കെ. എ. യു. പി. എസ് എളമ്പുലാശ്ശേരി
| കെ. എ. യു. പി. എസ് എളമ്പുലാശ്ശേരി | |
|---|---|
 | |
| വിലാസം | |
എളമ്പുലാശ്ശേരി കെ.എ.യു.പി.സ്കൂൾ എളമ്പുലാശ്ശേരി,എളമ്പുലാശ്ശേരി (പി.ഒ),പാലക്കാട്,678595 , 678595 | |
| സ്ഥാപിതം | 1950 |
| വിവരങ്ങൾ | |
| ഫോൺ | 04662269790 |
| ഇമെയിൽ | kaupsely@gmail.com |
| വെബ്‍സൈറ്റ് | KAUPSCHOOLELAMBULASSERY |
| കോഡുകൾ | |
| സ്കൂൾ കോഡ് | 20367 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | പാലക്കാട് |
| വിദ്യാഭ്യാസ ജില്ല | മണ്ണാർക്കാട് |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതു വിദ്യാലയം |
| പഠന വിഭാഗങ്ങൾ | എൽ.പി യു.പി |
| മാദ്ധ്യമം | മലയാളം |
| സ്കൂൾ നേതൃത്വം | |
| പ്രധാന അദ്ധ്യാപകൻ | 1 |
| അവസാനം തിരുത്തിയത് | |
| 25-09-2020 | K A U P SCHOOL ELAMBULASSERY |
ചരിത്രം
1950 സെപ്റ്റംബർ 13-ാം തീയതി ആരംഭിച്ചു. 6,7,8 എന്നീ ക്ലാസുകൾ നടത്താവുന്ന ഹയർ എലമെൻററി സ്കൂൾ പ്രവർത്തനം ആരംഭിച്ചത് ഇന്നാട്ടുകാരുടെ ചിരകാലാഭിഷേകം സാക്ഷാത്കരിക്കലായി.ബഹുമാന്യനായ ശ്രീ കല്ലിടുമ്പിൽ കുഞ്ഞലവി സാഹിബാണ് തൻറ അധീനതയിലുള്ള സ്ഥലവും അതിലുള്ള കെട്ടിടവും സ്കൂളിനായി വിട്ടു നൽകിയത്.1953 ലെ പ്രഥമ ഇ.എസ്.എൽ.സി.പൊതുപരീക്ഷക്ക് ഹാജരായ 21 ൽ 20 പേരേയും വിജയിപ്പിച്ചുകൊണ്ട് അഭിമാനകരമായ തുടക്കം കുറിച്ചു.1962 ൽ വിദ്യാലയത്തിൽ ഇ.എസ്.എൽ.സി സമ്പ്രദായം അവസാനിപ്പിച്ച് നിലവിലുള്ള എൽ.പി,യു.പി,എച്ച്.എസ് സമ്പ്രദായത്തിലേക്കു മാറി അഞ്ചാം ക്ലാസ് ആരംഭിച്ചു.എളമ്പുലാശ്ശേരി,വാക്കടപ്പുറം പ്രദേശങ്ങളിലുള്ള വിദ്യാർത്ഥികളാണ് പ്രധാനമായും ഈവിദ്യാലയത്തെ ആശ്രയിക്കുന്നത്.അക്കാദമിക് രംഗത്ത് വിദ്യാലയം എന്നും മികവു പുലർത്തുന്നു.അതിനുള്ള തെളിവാണ് ലോകത്തിൻറെ നാനാഭാഗങ്ങളിൽ ഉന്നതസ്ഥാനങ്ങളിൽ പ്രവർത്തിക്കുന്ന ഈ വിദ്യാലയത്തിലെ പൂർവവിദ്യാർത്ഥികൾ. പൂർവവിദ്യാർത്ഥികൾ എല്ലാം ഈ വിദ്യാലയവുമായി നല്ല ബന്ധം നിലനിർത്തുന്നു.കേരള സംസ്ഥാനത്തിലെ തന്നെ ആധുനികസൗകര്യങ്ങളെല്ലാമുള്ള വിദ്യാലയമായി മാറ്റിയെടുക്കാൻ ഇപ്പോഴത്തെ മാനേജ്മെൻറായ മഹാത്മാ ഗാന്ധി ചാരിറ്റബിൾ ആൻറ് എജുക്കേഷണൽ ട്രസ്റ്റിനു കഴിഞ്ഞിട്ടുണ്ട്.
