കവിത-ജിമി ജോൺ
മഞ്ഞുതുള്ളി
പ്രഭാതത്തിലെ ഹിമകണം
നെയ്യുന്നു.,ഒത്തിരി സ്വപ്നങ്ങള്‍
പ്രതീക്ഷകള്‍ ..,
തന്റെ മനസിന്റെ
തളിരിട്ട ചില്ലയില്‍..., പൊന്‍ന്നൂലാല്‍.
അറിയുന്നില്ല എത്രനാള്‍.........
തന്‍ ജീവിതമെന്ന്‍.
പെട്ടെന്നുവന്നെത്തുന്ന അരുണകിരങ്ങളേറ്റ്
അവ മായുന്നു..മറയുന്നു .മണ്ണില്‍നിന്ന്‍
എങ്ങോട്ട് എവിടേയ്ക്കെന്നറിയാതെ
പൊന്‍ സ്വപ്നങ്ങള്‍ വെടിഞ്ഞ്
വ്യഥകള്‍ ഉള്ളിലൊതുക്കി....
.
പരിഭവം തെല്ലുമില്ലാതെ........
ആരോടും ഒരുവാക്കും മൊഴിയാതെ.
ഒരിക്കലും തിരികെവരാതെ...
..
തിരിഞ്ഞു നോക്കാതെ...
യാത്രയാകുന്നു ഒന്നും നേടാതെ.
വെറുതെ.......വെറുതെ........
സൂര്യന്‍ തന്‍ ഉദയാസ്തമയം പോല്‍
ഹാ ..കഷ്ടം............
ഈ ഭൂവില്‍ ജീവിതം ഹ്രസ്വം..