കാലിക്കറ്റ് ഗേൾസ് വൊക്കേഷണൽ ആന്റ് എച്ച്. എസ്സ്. എസ്സ്./പ്രവർത്തനങ്ങൾ
| സ്കൂൾ | സൗകര്യം | പ്രവർത്തനം | പ്രൈമറി | എച്ച്.എസ് | എച്ച്.എസ്.എസ്. | വി.എച്ച്.എസ് | ചരിത്രം | അംഗീകാരം |
മികവ് പ്രോജക്ട്
കാലിക്കറ്റ് ഗേൾസ് സ്‌കൂളിനെ അന്തർദേശീയ നിലവാരത്തിലുള്ള ഒരു വിദ്യാലയമാക്കി പരിവർത്തിപ്പിക്കുകയും ഓരോ വിദ്യാർത്ഥിക്കും അവളുടെ ഏറ്റവും ഉയർന്നതലത്തിലുള്ള പ്രതിഭയെ വളർത്തിയെടുക്കാനും കഴിയുന്നതരത്തിൽ അക്കാദമിക നിലവാരം ഉയർത്തുകയും ചെയ്യുക.
ലക്ഷ്യങ്ങൾ
a)നിലവിലുള്ള ഭൗതിക സൗകര്യങ്ങളെ ദേശീയ നിയലവാരത്തിലെത്തിക്കുക
b)ഓരോ ക്ലാസിലും ഹൈടെക്ക് സൗകര്യങ്ങൾ ഒരുക്കി അധ്യാപനം ആധുനികവൽക്കരിക്കുക
c)അക്കാദമിക രംഗത്ത് സമഗ്രമായ പരിവർത്തനം സൃഷ്ടിക്കുക
d)ക്യാംപസിൽ വിദ്യാർത്ഥി കേന്ദ്രീകൃത പഠനാന്തരീക്ഷം സൃഷ്ടിക്കുക
e)പഠ്യേതര പ്രവർത്തനങ്ങൾ, സ്പോർട്സ് തുടങ്ങിയ വിനോദങ്ങൾക്ക് മികച്ച സാഹചര്യങ്ങൾ ഒരുക്കുക
f)അധ്യാപകർക്ക് മികച്ച പരിശീലനം നൽകി ടീച്ചിംഗ് ലേർണിംഗ് പ്രോസസ്സ് ഉന്നത നിലവാരത്തിലെത്തിക്കുക.
g)ഓരോ കുട്ടിയേയും പ്രത്യേകം ശ്രദ്ധിക്കുവാൻ കഴിയുന്ന തരത്തിൽ ഭാവി തലമുറയെ വാർത്തെടുക്കാൻ പ്രചോദനം നല്കുന്നതിനിന് വേണ്ടി അധ്യാപകർക്ക് പ്രത്യേക പരിശീലനം നൽകുക
h)മറ്റു സ്‌കൂളുകൾക്ക് മാതൃകയാക്കാവുന്ന തരത്തിൽ മികച്ച പദ്ധതികൾ ആസൂത്രണം ചെയ്തു നടപ്പിലാക്കുക.
i)ദേശീയ, അന്തർദേശീയ തലത്തിലുള്ള സ്കൂൾ സ്റ്റാൻഡേർഡ് കൾ നടപ്പിലാക്കി സ്‌കൂളിനെ മികവിന്റെ കേന്ദ്രമാക്കുക
ആസൂത്രണവും നടത്തിപ്പും
പദ്ധതി നടത്തിപ്പിനായി 2015 ൽ സ്കൂൾ മാനേജ്മെന്റ് കമ്മിറ്റി രൂപവൽക്കരിച്ചു. മാനേജിംഗ് കമ്മിറ്റി, പി.ടി.എ, വാർഡ് കൗൺസിലർ, പ്രിൻസിപ്പൽ, ഹെഡ്മിസ്ട്രസ്, മറ്റു അധ്യാപകർ, വിദ്യാർത്ഥി പ്രതിനിധികൾ എന്നിവർ എസ്.എം.സി കമ്മിറ്റിയിൽ അംഗങ്ങളാണ്.
