ടി.ഡി.എച്ച്.എസ്.എസ്. മട്ടാഞ്ചേരി/ലിറ്റിൽകൈറ്റ്സ്
| ഹോം | ഡിജിറ്റൽ മാഗസിൻ | ഫ്രീഡം ഫെസ്റ്റ് | 2018 20 | 2019 21, 22 | 2020 23 | 2021 24 | 2022 25 | 2023 26 | 2024 27 |
| 26011-ലിറ്റിൽകൈറ്റ്സ് | |
|---|---|
| സ്കൂൾ കോഡ് | 26011 |
| യൂണിറ്റ് നമ്പർ | LK/2018/26011 |
| റവന്യൂ ജില്ല | എറണാകുളം |
| വിദ്യാഭ്യാസ ജില്ല | എറണാകുളം |
| ഉപജില്ല | മട്ടാഞ്ചേരി |
| അവസാനം തിരുത്തിയത് | |
| 04-12-2023 | DEV |
ഹൈടെക് സംവിധാനത്തിൽ പഠന പ്രവർത്തനങ്ങൾ സാങ്കേതിക വിദ്യാധിഷ്ഠിതമാകുന്നതോടെ അധ്യാപകർക്കൊപ്പം പ്രവർത്തനങ്ങളുടെ നിർമിതിയിലും നടത്തിപ്പിലും പങ്കാളികളാകുന്നതിനായി ഉപകരണങ്ങളുടെ സജ്ജീകരണത്തിലും വിഭവങ്ങളുടെ നിർമാണത്തിലും സാങ്കേതിക വൈദഗ്ധ്യമുള്ള ഒരു സംഘം കുട്ടികളെ വാർത്തെടുക്കുക എന്ന ലക്ഷ്യത്തോടെ "കൈറ്റി"ന്റെ ആഭിമുഖ്യത്തിൽ ആരംഭിച്ച "ലിറ്റിൽ കൈറ്റ്സ്" എന്ന പദ്ധതി സ്‌കൂളിൽ മികച്ച രീതിയിൽ പ്രവർത്തിച്ചു വരുന്നു. ഇന്ത്യയിലെ വിദ്യാർത്ഥികളുടെ ഏറ്റവും വലിയ ഐ സി ടി കൂട്ടായ്മയാണ് ലിറ്റിൽ കൈറ്റ്സ്. ( KERALA INFRASTRUCTURE TECHNOLOGY FOR EDUCATION [KITE]). 2018 ഓടുകൂടിയാണ് ലിറ്റിൽ കൈറ്റ്സ് എന്ന പദ്ധതി രൂപീകരിക്കപ്പെട്ടത്. ബഹുമാന്യനായ മുഖ്യമന്ത്രി ശ്രീ പിണറായി വിജയൻ 2018 ജൂലായ് 22 ന് ലിറ്റിൽ കൈറ്റ്സ് സംരംഭം ഉദ്ഘാടനം ചെയ്തു. കേരളത്തിലെ എല്ലാ വിദ്യാഭ്യാസ സ്ഥാപനങ്ങളിൽ നിന്നും നിശ്ചിത കുട്ടികളെ തിരഞ്ഞെടുത്ത് അവർക്ക് ഹൈടെക്ക് ഉപകരണങ്ങളുടെ പ്രവർത്തനങ്ങളെ കുറിച്ചും അവ ഉപയോഗിക്കേണ്ട രീതിയെക്കുറിച്ചും വ്യക്തമാക്കിക്കൊടുക്കുകയും അത് ഉപയോഗിക്കാൻ അവരെ പ്രാപ്തരാക്കുകയും ചെയ്യുക എന്നുള്ളതാണ് ഈ പദ്ധതിയുടെ ലക്ഷ്യം.
