എ.എൽ.പി.എസ്. എരമംഗലം

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ആമുഖം

മലപ്പുറം ജില്ലയിലെ പൊന്നാനി സബ്‌ജില്ലയിലെ വെളിയങ്കോട് പഞ്ചായത്തിൽ 9 ആം വാർഡിൽ സ്ഥിതിചെയ്യന്ന വിദ്യാലയമാണ് എരമംഗലം എ എൽ പി സ്കൂൾ . ' വിദ്യാലയ മുത്തശ്ശി ' എന്നു വിശേഷിപ്പിക്കുന്ന ഈ വിദ്യാലയം എരമംഗലം പ്രദേശക്കാർക്ക്‌ 1 9 2 8 മുതൽ അക്ഷരവെളിച്ചം പകർന്നു കൊണ്ടിരിക്കുകയാണ് . ആയിരത്തോളം വിദ്യാർത്ഥികളും 2 5 അധ്യാപകരുമായി  പ്രവർത്തിച്ചിരുന്ന വിദ്യാലയത്തിൽ ഇന്ന് 6 അധ്യാപകരും പ്രീപ്രൈമറി മുതൽ 5 വരെ ക്ലാസ്സുകളിലായി 1 5 7  വിദ്യാർത്ഥികളുമാണുള്ളത് . സാമൂഹിക പ്രതിബദ്ധതയുള്ള മികവുറ്റ പ്രവർത്തനങ്ങൾ കാഴ്ചവെയ്ക്കുന്ന അധ്യാപകർ എക്കാലത്തും ഈ വിദ്യാലയത്തിൻ്റെ അഭിമാനമാണ് .

എ.എൽ.പി.എസ്. എരമംഗലം
വിലാസം
എരമംഗലം എ എൽ പി സ്കൂൾ എരമംഗലം , എരമംഗലം പി.ഒ. , 679587 , മലപ്പുറം ജില്ല
സ്ഥാപിതം	1928
വിവരങ്ങൾ
ഇമെയിൽ	alpseramangalam12@gmail.com
കോഡുകൾ
സ്കൂൾ കോഡ്	19534 (സമേതം)
യുഡൈസ് കോഡ്	32050900209
വിക്കിഡാറ്റ	Q64564421
വിദ്യാഭ്യാസ ഭരണസംവിധാനം
റവന്യൂ ജില്ല	മലപ്പുറം
വിദ്യാഭ്യാസ ജില്ല	തിരൂർ
ഉപജില്ല	പൊന്നാനി
ഭരണസംവിധാനം
ലോകസഭാമണ്ഡലം	പൊന്നാനി
നിയമസഭാമണ്ഡലം	പൊന്നാനി
താലൂക്ക്	പൊന്നാനി
ബ്ലോക്ക് പഞ്ചായത്ത്	പെരുമ്പടപ്പ്
തദ്ദേശസ്വയംഭരണസ്ഥാപനം	പഞ്ചായത്ത്,വെളിയംകോട്,
വാർഡ്	9
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 5 വരെ
മാദ്ധ്യമം	മലയാളം
സ്ഥിതിവിവരക്കണക്ക്
ആൺകുട്ടികൾ	65
പെൺകുട്ടികൾ	47
ആകെ വിദ്യാർത്ഥികൾ	112
അദ്ധ്യാപകർ	6
സ്കൂൾ നേതൃത്വം
പ്രധാന അദ്ധ്യാപിക	നിർമ്മല വി
പി.ടി.എ. പ്രസിഡണ്ട്	സുരേഷ് ബാബു
എം.പി.ടി.എ. പ്രസിഡണ്ട്	ഷഹീറ
അവസാനം തിരുത്തിയത്
31-01-2022	19534