സ്‌കൂളിലെ പ്രവർത്തനത്തെ വിത്യസ്ത മേഖലകളാക്കിത്തിരിച്ച് അധ്യാപകരടങ്ങുന്ന ഓരോ ടീമിന് നൽകി. സ്‌കൂളിന്റെ മൊത്തം പ്രവർത്തനങ്ങളെ ഏകോപിപ്പിക്കാൻ പ്രൊജക്റ്റ് കോഡിനേറ്റർ, ദേശീയ അന്തർദേശീയ സ്റ്റാൻഡേർഡ്കൾ പരിശോധിച്ച് സ്‌കൂളിന് സ്വന്തമായി സ്റ്റാൻഡേർഡ്കൾ രൂപപ്പെടുത്താൻ സ്റ്റാൻഡേർഡൈസേഷൻ കോഡിനേറ്റർ, അക്കാദമിക രംഗത്തെ ശാക്തീകരിക്കാൻ അക്കാദമിക കോഡിനേറ്റർ, ഹെൽത്ത് കോഡിനേറ്റർ , ഹ്യുസ് കീപ്പിങ് കോഡിനേറ്റർ, കോ-കരിക്കുലർ കോഡിനേറ്റർ, ഡിസിപ്ലിൻ , ടാലെന്റ്റ് ലാബ്, ലൈബ്രറി, കോംപ്റ്റിറ്റിവ് പരീക്ഷകൾ, അലുംനി തുടങ്ങി വിവിധങ്ങളായ കമ്മിറ്റികളാണ് സ്‌കൂളിനെ മികവിന്റെ കേന്ദ്രമാകുന്നതിനു വേണ്ടി പ്രവർത്തനം സജ്ജമായിട്ടുള്ളത്. എസ്.എം.സി ഈ കമ്മിറ്റിയുടെ പ്രവർത്തനങ്ങളെ ആസൂത്രണം ചെയ്യുകയും, പ്രവർത്തനങ്ങളെ വിലയിരുത്തുകയും ആവശ്യമായ മാർഗനിർദേശങ്ങൾ നൽകുകയും ചെയ്യുന്നു.
എസ്.എം.സി കമ്മിറ്റി രണ്ടു മാസത്തിലും, എസ്.എം.സി എക്സി. കമ്മിറ്റി ഓരോ ആഴ്ചയിലും, പി.ടി.എ കമ്മിറ്റി ഓരോ മാസത്തിലും യോഗം ചേരുന്നു. സ്കൂൾ സ്റ്റാൻഡേർഡൈസേഷൻ കമ്മിറ്റിയാണ് സ്‌കൂളിന്റെ ഓരോ പ്രവർത്തനങ്ങളെയും സ്റ്റാൻഡേർഡ് ഓപ്പറേറ്റിംഗ് പ്രൊസീജറുകൾ ആയി രൂപപ്പെടുത്തുന്നത്. രൂപപ്പെടുത്തിയ പ്രൊസീജറുകൾ എസ്.എം.സി യിൽ അവതരിപ്പിക്കുകയും നടപ്പിലാക്കാൻ അനുമതി നേടുകയും ചെയ്യുന്നു. തുടർന്ന് ഈ പ്രൊസീജറിൽ പറഞ്ഞ രൂപത്തിലായിരിക്കും ആ പ്രവർത്തനം നടക്കുന്നത്. ഉദാഹരണത്തിന് : സ്റ്റാൻഡേർഡ് ഓപ്പറേറ്റിംഗ് പ്രൊസീജർ ഫോർ ഡിസിപ്ലിൻ, സ്‌കൂളിലെ ഡിസിപ്ലിൻ എവ്വിധമായിരിക്കണമെന്നും, അത് എങ്ങിനെയാണ് മോണിറ്റർ ചെയ്യേണ്ടതെന്നും വളരെ വ്യക്തമായി നിർദേശിക്കുന്നു. ഇത്തരത്തിലുള്ള 30 പ്രൊസീജറുകൾ ആണ് ഇപ്പോൾ സ്‌കൂളിൽ നടപ്പിൽ വരുത്തിയിരിക്കുന്നത്.
