഞവർക്കായ്
ഏകുന്നു ഞാനെൻ കണ്ണീർപ്രണാമങ്ങൾ
