സെയിന്റ്. പോൾസ്. എ. യു. പി. എസ്. തൃക്കരിപ്പൂർ/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
വിദ്യാരംഗം കലാസാഹിത്യവേദി 2022- 23
വിദ്യാർത്ഥികളുടെ സർഗ്ഗപരമായ കഴിവുകൾ വികസിപ്പിക്കുന്നതിനായി നമ്മുടെ സ്കൂളുകളിൽ വിദ്യാരംഗം പ്രവർത്തിക്കുന്നു . മത്സരങ്ങൾ ഇല്ലാതെ തന്നെ കുട്ടികളുടെ സവിശേഷ കഴിവുകൾ പ്രോത്സാഹിപ്പിക്കാൻ ഇത്തരം വേദികൾ സഹായകമാണ് .സ്കൂൾതല മുതൽ സംസ്ഥാന തലം വരെയുള്ള സർഗ്ഗോത്സവങ്ങൾ ഇതിന് സഹായിക്കുന്നു. വിദ്യാരംഗം പ്രവർത്തനങ്ങൾ ഏഴ് കൂട്ടങ്ങളിലാണ് നടക്കുന്നത് കഥ, കവിത, അഭിനയം, ചിത്രം, പുസ്തകാസ്വാദനം , കാവ്യാലാപനം, നാടൻപാട്ട് , എന്നിവയാണിവ.
സ്കൂൾ ആരംഭത്തിൽ നടന്ന എസ്. ആർ. ജി. യോഗത്തിൽ വിദ്യാരംഗം സ്കൂൾതല കോഡിനേറ്റർമാരായി യു.പി. വിഭാഗത്തിൽ അജിത ടീച്ചക്കും എൽ. പി. വിഭാഗത്തിൽ സരിത ടീച്ചർക്കും ചുമതല നൽകി. 18/7/2022 ന് നമ്മുടെ സ്കൂളിലെ വിദ്യാരംഗം ക്ലബ്ബിന്റെ ഉദ്ഘാടനം നടന്നു. കുട്ടികളുടെ വിവിധ പരിപാടികളോടുകൂടി മലയാള ക്ലബ്ബും - വിദ്യാരംഗം ക്ലബ്ബും സംയുക്തമായി നടത്തിയ ഉദ്ഘാടന പരിപാടി ഏറെ ശ്രദ്ധേയമായി. വിദ്യാരംഗം ക്ലബ്ബ് കൺവീനറായി ധ്വനി രാജീവനെയും സെക്രട്ടറിയായി നിർമ്മൽ സുഗതനെയും തിരഞ്ഞെടുത്തു .
ക്ലാസ്സ് തലത്തിലുള്ള സർഗ്ഗാത്മാക കഴിവുകൾ പ്രോത്സാഹിപ്പിക്കുന്നതിനായി എല്ലാ വെള്ളിയാഴ്ചയും സർഗ്ഗ വേളകൾ നടത്തുകയും അതിൽനിന്ന് തെരഞ്ഞെടുക്കുന്ന മികച്ച പരിപാടികൾ സ്കൂൾതലത്തിൽ നടക്കുന്ന സർഗ്ഗ കൂട്ടങ്ങളിൽ അവതരിപ്പിക്കുകയും ചെയ്യുന്നു .
വിദ്യാരംഗം കലാസാഹിത്യവേദിയുടെ അഭിമുഖ്യത്തിൽ സബ്ജില്ലാതല ശില്പശാലകളിൽ പങ്കെടുക്കുന്നതിനായി സ്കൂൾതലത്തിലുള്ള മികച്ച കുട്ടിയെ കണ്ടെത്തുന്നതിനുള്ള മത്സരങ്ങൾ ആഗസ്റ്റ് 1 മുതൽ 9 വരെയുള്ള ദിവസങ്ങളിൽ നടത്തി എൽ പി , യുപി , തലത്തിൽ വ്യത്യസ്തമായി മത്സരങ്ങൾ സംഘടിപ്പിക്കുകയും വിജയികൾക്ക് സ്കൂൾ അസംബ്ലിയിൽ മെഡലുകൾ നൽകി പ്രോത്സാഹിപ്പിക്കുകയും ചെയ്തു.
വിദ്യാരംഗം സബ്ജില്ലാതല ശില്പശാല ജി. എഫ്. എച്ച്. എസ് .എസ് . കാടങ്കോട് വച്ച് നടന്നു. കുട്ടികൾക്കായുള്ള ഈ ശില്പശാല സംഘാടനം കൊണ്ടും പ്രവർത്തനം കൊണ്ടും മികച്ച നിലവാരം പുലർത്തി. കുട്ടികൾക്കും അത് നവ്യാനുഭവമായി. 'അഭിനയം' എന്ന വിഭാഗത്തിൽ മാനസ. എസ് ന് ജില്ലാതല ശില്പശാലയിൽ പങ്കെടുക്കാൻ അവസരം ലഭിച്ചു. മരക്കാപ്പ് കടപ്പുറം കാഞ്ഞങ്ങാട് സ്കൂളിൽ വച്ച് നടന്ന ജില്ലാതല ശില്പശാലയിൽ മാനസ എസ് പങ്കെടുത്തു .
വാരാന്ത്യ ഓൺലൈൻ റേഡിയോ പ്രക്ഷേപണം - ബാലവാണി
കോവിഡ് വ്യാപനം വിദ്യാഭ്യാസ രീതിയെ തന്നെ മാറ്റിമറിച്ച പഠനം ഓൺലൈൻ പ്ലാറ്റ്ഫോമിൽ ആയപ്പോൾ കുട്ടികളുടെ സർഗ്ഗപരമായ കഴിവുകൾ പ്രോത്സാഹിപ്പിക്കാൻ, അവരിൽ മാനസിക ഉല്ലാസമുണ്ടാക്കാൻ അതുവഴി വ്യക്തിത്വവികസനം സാധ്യമാക്കാൻ തുടങ്ങിയ തനത് പരിപാടിയാണ് ഓൺലൈൻ റേഡിയോ പ്രക്ഷേപണം.
2020 ഓഗസ്റ്റ് 21ന് ബാലവാണി എന്ന പേരിൽ ആദ്യ പ്രക്ഷേപണത്തിന് തുടക്കം കുറിച്ചു. ഈ വിദ്യാലയത്തിലെ പൂർവ്വകാല പ്രധാന അധ്യാപകനും സാമൂഹ്യ സാംസ്കാരിക രംഗങ്ങളിലെ നിറസാന്നിധ്യവുമായ എ. കെ ശ്രീധരൻ മാസ്റ്റർ ആദ്യ എപ്പിസോഡിന്റെ ഉദ്ഘാടകനായി. തുടർന്നങ്ങോട്ട് മുടക്കം ഇല്ലാത്ത ആഴ്ച ചോറും പ്രക്ഷേപണം നടത്തി 114 ആഴ്ചകൾ പിന്നിട്ട് 115 മത്തെ എപ്പിസോഡിൽ എത്തിയിരിക്കുന്നു.
കഥ, കവിത, ലളിതഗാനം,നാടൻപാട്ട്, സിനിമാ ഗാനം, സ്കൂൾ വാർത്ത വൈവിധ്യമാർന്ന പരിപാടികൾ മാറിമാറി സംപ്രേഷണം ചെയ്യുന്നു. കുട്ടികളും അധ്യാപകരും മാത്രമല്ല രക്ഷിതാക്കളും പൂർവ്വ വിദ്യാർത്ഥികളും പരിപാടികൾ അവതരിപ്പിക്കാറുണ്ട് - ഒരു പ്രമുഖ വ്യക്തി അതിഥിയായി എത്തി കുട്ടികളുമായി സംവദിക്കുന്നു.കല -കായിക- വിദ്യാഭ്യാസ, സാംസ്കാരിക രംഗങ്ങളിൽ വ്യക്തിമുദ്ര പതിപ്പിച്ച 114 പ്രമുഖ വ്യക്തികളെ ഇതുവരെ അതിഥികളായി എത്തിച്ച് കുട്ടികൾക്ക് പരിചയപ്പെടാൻ അവസരമുണ്ടാക്കി. സോഷ്യൽ മീഡിയ പ്ലാറ്റ്ഫോം ആയ യൂട്യൂബിൽ അപ്‌ലോഡ് ചെയ്തു. ഇതുവഴി ശ്രോതാക്കളുടെ എണ്ണം കൂടിയിട്ടുണ്ട്. പ്രീതി നേടിയ വാരാന്ത്യ ഓൺലൈൻപ്രക്ഷേപണമായ ബാലവാണിയുടെ ആരംഭം കൊറോണ കാലത്തെ മികച്ച നേട്ടങ്ങളിൽ ഒന്നായിരുന്നു. ഓഗസ്റ്റ് - 21നു ബാലവാണി ഓൺലൈൻ റേഡിയോ പ്രക്ഷേപണം നൂറാം എപ്പിസോഡ് പൂർത്തിയാക്കി. ബാലവാണിയുടെ നൂറാം എപ്പിസോഡ് അതിഗംഭീരമായി ആഘോഷിച്ചു അതിഥികൾ പങ്കെടുക്കുകയും ബാലവാണിയുടെ അണിയറ പ്രവർത്തകരെ ആദരിക്കുകയും ചെയ്തു.മുഖ്യാതിഥിയായി എത്തിയ ആകാശവാണി കണ്ണൂർ മുൻ ഡയറക്ടർ ശ്രീ. ബാലചന്ദ്രൻ പരിപാടി ഉദ്ഘാടനം ചെയ്തു.വാർത്ത വായന മത്സരം സംഘടിപ്പിച്ചു.
പ്രവൃത്തി പരിചയം
ജൂൺ മാസം 15-ആം തിയ്യതി പ്രവൃത്തി പരിചയ ക്ലബ് രൂപീകരിച്ചു. എല്ലാ ക്ലാസ്സുകളിൽ നിന്നും ക്ലബ്ബിലേക്ക് കുട്ടികളെ തെരഞ്ഞെടുത്തു. കുട്ടികളിൽ നിന്നും പ്രസിഡന്റായി ഒമർ ദാവൂദ് നെ തെരഞ്ഞെടുത്തു. ക്ലബ്ബിന്റെ ഭാഗമായി കുട്ടികൾക്ക് പേപ്പർ കൊണ്ട് വിവിധ തരം പൂക്കളുണ്ടാക്കാനും, ബോട്ടിൽ ആർട്ട് വർക്കുകളും ചെയ്യിപ്പിച്ചു. കൂടാതെ ജൂലൈ,16-ആം തിയ്യതി ടാലെന്റ്റ് ഷോയിൽ, പേപ്പർ ക്രാഫ്റ്റ്, വെയ്സ്റ്റ് മെറ്റീരിയൽ, ചന്ദന തിരി നിർമാണം, വുഡ്‌വർക്കിംഗ്, ക്ലെ മോഡലിംഗ്, ത്രെഡ് പാറ്റേൺ, എംബ്രോയ്ഡറി, വെജിറ്റബിൾ പ്രിന്റിംഗ്, ചവിട്ടിനിർമാണം, ഫാബ്രിക്പെയിന്റിംഗ്, സ്റ്റഫ്ഡ് ടോയ്‌സ്, മെറ്റെൽ എഗ്രെവിങ്, വയറിങ് എന്നിവയിലെല്ലാം കുട്ടികൾ അവരുടെ കഴിവുകൾ പ്രകടിപ്പിച്ചു. ഈ വർഷം വിവിധ ഘട്ടങ്ങളിലായി കുട്ടികൾക്കു പരിശീലനം നൽകി
ഈ വർഷത്തെ ചെറുവത്തൂർ സബ്ജില്ലപ്രവൃത്തി പരിചയ മേളയിൽ UP വിഭാഗം സെന്റ് പോൾസ്ഓവറോൾ ചാമ്പ്യന്മാരായി.
ഫാബ്രിക് പെയിന്റ് 1st A grade
സ്റ്റഫ്ഡ് ടോയ്‌സ് 1st A grade എംബ്രോയ്ഡറി 1st A grade
വെജിറ്റബിൾ പ്രിന്റിംഗ് 1st A grade
മെറ്റൽ എൻക്രെവിങ് 11nd Agrade.
ചന്ദന തിരി നിർമാണം A grade.
വയറിങ് A grade.
ബീഡ്‌സ് വർക്ക്‌ A grade.
ത്രെഡ് പാറ്റേൺ A grade.
ക്ലെ മോഡൽ A grade. എന്നീ ഇനങ്ങളിൽ കുട്ടികൾ മികവ് പ്രകടിപ്പിച്ചു. സ്കൂളിന്റെ അഭിമാനമായി മാറി. പ്രവൃത്തി പരിചയ ക്ലബ്ബിന്റെ ഭാഗമായി വാൾ ഡെക്കർ, പേപ്പർ പെൻ നിർമാണം എന്നിവ നടത്തുകയുണ്ടായി.
E3 English Language Club(Enjoy, Enhance, Enrich)
ആസ്വാദ്യകരമായ അന്തരീക്ഷത്തിൽ എല്ലാ വിദ്യാർഥികളുടെയും ഇംഗ്ലീഷ് ഭാഷാ പ്രാവീണ്യം പ്രോത്സാഹിപ്പിക്കുന്നതിനുമായി വികസിപ്പിച്ച നൂതന പദ്ധതിയാണ് E'3 English Language Lab. രസകരവും സംവേദനാത്മകവുമായ രീതിയിൽ ഭാഷാ വൈദഗ്ധ്യം നേടുന്നതിന് ഇത് വിദ്യാർത്ഥികളെ പ്രാപ്തരാക്കുന്നു.