നടത്തിപ്പുമായി ബന്ധപ്പെട്ട് നേരിട്ട വെല്ലുവിളികളും അവ പരിഹരിച്ച മാർഗ്ഗങ്ങളും
സ്‌കൂളിനെ അന്തർദേശീയ നിലവാരത്തിലെത്തിക്കുന്നതിനുള്ള പ്രൊജക്റ്റ് തയ്യാറാക്കുന്നതിന്റെ ഭാഗമായി ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജമെന്റ് കോഴിക്കോട്, നാഷണൽ ഇൻസ്റ്റിറ്റ്യൂട്ട് ഓഫ് ടെക്‌നോളജി കോഴിക്കോട് എന്നിവിടങ്ങളിലെ പ്രഗത്ഭരുടെ ചർച്ച നടത്തി. കോഴിക്കോട് നടക്കാവ് സ്കൂൾ പ്രിസം പദ്ധതിയുമായി ഒട്ടേറെ ആശയ വിനിമയം നടത്തി. ക്വാളിറ്റി കൗൺസിൽ ഓഫ് ഇന്ത്യ, ഐ.എസ്.ഒ എന്നിവയുടെ വിവിധ സ്കൂൾ സ്റ്റാൻഡേർഡ്കൾ പരിശോധിച്ചു.
തുടർന്ന് SWOT അനാലിസിസ് , Requirement അനാലിസിസ് എന്നിവ നടത്തി വളരെ ബൃഹത്തായ ഒരു പ്രോജക്ടിന് രൂപം നൽകി. 5 വര്ഷം കൊണ്ട് നടപ്പിലാക്കാവുന്ന 10 കോടി രൂപയുടെ പ്രോജക്ടാണ് രൂപപ്പെടുത്തിയത്.
പ്രോജെക്ടിനാവശ്യമായ ഈ ഫണ്ട് സ്വരൂപിക്കുക എന്നതായിരുന്നു ഏറ്റവും വലിയ വെല്ലുവിളി. എയിഡഡ് സ്‌കൂളായതിനാൽ ഗവർമെന്റ് ഫണ്ട് ലഭിക്കില്ല. അത് കൊണ്ട് പൊതുജന പങ്കാളിത്തത്തോടെ ഫണ്ട് സ്വരൂപിക്കാൻ എസ്.എം.സി കമ്മിറ്റി തീരുമാനമെടുത്തു.
തുടർന്ന് എസ്.എം.സി പ്രതിനിധികൾ നാട്ടിലെ പൗരപ്രമുഖരുമായും സാമ്പത്തിക ശേഷിയുള്ളവരുമായും ചർച്ചകൾ നടത്തി. മിക്കവരും സ്കൂൾ വികസനത്തിന് ധന സഹായം നല്കാമെന്നേൽക്കുകയും അവ നല്കുകകയും ചെയ്തു. അണ്ണാറക്കണ്ണനും തന്നാലായത് എന്ന പോലെ വിദ്യാർത്ഥികളും, രക്ഷിതാക്കളും, അധ്യാപകരും സാമ്പത്തിക സഹായം നൽകിയതിന്റെ ഫലമായി 2020 ആവുമ്പോഴേക്കും 5 കോടി രൂപയുടെ പ്രവർത്തനങ്ങൾ സ്‌കൂളിൽ നടപ്പിൽ വരുത്താൻ കഴിഞ്ഞു.