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ചരിത്രം

എരമംഗലം പ്രദേശത്ത് സാധാരണക്കാർക്കും പിന്നാക്കം നിൽക്കുന്നവർക്കും സൗജന്യവിദ്യാഭ്യാസം നൽകുക എന്ന ലക്ഷ്യത്തോടെ 1 9 2 8  ൽ സ്ഥാപിച്ചതാണ് എരമംഗലം എ എല് പി സ്കൂൾ . കുട്ടൻപറമ്പത് ബാലൻമേനോൻ ആണ് സ്കൂൾ സ്ഥാപിച്ചത് . ഒരു ഓല ഷെഡായിരുന്നു . വർഷങ്ങൾക്കുശേഷം ശക്‌തമായ കാറ്റിലും മഴയിലും സ്കൂൾ തകർന്നു . തുടർന്ന് സ്കൂൾ എരമംഗലം അങ്ങാടിക്കു കിഴക്കുഭാഗത്ത് രണ്ടിടങ്ങളിലായി പ്രവർത്തനമാരംഭിച്ചു . തെക്കേ സ്കൂളും വടക്കെ സ്കൂളും എന്നാണ് അന്നുള്ളവർ വിളിച്ചിരുന്നത് ഒരേ സ്കൂളിൻ്റെ ഭാഗമാണെങ്കിലും കെട്ടിടങ്ങൾ തമ്മിൽ 5 0  മീറ്റർ അകലമുണ്ടായിരുന്നു . അന്ന് കണക്കോട്ട്  മഠം നാരായണൻ എമ്പ്രാതിരിയുടെ മാനേജ്‌മെൻ്റിൽ കീഴിലായിരുന്നു സ്കൂൾ .

ആയിരത്തോളം വിദ്യാർത്ഥികളും 2 5  അധ്യാപകരും ഉണ്ടായിരുന്ന ഒരു സുവർണ്ണകാലം ഈ വിദ്യാലയത്തിനുണ്ടായിരുന്നു .

അച്ചൂട്ടി ടീച്ചർ , മുഹമ്മദ് മാസ്റ്റർ , ശ്രീമതി ടീച്ചർ തുടങ്ങി മനസ്സിൽ ആഴത്തിൽ വേരൂന്നിയ ഒട്ടനവധി അധ്യാപകർ ഉണ്ടായിരുന്നു .

പിന്നീട് സ്കൂൾ പുത്തൻപള്ളി കോർപറേറ്റ് മാനേജ്മെൻ്റിൻ്റെ കീഴിലായി . 2 0 0 5 ൽ പഴയസ്ഥലത്തുനിന്നും ഇപ്പോഴുള്ള സ്ഥലത്തേക്ക് മാറ്റപ്പെട്ടതോടുകൂടിയാണ് കുട്ടികളുടെ എണ്ണം ഗണ്യമായി കുറഞ്ഞുതുടങ്ങിയത് . സുരക്ഷിതമല്ലാത്തതും കാലഘട്ടത്തിനനുസരിച്ചുള്ള സൗകര്യങ്ങൾ ഇല്ലാത്തതുമായ കെട്ടിടങ്ങൾ ആയതുകൊണ്ടാണ് കുട്ടികളുടെ എണ്ണം കുറഞ്ഞത് .

2 0 1 9 ൽ പത്‌മശ്രീ ഡോ : എം എ യൂസഫലി സ്കൂൾ പണിയുന്നതിനുള്ള ഫണ്ട് 1 കോടി രൂപ അനുവദിച്ചു . അതുപയോഗിച്ചു ആധുനിക സൗകര്യങ്ങൾ ഉള്ള ഒരു രണ്ടുനില കെട്ടിടം പണികഴിപ്പിച്ചു . കെട്ടിടത്തിൻ്റെ ഉദ്ഘാടനം അടുത്ത് തന്നെ നടക്കും . ഇപ്പോൾ സ്കൂളിൽ കുട്ടികൾ കൂടുതലായി വന്നുകൊണ്ടിരിക്കുന്നുണ്ട് . എല്ലാ കാലത്തും മികവുറ്റ പ്രവർത്തനങ്ങൾ കാഴ്ചവയ്ക്കുന്ന അധ്യാപകരാണ് നമുക്കുള്ളത് എന്ന് പ്രത്യേകം എടുത്തുപറയാതെ വയ്യ .

ഭൗതികസൗകര്യങ്ങൾ

എല്ലാ കുട്ടികൾക്കും സൗകര്യപ്രദമായ രീതിയിൽ ഇരുന്ന് പഠിക്കുന്നതിന് ആധുനിക സൗകര്യങ്ങളോട് കൂടിയ ഒരു ഇരുനില കെട്ടിടം നമുക്കുണ്ട് . എല്ലാ ക്ലാസ്സ് മുറികളിലും ഫാൻ , ലൈറ്റ് , ഫർണീച്ചറുകൾ എന്നിവ ഉണ്ട് . ആൺകുട്ടികൾക്കും പ്രത്യകം ശുചിമുറികൾ ഉണ്ട് . ചുമർചിത്രങ്ങളോടുകൂടിയ ക്ലാസ് മുറികളും കളിസ്ഥലവും ഉണ്ട് . സ്‍മാർട്ട് ക്ലാസ്സ്‌റൂം , ലൈബ്രറി , ഗണിത ലാബ് , കമ്പ്യൂട്ടർ ലാബ് എന്നീ സൗകര്യങ്ങൾ എല്ലാവർക്കുമായി ഒരുക്കിയിട്ടുണ്ട് . കുടിവെള്ള സൗകര്യത്തിനായി വാട്ടർ പ്യൂരിഫൈർ ഉണ്ട് .

ലാബ് :

ശാസ്ത്ര വിഷയങ്ങൾ ക്ലാസ് മുറികളിൽ പഠന പ്രക്രിയക്ക് വിധേയമാകുന്നതിനാൽ സയൻസ് ലാബ് സ്കൂളിൽ ക്രമീകരിച്ചിരിക്കുന്നു . കൂടാതെ സാമൂഹ്യശാസ്ത്ര വിഷയങ്ങളിൽ പരിഞ്ജാനം ഉണ്ടാകുന്നതിനാവശ്യമായ സാമൂഹ്യ ശാസ്ത്രലാബ് , ഗണിത പ്രവര്തനങ്ങൾ സുഗമമായി ചെയ്യുന്നതിനാവശ്യമായ ഗണിത ലാബ് തുടങ്ങിയവയും വിദ്യാലയത്തിൽ സജ്ജമാണ് . കുട്ടികളിൽ പഠനതാൽപര്യം ജനിപ്പിക്കുന്നതിനും പഠനം എളുപ്പമാക്കുന്നതിനും ഇവയുടെ പ്രവർത്തനങ്ങൾ  അദ്ധ്യാപകരെയും വിദ്യാർത്ഥികളെയും ഒരുപോലെ സഹായിക്കുന്നു .

പാഠ്യേതര പ്രവർത്തനങ്ങൾ

• വിദ്യാരംഗം കലാ സാഹിത്യ വേദി .
• ക്ലബ്ബ് പ്രവർത്തനങ്ങൾ.
• ബാല സഭകൾ .
• സ്കൂൾതലത്തിൽ കലാ കായിക ശാസ്ത്രമേളകൾ .
• ഹലോ ഇംഗ്ലീഷ് പ്രവർത്തനങ്ങൾ .

വിദ്യാരംഗം കലാ സാഹിത്യ വേദി :

വിദ്യാലയത്തിലെ കുട്ടികളുടെ സർഗാത്മക കഴിവുകൾ പരിപോഷിപ്പിക്കുന്നതിനുതകുന്ന മികവാർന്ന പ്രവർത്തനങ്ങൾ വിദ്യാലയത്തിലെ വിദ്യാരംഗം കലാസാഹിത്യവേദിയുടെ നേതൃത്വത്തിൽ നടക്കുന്നുണ്ട്‌ .ആഴ്ചയിൽ ഒരിക്കൽ ബാലസഭാ ഇതിൻ്റെ നേതൃത്വത്തിൽ സംഘടിപ്പിക്കുന്നു

സാരഥികൾ

നമ്പർ	അദ്ധ്യാപകർ	വർഷം
1	നിർമല വി	2014-
2	സി കൃഷ്ണൻകുട്ടി	1962-1964
3	സി അച്ചുതൻ	1964-1966
4	കെ പി രാമൻ നമ്പീശൻ	1969-1975
5	പി മുഹമ്മദ്	1976-1982
6	പി രുക്മണി	1986 -1987
7	പി കെ കുഞ്ഞുണ്ണി പണിക്കർ	1989-1991
8	പി കെ കമലാക്ഷി	1993-1995
9	ടി കെ വിക്ടോറിയ	1996-1999