ഭാഷാ ലാബിലെ ഓരോ ലെവലിലും 10 കഥകളും എല്ലാ story -കളിലുമായി ബന്ധപ്പെട്ട ഭാഷാ പ്രവർത്തനങ്ങളും അടങ്ങിയിട്ടുണ്ട്. അസ്സൈൻമെന്റുകൾ, audio recording, video recording എന്നിവ ഇതിൽ ഉൾപ്പെടുന്നുണ്ട്. കുട്ടികൾ പ്രവർത്തനങ്ങൾ ചെയ്യുകയും മൂല്യ നിർണ്ണയത്തിനും ഫീഡ് ബാക്കിനുമായി അധ്യാപകർക്ക് സമർപ്പിക്കുകയും വേണം.'വ്യക്തിഗത ലോഗിൻ ' സൗകര്യം ഓരോ വിദ്യാർഥിയുടെയും പുരോഗതി അറിയിക്കാൻ അധ്യാപകരെ സഹായിക്കുന്നു.
' ടീച്ചർ ലോഗിൻ " എന്നതിലൂടെ അധ്യാപകർക്ക് വിദ്യർത്ഥികൾ സമർപ്പിക്കുന്ന ഉത്തരങ്ങൾ, പ്രതികരണങ്ങൾ എന്നിവ പരിശോധിച്ച് വിലയിരുത്താനും ഫീഡ് ബാക്ക് നൽകാനും സാധിക്കുന്നു.'HM' ലോഗിൻ ഉപയോഗിച്ച് പ്രധാനധ്യാപികക്ക് എല്ലാ വിദ്യാർഥികളുടെയും പുരോഗതി നിരീക്ഷിക്കാൻ സാധിക്കുന്നു.
വിദ്യാർഥികൾക്ക് അവർ ചെയ്ത പ്രവർത്തനങ്ങൾ എഡിറ്റ്‌ ചെയ്ത് വീണ്ടും മൂല്യനിർണ്ണയത്തിനും ഫീഡ്ബാക്കിനുമായി അധ്യാപകർക്ക് സമർപ്പിക്കാൻ കഴിയും.
കുട്ടികൾക്ക് അവരുടെ വായന, എഴുത്ത്, ഉച്ചാരണം, വ്യകാരണം, എന്നിവ മെച്ചപ്പെടുത്താനും അവസരമൊരുക്കുന്നു.
Waste Management
മനുഷ്യനും പരിസ്ഥിതിക്കും പരമാവധി ഉപദ്രവരഹിതമായി, മാലിന്യങ്ങൾ അഥവാ പാഴ്‌വസ്തുക്കളുടെ ശേഖരണം,വിനിമയം,സംസ്കരണം,മേൽനോട്ടം ,നീക്കം ചെയ്യൽ,പുനരുപയോഗം അല്ലെങ്കിൽ നശിപ്പിക്കൽ എന്നിവയും അവയെ യഥാവിധി കൈകാര്യം ചെയ്യുന്നതിനായി നമ്മുടെ സ്കൂളിൽ താഴെ പറയുന്ന കാര്യങ്ങൾ സജ്ജീകരിച്ചിരിക്കുന്നു .
1.കമ്പോസ്റ്റ് കുഴി:
വെള്ളം കെട്ടി നിൽക്കാൻ സാധ്യതയില്ലാത്ത സ്ഥലത്ത് ആഴത്തിലും വീതിയിലും കുഴികൾ എടുത്ത് കല്ല് കൊണ്ട് കെട്ടി. തുടർന്ന് സ്കൂളിലുള്ള ചപ്പുചവറുകളും ചാണകവും നിക്ഷേപിക്കുന്നു. കുഴിയിലെ മാലിന്യങ്ങൾ പിന്നീട് ജൈവ വളമായി മാറുന്നു. ഈ വളം പിന്നീട് ചെടികൾക്കും കൃഷിക്കും ഉപയോഗിക്കുന്നു.
2. വേസ്റ്റ് ബിൻ :
ചപ്പുചവറുകൾ വലിച്ചെറിയുന്നതിന് പകരം സ്കൂളിൻ്റെ വിവിധ ഭാഗങ്ങളിൽ അത് നിക്ഷേപിക്കാനായി മാലിന്യപ്പെട്ടികൾ സ്ഥാപിച്ചിട്ടുണ്ട്. പേപ്പർ,പ്ലാസ്റ്റിക്, പ്ലാസ്റ്റിക് പേനകൾ, ഭക്ഷണാവശിഷ്ടങ്ങൾ എന്നിവ വേർതിരിച്ച് വ്യത്യസ്ത പെട്ടികളിൽ നിക്ഷേപിക്കാൻ ഓരോ മാലിന്യപ്പെട്ടികളുടെ മുകളിൽ നിർദ്ദേശിച്ചത് പ്രകാരം നിക്ഷേപിക്കുന്നു .
3. മലിനജല ശുദ്ധീകരണ പ്ലാന്റ് :
പാഴായിപ്പോകുന്ന മലിനജലം ശേഖരിച്ച് ശുദ്ധീകരിച്ച് വീണ്ടും ഉപയോഗിക്കുന്നതിനായി മലിനജല ശുദ്ധീകരണ പ്ളാൻറ്സ്കൂൾ മാനേജ്‌മന്റ് സ്ഥാപിച്ചിട്ടുണ്ട് . ഇങ്ങനെ ശുദ്ധീകരിച്ച വെള്ളം കൃഷി ആവശ്യത്തിനും, ചെടികൾക്കും ഉപയോഗിക്കുന്നു .
ലൈബ്രറി
ലൈബ്രറി വികസനത്തിന്റെ ഭാഗമായി ലൈബ്രറി ഡിജിറ്റൽ സംവിധാനമാക്കുന്നതിന് തുടക്കം കുറിച്ചു. കുട്ടികളും, അധ്യാപകരും പിറന്നാൾ സമ്മാനമായി സ്കൂൾ ലൈബ്രറിയിലേക്ക് ലൈബ്രറി പുസ്തകങ്ങൾ നൽകിവരുന്നു. നിശ്ചയിച്ച ലൈബ്രറി പിരീഡിൽ അധ്യാപകർ സ്കൂൾ ലൈബ്രറിയിൽ വന്ന് ബോക്സിൽ ശേഖരിച്ചുവച്ച ലൈബ്രറി പുസ്തകങ്ങൾ ക്ലാസിലേക്ക് കൊണ്ടുപോയി കുട്ടികൾക്ക് വായിക്കുവാനുള്ള അവസരം ഒരുക്കി കൊടുക്കുന്നു. അധിക വായനക്കായി കുട്ടികൾ സ്കൂൾ ലൈബ്രറിയിൽ നിന്നും നിശ്ചയിച്ച ദിവസങ്ങളിൽ ലൈബ്രറി രജിസ്റ്ററിൽ രേഖപ്പെടുത്തി പുസ്തകങ്ങൾ വീട്ടിലേക്ക് വായിക്കാൻ കൊണ്ടുപോകുന്നു. ഓരോ ക്ലാസ് മൂലയിലും ലൈബ്രറി പുസ്തകങ്ങൾ സജ്ജീകരിച്ച് ഒഴിവുള്ള സമയങ്ങളിൽ കുട്ടികൾക്ക് വായിക്കുവാനുള്ള അവസരം ഒരുക്കി കൊടുക്കുന്നു.വായനക്കായി വായനാ പന്തൽ ,ഓരോ നിലയിലുമുള്ള ബുക്ക് പോയിന്റുകൾ ,മരത്തണൽ എന്നിവ ഉപയോഗിക്കുന്നു . 2022 യിൽ ഗവൺമെന്റിൽ നിന്നും നമ്മുടെ സ്കൂളിലേക്ക് 2 ലക്ഷത്തിനു മേലെ വിലവരുന്ന 2001 പുസ്തകങ്ങൾ ലഭിച്ചിട്ടുണ്ട്. അധിക വായന പ്രോത്സാഹിപ്പിക്കുന്നതിനായി കുട്ടികൾക്ക് ഒരു വായന മുറി ഒരുക്കിയിട്ടുണ്ട്. സ്കൂൾ ലൈബ്രറി വികസനത്തിന്റെ ഭാഗമായി ഷീബ ടീച്ചർ ഒരു അലമാര സ്പോൺസർ ചെയ്തിട്ടുണ്ട്.അധ്യാപകർ ചേർന്ന് രണ്ട് ഷെൽഫും കൂടി സ്കൂൾ ലൈബ്രറിയിലേക്ക് നൽകിയിട്ടുണ്ട്.
സോഷ്യൽ ക്ലബ്
ജൂൺ 12-ബാലവേല വിരുദ്ധദിനം
ഈ ദിനത്തോടനുബന്ധിച്ച് ബാലവേല വിരുദ്ധ പോസ്റ്റർ നിർമ്മാണം നടത്തി.
ജൂൺ 26 - ലോക മയക്കുമരുന്ന് വിരുദ്ധദിനം
ഈ ദിനത്തിൽ മയക്കുമരുന്നിനെതിരെ പ്ലകാർഡ് നിർമ്മാണം, പ്രസംഗമത്സരം, മയക്കുമരുന്നും ഇന്നത്തെ തലമുറയും എന്ന വിഷയത്തെ ആസ്പദമാക്കി രക്ഷിതാക്കൾക്കും കുട്ടികൾക്കും ബോധവത്കരണ ക്ലാസ് നടത്തി.
ജൂലൈ 11 - ലോക ജനസംഖ്യ ദിനം
ഈ ദിനത്തിൽ മലയാളം, ഇംഗ്ലീഷ് ഭാഷകളിൽ പ്രസംഗ മത്സരം നടത്തി.
ഓഗസ്റ്റ് 6,7 - ഹിരോഷിമ നാഗസാക്കി ദിനം
ക്ലബ്ബിന്റെ നേതൃത്വത്തിൽ സ്പെഷ്യൽ അസംബ്ലി നടത്തി. അന്ന് കുട്ടികൾക്ക് ഓൺലൈനായി യുദ്ധവിരുദ്ധ സന്ദേശം നൽകിയത് വി. എസ്. ബിജുരാജ് സാറാണ്. യുദ്ധവിരുദ്ധ ചാർട്ട് പ്രദർശനം, യുദ്ധവിരുദ്ധ സന്ദേശം (പേപ്പർ കപ്പിൽ )സഡാക്കോ കൊക്ക് നിർമ്മാണം, യുദ്ധവിരുദ്ധ റാലി, യുദ്ധവിരുദ്ധ കൊളാഷ് നിർമ്മാണം എന്നിവ സംഘടിപ്പിച്ചു .
ഓഗസ്റ്റ് 15 - സ്വാതന്ത്ര്യദിനാഘോഷം
അന്നേദിവസം സ്പെഷ്യൽ അസംബ്ലി, വ്യത്യസ്ത ഭാഷകളിൽ പ്രസംഗ മത്സരം, സ്വാതന്ത്ര്യ സമര സേനാനികളുടെ ചിത്രം വരച്ച പ്ലക്കാർഡ് നിർമ്മാണം, സ്വാതന്ത്ര്യ ദിന ക്വിസ്,സ്വാതന്ത്ര്യ റാലി.സ്വാതന്ത്ര്യദിന സ്പെഷ്യൽ അസംബ്ലി , PT display, നാലാം ക്ലാസ് മുതൽ ഏഴാം ക്ലാസ് വരെയുള്ള കുട്ടികളെ അണിനിരത്തി കൊണ്ടുള്ള വർണാഭമായ ഘോഷയാത്ര,എന്നിവ സംഘടിപ്പിച്ചു.സ്വാതന്ത്ര്യദിനാഘോഷ പരിപാടികൾ Rtd ഹവിൽദാർ രാജേഷ് M. ഉദ്ഘാടനം നിർവഹിച്ചു.
വീടുകളിൽ ഹർഘർ തി രംഗ-ത്രിവർണ പതാക ഉയർത്തിയത് കുട്ടികളിൽ ആവേശം ഉണ്ടാക്കി മലയാളത്തിലും ഉറുദുവിലും സ്വാതന്ത്ര്യ ദിന ക്വിസ്, സ്വാതന്ത്ര്യ സമര സേനാനികളുടെ ചിത്രം പതിച്ച പ്ലക്കാർഡുകൾ , ദേശഭക്തിഗാനങ്ങൾ, അറബിക് ,സംസ്കൃതം, ഉറുദു ,മലയാളം, ഇംഗ്ലീഷ് ,ഹിന്ദി, എന്നീ ഭാഷകളിൽ പ്രസംഗമത്സരം നൃത്തശില്പം, ഭാരതാംബയുടെ സാന്നിധ്യം തുടങ്ങിയവ ദിനാചരണത്തിന്റെ മാറ്റ് കൂട്ടി.
ഓഗസ്റ്റ് 18 - സ്കൂൾ പാർലമെന്റ് തിരഞ്ഞെടുപ്പ്
ജനാധിപത്യ മൂല്യങ്ങൾ കുട്ടികൾക്ക് പകർന്നു നൽകാനായി തിരഞ്ഞെടുപ്പ് നടത്തി. ബാലറ്റ് പെട്ടി നാമനിർദ്ദേശപത്രിക,
വോട്ടിംഗ് മെഷീൻ, സ്ഥാനാർത്ഥികൾ, മത്സരഫലം എന്നിവയും നടത്തി.
ഒക്ടോബർ 2 ഗാന്ധിജയന്തി
ഗാന്ധി ക്വിസ്, ചിത്രരചന ഡൂഡിൽ, ചാർട്ട് പ്രദർശനം, ഗാന്ധിജിയുടെ ചിത്രം ചാർട്ടിൽ പ്രദർശിപ്പിക്കുക, സ്പെഷ്യൽ അസംബ്ലി.
കേരളപ്പിറവി ദിനം
കേരളപ്പിറവി ദിനത്തോടനുബന്ധിച്ച് സാമൂഹ്യ ശാസ്ത്ര ക്ലബ്ബിന്റെ നേതൃത്വത്തിൽ സ്പെഷ്യൽ അസംബ്ലി ചേരുകയുണ്ടായി. കേരളപ്പിറവി ദിന സന്ദേശം, കേരളത്തിന്റെ സാംസ്കാരിക തനിമ വിളിച്ചോതുന്ന ഗാനം, നൃത്തം, എന്നിവ കുട്ടികൾ അവതരിപ്പിച്ചു. കേരളത്തിന്റെ 14 ജില്ലകൾ ഉൾക്കൊള്ളുന്ന പതിപ്പ് സ്കൂൾ മാനേജറും പഞ്ചായത്ത് മെമ്പറും കൂടി പ്രകാശനം ചെയ്യുകയുണ്ടായി. അന്നേദിവസം കേരള സർക്കാരിന്റെ 'ലഹരിവിരുദ്ധ കേരളം' എന്ന പരിപാടിയുടെ ഭാഗമായി ലഹരിവിരുദ്ധ ദൃശ്യാവിഷ്കാരം നടത്തി.
ഉച്ചഭക്ഷണത്തിൽ രക്ഷിതാക്കളുടെ പങ്ക് .
ഓരോ ദിവസവും വ്യത്യസ്തത പുലർത്തുന്ന സ്കൂൾ ഉച്ചഭക്ഷണവുമായി ബന്ധപ്പെട്ട് രക്ഷിതാക്കളുടെ പങ്കാളിത്തം എടുത്തു പറയേണ്ടുന്നതാണ്.സാമ്പാർ, പുളിശ്ശേരി ,കൂട്ടുകറി, മസാലക്കറി, തുടങ്ങിയ കറികൾ ഉൾപ്പെടുത്തിയ സ്കൂൾ ഉച്ചഭക്ഷണ പദ്ധതിയിൽ സന്മന സോടും സഹായ മനസ്കതയോടും കൂടിയാണ് ഓരോ ദിവസവും രക്ഷിതാക്കൾ പച്ചക്കറികൾ മുറിക്കുന്നതായി സ്കൂളിൽ എത്തിച്ചേരുന്നത്. എല്ലാ ക്ലാസിലെയും രക്ഷിതാക്കളുടെ പങ്കാളിത്തം ടൈം ടേബിൾ അനുസരിച്ച് ഉച്ചഭക്ഷണ പദ്ധതിയിൽ ഉൾപ്പെടുത്തിയിട്ടുണ്ട്. ഓണാഘോഷം പോലുള്ള ആഘോഷ പരിപടികളിൽ രക്ഷിതാക്കളുടെ സജീവ സാന്നിധ്യം പ്രശംസനീയമാണ്. രണ്ടായിരത്തിലധികം വിദ്യാർത്ഥികൾ പഠിക്കുന്ന നമ്മുടെ വിദ്യാലയത്തിൽ പച്ചക്കറി മുറിക്കുന്നതിനും ഭക്ഷണ വിതരണത്തിനുമായി രക്ഷിതാക്കൾ സഹായിക്കുന്നു. രക്ഷിതാക്കളിൽ ഒരാൾ വെജിറ്റബിൾ കട്ടിംഗ് മെഷീൻ സ്കൂളിന് സംഭാവനയായി നൽകിയിട്ടുണ്ട്.പുതു വർഷ ദിനത്തിൽ ഡ്രൈവർമാരുടെ വകയാണ് എല്ലാ വർഷവും കുട്ടികൾക്ക് സദ്യയും പായസവും .
സ്കൂൾ അസംബ്ലി
എല്ലാ ദിവസവും നടത്തി വരുന്ന സ്കൂൾ അസംബ്ലി നമ്മുടെ വിദ്യാലയത്തിൻ്റെ മികവായി എടുത്തു പറയാവുന്നതാണ്. വർഷങ്ങളായി ഈ പ്രവർത്തനം കുട്ടികളിൽ ആത്മ വിശ്വാസം വളർത്തുന്നതിനും സഭാകമ്പം ഒഴിവാക്കുന്നതിനും സഹായകമായി .കുട്ടികളുടെ സർഗാത്മക കഴിവുകൾ പരിപോഷിപ്പിക്കാനുള്ള ഒരു വേദി കൂടിയാണ് സ്കൂൾ അസംബ്ലി.ഒന്നാം ക്ലാസ്സുമുതൽ ഏഴാം ക്ലാസുവരെയുള്ള വിദ്യാർത്ഥികൾക്ക് അസംബ്ലി അവതരിപ്പിക്കാനുള്ള അവസരം ഒരുക്കിക്കൊടുക്കുന്നു വിദ്യാലയ വാർത്തകൾ കൂടി അസംബ്ലിയിൽ ഉൾപ്പെടുത്തുന്നതിനാൽ വിദ്യാലയത്തിലെ ഓരോ പ്രവർത്തനങ്ങളെക്കുറിച്ചും കുട്ടികൾക്ക് അറിവ് നേടാൻ സാധിക്കുന്നു. അറബി, ഉറുദും സംസ്കൃതം, ഹിന്ദി ഭാഷകളിലും നടത്തിവരുന്ന അസംബ്ലി നമ്മുടെ വിദ്യാലയത്തിലെ മറ്റൊരു സവിശേഷതയാണ്.
ലഹരി വിരുദ്ധ സംഗീത ശില്പം
സർക്കാരിൻ്റെ ലഹരി വിമുക്ത കേരളം പരിപാടിയുടെ ഭാഗമായി നവംബർ ഒന്ന് കേരളപ്പിറവിയോടനുബന്ധിച്ച് ലഹരിക്കെതിരെ നാടൊന്നാകെ കൈകോർക്കുമ്പോൾ സെൻറ് പോൾസിൻ്റെ കുട്ടികളും നേരിവിരുദ്ധ ചങ്ങലയിലും ,പരിപാടികളിലും ,അണി ചേർന്നു. റെഡ് ക്രോസ്, സ്കാട്ട് ,ഗൈഡ്സ് ,ബുൾബുൾ ,എന്നിവയുടെ നേതൃത്വത്തിൽ കേരളത്തിൻ്റെ മാതൃകയിൽ മനുഷ്യചങ്ങല തീർക്കുകയും സൈക്കിൾ റാലി നടത്തിയും ലഹരി വിരുദ്ധ പരിപാടികളിൽ കൈകോർത്തു. ലഹരിക്കെതിരെ നമ്മുടെ വിദ്യാലയത്തിലെ കുട്ടികൾ അവതരിപ്പിച്ച സംഗീത ശില്ലം അതിൽ ശ്രദ്ധേയമായി.
ഊണിൻ്റെ മേളം
ആഹാരത്തിലെ വിഭവ വൈവിധ്യത്തേയും രുചിപ്പെരുമയേയും കാർഷിക സംസ്കൃതിയേയും നാടൻ ഭക്ഷണ പാരമ്പര്യത്തെയും പരിചയപ്പെടുന്നതിൻ്റെ ഭാഗമായി നാലാം ക്ലാസിലെ മധുരം' എന്ന പാഠഭാഗത്തെ അടിസ്ഥാമാക്കി സ്കൂളിൽ 'ഊണിൻ്റെ മേളം' സംഘടിപ്പിച്ചു.നാടൻ ഭക്ഷണത്തിൻ്റെ രുചിയും മേന്മയും സദ്യയുടെ രീതിയും ഈ പ്രവർത്തനത്തിലൂടെ കുട്ടികൾക്ക് പരിചയപ്പെടാൻ സാധിച്ചു. സദ്യക്കുള്ള ചോറ് സ്കൂളിൽ നിന്നും തയാറാക്കി. സദ്യയിലെ മറ്റു വിഭവങ്ങളായ സാമ്പാർ, കൂട്ടുക്കറി, അവിയൽ, പച്ചടി, തോരൻ, അച്ചാർ, ഉപ്പേരി, പപ്പടം, പായസം, എന്നിവയും കഴിക്കാനുള്ള വാഴയിലയും, കുട്ടികൾ വീടുകളിൽ നിന്നും കൊണ്ടു വന്നു.
പരീക്ഷണ കളരി.
കുട്ടികളിലുള്ള ശാസ്ത്രീയ മനോഭാവം പരിപോഷിപ്പിക്കുവാനും ശാസ്ത്രീയ അഭിരുചിയുടെ ആക്കം വളർത്തുവാനും വേണ്ടി തറക്കല്ലിട്ട പദ്ധതിയാണ് 'പരീക്ഷണ കളരി'.
ഓരോ ക്ലാസ്സിൽ നിന്നും ശാസ്ത്രീയ മനോഭാവമുള്ള കുട്ടികളെ സയൻസ് അധ്യാപകർ തെരഞ്ഞെടുത്തു. എല്ലാ വെള്ളിയാഴ്ചയിലും ഉച്ചയ്ക്ക് 1.30 ന് കുട്ടികൾ പരീക്ഷണ കളരിയിൽ ഒത്തു ചേർന്ന് പുതമായർ ന്നതും വൈവിധ്യമാർന്നതുമായ പരീക്ഷണങ്ങൾ നടത്തി വരുന്നു.
പരീക്ഷണങ്ങൾ
* ജലവിതാനം പാലിക്കുന്നു
* ചാവുകടലിന്റെ പ്രവർത്തന തത്വം
* അലുമിനിയം, സോഡിയം ഹൈഡ്രോക്സൈഡ്, ജലം എന്നിവ ഉപയോഗിച്ച് H2 ഗ്യാസ് നിർമിച്ച് ബലൂണിൽ ശേഖരിക്കുന്നു.
* കാറ്റാടി യന്ത്ര നിർമാണം
* വീടുകളിൽ തെർമൽ സെൻസർ നിർമ്മിക്കുന്നതുമായി ബന്ധപ്പെട്ടുള്ള പരീക്ഷണം
* കത്താൻ O2 ആവശ്യമാണ്
* അഗ്നി പർവ്വതത്തിന്റെ മോഡൽ, ബേക്കിംഗ് സോഡ, വിനിഗർ, ജലം എന്നിവ ഉപയോഗിച്ച്.
* പ്രകാശത്തിന്റെ വിവിധ തരം സവിശേഷതകൾ
സമ്മാനങ്ങൾ നേടാം എഴുത്ത് പെട്ടിയിലൂടെ -
കുട്ടികളിൽ വായനയുടെയും എഴുത്തിൻ്റെയും കഴിവുകൾ പ്രോത്സാഹിപ്പിക്കുവാൻ സംസ്ഥാന ലൈബ്രറി കൗൺസിലിൻ്റെ ആഭിമുഖ്യത്തിൽ എൻ്റെ എഴുത്ത് പെട്ടി പരിപാടിക്ക് തൃക്കരിപ്പൂർ സെൻ്റ് പോൾസ് എ.യു.പി സ്കൂളിൽ തുടക്കമായി .മികച്ച വായനാ കുറിപ്പിനാണ് സമ്മാനം നൽകുന്നത്. മലയാളം ക്ലബിൻ്റെ നേതൃത്യത്തിൽ ഈ പരിപാടി മാസം തോറും നടത്തി വരുന്നു .
സാഹിത്യകാരന്മാരെ തിരിച്ചറിയുക -
സാഹിത്യകാരന്മാരെ തിരിച്ചറിയുക എന്ന പരിപാടി രണ്ടാഴ്ചയിൽ ഒരിക്കൽ നടത്തി വരുന്നു.യു.പി.ക്ലാസിലെ കുട്ടികൾക്കാണ് ഈ പരിപാടി നടത്തുന്നത്.
പഴഞ്ചൊൽ വ്യാഖ്യാനം -
യു.പി ക്ലാസിലെ കുട്ടികൾക്കാണ് ഈ പരിപാടി. ഏതെങ്കിലും ഒരു പഴഞ്ചൊല്ല് എഴുതി നോട്ടീസ് ബോർഡിൽ പതിക്കുന്നു. അത് ഏറ്റവും നന്നായ രീതിയിൽ വ്യാഖ്യാനിക്കുന്നു.
കോവിഡ് കാല പ്രവർത്തനങ്ങൾ
തൃക്കരിപ്പൂർ സെൻറ് പോൾസ് എ യു പി സ്കൂളിനെ സംബന്ധിച്ചിടത്തോളം കൊറോണക്കാലം തികച്ചും വ്യത്യസ്തവും രസകരവുമായ അനുഭവങ്ങളിലൂടെയാണ് കടന്നു പോയത്. ശാരീരികവും മാനസികവുമായ തലങ്ങളെ തൊട്ടുണർത്തുന്ന രീതിയിലുള്ള പ്രവർത്തനങ്ങൾ കാഴ്ച വെക്കാൻ നമുക്ക് കഴിഞ്ഞു.