2018-19 അദ്ധ്യയന വർഷത്തെ ലിറ്റിൽ കൈറ്റ്സ് പ്രവർത്തനങ്ങളുടെ ഉദ്ഘാടനം പ്രധാനാദ്ധ്യാപിക സിസ്റ്റർ ലിസ നിർവഹിച്ചു. ഗ്രാഫിക്സ്, ഹാർഡവെയർ, പ്രോഗ്രാമിംഗ്,റോബോട്ടിക്സ് തുടങ്ങിയ ലിറ്റിൽ കൈറ്റ്സിന്റെ മൊഡ്യൂളിലെ വിവിധ വിഷയങ്ങൾ ശ്രീ.എൽ.ശ്രീകുമാർ ,ശ്രീമതി ഹേമാദേവി.ബിഎന്നിവർ ചേർന്ന് ക്ലാസിൽ പരിചയപ്പെടുത്തി . ലിറ്റിൽ കൈറ്റ്സ് അംഗങ്ങളെ അവരുടെ അഭിരുചിക്കനുസരിച്ച് വിവിധ ഗ്രൂപ്പുകളായി തിരിക്കുകയും ചെയ്തു. എട്ട് , ഒമ്പത് , പത്ത് എന്നീ ക്ലാസുകളിലെ ലീഡർമാർക്കും ക്യാപ്‌റ്റൻസിനും ലിറ്റിൽ കൈറ്റ്സ് അംഗങ്ങൾ ക്ലാസ്സെടുത്തു. ക്ലാസ് മുറികളിലെ പ്രൊജക്ടറിന്റേയും ലാപ്പ്ടോപ്പിന്റേയും ഉപയോഗരീതിയും പരിപാലനവും എന്നതായിരുന്നു വിഷയം. വളരെ താത്പര്യത്തോടെ അവർ ക്ലാസിൽ പങ്കെടുക്കുകയും തങ്ങളുടെ ഉത്തരവാദിത്തങ്ങൾ ഏറ്റെടുക്കുകയും ചെയ്തു.
വരയുടെ ലോകത്ത് ഏറെ കൗതുകമുണർത്തുന്നതാണ് കാർട്ടൂൺ ആനിമേഷൻ. വിദ്യഭ്യാസം, വിനോദം, ഗതാഗതം, ആരോഗ്യം, വാർത്താ വിനിമയം, ഡിസൈനിംഗ് തുടങ്ങിയ എല്ലാ മേഖലകളിലും ആനിമേഷന്റെ സ്വാധീനം വളർന്നു വരുന്നതായി കാണാം. സ്വതന്ത്ര സോഫ്റ്റ് വെയർ ഉപയോഗിച്ച് ആനിമേഷൻ നിർമ്മിക്കുന്നതിന് കുട്ടികളെ പരിശീലിപ്പിച്ചു. ലിറ്റിൽ കൈറ്റ്സ് അംഗങ്ങൾ റ്റൂപി റ്റ്യൂബ്, ഇങ്ക്സ്കേപ്, ജിമ്പ്, ഓപ്പൺഷോട്ട് വീഡിയോ എഡിറ്റർ എന്നീ സോഫ്റ്റ്‌വെയറുകൾ ഉപയോഗിച്ച് സ്വന്തമായി തയ്യാറാക്കിയ സ്ക്രിപ്റ്റിൽ ആനിമേഷൻ വീഡിയോ തയ്യാറാക്കി അവതരിപ്പിച്ചു . സബ്ഡിസ്ട്രിക്ട് ക്യാമ്പിന് പോകേണ്ട കുട്ടികളെ തിരഞ്ഞെടുക്കാനുള്ള ടെസ്റ്റുകൾ എന്നീ തീയ്യതികളിൽ നടത്തി.അനിമേഷൻ ആൻഡ് പ്രോഗ്രാമിംഗ് മേഖലയിലേക്കുള്ള സബ്ഡിസ്ട്രിക്ട് ക്യാമ്പിന് 6പേരെ തിരഞ്ഞെടുത്തു.
പ്രോഗ്രാമിങ്ങിന്റെ ബാലപാഠങ്ങൾ ഏറ്റവും ലളിതമായി മനസ്സിലാക്കാൻ സഹായകരമായ ഒരു വിഷ്വൽ പ്രോഗ്രാമിങ് ഭാഷയാണ് സ്ക്രാച്ച്. കുട്ടികളിൽ യുക്തിചിന്തയും പ്രോഗ്രാമിംഗങ് അഭിരുചിയും വളർത്തുന്നതിന് സ്ക്രാച്ചിന്റെ സാധ്യത പരമാവധി ഉപയോഗപ്പെടുത്തുക എന്ന ലക്ഷ്യമിട്ട് സ്ക്രാച്ച് 2 ഉപയോഗിച്ചാണ് ഇതിലെ പ്രവർത്തനങ്ങൾ ചെയ്തത്.
ഇതിനെ തുടർന്ന്മൊബൈൽ ആപ്പ് പ്രവർത്തിക്കുന്നതെങ്ങനെ, എങ്ങനെയാണ് അത് നിർമിച്ചെടുക്കുന്നത്, തനിക്ക് ഇത്തരം മൊബൈൽ ആപ്പുകൾ നിർമ്മിക്കാൻ കഴിയുമോ എന്നിങ്ങനെ നിരവധി സംശയങ്ങൾ ഹൈടെക് യുഗത്തിൽ ജീവിക്കുന്ന കുട്ടികളുടെ മനസ്സിൽ ഉണ്ടാവാനിടയുണ്ട്.അതു മനസ്സിലാക്കി ചെറിയ ചെറിയ പ്രോഗ്രാമിങ്ങിലൂടെ പ്രോഗ്രാമിങ്ങിന്റെ ബാലപാഠം മനസ്സിലാക്കാനും മൊബൈൽ ആപ്പ് എന്ന സെഷൻ പ്രയോജനപ്പെടുത്തി. യുക്തിചിന്ത വളർത്താനുതകുന്ന തരത്തിലായിരുന്നു ഓരോ പ്രവർത്തനവും ഈ സെഷനിൽ കൈകാര്യം ചെയ്തതത്. സ്ക്രാച്ച് വിഷ്വൽ പ്രോഗ്രാമിങ്ങിലൂടെ പരിചിതമായ പ്രോഗ്രാമിങ് രീതിയും മൊബൈൽ ആപ്പ് നിർമാണത്തിൽ വിദ്യാർത്ഥികൾക്ക് ഏറെ സഹായകരമായി. മൊബൈൽ ഷേക്ക് ചെയ്യുമ്പോൾ സംഗീതം കേൾപ്പിക്കുന്ന ഒരു മൊബൈൽ ആപ്പ് ഗെയിം തയ്യാറാക്കുന്ന വിധമാണ് ആദ്യം പരിശീലിച്ചത്. പ്രോഗ്രാമിങ്ങിൽ അഭിരുചി വളർത്തുന്നതിനും, വിദ്യാർത്ഥികളിൽ പ്രശ്നനിർദ്ധാരണ ശേഷി വളർത്തുന്നതിനും, ആപ്പ് ഇൻവെന്റർ സോഫ്റ്റ്‌വെയർ പൊതുവായി പരിചയപ്പെടുന്നതിനും,ആപ്പ് ഇൻവെന്റർ കോഡ് ബ്ലോക്കിലെ പൊതുസ്വഭാവം തിരിച്ചറിഞ്ഞ് കോഡുകൾ സ്വയം തിരഞ്ഞെടുക്കുന്നതിനുള്ള ശേഷി നേടുന്നതിനും, സോഫ്റ്റ്‌വെയർ ഉപയോഗിച്ച് സ്വന്തമായി മൊബൈൽ ആപ്പ് നിർമിക്കുന്ന കഴിവ് നേടുന്നതിനും, പ്രോഗ്രാമിങ്ങിൽ സ്വയംപഠനത്തിനുള്ള ശേഷി വളർത്തുന്നതിനും ഈ സെഷൻ സഹായകരമായി.