ഭൗതികസൗകര്യങ്ങൾ
കേരള സംസ്ഥാനത്തുള്ള സർക്കാർ എയ്ഡഡ് വിദ്യാലയങ്ങളിൽ ഭൗതിക സൗകര്യങ്ങൾ ഏറ്റവും മെച്ചപ്പെട്ട വിദ്യാലയം.പാലക്കാട് ജില്ലയിലെ ഉൾനാടൻ ഗ്രാമമായ എളമ്പുലാശ്ശേരിയിൽ സ്ഥിതിചെയ്യുന്നു.എല്ലാ കുട്ടികൾക്കും ഇരിപ്പിടങ്ങളായി കസേരകളും പഠനപ്രവർത്തനങ്ങൾക്ക് അനുയോജ്യമായ രീതിയിൽ ക്രമീകരിക്കാവുന്നമേശകളും. സംസ്ഥാന സര്ക്കാരിൻറെ ഹൈ-ടെക് സ്കൂൾ പദ്ധതിക്കായി തെരഞ്ഞെടുക്കപ്പെട്ട ആദ്യ പ്രൈമറി വിദ്യാലയങ്ങളിലൊന്ന്.രണ്ടു നിലകളിലായി നിർമിക്കപ്പട്ടിട്ടുള്ള മനോഹരമായ കെട്ടിടം.വളരെ ആകർഷകമായ രീതിയിൽ എല്ലാക്ലാസ് മുറികളും ഡസ്റ്റ് ഫ്രീ ആയി സജ്ജീകരിച്ചിട്ടുണ്ട്.പുറംചുമരിൽ ഇന്ത്യൻ സ്വാതന്ത്ര്യസമരചരിത്രത്തിലെ പ്രധാന സംഭവങ്ങൾ ചിത്രരൂപത്തിൽ ആലേഖനം ചെയ്യപ്പെട്ടിട്ടുണ്ട്.എല്ലാക്ലാസ് മുറികളിലും ക്ലാസ് നിലവാരത്തിനനുയോജ്യമായ വിപുലമായ പുസ്തകശേഖരമുള്ള ക്ലാസ് ലൈബ്രറി സജ്ജീകരിച്ചിട്ടുണ്ട്.കൂടാതെ ധാരാളം റഫറന്സ് പുസ്തകങ്ങൾ അടക്കമുള്ള വിപുലമായ പുസ്തകശേഖരമുള്ള വിശാലമായ ലൈബ്രറി.എല്ലാ ക്ലാസ്മുറികളിലും പ്രൊജക്ടർ,ലാപ് ടോപ് എന്നിവ ഘടിപ്പിച്ച് ആധുനികരീതിയിലുള്ള പഠനാന്തരീക്ഷം ഉറപ്പാക്കാൻ കഴിഞ്ഞിട്ടുണ്ട്. സ്മാർട്ട് ബോർഡ് സംവിധാനമുള്ള കമ്പ്യൂട്ടർ ലാബ്.ഗഹനമായ ഗണിതതത്വങ്ങളെപ്പോലും ലളിതമായ രീതിയിൽ കുട്ടികളിലുറപ്പിക്കാൻ സഹായകമായ "ഡിജിറ്റലൈസ്ഡ് ഗണിതലാബ്".ശാസ്ത്രം പ്രവർത്തനമാണ് എന്ന വാക്യം സാധൂകരിക്കുന്നതിന് കുട്ടികൾക്ക് ശാസ്ത്രപ്രവർത്തനങ്ങളിൽ ഏർപ്പെടാൻ സൗകര്യമുള്ള ശാസ്ത്രലാബ്.സ്കൂളിൻറെ പൊതുവായ ചടങ്ങുകൾ നടത്തുന്നതിന് പര്യാപ്തമായ ഓപ്പൺ ഓഡിറ്റോറിയം.ഉച്ചഭക്ഷണം പാകം ചെയ്യുന്നതിന് വിശാലമായ അടുക്കള,ഭക്ഷണം കഴിക്കുന്നതിന് ഡൈനിങ് ഹാൾ.കുട്ടികൾക്ക് ശുദ്ധമായ കുടിവെള്ളം ഉറപ്പാക്കിക്കൊണ്ട് വാട്ടർപ്യൂരിഫയറും വാട്ടർകൂളറും.കായികശേഷിപരിപോഷണത്തിന് സഹായകമായ വിശാലമായ കളിസ്ഥലം.കുട്ടികളുടെ ആവശ്യത്തിനു വേണ്ടത്ര എണ്ണം "ഷീ-ടോയ്ലറ്റ"ഉൾപ്പെടെ ശുചിത്വമുള്ള ശൗചാലയങ്ങൾ. പ്രദേശത്തിന്റെ വിവിധഭാഗങ്ങളിൽനിന്ന് വളരെ എളുപ്പത്തിൽ എത്തിച്ചേരാൻ സഹായകരമായ ഗതാഗത സൗകര്യം. സ്കൂളിൻറെ വിവിധ വികസന പ്രവർത്തനങ്ങളിൽ മാനേജ്മെൻറും പൂർവവിദ്യാർത്ഥികളും നാട്ടുകാരും ആയുള്ള സഹകരണം ആണ് ഈ വളർച്ചയുടെ പ്രത്യേകത