വീട് സന്ദർശനം
മാനസിക പിരിമുറുക്കം അനുഭവിക്കുന്ന നമ്മുടെ കുട്ടികളുടെ വീടുകളിലേക്ക് സാന്ത്വന സ്പർശനമായി അധ്യാപകരും സ്കൂൾ അധികൃതരും സന്ദർശിച്ചതും സമ്മാനങ്ങൾ നൽകിയതും കുട്ടികൾക്ക് ഏറെ ഹൃദ്യമായ ഒരു അനുഭവമായിരുന്നു.
കിറ്റ് വിതരണം
കൊറോണ കാലത്ത് പ്രയാസം അനുഭവിക്കുന്ന നമ്മുടെ സ്കൂളിലെ കുട്ടികളുടെ കുടുംബങ്ങൾ, ക്ലീനിങ് സ്റ്റാഫ്,ഓട്ടോ തൊഴിലാളികൾ എന്നിവർക്ക് നമ്മുടെ മാനേജർ നൽകിയ പലതരത്തിലുള്ള സഹായങ്ങൾ അവർക്ക് ആശ്വാസമായി.
ബോധവൽക്കരണ ക്ലാസ്
കൗമാരപ്രായക്കാരായ കുട്ടികൾക്ക് ആ കാലഘട്ടത്തെക്കുറിച്ചുള്ള എല്ലാ അറിവുകളും ലഭിക്കുന്ന തരത്തിലുള്ള ക്ലാസ് സംഘടിപ്പിച്ചു.ഡോക്ടർ റമീസ്, ശ്രീമതി ഡിനു (സ്റ്റേറ്റ് അഡോൾസെന്റ്‌ കൗൺസിലർ ) എന്നിവർ നയിച്ച ക്ലാസുകൾ രക്ഷിതാക്കൾക്കും കുട്ടികൾക്കും ഒരുപോലെ പ്രയോജനപ്രദമായി.
ഈ കാലഘട്ടത്തിലെ കുട്ടികൾ നേരിടുന്ന പ്രശ്നങ്ങളും അവയോടുള്ള രക്ഷിതാക്കളുടെ സമീപനം എങ്ങനെയായിരിക്കണം എന്നതിനെക്കുറിച്ചും നല്ലൊരു ക്ലാസ് രക്ഷിതാക്കൾക്ക് നൽകാൻ അധ്യാപകർക്ക് സാധിച്ചു.
പഠന കേന്ദ്രം
പഠനത്തിൽ പിന്നോക്കം നിൽക്കുകയും ചില പ്രത്യേക കാരണങ്ങളാൽ ക്ലാസുകൾ ലഭിക്കാതിരിക്കുകയും ചെയ്ത കുട്ടികൾക്ക് അതാത് ഏരിയ കേന്ദ്രീകരിച്ച് ക്ലബ്ബുകളുടെ സഹായത്തോടെ ക്ലബ്ബുകളും വീടുകളും പഠന കേന്ദ്രങ്ങൾ ആക്കി പഠനം നടത്തി .
തിരികെ
കൊറോണക്കാലത്ത് അന്യസംസ്ഥാനത്ത് നിന്നും വരാൻ സാധിക്കാതിരുന്ന നമ്മുടെ സ്കൂളിലെ കുട്ടികളെ സ്‌കൂളിന്റെയും പിടിഎയുടെയും സഹായത്തോടെ തിരിച്ച് നാട്ടിലേക്ക് എത്തിക്കാൻ സാധിച്ചു.
കൈത്താങ്ങ്
സ്കൂളിലെ അധ്യാപകരുടെ നിരന്തരമായ ഇടപെടൽ വഴി ടിവി നെറ്റ് കണക്ഷൻ ഇല്ലാത്ത കുട്ടികളെ കണ്ടെത്തി അതിനുള്ള സൗകര്യങ്ങൾ ഒരുക്കി കൊടുത്തു.
ഓൺലൈൻ ക്ലാസ്സ്
പഠനം വഴിമുട്ടി നിൽക്കുന്ന സാഹചര്യത്തിൽ വിക്ടേഴ്സ് ചാനലിലെ ക്ലാസുകളോടൊപ്പം ടൈം ടേബിൾ പ്രകാരം കൃത്യമായ ക്ലാസുകൾ നൽകിയത് കുട്ടികളിലെ പഠന വിടവ് ഒരു പരിധി വരെ പരിഹരിക്കാൻ സാധിച്ചു.തദ്ദേശ സ്ഥാപനത്തിന്റെയും വിദ്യാഭ്യാസ വകുപ്പിന്റെയും ,രക്ഷിതാക്കളുടെയും പ്രോത്സാഹനവും സഹകരണവും ഓൺലൈൻ ക്ലാസ്സ് കൂടുതൽ കാര്യക്ഷമമാക്കുവാനും ശ്രദ്ധേയമാക്കുവാനും സഹായിച്ചു .
കലാകായിക പ്രവർത്തനങ്ങൾ
കൊറോണക്കാലത്തെ ഓൺലൈൻ ആയി നടത്തിയ വിവിധതരത്തിലുള്ള കലാകായിക പ്രവർത്തനങ്ങൾ നടത്തിയത് കുട്ടികളിൽ മാനസികവും ശാരീരികവുമായ ഉല്ലാസങ്ങൾ സമ്മാനിക്കാൻ അധ്യാപകർക്ക് കഴിഞ്ഞു.
ക്വിസ് മത്സരം
കൊറോണക്കാലത്തെ വിവിധ ക്ലബ്ബുകൾ നടത്തിയ ക്വിസ് മത്സരങ്ങൾ( മാധ്യമ ക്വിസ് ദിനാചരണ ക്വിസ്)കുട്ടികളിൽ ചോർന്നുപോയ ആവേശവും വാശിയും തിരികെ കൊണ്ടുവരാൻ അധ്യാപകർക്ക് കഴിഞ്ഞു.
സാഹിത്യസമാജം, അസംബ്ലി
എല്ലാ ആഴ്ചകളിലും സ്കൂൾതലത്തിലും ക്ലാസ് തലത്തിലും അസംബ്ലികൾ നടത്താൻ സാധിച്ചു ക്ലാസ്സ് തലത്തിൽ സാഹിത്യ സമാജങ്ങൾ നടത്തി കുട്ടികളുടെ സർഗാത്മക കഴിവുകൾ പരിപോഷിപ്പിക്കാൻ സാധിച്ചു.
ആഴത്തിലുള്ള വായനയിലേക്ക്
വായന പരിപോഷിപ്പിക്കുന്നതിന് വേണ്ടി ലൈബ്രറി പുസ്തകം കുട്ടികൾക്ക് വീട്ടിലെത്തിച്ചു സ്കൂളിൽ വന്ന് എടുക്കുവാൻ സൗകര്യങ്ങൾ ഏർപ്പെടുത്തിയും കുട്ടികളിലെ വായനാശീലം ഉയർത്താൻ സാധിച്ചു.
നോട്ട് കറക്ഷൻ
ഓൺലൈൻ ക്ലാസിന് തുടർന്ന് കുട്ടികൾ തയ്യാറാക്കിയ നോട്ടുകൾ സ്കൂളിൽ എത്തിച്ചും ഭവന സന്ദർശന വേളയിലും പരിശോധിക്കുകയും വേണ്ടുന്ന മാർഗ്ഗനിർദ്ദേശങ്ങൾ നൽകാൻ സാധിച്ചു.
പരീക്ഷണങ്ങൾ
ശാസ്ത്ര അവബോധം വർദ്ധിപ്പിക്കുവാൻ കുട്ടികൾ വീടുകളിൽ നിന്നും പരീക്ഷണങ്ങൾ നടത്തി വീഡിയോ ക്ലാസ്സ് ഗ്രൂപ്പുകളിൽ അയച്ചിരുന്നത് മറ്റു കുട്ടികൾക്ക് ഒരു പ്രചോദനമായി മാറി.
ചിത്രരചന
ചിത്രരചനയോടുള്ള ആഭിമുഖ്യം വർദ്ധിപ്പിക്കാൻ വേണ്ടി ആഴ്ചകൾതോറും അയച്ചു കൊടുക്കുന്ന ചിത്രങ്ങൾ ഏറ്റവും മികച്ച രീതിയിൽ ചെയ്യുന്ന കുട്ടികൾക്ക് സമ്മാനങ്ങളും ഏർപ്പെടുത്തി.
നേർകാഴ്ച ചിത്രരചന
കോവിഡ് കാല അനുഭവങ്ങൾ പങ്കുവെക്കുന്ന ചിത്രങ്ങളാണ് കുട്ടികൾ നേര്കാഴ്ചയിലൂടെ വരച്ചത്.തിരത്തെടുത്തനൂറിലധികം ചിത്രങ്ങൾ ബി ആർ സി യിലേക്ക് അയച്ചുകൊടുത്തു.
ക്രാഫ്റ്റ്
പഠനത്തോടൊപ്പം ആഴ്ച തോറും ക്രാഫ്റ്റ് വർക്കുകൾ നൽകി കുട്ടികളിലെ കലാ വാസന വികസിപ്പിക്കാൻ സാധിച്ചു.
ദിനാചരണങ്ങൾ
ഓരോ ദിനാചരണങ്ങളും അതിന്റെ പ്രാധാന്യം വ്യക്തമാക്കുന്ന രീതിയിൽ സ്കൂളിൽ എന്നത് പോലെ വീടുകളിൽ പ്രവർത്തനങ്ങളിൽ ഏർപ്പെടുകയും ഫോട്ടോ ഗ്രൂപ്പുകളിൽ അയക്കുകയും ചെയ്തു .
ലാബ് അറ്റ് ഹോം
കൊറോണ കാലത്ത് രക്ഷിതാക്കൾക്ക് ഗണിതല്പശാല നടത്തി ഓരോ കുട്ടിയും വീട്ടിൽ വെച്ച് രക്ഷിതാക്കളുടെ സഹായത്തോടെ ഗണിത ലാബ് നിർമ്മിച്ചു.
ബാലവാണി
ജന പ്രീതി നേടിയ വാരാന്ത്യ ഓൺലൈൻ പ്രക്ഷേപണമായ ബാലവാണിയുടെ ആരംഭം കൊറോണ കാലത്തെ മികച്ച നേട്ടങ്ങളിൽ ഒന്നായിരുന്നു. ബാലവാണിയുടെ നൂറാം എപ്പിസോഡ് അതിഗംഭീരമായി ആഘോഷിച്ചു അതിഥികൾ പങ്കെടുക്കുകയും ബാലവാണിയുടെ അണിയറ പ്രവർത്തകരെ ആദരിക്കുകയും ചെയ്തു.
ഓൺലൈൻ കായിക പരിശീലനം
പഠനത്തോടൊപ്പം ശാരീരികശേഷി വർദ്ധിപ്പിക്കാൻ തരത്തിലുള്ള വ്യത്യസ്തങ്ങളായ കായിക പരിശീലനം നടത്തി എന്നത് മികച്ച നേട്ടങ്ങളിൽ ഒന്നായി.
പാഠ ചിത്രീകരണം- ഒന്നാം ക്ലാസ്
കുട്ടികളുടെ മനസ്സിൽ ആഴത്തിൽ പതിപ്പിക്കാൻ ഉതകും വിധം ഒന്നാം ക്ലാസിലെ പാഠഭാഗത്തിലെ കഥയെ ആസ്പദമാക്കി അധ്യാപകർ നടത്തിയ ദൃശ്യാവിഷ്കാരം ഏവരുടെയും ശ്രദ്ധയാകർഷിച്ചു.
ഓൺലൈൻ പരീക്ഷ
കുട്ടികളുടെ പഠന പുരോഗതി വിലയിരുത്തുന്നതിനായി ഓൺലൈനിൽ പരീക്ഷ നടത്തുകയും മൂല്യനിർണയം നടത്തി പഠന പിന്നോക്കം നിൽക്കുന്ന കുട്ടികൾക്ക് പരിഹാരമാർഗ്ഗങ്ങൾ നിർദ്ദേശിക്കുകയും ചെയ്തു.
