ഒരു തൈ നടാം വരുംതലമുറയ്ക്കായി
ആയിരം ജന്മത്തിൻ പുണ്യമായി
ഓരോ തലമുറയ്ക്കുമായി കൈമാറി
വന്നൊരാ സൽപ്രവർത്തി
മുത്തച്ഛൻ നട്ടൊരാ തൈമാവ്
വളരുന്നു നാളേക്കായി മെല്ലെമെല്ലെ
രണ്ടിതൾ മൂന്നിതൾ ഇലകളായ്
വളരുന്നുആകാശവീഥിയിലേക്ക്
വർഷങ്ങൾ പലതുംകടന്നുപോയി
കാകനും കുയിലും വസിക്കുമിന്ന്
അണ്ണാറക്കണ്ണനും ചെറുജീവികളും
ജീവിക്കുന്നിതാ ആ മരത്തിൽ
ഒന്നും പ്രതീക്ഷിക്കാതെയിന്നാ മരം
നൽകുന്നു അമ്മതൻ സ്നേഹം പോലെ
തണലേകുന്നു ഫലമേകുന്നു
ഒന്നും പ്രതീക്ഷിക്കാതെയിന്നാ മരം
സസ്യങ്ങളില്ലെങ്കിൽ ശ്വാസമില്ല
മൂലകണങ്ങൾ ഇല്ലെങ്കിൽ ജീവനില്ല
ഇവയെല്ലാം ചേരുന്നതാണിതെൻഭൂമി
ഇവ രണ്ടുമില്ലെങ്കിൽ ജീവനില്ല