നേട്ടങ്ങൾ
a)സ്‌കൂളിലെ ഓരോ പ്രവർത്തനവും കൃത്യമായി നടപ്പിൽ വരുത്താനും അവ മോണിറ്റർ ചെയ്യാനും പ്രശ്നങ്ങൾ പരിഹരിക്കാനും വ്യക്തമായ സ്റ്റാൻഡേർഡ് ഓപ്പറേറ്റിംഗ് പ്രൊസീജറുകൾ വഴി സാധിക്കുന്നു. b)സ്‌കൂളിന്റെ ഭൗതിക സൗകര്യങ്ങൾ വർധിച്ചു c)സ്‌കൂളിലെ ആരോഗ്യ സുരക്ഷാ ക്രമീകരണങ്ങൾ പെൺകുട്ടികൾക്കും രക്ഷിതാക്കള്ക്കും ഒരുപോലെ ആത്മവിശ്വാസം നൽകുന്നു. d)സ്‌കൂളിൽ വിദ്യാർത്ഥികൾക്ക് പഠന സൗഹൃദന്തരീക്ഷം നൽകാൻ കഴിഞ്ഞു e)വിദ്യാർത്ഥികൾക്ക് കൂടുതൽ പരിശീലന പ്രവർത്തങ്ങളിൽ ഏർപ്പെടാൻ കഴിയുന്നു, ഇത് കുട്ടികളിൽ കൂടുതൽ ആത്മവിശ്വാസം വളർത്തുന്നു. f)വിത്യസ്ത പരിശീലന പരിപാടികളിലൂടെ അധ്യാപകർക്ക് കൂടുതൽ മികച്ച രീതിയിൽ ടീച്ചിംഗ് ലേർണിംഗ് പ്രവർത്തനങ്ങൾ നടപ്പിൽ വരുത്താൻ ആത്മവിശ്വാസം വർദ്ധിക്കുകയും ചെയ്തു. g)ക്രമാനുഗതമായി കുട്ടികളിൽ അക്കാദമിക നിലവാരം ഉയർന്നു. h)പഠനത്തിൽ പിന്നാക്കം നിൽക്കുന്ന കുട്ടികൾക്ക് പ്രത്യേക പരിശീലനം നൽകുകയും അവ വിലയിരുത്തുകയും ചെയ്യുന്നു. i)ടാലന്റ് ക്ലബ് രൂപീകരിച്ച് മികച്ച കുട്ടികൾക്ക് വിത്യസ്ത മേഖലകളിൽ കൂടുതൽ പരിശീലനം നടത്തുന്നു. j)യു.എസ്.എസ്, എൻ.എം.എം.എസ് സ്കോളര്ഷിപ്പുകളിൽ നന്നായി പരിശീലനം നൽകിയതിനാൽ കൂടുതൽ കുട്ടികൾക്ക് സ്കോളർഷിപ് നേടാനായി. k)പുതിയ ഗൈഡ്‌സ് യുണിറ്റ് ആരംഭിക്കുകയും ഈ വര്ഷം 10 കുട്ടികൾക്ക് രാജ്യ പുരസ്‌കാര അവാർഡ് ലഭിക്കുകയും ചെയ്തു l)ജില്ലാ തലത്തിലും ക്ലസ്റ്റർ തലത്തിലും മികച്ച എൻ.എസ്.എസ് പ്രോഗ്രാം ഓഫീസർ, മികച്ച യുണിറ്റ്, മികച്ച എൻ.എസ്.എസ്. വളണ്ടിയർ അവാർഡ്, മികച്ച കരിയർ മാസ്റ്റർക്കുള്ള അവാർഡ്, സ്വച്ഛ് വിദ്യാലയ പുരസ്കാരത്തിൽ 4 സ്റ്റാർ അവാർഡ്, മികച്ച പ്രവർത്തനങ്ങളുടെ ഫലമായി 2017 ലെ ഹരിതവിദ്യാലയം റിയാലിറ്റി ഷോയിലേക്ക് തെരെഞ്ഞെടുക്കപ്പെട്ട മികച്ച 100 സ്‌കൂളുകളിൽ ഒന്നായി മാറി, തുടങ്ങിയ വ്യത്യസ്തങ്ങളായ അവാർഡുകൾ ഈ കഴിഞ്ഞ 5 വർഷത്തിനിടയിൽ സ്‌കൂളിന് ലഭിച്ചിട്ടുണ്ട്. m)2019 ൽ എസ്.എസ്.എൽ.സി, വി.എച്ച് .എസ്. ഇ, ഹയർസെക്കന്ററി കൊമേഴ്‌സ് വിഭാഗങ്ങൾ നൂറു ശതമാനം വിജയം കരസ്ഥമാക്കി.