പാഠ്യേതര പ്രവർത്തനങ്ങൾ
പാഠ്യേതര പ്രവർത്തനങ്ങളിൽ വിദ്യാലയംഎന്നും മുൻപന്തിയിലാണ്.ഭാവിയിൽ വളർച്ചയുടെ പടവുകൾ കയറി ഉന്നത സ്ഥാനങ്ങളിൽ എത്തിയ പല പ്രമുഖരും തങ്ങളുടേതായ മേഖലകളിൽ ഹരിശ്രീ കുറിച്ചത് ഈ വിദ്യാലയത്തിൽ നിന്നാണ്.കായികരംഗത്ത് വിദ്യാലയത്തിന് എന്നും മികവു പുലർത്താൻ കഴിഞ്ഞിട്ടുണ്ട്.നൈപുണീവികസനത്തിന് പ്രാധാന്യം കിട്ടുന്ന സ്കൂൾ പ്രവൃത്തിപരിചയമേളയിൽ വിദ്യാലയം തുടർച്ചയായി വിജയം കൈവരിക്കുന്നു.സംസ്ഥാനതലമേളയിൽ എല്ലാവർഷവും ഈ സ്കൂളിലെ വിദ്യാർത്ഥികൾ മികവു പുലർത്താറുണ്ട്.കലാരംഗത്തും നമ്മുടെ പൂർവവിദ്യാർത്ഥികൾമികച്ച പ്രകടനം കാഴ്ച വെക്കാറുണ്ട്.ഭരതനാട്യത്തിൽ റാങ്ക് നേടിയ വർഷ പി ഉദയകുമാർ അവരിൽ ഒരാളാണ്.
- വിദ്യാരംഗം കലാ സാഹിത്യ വേദി.കുട്ടികളുടെ സർഗ ശേഷി വികസിപ്പിക്കാൻവിദ്യാരംഗം സാഹിത്യവേദി പ്രവർത്തനങ്ങൾ സഹായകമാകുന്നു.നിരവധി വിദ്യാർത്ഥികൾ അവരുടെ സൃഷ്ടികൾ പുസ്തകമാക്കി പ്രസിദ്ധീകരിച്ചിട്ടുണ്ട്.
- ക്ലബ്ബ് പ്രവർത്തനങ്ങൾ.കുട്ടികളിൽ മനോഭാവങ്ങളിൽ ഉയർച്ചയുണ്ടാകാൻ വിവിധക്ലബുകളുടെ പ്രവർത്തനം സഹായകമാവുന്നു.ഗണിതക്ലബ്,ശാസ്ത്രക്ലബ്,കാർഷിക ക്ലബ്,ആരോഗ്യ ക്ലബ്,സാമൂഹ്യ ശാസ്ത്ര ക്ലബ്,പരിസ്ഥിതി ക്ലബ്,മുതലായവ നല്ല നിലയിൽ പ്രവർത്തിക്കുന്നു.
- നേർക്കാഴ്ച
മാനേജ്മെന്റ്
പി.ഹരിഗോവിന്ദൻ,മാനേജിംഗ് ട്രസ്റ്റി,മഹാത്മാഗാന്ധി ചാരിറ്റബിൾ ആൻറ്എജുക്കേഷണൽ ട്രസ്റ്റ്,എളമ്പുലാശ്ശേരി.
മുൻ സാരഥികൾ
- നാവല്ലി കരുണാകര മേനോൻ.
- പി.പദ്മാവതിയമ്മ,
- കെ.ഇന്ദിരാദേവി.
- കെ.പി.ഗോപാലൻ നായർ,
- എം.നാരായണൻ നായർ,
- കെ.പി.മാത്യു,
- പി.എം.നാരായണൻ,
- കെ.ജയലക്ഷ്മി
പ്രശസ്തരായ പൂർവവിദ്യാർത്ഥികൾ
- ഡോ.കൂടാഞ്ചീരി ദേവദാസ്,
- ഇ.എൻ.ദൊരൈസ്വാമി,
- കെ.പി.സെയ്താലിക്കുട്ടി,
- ഇ.കെ.ശിവരാജൻ,
- മോഹൻകുമാർ കുഉണ്ടേങ്കാട്,
- പി.ഹരിഗോവിന്ദൻ,
- കെ.കെ.വിനോദ്കുമാർ,
- സന്തോഷ് തോട്ടിങ്ങൽ,
- വർഷ.പി.ഉദയകുമാർ
വഴികാട്ടി
|
{{#multimaps:10.8762663,76.310376|zoom=12}} |
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
|