പ്രതീക്ഷയിലേക്ക്
കൊറോണകാലത്തെ പിരിമുറുക്കം ഒഴിവാക്കി പുതിയ പ്രതീക്ഷയിലേക്ക് ചുവടുവെക്കാനായി അധ്യാപകരുടെ നേതൃത്വത്തിൽ ഒരുക്കിയ മനോഹരമായ ഇരവ് കഴിഞ്ഞാൽ എന്ന ഗാന ആവിഷ്കാരം കുട്ടികൾക്കും രക്ഷിതാക്കൾക്കും അതിലുപരി സമൂഹത്തിനും ഏറെ ആശ്വാസമായി
ശാസ്ത്ര ഗണിത ശാസ്ത്ര സാമൂഹ്യ ശാസ്ത്ര ലാബ്
2021-22 അധ്യായന വർഷത്തിൽ ആധുനിക സൗകര്യങ്ങളോടുകൂടിയ ശാസ്ത്ര ഗണിത ശാസ്ത്ര സാമൂഘ്യ ശാസ്ത്ര ലാബ് സ്കൂളിൽ ആരംഭിച്ചു .അറിയപ്പെടുന്ന ശാസ്ത്ര അദ്ധ്യാപകൻ ദിനേശ് തെക്കുമ്പാടിന്റെ നേതൃത്വത്തിൽ ഒരുക്കിയ ലാബിന് 'ആൽക്കമി ഹെവൻ ' എന്ന് നാമകരണം ചെയ്തു . ലാബിന്റെ പ്രവർത്തന ഉദ്ഘാടനം കോർപ്പറേറ്റ് മാനേജർ റവ . ഫാദർ ഡോ. ക്ലാരൻസ് പാലിയത് നിർവഹിച്ചു. റിട്ടയേർഡ് അദ്യാപികമാരായ സുമതി പി യു , സിൽവിയ പി ഒ എന്നിവരാണ് ലാബിലേക്ക് വേണ്ട ശാസ്ത്രോപകരണങ്ങളും അനുബന്ധ സാമഗ്രികളും സ്പോൺസർ ചെയ്തത്. പരീക്ഷണ നിരീക്ഷണങ്ങളിൽ കുട്ടികൾക്ക് നേരിട്ട് ഏർപ്പെടാനും ശാസ്ത്ര പഠനം ലളിതമാക്കാനും സുസജ്ജമായ ലാബ് സൗകര്യം വഴിയൊരുക്കുന്നുണ്ട്.
കുട്ടികളുടെ ഗവേഷണ ചിന്തകൾ പരിപോഷിപ്പിക്കുക പ്രായോഗിക പ്രവർത്തനങ്ങളും പരീക്ഷണങ്ങളും അടങ്ങുന്ന ശാസ്ത്ര മേഖലയുടെ പ്രയോഗം രസകരവും പ്രാപ്യവും ആക്കുക എന്നതാണ് ഇതിൻറെ ലക്ഷ്യം
ശാസ്ത്ര പഠനം ലളിതമാക്കാനും പരീക്ഷണ നിരീക്ഷണങ്ങളിൽ നേരിട്ട് ഏർപ്പെടാൻ കുട്ടികളെ സഹായിച്ചു മൈക്രോസ്കോപ്പിന്റെ ഉപയോഗം കുട്ടികളിൽ കൗതുകമുണർത്തി പാഠപുസ്തകങ്ങളുമായി ബന്ധപ്പെട്ട പല പഠനാനുഭവങ്ങളും കുട്ടികൾക്ക് അനുഭവവേദ്യമായി ദർപ്പണങ്ങൾ വിവിധയിനം സർക്കിൾ ഭൂപടങ്ങൾ ഗണിതത്തിന്റെ വിവിധതരം രൂപങ്ങൾ മറ്റു ലഘു യന്ത്രങ്ങൾ എന്നിവയ്ക്ക് കുട്ടികൾ പഠനം നേട്ടങ്ങൾ ഉണ്ടാക്കാൻ സഹായിച്ചു
മാനവരാശിയുടെ വികാസത്തിന് ശാസ്ത്രവും ടെക്നോളജിയും കാഴ്ചവച്ച സംഭാവനകൾ സ്നേഹമാണ് ശാസ്ത്രം ലോകത്തെ സ്വന്തം ചിറകിലേറ്റി പറക്കുകയാണ് തുറക്കാത്ത വാതിലുകൾ ഇനിയും ശേഷിക്കുന്നുകൊണ്ട് വിസ്മയങ്ങളുടെ പുതു ലോകങ്ങൾ കുട്ടികൾക്കായി സൃഷ്ടിക്കുകയാണ് ആൽക്കമീ ഹെവൻ.
കട്ടികളുടെ ഗവേഷണചിന്തകൾ പരിപാടി പിക്കുക, പ്രാദേശിക പ്രവർത്തനങ്ങളും പരീക്ഷണങ്ങളും അട ന ശാസന ദ്രാവിടെ പ്രവേഗം രസവും പ്രാച്യാം എന്നതാണ് ഇതിന്റെ ലക്ഷ്യം.
സംസ്കൃതം ക്ലബ്
ജുൺ മാസത്തിൽ സംസ്കൃതം ക്ലബ് രൂപീകരിച്ചു.സിദ്ധാർത്ഥ് 7j ക്ലബ്ബ് സെക്രട്ടറി ആയി തെരെഞ്ഞെടുത്തു. ക്ലബിന്റെ നേതൃത്വത്തിൽ രാമായണം മാസത്തിൽ രാമായണം പ്രശ്നോത്തരി ,രാമായണം പാരായണം,ചിത്രരചനാ എന്നിവ സംഘടിപ്പിച്ചു.പൂർവവിദ്യാർത്ഥിനിയായിരുന്ന ഗാനാവിനോദ് രാമായണം പ്രശ്നോത്തരി യുടെ ചോദ്യകർത്താവായി വന്നത് കുട്ടികൾക്ക് വളരെ പ്രചോദനമായി. സ്കൂളിൽ അക്ഷരശ്ലോക സംഘം രൂപീകരിച്ചു. സുഭാഷിത പരിചയവും,പദകേളിയും, സംഘത്തിന്റെ നേതൃത്വത്തിൽ സംഘടിപ്പിച്ചു.""ഒരു ദിവസം ഒരു പദം'''' എന്ന പദ്ധതിക്ക് രൂപം നല്കി യിട്ടുണ്ട്
ഐ.ടി ക്ലബ്
* ക്ലാസ്സ് തല പ്രവർത്തനങ്ങൾ ഓരോ അധ്യാപകരും ഐ.ടി ലാബിന്റെ സഹായത്തോടെ ചെയ്തു വരുന്നു.
* സ്ലൈഡ് ലൈബ്രറി- കുട്ടികളുടെയും അധ്യാപകരുടെയും പങ്കാളിത്തത്തിൽ യു.പി തലത്തിൽ പഠനത്തിന് സഹായകരമായ ലഘു സ്ലൈഡുകൾ തയ്യാറാക്കുകയും മറ്റു വിഷയങ്ങളുടെ പഠനവുമായി ബന്ധപ്പെട്ട് ഉപയോഗിക്കുകയും ചെയ്തു.
* ഡിജിറ്റൽ പെയിന്റിങ് , മലയാളം ടൈപ്പിങ് , ഐ.ടി ക്വിസ് എന്നീ ഇനങ്ങളിൽ 30 ഓളം കുട്ടികൾക്ക് പരിശീലനം നൽകുകയും അതിൽ നിന്ന് മികച്ച കുട്ടികളെ കണ്ടെത്തി സബ്ജില്ലാതല ഐ.ടി മേളയിൽ പങ്കെടുപ്പിച്ചു.
* ഐ.ടി ക്ലബ്ബിന്റെ ആഭിമുഖ്യത്തിൽ (സ്കൂൾ ഐ.ടി ക്ലബ് ) ക്വിസ് മത്സരം, പിക്ച്ചർ ക്വിസ് എന്നീ മത്സരങ്ങൾ നടത്തി.
* ഐ.ടി ലാബിന്റെ ഉപകരണങ്ങളുടെ പ്രവർത്തനക്ഷമതയും സൂക്ഷ്മതയും ഉറപ്പുവരുത്തി.
ഹിന്ദി ക്ലബ്ബ്
അധ്യയന വർഷത്തിൽ ഹിന്ദി ക്ലബ്ബിന്റെ നേതൃത്വത്തിൽ നടന്ന പ്രവർത്തന റിപ്പോർട്ട്.
ജൂൺ ആദ്യ ആഴ്ചയിൽ തന്നെ ഹിന്ദി ക്ലബ് രൂപീകരിച്ചു.ക്ലബ്ബിന്റെ പ്രസിഡന്റായി കുട്ടികളിൽ നിന്ന് ദിയ ഹരീന്ദ്രൻ സെക്രട്ടറിയായി ധ്വനി രാജീവ് എന്ന കുട്ടിയെയും തിരഞ്ഞെടുത്തു.ക്ലബ്ബിന്റെ ഭാഗമായി വിവിധ ഘട്ടങ്ങളിലായി പോസ്റ്റർ നിർമ്മാണം,വായന മത്സരം,കവിതാലാപനം,എന്നീ മത്സരങ്ങൾ സംഘടിപ്പിച്ചു.സെപ്റ്റംബർ 14 ഹിന്ദി ദിനമായി ആഘോഷിച്ചു.ഹിന്ദി അസംബ്ലി നടത്തി. ഹിന്ദിയിൽ പ്രതിജ്ഞ, വാർത്ത, സംഭാഷണം, പ്രസംഗം, കവിത, കഥ പറയൽ മിമിക്രി, ദേശഭക്തിഗീതം എന്നിവ കുട്ടികൾ അവതരിപ്പിച്ചു. ഹിന്ദി കലോത്സവത്തിൽ പദ്യാലാപനത്തിന് ദിയാഹരീന്ദ്രന് എ ഗ്രേഡ് ലഭിച്ചു പാഠഭാഗങ്ങൾ വായിച്ചു സ്റ്റാർ കൊടുത്തു കുട്ടികളെ പ്രോത്സാഹിപ്പിക്കുന്നു. പിന്നോക്കം നിൽക്കുന്ന കുട്ടികളെ പ്രത്യേക പരിഗണന നൽകി വിഷയത്തിലേക്ക് എത്തിക്കാനുള്ള പ്രവർത്തനങ്ങൾ നൽകിവരുന്നു.
ഇംഗ്ലീഷ് ലാംഗ്വേജ് ലാബ്
2018-19 അധ്യയനവർഷത്തിൽ തന്നെ സ്കൂളിൽ ലാംഗ്വേജ് ലാബിന്റെ പ്രവർത്തനങ്ങൾ തുടങ്ങിയിരുന്നു.അത് കുട്ടികളുടെ പഠനം ഊർജ്ജസ്വലതയോടെയും താൽപര്യത്തോടെയും നടത്താൻ സഹായിച്ചു.
രണ്ട് വർഷത്തെ കോവിഡ് കാലം അധ്യാപകരെയും കുട്ടികളെയും പിടിച്ചുലക്കിയപ്പോൾ ടെക്നോളജി എന്ന വിസ്മയമാണ് ഇവയിൽ നിന്ന് ഒരു പരിധിവരെ മോചനം നൽകിയത്. ഒരു ക്ലാസിന് ആഴ്ചയിൽ ഒരു ലാംഗ്വേജ് ലാബ് എന്ന രീതിയിലാണ് ലാബിന്റെ ടൈംടേബിൾ ക്രമീകരിക്കുന്നത്. അതത് ക്ലാസ്സിൽ ഇംഗ്ലീഷ് ഭാഷ കൈകാര്യം ചെയ്യുന്ന അധ്യാപകരാണ് കുട്ടികളെ ലാബിൽ എത്തിക്കുക. ഓരോ കുട്ടിക്കും പ്രത്യേകം ഇരിപ്പിടങ്ങളും ഹെഡ്സെറ്റും ലാബിൽ സജ്ജമാക്കിയിട്ടുണ്ട്. കൂടാതെ ഒരു ലാപ്ടോപ്പും പ്രൊജക്ടറും കൂടി ഉണ്ട്. ടീച്ചർ പ്രൊജക്ടർ ഓൺ ചെയ്ത് അത് ലാപ്ടോപ്പുമായി കണക്ട് ചെയ്തതിനുശേഷം കുട്ടികളുടെ പാഠഭാഗവുമായി ബന്ധപ്പെട്ട വീഡിയോ,ചിത്രങ്ങൾ, ഓഡിയോ എന്നിവ പ്രൊജക്റ്ററിൽ കാണിക്കുന്നു. കുട്ടികൾക്ക് അവ കാണുന്നു എന്നതിലുപരി കൃത്യമായ പ്രസന്റേഷൻ,സ്‌ട്രെസ്, ആക്സന്റ്, ടോൺ എന്നിവ വേർതിരിച്ച് മനസിലാക്കി കേൾക്കാനും സൗണ്ട് മോഡ്‌ലേഷൻ മനസിലാക്കാനും വളരെയധികം പ്രേയോജനപ്പെടുന്നു. തുടർച്ചയായ ക്ലാസ്സുകളിലൂടെ ഇംഗ്ലീഷ് ഭാഷ എങ്ങനെയാണു ഉച്ഛരിക്കേണ്ടതെന്നും എവിടെയൊക്കെയാണ് പല അക്ഷരങ്ങളും സൈലന്റ് ആയി ഇരിക്കുന്നതെന്നും കുട്ടികളും മനസിലാക്കുന്നു. ഇതിലൂടെ പാഠഭാഗങ്ങൾഎളുപ്പത്തിൽ ഗ്രഹിക്കാനും മോഡൽ ലൗഡ് റീഡിങ് എന്ന പ്രവർത്തനം എങ്ങനെ കാര്യക്ഷമമായി ടെക്‌നോളജിയിലൂടെ ഉപയോഗിക്കാമെന്നുഓ ടീച്ചർമാർക്കും ധാരണ ലഭിക്കുന്നു.