ഡ്രീം ഫെയർ 2015
യു.പി. വിഭാഗത്തിലെ സയൻസ് ക്ലബ്ബിലെ വിദ്യാർത്ഥികൾ കോഴിക്കോട് പ്ലാനിറ്റേറിയത്തിന്റെ സഹായത്തോടെ നിർമ്മിച്ച റോക്കറ്റുകൾ വിക്ഷേപിച്ച് കൊണ്ടാണ് ഉദ്ഘാടനം നടന്നത്. ഈ റോക്കറ്റുകൾ കാണികളെ ആവേശത്തിലും വിസ്മത്തിലും ആക്കികൊണ്ട് ആകാശമണ്ഡലത്തിലേക്ക് ഉയർന്നു. ഹൈസ്ക്കൂൾ സയൻസ് ക്ലബ്ബിന്റെ നേതൃത്വത്തിൽ വിദ്യാർത്ഥികൾ കോഴിക്കോട് പ്ലാനിറ്റേറിയത്തിന്റെ സഹായത്തോടെ ഹബിൾ സ്പേസ് സ്ക്കോപ്പ് ഒരു മാതൃക പ്രദർശിപ്പിച്ചിരുന്നു. സ്പേസ് സ്ക്കോപ്പ് വിക്ഷപണത്തിന്റെ 25ാം വാർഷികം ആഘോഷിച്ചിരുന്ന ആ വേളയിൽ ഈ മാതൃക ഏറെ ശ്രദ്ധേയമായിരുന്നു. സബ് ജില്ലയിലെ ഹൈസ്ക്കൂളുകളേയും യു പി സ്ക്കൂളുകളേയും ഉൾപ്പെടുത്തി കൊണ്ട് ഒരു മെഗാ ക്വിസ് മത്സരം സംഘടിപ്പിച്ചു. റോക്കറ്റ് വിക്ഷേപണത്തിന് ശേഷം ഓഡിറ്റോറിയത്തിൽ നടന്ന പ്രൗഢഗംഭീരമായ ചടങ്ങിൽ അന്നത്തെ ടൂറിസം മന്ത്രി അനിൽകുമാർ മെഗാ ക്വിസ്വിജയികൾക്ക് സമ്മാനങ്ങൾ വിതരണം ചെയ്തു. വിജ്ഞാന പ്രദർശനത്തിനായി 47 സ്റ്റാളുകൾ ഒരുക്കിയിരുന്നു.
ജൈവവൈവിധ്യ പാർക്ക്
ഏകദേശം 50ഇനങ്ങളിൽ പെട്ട ചെടികൾ ഇതിലുണ്ട്. ഫലവൃക്ഷങ്ങൾ, പൂചെടികൾ, വള്ളിച്ചെടികൾ, ഔഷധ സസ്യങ്ങൾ എന്നിവ മാത്രമല്ല ഒരു കുഞ്ഞു തടാകത്തിൽ അലങ്കാര മത്സ്യത്തേയും ഇവിടെ സംരക്ഷിച്ചു പോരുന്നു. പൂന്തോട്ടത്തിൽ ദിവസേന എത്തിച്ചേരുന്ന കുഞ്ഞു പക്ഷികളും പൂമ്പാറ്റകളും തേനീച്ചകളും മറ്റും കണ്ണിനും മനസ്സിനും വളരെ സന്തോഷം പകരുന്നു. ഇതിനോടൊപ്പം സ്ക്കൂളിന്റെ പിറക് വശത്തായ് സർക്കാറിൽ നിന്നും ലഭിച്ച ഫണ്ട് ഉപയോഗിച്ച് സീഡ് ക്ലബ്ബിന്റെ നേതൃത്ത്വത്തിൽ ഒരു പാർക്ക് നിർമ്മിച്ചിട്ടുണ്ട്. ഇതിന്റെ ലക്ഷ്യം താഴെ പറയുന്നവയാണ്
- ജൈവ വൈവിദ്യമെന്നാൽ എന്ത്, എന്തിന്, എങ്ങനെ എന്ന് കുട്ടികളടങ്ങുന്ന സമൂഹത്തെ ബോധവത്കരിക്കുക