വിവിധ ക്യാരക്ടർ എൻകോഡിങ് രീതികളെപ്പറ്റി അടിസ്ഥാന ധാരണകൾ ആർജ്ജിക്കുന്നതിനോടൊപ്പം ശാസ്ത്രീയമായ രീതിയിൽ കീബോർഡ് ഉപയോഗിച്ചുള്ള അക്ഷരനിവേശനത്തിലും ശബ്ദ നിവേശനം, ഒ.സി.ആർ തുടങ്ങി അക്ഷരനിവേശനത്തിന്റെ ആധുനിക രൂപങ്ങളിലും അവർ അവഗാഹം നേടേണ്ടതുണ്ട്. അതിന് അവരെ സജ്ജരാക്കുക എന്നരീതിയിലാണ് മലയാളം കമ്പ്യൂട്ടിങ് മോഡ്യൂളിലെ പ്രവർത്തനങ്ങൾ തയ്യാറാക്കിയിരിക്കുന്നത്. ഇതിന്റെ ഫലപ്രാപ്തിക്കായി ഒരോ സ്കൂളും 'ലിറ്റിൽ കൈറ്റ്സ്' അംഗങ്ങളുടെ നേതൃത്വത്തിൽ ഒരു ഡിജിറ്റൽ മാഗസിൻ തയ്യാറാക്കി. ഈ ആശയം പ്രവർത്തി പ്രാവർത്തികമാക്കുന്ന പ്രവർത്തനത്തിലൂടെയാണ് മലയാളം കമ്പ്യൂട്ടിംഗ് സെഷനിലെ യൂണിറ്റ് തല പ്രായോഗികപരിശീലനം മുന്നോട്ടുപോയത്. ലിറ്റിൽ കൈറ്റസ് അംഗങ്ങളുടെ പരിശീലന മികവ് തെളിയിക്കാൻ വേണ്ടി എല്ലാ ലിറ്റിൽ കൈറ്റസ് അംഗീകൃത സ്കൂളുകളിലും നടത്തിയ ഒരു പ്രവർത്തനമായിരുന്നു ഡിജിറ്റൽ മാഗസിൻ നിർമ്മാണം.സ്കൂൾ ഹെഡ്മിസ്ട്രസ്സ് സരള പ്രഭു കൈറ്റ് അംഗങ്ങൾ തയ്യാറാക്കിയ ഡിജിറ്റൽ മാഗസിൻ പ്രകാശനം ചെയ്തു.
പ്രോഗ്രാമിംഗ് അഭിരുചി വളർത്തിയെടുക്കുന്നതിനായി പൈത്തൺ പ്രോഗ്രാമിങ്, പ്രാഥമിക നിർദ്ദേശങ്ങൾ പരിചയപ്പെടുത്തി. പൈത്തൺ ഭാഷയിലുള്ള ലളിതമായ ചില പ്രോഗ്രാമുകൾ വിവിധ പ്രവർത്തനങ്ങളിലൂടെ പരിചയപ്പെടുത്തുകയാണ് ചെയ്തത്. ഓരോ പ്രവർത്തനവും, അധിക പ്രവർത്തനങ്ങളും കുട്ടികൾ സ്വയം ചെയ്ത് പരിശീലിക്കണം എന്ന് ടീച്ചർ പറഞ്ഞു. ഇതിലൂടെ IDLE പോലുള്ള IDEകൾ ഉപയോഗിച്ച് പ്രോഗ്രാമിങ് തയ്യാറാക്കുന്നതിനുള്ള ശേഷി കുട്ടികൾക്ക് നേടിയെടുക്കാൻ സാധിക്കുന്നു. പൈത്തൺ പ്രോഗ്രാമിങ് ഭാഷ ഉപയോഗിച്ച് ചെറിയ പ്രോഗ്രാം തയ്യാറാക്കുന്നത് പരിചയപ്പെടുന്ന സെഷനായിരുന്നു ഇത്. Idle environment-ൽ പൈത്തൺ കോഡുകൾ ഉപയോഗിക്കുന്നതിനുള്ള ശേഷി നേടുന്നതിനും പൈത്തണിലെ "print” നിർദ്ദേശം ഉപയോഗപ്പെടുത്തുന്നതിനെക്കുറിച്ചുള്ള ധാരണയും കുട്ടികൾക്ക് നേടാൻ സാധിച്ചു. അക്ഷരങ്ങളും അക്കങ്ങളും പൈത്തണിൽ പ്രദർശിപ്പിക്കുന്നതിനുള്ള ശേഷി നേടുന്നതിനും, കീബോർഡ് വഴി അക്ഷരങ്ങളും അക്കങ്ങളും സ്വീകരിക്കുന്നതിനുള്ള പൈത്തൺ പ്രോഗ്രാം തയ്യാറാക്കുന്നതിനുള്ള ശേഷി നേടുന്നതിനും ഈ സെഷൻ ഉപയോഗപ്പെടുത്തി.
