ഗവ.എച്ച്എസ്എസ് തരിയോട്/മറ്റ്ക്ലബ്ബുകൾ
ടീൻസ് ക്ലബ്ബ്
രക്ഷിതാക്കൾക്കുള്ള ബോധവൽക്കരണ ക്ലാസ്
2024ജൂൺ 14ന് രക്ഷിതാക്കൾക്കുള്ള ബോധവൽക്കരണ ക്ലാസ് ശ്രീ രാജേന്ദ്രൻ സാർ നയിച്ചു അറുപതോളം രക്ഷിതാക്കൾ ക്ലാസ്സിൽ പങ്കെടുത്തു. ഗുഡ് പാരന്റിങ്ങിനെ കുറിച്ച് ക്ലാസ്സിൽ ചർച്ച ചെയ്തു.കൗമാര കാലഘട്ടത്തിൽ കുട്ടികൾ നേരിടുന്ന ശാരീരിക മാനസിക വെല്ലുവിളികളെ കുറിച്ച് ചർച്ച ചെയ്തു. പെട്ടെന്നുള്ള ദേഷ്യം വികാരപ്രകടനങ്ങൾ എന്നിവയിലുള്ള ആശങ്കകൾ രക്ഷിതാക്കൾ പങ്കുവെച്ചു. കുട്ടികളുടെ ശരിയായ വളർച്ചയിൽ എത്തരത്തിലുള്ള പിന്തുണ നൽകാൻ രക്ഷിതാക്കൾക്ക് കഴിയും, ഉത്തരവാദിത്വബോധം വളർത്തേണ്ടത് എങ്ങനെ എന്നൊക്കെയുള്ള കാര്യങ്ങൾ വളരെ രസകരമായി രാജേന്ദ്രൻ സാർ പങ്കു വെച്ചു.
അന്താരാഷ്ട്ര യോഗാദിനം
അന്താരാഷ്ട്ര യോഗാ ദിനവുമായി ബന്ധപ്പെട്ട് തരിയോട് ഹോമിയോ ഡിസ്പെൻസറിയുമായി ചേർന്ന് യോഗ പരിശീലനം നടത്തി .അറുപതോളം കുട്ടികൾ പങ്കെടുത്തു. തരിയോട് ഹോമിയോ ഡിസ്പെൻസറിയിലെ യോഗ ട്രെയിനർ സ്വപ്ന ഷിനോജ് നേതൃത്വം നൽകി .യോഗയിലൂടെ മെച്ചപ്പെട്ട ആരോഗ്യം വീണ്ടെടുക്കാൻ കഴിയും എന്ന് ബോധ്യപെടുത്തി. തുടർന്ന് യോഗ പരിശീലനം നൽകി. രാവിലെ 9 മണി മുതൽ 11 മണിവരെ ആയിരുന്നു പരിശീലനം