പല ഭാഷകളും കുട്ടികൾ പഠിക്കുന്നുണ്ടെങ്കിലും ഇംഗ്ലീഷ് ഭാഷയുടെ ഇടപെടൽ സ്കൂൾ കരി ക്കുലത്തെ വളരെ അധികം സ്വാധീനിച്ചിട്ടുണ്ട് എന്നത് പറയാതിരിക്കാൻ വയ്യ.അവ കുട്ടികൾക്കെങ്ങനെ എളുപ്പത്തിലും രസകരമായും സ്വായത്ത മാക്കാം എന്നത് ലാംഗ്വേജ് ലാബിലൂടെ നമ്മുക്ക് മനസിലാക്കാനും പ്രവർത്തിപ്പിക്കാനും സാധിച്ചു.സ്കൂളിന്റെ മികവുകളിൽത്തന്നെ എടുത്ത് പറയേണ്ട ഒരു പ്രവർത്തനമാണ് ലാംഗ്വേജ് ലാബിലൂടെ നമ്മുക്ക് കാഴ്ചവെക്കാൻ സാധിച്ചത്. കുട്ടികൾക്ക് ഇംഗ്ലീഷ് ഭാഷയിലൂടെ പ്രാ വീണ്യം തെളിയിക്കാൻ ലാംഗ്വേജ് ലാബ് ഒരു മുതൽക്കൂട്ടാണ് എന്ന് തന്നെ പറയാം.
ജൂനിയർ റെഡ്ക്രോസ് (JRC )
സ്കൂൾ കുട്ടികൾക്ക് മാതൃകപരമായ പ്രവർത്തനവുമായി JRC ആറ് വർഷം പിന്നിട്ടിരിക്കുന്നു. വ്യത്യസ്തവും മികവാർന്നതുമായ പല പ്രവർത്തനങ്ങളിലൂടെയും കുട്ടികളിൽ സാമൂഹിക അവബോധവും സഹായമനസ്കതയും ഉണ്ടാക്കിയെടുക്കാനുള്ള പ്രവർത്തനങ്ങൾ JRC യിലൂടെ നടത്തിയിട്ടുണ്ട്. വൃദ്ധ സദനങ്ങൾ സന്ദർശിക്കുകയും അവർക്കു വേണ്ട സഹായങ്ങൾ നല്കുകയും ചെയ്തതിലൂടെ അവരിൽ സഹജീവി സ്നേഹം, ദയ, എന്നിവ വളർത്താൻ സാധിച്ചിട്ടുണ്ട്. സ്കൂൾ ഹരിതാഭമാക്കുവാൻ എന്ന പരിപാടിയുടെ ഭാഗമായി പച്ചക്കറിത്തോട്ട നിർമ്മാണവും JRC യുടെ നേതൃത്വത്തിൽ ആരംഭിച്ചു. അതിലുപരിയായി വിഷരഹിതമായ പച്ചക്കറികൾ നട്ടുവളർത്താനുള്ള മനോഭാവം ഒരോ കുട്ടികളിലും ഉണ്ടാക്കാനും സാധിച്ചു. വളരെ താല്പര്യത്തോടെയാണ് ഒരോ കുട്ടകളും ഇതിനോട് സഹകരിക്കുന്നത്.
'പ്ലാസ്റ്റിക് വിരുദ്ധ ക്യാമ്പസ്' എന്ന പ്രതിജ്ഞയോടുകുടി JRC യുടെ നേതൃത്വത്തിൽ സ്കൂൾ ക്യാമ്പസ്
പ്ലാസ്റ്റിക് വിമുക്തമാക്കുന്ന പ്രവർത്തനങ്ങൾ ഇന്നും സജീവമായി നടത്തിക്കൊണ്ടിരിക്കുന്നു. ലഹരിക്കെതിരെ ഒറ്റ ചങ്ങലയായിനാട് കൈകോർക്കുമ്പോൾ JRC നേതൃത്വത്തിൽ കേരളപ്പിറവി ദിനത്തിൽമനുഷ്യച്ചങ്ങല തീർത്ത് ലഹരിക്കെതിരെ അണിനിരന്നു. സൈക്കിൾ റാലി നടത്തുകയും ചെയ്തു.
സ്കൂൾ ഡിസിപ്ലിൻ ,ഉച്ചഭക്ഷണ വെയിസ്റ് മാനേജ്‌മന്റ് ,എന്നിവയിലെല്ലാം കുട്ടികൾ വളരെ കൃത്യമായി ശ്രദ്ധ ചെലുത്തുന്നുണ്ട് . കുട്ടികളിൽ സാമൂഹിക അവബോധം ഉണ്ടാക്കി സേവനമനോഭാവം വളർത്താനുമായി അനാഥാലയങ്ങൾ സന്ദർശിക്കാനും തീരുമാനമായിട്ടുണ്ട്.
കായികപ്രവർത്തനങ്ങൾ
➖➖➖➖➖➖➖➖➖
സെന്റ്. പോൾസ് എ യു പി സ്കൂൾ എക്കാലവും കലാ കായിക മേഖലകളിൽ ജില്ലയിൽ തന്നെ മുന്നിലാണ് . 2022-23 വർഷം വേനലവധിയിൽ ആൺകുട്ടികൾക്കും പെൺകുട്ടികൾക്കും ഉള്ള ഫുട്ബോൾ കോച്ചിംഗ് കായിക അദ്ധ്യാപകനായ എ. ജി. ഹംലാദ് സാറിന്റെ നേതൃത്വത്തിൽ ആരംഭിച്ചു. രക്ഷിതാക്കളും ഇത് അതീവ താല്പര്യത്തോടെ തന്നെയാണ് ഏറ്റെടുത്തത് . തുടർന്ന് ജൂലൈ മാസം മുതൽ തന്നെ ഫുട്ബോൾ ക്യാമ്പ് നടത്തി. ഓഗസ്റ്റ് മാസത്തിൽ ഓഗസ്റ്റ് 15 നോട്‌ അനുബന്ധിച്ച് ഹംലാദ് സാറിന്റെ നേതിത്വത്തിൽ വിവിധയിനം കായിക പരിപാടികൾ ആണ് അരങ്ങേറിയത്.ആഴ്ചയിൽ ഒരിക്കൽ എല്ലാ കുട്ടികൾക്കും മാസ്സ് ഡ്രിൽ പരിശീലനവും നൽകുന്നു. ഡിസ്പ്ലേ ഡാൻസ് ഇനത്തിൽ പെടുന്ന ആൺകുട്ടികളുടെ ഡിസ്പ്ലേ റിംഗ് ഡാൻസ്, പെൺകുട്ടികളുടെ ഡിസ്പ്ലേ അമ്പർല്ല ഡാൻസ് എന്നിവ കണികളുടെ കരഘോഷങ്ങളുടെ ആക്കം കൂട്ടി. കൂടാതെ ഇന്ത്യൻ മാപ്പിന്റെ വലിയ പ്രദർശനവും കുട്ടികൾ പടിപടിയായി കയറി ഇറങ്ങി ത്രിവർണ പതാക വീശി പാതകയോടുള്ള ആദരവും ബഹുമാനവും അറിയിച്ചു. സ്കൂൾ അധികൃതർ പി.ടി.എ. മെമ്പർമാർ കുട്ടികൾ എന്നിവർ ജനാവലിയുടെ സാനിധ്യത്തിലാണ് കുട്ടികൾ ഈ പരിപാടികൾ കാഴ്ചവെച്ചത്
സെപ്റ്റംബർ ആദ്യവാരം തന്നെ ആൺകുട്ടികൾക്കും പെൺകുട്ടികൾക്കും പ്രത്യേക ബാഡ്മിന്റൺ , കൊക്കോ ക്യാമ്പ് നടത്തി. ഇവയിൽ ബോൾ ബാഡ്മിന്റണിൽ ആൺകുട്ടികൾ ഒന്നാം സ്ഥാനവും പെൺകുട്ടികൾ രണ്ടാം സ്ഥാനവും കരസ്ഥമാക്കി. അതിൽ തന്നെ ആൺകുട്ടികളിൽ നാലുപേരും പെൺകുട്ടികളിൽ രണ്ടുപേരും ജില്ലാതലത്തിലേക്ക് സെലക്ഷൻ നേടി. തുടർന്ന് മിഷാൽ എന്ന ആൺകുട്ടിയും ഫാത്തിമത്ത് നിദ എന്ന പെൺകുട്ടിയും സംസ്ഥാന തലത്തിലേക്കുള്ള മത്സരത്തിന് അർഹത നേടി എന്നതും പ്രശംസാർഹമാണ്.
ആൺകുട്ടികളുടെ കൊക്കോ ഗെയിംസിൽ അശ്വന്ത്, അങ്കിത്ത് എന്നീ കുട്ടികൾ സബ്ജില്ലാ മത്സരത്തിൽ സെലക്ഷൻ നേടി. ഇതേ മാസം തന്നെ സബ്ജില്ല തൈക്കോണ്ട മത്സരത്തിൽ നമ്മുടെ സ്കൂളിൽ നിന്ന് ആറു കുട്ടികൾ മത്സരിച്ചു. അതിൽ നാല് പേർ ഒന്നാം സ്ഥാനവും രണ്ടുപേർ രണ്ടാം സ്ഥാനവും കരസ്ഥമാക്കി. തുടർന്ന് സബ് ജില്ലയിൽ വിജയിച്ച നാല് പേർക്കും ജില്ലാതലത്തിലേക്ക് മത്സരിക്കാൻ അർഹത ലഭിക്കുകയും ചെയ്തു. ജില്ലാതലത്തിൽ മത്സരിച്ച നാല് പേരിൽ രണ്ടുപേർക്ക് സംസ്ഥാനതലത്തിലേക്ക് മത്സരിക്കാനുള്ള അവസരവും ലഭിച്ചു. സംസ്ഥാനതല തൈക്കോണ്ടാ ചാമ്പ്യൻഷിപ്പിൽ ദിൽഷിത് എന്ന കുട്ടി വെള്ളിയും സർവ്വജിത്ത് എന്ന കുട്ടി വെങ്കലവും നേടി കൈയ്യടി നേടി. ഒക്ടോബറിൽ നടന്ന ജൂനിയർ ഗേൾസ് ഫുട്ബോൾ ചാമ്പ്യൻഷിപ്പിൽ 3 കുട്ടികളെ സബ് ജില്ലയിലേക്കും അതിൽ ഒരു കുട്ടിയെ ജില്ലയിലേക്കും തുടർന്ന് സംസ്ഥാന തലത്തിലേക്ക് തിരഞ്ഞെടുത്തു. സബ് ജില്ലാതലത്തിൽ നടന്ന ആൺകുട്ടികളുടേയും പെൺകുട്ടികളുടേയും ഹാൻഡ് ബോൾ മത്സരത്തിൽ ആൺകുട്ടികൾ മൂന്നാം സ്ഥാനവും കരസ്ഥമാക്കി തുടർന്ന് 8 ആൺകുട്ടികളും 3 പെൺകുട്ടികളും ജില്ലാതല മത്സരത്തിൽ അർഹത നേടി.
ചെറുവത്തൂർ സബ് കമ്മത് ജില്ലാ സ്പോട്സ് മീറ്റിൽ ആൺകുട്ടികളുടെ ലോങ്ങ് ജമ്പിൽ രണ്ടാം സ്ഥാനവും പെൺകുട്ടികളുടെ ലോങ്ജമ്പിൽ രണ്ടാം സ്ഥാനവും കരസ്ഥമാക്കാൻ സാധിച്ചു. ആൺ കുട്ടികളുടെ 100 മീറ്ററിലും റിലേയിലും രണ്ടാം സ്ഥാന് കരസ്ഥമാക്കി.എൽ.പി വിഭാഗം കി ഡീസിൽ 100 മീറ്റർ ഓട്ടത്തിൽ ഒരാൺകുട്ടിയും പെൺകുട്ടിയും രണ്ടാം സ്ഥാനം കരസ്ഥമാക്കി. പെൺകുട്ടികളുടെ 50 മീറ്ററിൽ ഒന്നാം സ്ഥാനവും കരസ്ഥമാക്കി.
അറബിക് ക്ലബ്ബ്
അറബിക് ക്ലബ്ബിന്റെ ആഭിമുഖ്യത്തിൽ അലിഫ് ടാലെന്റ്റ് ടെസ്റ്റ് നടത്തി .അറബിക് കാലിഗ്രഫി ,നാടക പരിശീലനം നൽകുന്നു .കുട്ടികളിൽ സാമൂഹികാവബോധം ഉണ്ടാക്കുന്നതിനായി സഹപാഠിക്കൊരു സഹായം പദ്ധതി ആവിഷ്കരിച്ചു.ഈ വർഷത്തെ അറബിക് സാഹിത്യോത്സവത്തിൽ L P,U P വിഭാഗങ്ങളിൽ ഓവറോൾ ചാമ്പ്യൻ പട്ടം നേടുകയുണ്ടായി .ഡിസംബർ 18 അന്താരാഷ്ട്ര അറബി ഭാഷ ദിനത്തിൽ വിവിധ പരിപാടികൾ നടത്തുവാൻ ക്ലബ് തീരുമാനിച്ചിട്ടുണ്ട് .