ഒന്നിലധികം ഇൻപുട്ട് സ്വീകരിച്ച് പ്രോഗ്രാം ചെയ്തു. അതിനോടൊപ്പം ശേഖരിച്ച ഇൻപുട്ടുകൾ വിവിധ സന്ദർഭങ്ങളിൽ എങ്ങിനെ പ്രയോജനപ്പെടുത്താം എന്ന ധാരണയും പ്രോഗ്രാമിങ്ങിൽ വേരിയബിൾ ഉപയോഗപ്പെടുത്തുന്നതിനെക്കുറിച്ചുള്ള ആവശ്യകതയും മനസ്സിലാക്കി. അക്ഷരങ്ങളും അക്കങ്ങളും പൈത്തണിൽ പ്രദർശിപ്പിക്കുന്നതിനുള്ള ശേഷി നേടുകയും, അക്ഷരങ്ങളും അക്കങ്ങളും ഉൾപ്പെടുത്തി പ്രോഗ്രാം തയ്യാറാക്കുന്നതിനുള്ള ശേഷി നേടുകയും, ഗണിതക്രിയകൾ ഉൾപ്പെടുത്തി പൈത്തൺ പ്രോഗ്രാം തയ്യാറാക്കുന്നതിനുള്ള വിദ്യ കണ്ടെത്തുകയും ചെയ്തു. സംഖ്യാഇൻപുട്ട്, അക്ഷരഇൻപുട്ട് എന്നിവ പ്രോഗ്രാമിൽ ഉപയോഗപ്പെടുത്തുന്നതിനും ഇൻപുട്ട് ചെയ്ത സ്ട്രിങ്ങുകൾ, സംഖ്യ എന്നിവ പ്രോഗ്രാമിൽ ഉപയോഗപ്പെടുത്തുന്നതിനുള്ള ധാരണ ലഭിക്കുന്നതിനും ഈ സെഷൻ സഹായകരമായി.
എല്ലാ ഇലക്ട്രോണിക്സ് ഉപകരണങ്ങളുടെയും പ്രവർത്തനത് അന്തർലീനമായ ചില അടിസ്ഥാനതത്വങ്ങൾ ഉണ്ട്. അവ വളരെ സൃഷ്ടിപരവും രസകരവുമായ രീതിയിൽ അവതരിപ്പിക്കുകയാണ് ഇലക്ട്രോണിക്സ് സെഷനിൽ ചെയ്തിരിക്കുന്നത്. ഇലക്ട്രോണിക്സിലെ അടിസ്ഥാന ആശയങ്ങളെ കുട്ടികളിലേക്കെത്തിച്ച് അവരിൽ ഇലക്ട്രോണിക്സ് അഭിരുചി വളർത്തുക എന്നതാണ് പരിശീലനംകൊണ്ട് പ്രധാനമായും ഉദ്ദേശിക്കുന്നത്. ഇതിനായി റസിസ്റ്ററുകൾ, ഡയോഡുകൾ, ട്രാൻസിസ്റ്ററുകൾ, കപ്പാസിറ്ററുകൾ, ഐ.സി ചിപ്പുകൾ തുടങ്ങിയ ഇലക്ട്രോണിക് കോമ്പണന്റുകൾ ഉപയോഗിച്ച് തയ്യാറാക്കിയ ചെറുബ്ലോക്കുകൾ അഥവാ ബ്രിക്സുകൾ ആണ് ഉപയോഗിച്ചത്.