- വളരെ പരിമിതമായ സ്ഥലത്ത് വിവിധയിനം പക്ഷിലദാധികളെയും ജീവികളേയും ഒരുമിച്ച് താമസിപ്പിക്കാമെന്നതിന് മാതൃകയാക്കുക
- പരിമിതമായ സ്ഥലത്ത് ഒരു പാർക്ക് നിർമിക്കുമ്പോൾ ഉപയോഗിക്കാവുന്ന, താഴെ പറയുന്ന മാർഗങ്ങൾ പരിചയപ്പെടുത്തുക
- മൾച്ചിംഗ് (പുതയിടുക)
- വെർട്ടിക്കൽ ഗാർഡൻ
- ടവർ ഗാർഡൻ
- അപ് സൈക്ക്ലിംഗ് ഓഫ് പ്ലാസ്റ്റിക്
- ഫേർട്ടിഗേഷൻ
- വിവിധയിനം തുള്ളിനന
- ഹാഗിംഗ് ഗാർഡൻ
- പാർക്കിന്റെ ഭാഗമായ് പൂമ്പാറ്റകളെ ആകർഷിക്കുന്നതിനും അവക്ക് വംശവർദ്ധനവിന് സഹായിക്കുന്നതിനുമായിട്ടള്ള ഒരു ബട്ടർഫ്ലൈ ഗാർഡൻ നിർമ്മിച്ചിട്ടുണ്ട്. ഇത് പൂമ്പാറ്റകളെയും തേനീച്ചകളേയും പോലുള്ള ജീവികൾ മാനവരാശിയുടെ നിലനിൽപ്പിന് എത്രത്തോളം ആവശ്യമാണെന്ന് മനസ്സിലാക്കിക്കൊടുക്കുക എന്ന ലക്ഷ്യത്തോടെയാണ്
- കുട്ടികളടങ്ങുന്ന സമൂഹത്തിന് ഈ വക പ്രവർത്തനങ്ങൾക്ക് അവസരം നൽകുക എന്ന ലക്ഷ്യവുമുണ്ട്.
ബട്ടർഫ്ലൈ ഗാർഡനിൽ സ്ഥാപിച്ചിട്ടുള്ള ബട്ടർഫ്ലൈ പഡ്ലിംഗ് പോഡ് അതിനു ചുറ്റും സ്ഥാപിക്കാൻ നിശ്ചയിച്ചിരിക്കുന്ന ഇല്ലിവേലി എന്നിവ കുട്ടികൾക്ക് പുതിയ അനുഭവമായിരിക്കും
ജൈവ വൈവിദ്യ പാർക്കിനോടനുബന്ധിച്ചുള്ള പഠനപ്രവർത്തനങ്ങൾ
- ഇത്തവണത്തെ ശാസ്ത്രോത്സവത്തിൽ ജൈവവൈവിദ്യ പാർക്കിനോടനുബന്ധിച്ചുള്ള പ്രോജക്ട് തയ്യാറാക്കിയിരിക്കുന്നു. ഇതുവഴി മറ്റു വിദ്യാലയങ്ങളിലെ കുട്ടികൾക്കും ജൈവവൈവിദ്യത്തെ കുറിച്ചുള്ള അവബോധം സൃഷ്ടിക്കാൻ സാധിക്കുമെന്ന് പ്രതീക്ഷിക്കുന്നു
- ഒരു ജൈവ വൈവിദ്യ ആൽബം നിർമ്മിക്കുന്നുണ്ട്. ഇത് കുട്ടികൾക്ക് ഭാവിയിൽ റഫറൻസിനായി ഉപയോഗിക്കാവുന്നതാണ്
സമൂഹത്തിനുള്ള പങ്ക്
- സ്ക്കൂൾ മാനേജ്മെന്റ് ഇതിനു വേണ്ടിയുള്ള എല്ലാ സൗകര്യങ്ങളും ആവശ്യപ്പെടുന്നതിനനുസരിച്ച് ചെയ്തു തരുന്നുണ്ട്
- പി ടി എ അംഗങ്ങൾ ഇതിനു വേണ്ട എല്ലാ പ്രോത്സാഹനവും നൽകുന്നു.
