ഗവൺമെന്റ് വി.എച്ച്.എസ്.എസ് കല്ലറ/പ്രവർത്തനങ്ങൾ/2025-26

2025-26

പ്രവേശനോത്സവം_ 2025

മധ്യവേനലവധിക്ക് ശേഷം ജൂൺ 2 നു പ്രവേശനോത്സവത്തോടെ ഈ അധ്യയനവർഷം ആരംഭിച്ചു. എല്ലാ വർഷത്തെയും പോലെതന്നെ വൈവിധ്യമാർന്ന പരിപാടികളിലൂടെ അറിവിന്റെ ആദ്യാക്ഷരം നുകരാൻ എത്തിയ കുഞ്ഞുങ്ങളെ നമ്മുടെ സ്കൂൾ വരവേറ്റു. പാലോട് ഉപജില്ലാ തലത്തിൽ സമഗ്ര ഗുണമേന്മ വിദ്യാഭ്യാസ പദ്ധതി വർഷത്തെ പ്രവേശനോത്സവം നമ്മുടെ സ്കൂളിൽ വച്ച് ബഹു.രാജ്യസഭാംഗം ശ്രീ എ എ റഹിം ഉദ്ഘാടനം ചെയ്തു.കല്ലറ ഗ്രാമ പഞ്ചായത്ത് പ്രസിഡന്റ് ശ്രീമതി ജി ജെ ലിസി അധ്യക്ഷയായ വേദിയിൽ സ്കൂൾ HM ശ്രീമതി ബീനാമോൾ എസ് സ്വാഗതം ആശംസിച്ചു. വാമനപുരം ബ്ലോക്ക് പഞ്ചായത്ത് പ്രസിഡന്റ് ശ്രീമതി ജി കോമളം വിശിഷ്ടാതിഥിയായി പങ്കെടുത്തു. തിരുവനന്തപുരം ജില്ലാ പഞ്ചായത്ത് മെമ്പർ ശ്രീമതി ബിൻഷാ ബി ഷറഫ്,വാമനപുരം ബ്ലോക്ക് പഞ്ചായത്ത് വൈസ് പ്രസിഡന്റ് അഡ്വ എസ് എം റാസി,കല്ലറ ഗ്രാമ പഞ്ചായത്ത് വൈസ് പ്രസിഡന്റ് ശ്രീ നജിൻഷാ എസ് ,വിദ്യാഭ്യാസ സ്ഥിരം സമിതി അധ്യക്ഷ ശ്രീമതി നിഖില കെ എസ്, ശ്രീമതി ഷീല കെ, ശ്രീ ഷിബു കുമാർ,ശ്രീ നൗഷാദ് എസ്, ശ്രീ സഹീദ് ഒ കെ,ശ്രീമതി ബിൻസി ,പാലോട് AEO ശ്രീമതി വി ഷീജ,പാലോട് BPC ശ്രീ ബൈജു എസ്, സ്കൂൾ പ്രിൻസിപ്പൽ ശ്രീമതി മാലി ഗോപിനാഥ്, പാലോട് ബി ആർ സി ട്രെയിനർ ശ്രീ ആർ ഷിബു,ബി ആർ സി കോർഡിനേറ്റർ ശ്രീമതി അനശ്വര ജി എസ് തുടങ്ങിയവർ പങ്കെടുത്തു. സ്റ്റാഫ് സെക്രട്ടറി ശ്രീ മുരളീധരൻ പിള്ള യോഗത്തിന് നന്ദി അറിയിച്ചു.

പരിസ്ഥിതി ദിനാചരണം 2025

ഈ വർഷത്തെ പരിസ്ഥിതി ദിനാചരണം എല്ലാ വർഷത്തെയും പോലെ തന്നെ ശ്രദ്ധേയമായിരുന്നു.സ്കൂൾ പരിസ്ഥിതി ക്ലബ്ബിന്റെ നേതൃത്വത്തിലാണ് പരിപാടികൾ സംഘടിപ്പിച്ചത്. രാവിലെ സ്കൂൾ അസംബ്ലിയിൽ വച്ച് പരിസ്ഥിതി ദിനത്തിന്റെ പ്രാധാന്യത്തെ കുറിച്ചും പരിസ്ഥിതി സംരക്ഷിക്കേണ്ടതിൻ്റെ ആവശ്യകതയെ കുറിച്ചും HM ശ്രീ സുനിൽ കുമാർ എൻ സംസാരിച്ചു.തുടർന്ന് 9I ക്ലാസ്സിലെ ലക്ഷ്മി പാർവ്വതി പരിസ്ഥിതി ദിന സന്ദേശം ഉൾക്കൊണ്ടുകൊണ്ട് പ്രഭാഷണം നടത്തി. പരിസ്ഥിതി ദിനത്തോടനുബന്ധിച്ച് കുട്ടികൾക്ക് ഫലവൃക്ഷത്തൈകൾ വിതരണം ചെയ്തു.

തുടർന്ന് ലക്ഷ്മി പാർവ്വതി പരിസ്ഥിതി ദിന പ്രതിജ്ഞ ചൊല്ലി ക്കൊടുത്ത തുടർന്ന് കുട്ടികൾക്കായി പോസ്റ്റർ രചന മത്സരം, പരിസ്ഥിതി ദിന ക്വിസ് മത്സരം എന്നിവ സംഘടിപ്പിച്ചു. കുട്ടികളുടെ സജീവ സാന്നിധ്യം പരിപാടികളിലുടനീളം ഉണ്ടായിരുന്നു . ക്ലാസ് തല വിജയികളായവർ സ്കൂൾ തല മത്സരങ്ങളിൽ പങ്കെടുത്തു. ു.