സെന്റ് പോൾസ് മെസ്സഞ്ചർ
2000 ൽ അധികം കുട്ടികൾ പഠിക്കുന്ന നമ്മുടെ വിദ്യാലയത്തിൽ 200 ൽ പരം കുട്ടികൾ സൈക്കിളിലാണ് സ്കൂളിൽ എത്തുന്നത് .ആഴ്ചയിൽ ഒരു ദിവസം കുട്ടികൾ മൂല്യബോധം ഉൾകൊള്ളുന്ന വാക്കുകൾ പ്ലകാർഡിൽ തയ്യാറാക്കി അത് അവരുടെ സൈക്കിളിൽ പ്രദർശിപ്പിച്ചുകൊണ്ട് സ്‌കൂളിലെത്തുന്ന ഒരു പരിപാടിയാണ് ഇത് .അന്നേ ദിവസം കുട്ടികൾ യൂണിഫോമിന് പുറമെ പ്രത്യേക നിറത്തിലുള്ള തൊപ്പി ധരിച്ചാണ് സ്കൂളിൽ എത്തുന്നത് .പ്ലക്കാർഡുകൾ സ്കൂളിലെ വിവിധ മരക്കൊമ്പുകളിൽ തൂക്കിയിട്ടു മറ്റു കുട്ടികൾക്ക് കാണുവാനുള്ള അവസരവും ഉണ്ട് .
കുരുന്നു നന്മകൾ
ദൈനംദിന ജീവിതത്തിൽ നമ്മൾ അറിഞ്ഞ്‌ കൊണ്ടും അറിയാതെയും ധാരാളം നന്മകൾ ചെയ്യുന്നവരാണ് .മുതിർന്നവർ ചെയ്യുന്ന കാര്യങ്ങളിൽ അവർക്കു കൃത്യമായ ബോധ്യം ഉണ്ടാകുമെങ്കിലും കുട്ടികൾക്ക് അവർ ചെയ്യുന്ന കാര്യങ്ങളിലെ നന്മ തിന്മകൾ തിരിച്ചറിയണമെന്നില്ല .അതിനു സഹായകമായ ഒരു പദ്ധതിയാണ് കുരുന്നു നന്മകൾ .വ്യത്യസ്തമായ എന്തെങ്കിലും നന്മകൾ കുട്ടികൾ ചെയ്തിട്ടുണ്ടെങ്കിൽ അത് അധ്യാപകർ ചോദിച്ചറിയുകയും ആ പ്രവൃത്തി ചെയ്യുന്ന ഫോട്ടോയോ അല്ലെങ്കിൽ വീഡിയോയോ ശേഖരിക്കുകയും പ്രസിദ്ധപെടുത്തുകയും ചെയ്യുന്നു. ഇത് മറ്റുള്ളവർക്ക് ഒരു പ്രചോദനമാവുകയും കുട്ടികളിൽ നന്മ തിന്മകളെ കുറിച്ചുള്ള അവബോധം ഉണ്ടാക്കുവാനും സഹായിക്കുന്നു .
ദിനാചരണം ഒരു പാഠം
തൃക്കരിപ്പൂർ സെന്റ് പോൾസ് എ യു പി സ്കൂളിനെ സംബന്ധിച്ചിടത്തോളം ഓരോ ദിനാചരണങ്ങളുംഅതിന്റെ പ്രാധാന്യം വ്യക്തമാക്കുന്ന രീതിയിൽഅർത്ഥവത്തായി ആചരിക്കാൻ സാധിക്കുന്നുണ്ട്എന്നതിൽ നമുക്ക് അഭിമാനിക്കാം.
ജൂൺ 2
കുട്ടികളോട് ഓരോ ചെടി വീതം കൊണ്ടുവരാൻ പറയുകയും 'സൗഹൃദമരം' അവർ സ്കൂളിൽ വച്ച് പരസ്പരം സ്നേഹസമ്മാനമായി
കൊടുക്കുകയും വീട്ടുമുറ്റത്ത് നടുകയും ചെയ്തു .
ശാസ്ത്ര ക്ലബ്
ജൂൺ 5
മനുഷ്യന്റെ സ്വാർത്ഥപരമായ ഇടപെടൽകാരണം അനുദിനം നശിച്ചു കൊണ്ടിരിക്കുന്നപ്രകൃതിയെ സംരക്ഷിക്കാൻ നമ്മുടഭാഗത്തു നിന്ന് ബോധപൂർവമായ പവർത്തനങ്ങൾ ഉണ്ടാകേണ്ടിയിരിക്കുന്നു എന്ന് ഓർമിപ്പിച്ചു കൊണ്ട് ജൂൺ 5 പരിസ്ഥിതി ദിനാത്തോടെ ക്ലബ്ബ് പ്രവർത്തനങ്ങൾ ആരംഭിച്ചു .
ജൂൺ 6 : ഔഷധത്തോട്ട നിർമ്മാണം .
ജൂൺ 7 : ചിത്ര രചനാ മത്സരം .
ജൂൺ 8 : പരിസ്ഥിതി ദിന ക്വിസ്
ഡോക്ടേഴ്സ് ഡേ (ജൂലൈ-1)
ക്ലാസ് തലത്തിൽ ഗ്രീറ്റിംഗ് കാർഡ് നിർമ്മാണം നടത്തി, തെരഞ്ഞെടുത്ത കാർഡുകൾ അടുത്തുള്ള നാല് ഹോസ്പിറ്റലുകളിലെ ഡോക്ടർമാർക്ക് ജൂലൈ 1ന് അധ്യാപകരോടൊപ്പം കുട്ടികൾ നേരിട്ട് കൈമാറി ആശംസകൾ അറിയിച്ചു. ഉച്ചക്ക് 2.30 ന് ഡോ.ശ്രീകുമാർ അതിഥിയായി എത്തി. ദന്ത സംരക്ഷണത്തെക്കുറിച്ച് പ്രഭാഷണം നടത്തി.
ചാന്ദ്രദിനം (21.O7. 22)
ക്ലാസ് തലത്തിൽ ചാന്ദ്രദിന ക്വിസ്സ് നടത്തി
വിജയികൾക്കായി സ്കൂൾ തലത്തിൽ ജിതേഷ് മാഷിന്റെ നേതൃത്വത്തിൽ പവർ പോയിൻ്റ് പ്രസൻ്റേഷനിലൂടെ നടത്തിയ ക്വിസ്സ് കുട്ടികളിൽ ഏറെ താൽപര്യം ജനിപ്പിച്ചു.
ഓഗസ്റ്റ് 6,7 - ഹിരോഷിമ നാഗസാക്കി ദിനം
ക്ലബ്ബിന്റെ നേതൃത്വത്തിൽ സ്പെഷ്യൽ അസംബ്ലി നടത്തി. അന്ന് കുട്ടികൾക്ക് ഓൺലൈനായി യുദ്ധവിരുദ്ധ സന്ദേശം നൽകിയത് വി. എസ്. ബിജുരാജ് സാറാണ്. യുദ്ധവിരുദ്ധ ചാർട്ട് പ്രദർശനം, യുദ്ധവിരുദ്ധ സന്ദേശം (പേപ്പർ കപ്പിൽ )സഡാക്കോ കൊക്ക് നിർമ്മാണം, യുദ്ധവിരുദ്ധ റാലി, യുദ്ധവിരുദ്ധ കൊളാഷ് നിർമ്മാണം.
ഓഗസ്റ്റ് 15 - സ്വാതന്ത്ര്യദിനാഘോഷം
അന്നേദിവസം സ്പെഷ്യൽ അസംബ്ലി, വ്യത്യസ്ത ഭാഷകളിൽ പ്രസംഗ മത്സരം, സ്വാതന്ത്ര്യ സമര സേനാനികളുടെ ചിത്രം വരച്ച പ്ലക്കാർഡ് നിർമ്മാണം, സ്വാതന്ത്ര്യ ദിന ക്വിസ്,സ്വാതന്ത്ര്യ റാലി.സ്വാതന്ത്ര്യദിന സ്പെഷ്യൽ അസംബ്ലി , PT display, നാലാം ക്ലാസ് മുതൽ ഏഴാം ക്ലാസ് വരെയുള്ള കുട്ടികളെ അണിനിരത്തി കൊണ്ടുള്ള വർണാഭരമായ ഘോഷയാത്ര,എന്നിവ സംഘടിപ്പിച്ചു.സ്വാതന്ത്ര്യദിനാഘോഷ പരിപാടികൾ Rtd ഹവിൽദാർ രാജേഷ് M.ആഘോഷ പരിപാടികളുടെ ഉദ്ഘാടനം നിർവഹിച്ചു.
വീടുകളിൽ ഹർഘർ തി രംഗ-ത്രിവർണ പതാക ഉയർത്തിയത് കുട്ടികളുടെ ആവേശവും മലയാളത്തിലും ഉറുദുവിലും സ്വാതന്ത്ര്യ ദിന ക്വിസ്, സ്വാതന്ത്ര്യ സമര സേനാനികളുടെ ചിത്രം പതിച്ച പ്ലക്കാർഡുകൾ , ദേശഭക്തിഗാനങ്ങൾ, അറബിക് ,സംസ്കൃതം, ഉറുദു ,മലയാളം, ഇംഗ്ലീഷ് ,ഹിന്ദി, എന്നീ ഭാഷകളിൽ പ്രസംഗമത്സരം നൃത്തശില്പം, ഭാരതാംബയുടെ സാന്നിധ്യം തുടങ്ങിയവ ദിനാചരണത്തിന്റെ മാറ്റ് കൂട്ടി.
ഓഗസ്റ്റ് 18 - സ്കൂൾ പാർലമെന്റ് തിരഞ്ഞെടുപ്പ്
ജനാധിപത്യ മൂല്യങ്ങൾ കുട്ടികൾക്ക് പകർന്നു നൽകാനായി തിരഞ്ഞെടുപ്പ് നടത്തി. ബാലറ്റ് പെട്ടി നാമനിർദ്ദേശപത്രിക,
വോട്ടിംഗ് മെഷീൻ, സ്ഥാനാർത്ഥികൾ, മത്സരഫലം എന്നിവയും നടത്തി.
ഒക്ടോബർ 1 വയോജക ദിനം
വയോജകദിനത്തിൽ അഗതി മന്തിരത്തിലെ പ്രായം കൂടിയ മൂത്തമ്മയെ പൊന്നാട നൽകി ആദരിച്ചു.
ഒക്ടോബർ 2 ഗാന്ധി ജയന്തി
സ്പെഷ്യൽ അസ്സമ്ലി, ഗാന്ധി ക്വിസ്, ചിത്രരചന, ഡൂഡിൽ, ചാർട്ട് പ്രദർശനം, ഗാന്ധി സൂക്തങ്ങൾ എന്നിവ സംഘടിപ്പിച്ചു.
ഒക്ടോബർ 6- ലഹരി വിരുദ്ധ ബോധവത്കരണ ക്ലാസ്സ് നീലേശ്വരം റേഞ്ച് എക്‌സൈസ് ഓഫീസർ ശ്രീ കണ്ണൻകുഞ്ഞി ക്ലാസ്സെടുത്തു.
ഒക്ടോബർ 2 മുതൽ 9വരെ ശുചിത്വവാരാഘോഷമായി ആചരിച്ചു.
ഒക്ടോബർ 7 സ്കൂൾ കലാമേള സംഘടിപ്പിച്ചു.
ഒക്ടോബർ 12 അറബിക് സംസ്‌കൃത കലോത്സവം സംഘട്ടിപ്പിച്ചു.
ഒക്ടോബർ 18
നേത്ര ദാന പക്ഷാചരണം പോസ്റ്റർ രചന സംഘടിപ്പിച്ചു.
ഒക്ടോബർ 15,16,18,20
സ്കൂൾ കായിക മേള സംഘടിപ്പിച്ചു
നവംബർ 1 കേരള പിറവി, ലഹരി വിരുദ്ധ സംഗീത ശില്പം, കേരള ഗാനം, പഴഞ്ചൻ വ്യാഖ്യാനം, സാഹിത്യകാരന്മാരെ തിരിച്ചറിയൽ, കുട്ടികൾ കേരള മാതൃക സൃഷ്ടിച്ചു.
ലഹരി മുക്ത കേരളം പരിപാടിയുടെ ഭാഗമായി സൈക്കിൾ റാലി സംഘട്ടിപ്പിച്ചു. കാർഡ് നിർമ്മാണവും നടത്തി.
നവംബർ 11- പുതിയ പാഠ്യ പദ്ധതി ചർച്ച
ബി ആർ സി ട്രെയിനർ സനൂപ് മാസ്റ്റർ വിഷയവതരണം നടത്തി.13 ഗ്രൂപ്പുകളുടെ നേതൃത്വത്തിൽ പാഠയപദ്ധതി ചർച്ച നടത്തുകയും റിപ്പോർട്ട് അവതർപ്പിക്കുകയും ചെയ്തു.
നവംബർ 12 ദേശിയ പക്ഷി നിരീക്ഷണ ദിനം
ഈ ദിനത്തിന്റെ സന്ദേശം അസെംബ്ലയിൽ അവതരിപ്പിച്ചു.
നവംബർ 14 ശിശു ദിനം
കുട്ടികളുടെ കലാപരിപാടികൾ, നെഹ്‌റുവിന്റെ വേഷം ധരിച്ച കുട്ടികൾ എത്തി, മിറർ റീഡിങ്ങിൽ ലിംക ബുക്ക് ഓഫ് റെക്കോർഡ് കരസ്തമാക്കിയ മാസ്റ്റർ ദേവാദർശനെ ചടങ്ങിൽ ആദരിച്ചു.