ഇലക്ട്രോണിക് ഉപകരണങ്ങളിൽ അടിസ്ഥാനഘടകങ്ങളെ കുറിച്ചുള്ള ധാരണയും, നിത്യജീവിതത്തിൽ ഉപയോഗപ്രദമായ ഇലക്ട്രോണിക് ഉപകരണങ്ങളിലെ ഘടകങ്ങൾ തിരിച്ചറിയുന്നതിനും, ഇലിക്ട്രോബിക്ക് ക്റ്റിലെ ബ്രികേസുകളെക്കുറിച്ച് പൊതുവായ ധാരണയും ലഭിക്കുന്നതിനും ഈ സെഷൻ ഉപയോഗപ്പെടുത്തി. ഇതിനായി power brick, light sensor, buzzer എന്നീ ബ്രിക്കുകളെ കുറിച്ച് കൂടുതൽ മനസ്സിലാക്കാൻ സാധിച്ചു. ഇലക്ട്രോബ്രിക്ക് കിറ്റിലെ വിവിധ യൂണിറ്റുകൾ പരസ്പരം ബന്ധിപ്പിക്കുന്നതിനുള്ള ശേഷി നേടുകയും, ഇലക്ട്രോബ്രിക്ക് കിറ്റിലെ വിവിധ യൂണിറ്റുകളെ തിരിച്ചറിയുന്നതിനുള്ള ശേഷി നേടുകയും, ഇൻപുട്ട് ഔട്ട്പുട്ട് ബ്രിക്കുകളുടെ ഉപയോഗം തിരിച്ചറിയുന്നതിനും ഈ സെഷൻ ഉപയോഗിച്ചു. പിന്നീട്, ഇലക്ട്രോബ്രിക്ക് കിറ്റിലെ വിവിധ യൂണിറ്റുകൾ പരസ്പരം ബന്ധിപ്പിക്കുന്നതിനും തിരിച്ചറിയുന്നതിനുള്ള ശേഷി നേടുകയും, വിവിധ ഇലക്ട്രോണിക് ഉപകരണങ്ങളുടെ പ്രവർത്തനരീതി മനസിലാക്കുന്നതിൽ താല്പര്യം ജനിപ്പിക്കുന്നതിനും ഈ സെഷൻ ഉപയോഗപ്പെടുത്തി.ഇലക്ട്രോ ബ്രിക്ക് കിറ്റിലെ വിവിധ യൂണിറ്റുകൾ പരസ്പരം ബന്ധിപ്പിക്കുന്നതിനും കിറ്റിലെ NOT brick-ന്റെ ഉപയോഗം മനസ്സിലാക്കുന്നതിനും ഈ സെഷൻ ഉപയോഗപ്പെടുത്തി. ഈ സെഷന്റെ അവസാനം ഓരോ ലിറ്റിൽ കൈറ്റ്സ് മെമ്പറും 'ശബ്ദം തിരിച്ചറിയുന്ന സർക്കീട്ടിന്റെയും, blind walking stick-ന്റെയും, automatic street light- ന്റെയും' പ്രവർത്തനത്തിനുപയോഗിക്കുന്ന ഇലക്ട്രോണിക് ഉത്പനങ്ങളെ അനായാസം തിരിച്ചറിയാൻ സാധിച്ചു.
ലിറ്റിൽ കൈറ്റസ് അംഗങ്ങൾ മറ്റു ക്ലാസ്സിലെ കുട്ടികൾക്ക് തനിക്ക് ഈ സ്കീമിൽ നിന്നും ലഭിച്ച അറിവുകൾ പങ്കുവച്ചു. അംഗങ്ങൾ വിവിധ ഗ്രൂപ്പുകളായി തിരിഞ്ഞ് അഞ്ചു മുതൽ എട്ടുവരെയുള്ള കുട്ടികൾക്ക് ഗ്രാഫിക്സ്, ഹാർഡ് വെയർ, പ്രോഗ്രാമിങ്ങ്, ആനിമേഷൻ തുടങ്ങിയ വിവിധ വിഷയങ്ങളിൽ ക്ലാസ്സ് എടുത്തു.