Catch them Young
ഓരോ കുട്ടിയും സവിശേഷമായ കഴിവുകളാലും അഭിരുചികളാലും മറ്റു കുട്ടികളിൽ നിന്നും വ്യത്യസ്തനാണ്. കുട്ടിയുടെ നൈസർഗികമായ കഴിവുകളെ കണ്ടെത്തുകയും പരിപോഷിപ്പിക്കുകയും ചെയ്യുമ്പോഴാണ് വിദ്യാഭ്യാസം സാർത്ഥകമാകുന്നത്. കാലിക്കറ്റ് ഗേൾസ് സ്ക്കൂളിലെ പ്രതിഭാശാലികളായ കുട്ടികളെ കണ്ടത്തുകയും അവരുടെ വൈവിധ്യങ്ങളായ സർഗ്ഗശേഷികൾ വളർത്തിയെടുക്കുകയും ചെയ്യുന്ന സവിശേഷ പദ്ധതിയാണ് Catch Them Young.
ഉദ്ദേശ്യങ്ങൾ
- വിദ്യാലയത്തിലെ പ്രതിഭാശാലികളായ പെൺകുട്ടികളെ കണ്ടെത്തുകയും അവരുടെ കൂട്ടായ്മ രൂപപ്പെടുത്തുകയും ചെയ്യുക
- കുട്ടികളുുടെ നൈസർഗികമായ കഴിവുകൾ കണ്ടെത്തി വ്യത്യസ്തമായ പരിശീലന പരിപാടികളിലൂടെ അവ പരിപോഷിപ്പിക്കുക
- വായന, മുഖാമുഖം, പ്രചോദനാത്മക ക്ലാസുകൾ, സഹവാസ ക്യാമ്പുകൾ, ശില്പശാലകൾ തുടങ്ങി വ്യത്യസ്തമായ അനുഭവങ്ങൾ നല്കി കുട്ടികളിൽ ആത്മവിശ്വാസവും ജീവിത നൈപുണീ വികാസവും ഉറപ്പു വരുത്തുക
- വായനശാലകൾ, തദ്ദേശ സ്വയം ഭരണസ്ഥാപനങ്ങൾ, ജനപ്രതിനിധികൾ, എൻ.ജി.ഒ. കൾ തുടങ്ങി വിവിധ പിന്തുണാ സംവിധാനങ്ങളുമായി പ്രദാനം ചെയ്യുക
പ്രധാന പ്രവർത്തനങ്ങൾ ഘട്ടം 1 : കുട്ടികളെ കണ്ടെത്തൽ - 5/7/2016 a) സയൻസ്, ഗണിതം, സാമൂഹ്യശാസ്ത്രം, ഭാഷ, പൊതുവിജ്ഞാനം മേഖലകളിൽ അഭിരുചി പരീക്ഷ b) കുട്ടികളുടെ സർഗരചനകളുടെ വിലയിരുത്തൽ c) കുട്ടികളുടെ ഗൃഹസന്ദർശനവും അവസ്ഥാവിശകലനവും എന്നീ 3 ഘട്ടങ്ങളിലൂടെയാണ് കുട്ടികളെ ഈ പദ്ധതിലേക്ക് തെരെഞ്ഞെടുത്തത്
ഘട്ടം 2 കുട്ടികൾക്കായി വൈവിധ്യമാർന്ന പ്രവർത്തനങ്ങൾ എല്ലാ ശനിയാഴ്ചകളിലും രാവിലെ മുതൽ വരെയാണ് Catch Them Young കുട്ടികൾക്കായി വ്യത്യസ്ത വിഷയങ്ങളിൽ ശില്പശാല ക്ലാസ് മുഖാമുഖം സർഗ്ഗക്യാമ്പുകൾ തുടങ്ങിയവ സംഘടിപ്പിക്കുന്നത് 1) തുടക്കം - ഏകദിന മോട്ടിവേഷൻ ക്ലാസ് RP 1. Dr. സനാദനൻ 2) മുജീബ് മഞ്ചേരി തിയതി 13/8/16 18/2/17 2)വിഷയാധിഷ്ഠിത ക്ലാസുകൾ (ഗണിതം, ഫിസിക്സ് /കെമിസ്ട്രി, ബയോളജി, സാമുഹ്യശാസ്ത്രം, ഇംഗ്ലീഷ്.....) 3) പഠന വിനോദയാത്ര (വയനാട് - എടക്കൽ ഗുഹ) തിയതി 11/02/17 4) തൊഴിലധിഷ്ഠിത ക്ലാസുകൾ 4 ക്ലാസുകൾ