നല്ല പാഠം
സെന്റ് പോൾസ് എ യു പി സ്കൂളിന്റെ കാരുണ്യത്തിന്റെ മുഖമാണ് നല്ലപാഠം. നന്മയുടെ പാതയിലൂടെ സ്നേഹത്തോടെയും സന്തോഷത്തോടെയും നമ്മുടെ കുരുന്നുകൾ എല്ലാ വെള്ളിയാഴ്ചകളിലും നിക്ഷേപിക്കുന്ന ഒരു രൂപ രണ്ട് രൂപ നാണയ തു ട്ടുകൾ ചേർത്തുവച്ച് ഉണ്ടാകുന്ന വലിയ ഒരു സഹായനിധിയാണ് നല്ല പാഠം . സെന്റ് പോൾസിലെ നിർധനരായ രക്ഷിതാക്കളെയും വിദ്യാർത്ഥികളെയും മാത്രമല്ല ഞങ്ങളുമായി ബന്ധപ്പെട്ട് പ്രവർത്തിക്കുന്ന ഡ്രൈവർമാരെയും ക്ലീനിങ് സ്റ്റാഫിനെയും സഹായിക്കാൻ ഇതിലൂടെ ആയിട്ടുണ്ട്. 2021 നവംബർ മുതൽ 2022 നവംബർ മാസം വരെ ഏകദേശം രണ്ട് ലക്ഷത്തിലധികം രൂപ നല്ലപാഠം പദ്ധതിയിലൂടെ ലഭിക്കുകയും സ്കൂളിലെ നിർധനരായ കുട്ടികൾക്കും രക്ഷിതാക്കൾക്കും ചെറുതും വലുതുമായ ചികിത്സാ സഹായത്തിന് കഴിഞ്ഞിട്ടുണ്ട്. നിർധനരായ ഒരു കുട്ടിക്ക് കട്ടിൽ വാങ്ങി നൽകാനും കൊറോണ കാലത്തെ ഡ്രൈവേഴ്സിനും ക്ലീനിങ് സ്റ്റാഫിനും ഭക്ഷണം വാങ്ങാനും ഇതിലൂടെ കഴിഞ്ഞു. കൂടാതെ പാവപ്പെട്ട കുട്ടികളുടെ വാഹന ചാർജ് നല്ല പാഠത്തിലൂടെയും അധ്യാപകരുടെ ചാരിറ്റി ഫണ്ടിൽ നിന്നും നൽകി.
കൈ മറന്ന് സഹായം നൽകി കുരുന്നുകൾ
തൃക്കരിപ്പൂർ ഗ്രാമ പഞ്ചായത്ത് പരിധിയിലെ വൃക്കരോഗികളുടെ ചികിത്സക്ക് അടിയന്തര ചികിത്സാ സഹായം എത്തിക്കുന്നതിന് രൂപം നൽകിയ ദുരിതാശ്വാസനിധിയിലേക്ക് സെന്റ് പോൾസ് സ്കൂളിൽ നിന്ന് സ്വരൂപിച്ച 21240 രൂപ സംഭാവന നൽകി. ഈ തുക സ്കൂൾ മാനേജർ ഫാദർ വിനു കൈയാനിക്കൽ, പി ടി എ പ്രസിഡണ്ട് കരീം ചന്തേര, പ്രധാനാധ്യാപിക സിസ്റ്റർ ഷൈമോൾ ജോർജ്, എന്നിവർ ചേർന്ന് ഗ്രാമപഞ്ചായത്ത് പ്രസിഡന്റ് സത്താർ വടക്കുമ്പാടിന് കൈമാറി. 3 ഡി യിൽ പഠിക്കുന്ന ആദിൽ ദേവിന് ചികിത്സയ്ക്കായി നല്ല പാഠത്തിലൂടെ സമാഹരിച്ച ഒരു ലക്ഷത്തി പതിനഞ്ചായിരം രൂപ ഇവരുടെ കുടുംബത്തിന് നൽകിയത് അവർക്ക് ഒരു വലിയ ആശ്വാസമായി. അതുപോലെ 2C ക്ലാസ്സിൽ പഠിക്കുന്ന രണ്ടു കുരുന്നുകളുടെ അച്ഛന് വാഹന അപകടത്തിൽ പറ്റിയ ചികിത്സയ്ക്കായി പത്തായിരം രൂപ നൽകി.6Cയിൽ പഠിക്കുന്ന ആന്റണിക്ക് ചികിത്സാ സഹായമായി പത്തായിരം രൂപ നൽകി. 3 എ യിലെ ഒരു കുട്ടിക്ക് പത്തായിരം രൂപ സഹായമായി നൽകി. 4C യിലെ മറ്റൊരു കുട്ടിക്കും പത്തായിരം രൂപ ചികിത്സാ സഹായമായി നൽകി. യാത്ര ചെലവ് വഹിക്കാൻ കഴിയാത്ത നിർധനരായ കുട്ടികൾക്ക് ജൂൺ മുതൽ സെപ്റ്റംബർ വരെ 49009/-രൂപ വാഹന വാടകയായി നൽകി.
പഠനത്തോടൊപ്പം കുട്ടികൾക്ക് സഹജീവി സ്നേഹവും അനുകമ്പയും കരുണയും വളർത്തുവാനായി നല്ല പാഠം ഒരു നല്ല മാതൃകയാണ്. തന്നാൽ കഴിയുന്ന ഒരു രൂപതു ട്ടുകൾ അധ്യാപകരുടെ നല്ല പാഠത്തിൽ ഏൽപ്പിക്കുമ്പോൾ അ ണ്ണാറക്കണ്ണന് തന്നാലായത് പോലെയും പലതുള്ളി പെരുവെള്ളം പോലെയും എല്ലാ നാണയങ്ങളും ഒത്തുകൂടിയപ്പോൾ അവരുടെ കുഞ്ഞ് അനുജത്തിമാർക്കും ജ്യേ ഷ്ടന്മാർക്കും രക്ഷിതാക്കൾക്കും സമീപത്തുക്കളെ നാട്ടുകാർക്കും കൈത്താങ്ങും ആശ്വാസവുമായി. നല്ല പാഠം എന്ന പ്രവർത്തനത്തിലൂടെ കുട്ടികളിൽ നന്മ വളർന്നു വരുന്നത് പുതുതലമുറയിലൂടെ നല്ലപോലെ വളർത്തിയെടുക്കാൻ കഴിയും എന്ന് നമുക്ക് ആശ്വസിക്കാം.
ഉച്ചഭക്ഷണ പരിപാടി കാര്യക്ഷമമാക്കുന്നതിൽ മാനേജ്മെന്റിന്റെ സംഭാവന.
സ്കൂൾ ഉച്ചഭക്ഷണ പരിപാടി കാര്യക്ഷമമാക്കുന്നതിന് സ്കൂൾ മാനേജ്മെന്റ് നല്ല ഒരു പങ്ക് വഹിച്ചു വരുന്നു.രണ്ടായിരത്തിൽ അധികം കുട്ടികൾ പഠിക്കുന്ന നമ്മുടെ സ്കൂളിന് സർക്കാർ നിയമപ്രകാരം രണ്ട് പാചക തൊഴിലാളികളെയാണ് അനുവദിച്ചിട്ടുള്ളത്. ഇവരെ മാത്രം ആശ്രയിച്ചുകൊണ്ട് ഇത്രയും കുട്ടികൾക്ക് ഭക്ഷണം പാകം ചെയ്യുക എന്നുള്ളത് വളരെ പ്രയാസകരമാണ്.അതുകൊണ്ട് സ്കൂൾ മാനേജ്മെന്റ് വേതനം നൽകിക്കൊണ്ട് ആറുപേരെ പാചകത്തിന് സഹായിക്കുവാനും സ്കൂളും പരിസരവും ശുചീകരണ പ്രവർത്തി ചെയ്യുന്നതിനും വേണ്ടി നിയമിച്ചിട്ടുണ്ട്.
ഭാരത് സ്കൗട്ട് ആൻഡ് ഗൈഡ്
ഇന്ത്യയിലെ സ്കൗട്ടിന്റെയും ഗൈഡിന്റെയും സംഘടനയാണ് ഭാരത് സ്കൗട്ട് ആൻഡ് ഗൈഡ്സ്.സംഘടനയുടെ ആസ്ഥാനം ന്യൂഡൽഹിയാണ്. സ്കൗട്ട് ആൻഡ് ഗൈഡ്സിന്റെ മുദ്രാവാക്യം ' തയ്യാർ' .പഠനത്തോടൊപ്പം സേവനമനോഭാവവും , സ്നേഹവും , ദയയുള്ളവരാകാൻ പ്രാപ്തരാക്കുക എന്നതാണ് ലക്ഷ്യം.
ആറാം ക്ലാസ് മുതലാണ് സ്കൗട്ട് ആൻഡ് ഗൈഡ് പ്രസ്ഥാനത്തിലേക്ക് കുട്ടികൾ പ്രവേശിക്കുന്നത്. ഗൈഡ് പ്രസ്ഥാനത്തിലേക്ക് പ്രവേശിച്ച ആറാം ക്ലാസിലെ കുട്ടികളെ എട്ടു കുട്ടികൾ അടങ്ങുന്ന അഞ്ചു ഗ്രൂപ്പുകളായി തിരിച്ച് അവർക്ക് ആവശ്യമായ നിർദ്ദേശങ്ങൾ നൽകുന്നു.ഏഴാം ക്ലാസിലെ കുട്ടികൾ ഒറ്റ ഗ്രൂപ്പായി സ്കൂൾ സന്നദ്ധ പ്രവർത്തനങ്ങളിൽ പങ്കാളികളാകുന്നു.
സ്കൂൾ പരിസരം ശുചിയായി സൂക്ഷിക്കുന്നതിനും അച്ചടക്കം നിലനിർത്തുന്നതിനും സംഘടനാ പ്രവർത്തകരായ കുട്ടികൾ സന്നദ്ധതയോടെ പങ്കാളികളാകുന്നു. ഓരോ കുട്ടികൾക്കും നൽകുന്ന ജോലികൾ അവർ വളരെ ഭംഗിയായി ചെയ്യുവാൻ കഴിവിന്റെ പരമാവധി ശ്രമിക്കുന്നു.ഉച്ചഭക്ഷണം അതിന്റെ പ്രാധാന്യം മനസ്സിലാക്കിക്കൊണ്ട് അവിടെ അച്ചടക്കം നിലനിർത്താൻ ഗൈഡ്സ് കുട്ടികൾ പരമാവധി ശ്രദ്ധിക്കുന്നു.കുട്ടികളിൽ സേവനമനുഭവം വളർത്താൻ ഉതകുന്ന പ്രവർത്തനങ്ങളിൽ പങ്കാളിയാകുന്നതിന്റെ ഭാഗമായി കുട്ടികൾക്ക് ഒരു ദിവസത്തെ ക്യാമ്പ് സംഘടിപ്പിക്കുവാൻ തീരുമാനിച്ചിട്ടുണ്ട്.
ബാന്റ് സെറ്റ്
ഏകദേശം 35 വർഷത്തിലധികമായി സെൻറ് പോൾസിന് സ്വന്തമായി ഒരു ബാന്റ് സെറ്റ് ഉള്ളത്. ആദ്യകാലത്ത് സെൻറ് പോൾസ് ഓർഫനേജിലെ കുട്ടികളായിരുന്നു ബാന്റ് സെറ്റിൽ ഉണ്ടായിരുന്നത്. പിന്നീട് സിസ്റ്റർ അമിത ബാന്റിന്റെ ചുമതല ഏറ്റെടുത്തതോടെ ബാ ന്റ് സെറ്റിന് ഒരു പ്രൊഫഷണൽ രൂപം വന്നു. കൂടാതെ സ്വന്തമായി യൂണിഫോം ഡ്രസ്സും ഉണ്ടായി.ഇക്കാലത്ത് തൃക്കരിപ്പൂരിലേക്കും പരിസരപ്രദേശങ്ങളിലേക്കും ഏതൊരു സാമൂഹ്യ സാംസ്കാരിക പരിപാടികളിലും എല്ലാം പോൾസ് ടൗണിന്റെ ബാൻഡ് സെറ്റ് സജീവ സാന്നിധ്യമായി തീർന്നു. കൂടാതെ സബ്ജില്ലാ , ജില്ല, സ്പോർട്സ് മേളകളിൽ സെൻറ് പോൾസിന്റെ ബാൻഡ് മേളം സ്ഥിരസാന്നിധ്യമായിരുന്നു. ഇന്നും ഇത് അഭംഗുരം തുടരുന്നു.ഇക്കാലയളവിൽ സെൻറ് പോൾസിന്റെ പ്രധാന അധ്യാപകരായി വന്ന എല്ലാവരും ബാന്റിന് അകമഴിഞ്ഞ പ്രോത്സാഹനമാണ് നൽകി വന്നത്. ഇപ്പോൾ ബാന്റിന്റെ ചുമതല വഹിക്കുന്നത് വിൽസൺ മാസ്റ്റർ, സീത ടീച്ചർ എന്നിവരാണ് . ഇപ്പോഴത്തെ ഹെഡ്മിസ്ട്രസ് സിസ്റ്റർ ഷായ് മോൾ ജോർജും ബാന്റ് സെറ്റിന് അകമഴിഞ്ഞ പ്രോത്സാഹനം നൽകിവരുന്നു.