സെന്റ് മാത്യൂസ് എച്ച്.എസ്. പൊഴിയൂർ/അക്ഷരവൃക്ഷം/നീ പെയ്തു തോരാതെ

നീ പെയ്തു തോരാതെ ഹേ തരംഗരൂപിണി നിൻ ക്രോധാഗ്നിയിലെരിഞ്ഞമർന്നിതാ മാനുഷർ ഒരിക്കലും വിസ്മരിക്കരുതാത്ത പേടിസ്വപ്നമായ് മാറി നീ നാടിനെ നടുക്കി അനന്തപ്രവാഹമായ്‌ അലഞ്ഞു നീ കേരളാമ്പതൻ മാറിൽ കുത്തിയൊലിച്ച നിൻ മൃത്യൂപ്രവാഹത്തിൽ എത്രപേർ ? എത്രപേർ വലഞ്ഞിഴഞ്ഞു ? പ്രളയമേ . . . . . . നിൻതപ്തനിദ്രയിൽ വീണുറങ്ങുന്നു ഭൂമിപുത്രൻ നീ നൂറ് ജീവൻ കവർന്നെടുത്തു ഞങ്ങൾക്കു ബാക്കിയായ കണ്ണുനീരും മഴയൊരു വരവായ് നിനച്ചവർക്കൊക്കെയും നീ മരണം മുഴുക്കെ വിതച്ചു . എന്തിനു നീ മന്നിൽ മനുഷ്യന്റെ മൃത്യുവായ് പേമാരി പെയ്‌തു ? ഒരുനേരമിത്തിരിയാഹാരമുണ്ണാൻ അലിഞ്ഞുകേണു മർത്യനന്ന്‌ കേരളം പൂർണ്ണമായി വെള്ളത്തിലാണ്ടുപോയി വർഗത്വവുമതിലൊലിച്ചുപോയി ജാതിയും മതവും രാഷ്ട്രീയവുമെല്ലാം കലിതുള്ളിക്കൊണ്ടുപോയ്‌ കാലവർഷം കേരളധരിത്രിതൻ ജീവിതപുസ്തകത്തിൽ മായാത്ത പാടായി ഉറച്ചിരിക്കുന്നു നീ ഇനി നിൻ നിതാന്തസ്മരണയിൽ നിന്നുണരുന്ന അമ്മയെ ഞങ്ങൾക്ക് കാണുമാറോ ? എന്തിനിനിയേറെ കേഴുന്നു ഞാൻ ? അനുഭവിച്ചതറിഞ്ഞല്ലേ നാം . . . .   ശ്രീനന്ദ എസ് 110 D സെന്റ് മാത്യൂസ്‌ ഹൈസ്‌ക്കൂൾ പൊഴിയൂർ പാറശ്ശാല ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത