ഹൈടെക് വിദ്യാലയങ്ങളിലെ കുട്ടികളുടെ ഐ.ടി. കൂട്ടായ്മയായ ലിറ്റിൽകൈറ്റ്സ് യൂണിറ്റ്,നടുവട്ടം വൊക്കേഷണൽ ഹയർസെക്കണ്ടറി സ്കൂളിൽ 2018 മാർച്ച് 3 ന് പ്രവർത്തനം ആരംഭിച്ചു.
40 കുട്ടികൾക്ക് വീതം അംഗങ്ങളാകാവുന്ന 3 ബാച്ചുകളാണ് നിലവിൽ നമ്മുടെ വിദ്യാലയത്തിൽ പ്രവർത്തിക്കുന്നത്.
കൈറ്റ് മിസ്ട്രസ്സുമാർ :
1)ദീപ.പി (HST ഹിന്ദി) , 2 ) ഗീതാലക്ഷ്മി എൽ (HST ഗണിതം)
യ‍ൂണിഫോമിൽ ലിറ്റിൽകൈറ്റ്സ്
പ്രവേശനോൽസവം ചിത്രീകരിക്കുന്ന‍ു
2024 ജൂലൈ 8 മാത് 2.0 ഡേ ആചരിച്ചു ഗണിതവും സാങ്കേതിക വിദ്യയും കൈകോർക്കുന്ന മാത് 2.0 ദിനത്തിൻ്റെ പ്രാധാന്യം ഉൾക്കൊണ്ട് ഗണിത ക്ലബ്ബും ലിറ്റിൽ കൈറ്റ്സ് ക്ലബ്ബും ചേർന്ന് മൊബൈൽ ആപ്പ് നിർമ്മാണം പരിശീലിച്ചു.15/08/2024 : ലിറ്റിൽ കൈറ്റ്സ് ക്ലബ്ബിൻ്റെ സഹായത്തോടെ ജിയോജിബ്രയിൽ കുട്ടികൾ നമ്മുടെ ദേശീയ പതാക നിർമിച്ചു.ലിറ്റിൽകൈറ്റ്സ് രജിസ്റ്റ്രേഷൻസർട്ടിഫിക്കറ്റ്.
വിവര വിനിമയ സാങ്കേതിക രംഗത്ത് കുട്ടികൾ സ്വാഭാവികമായി പ്രകടിപ്പിക്കുന്ന താത്പര്യത്തെ പരിപോഷിപ്പിക്കുക.
സാങ്കേതിക വിദ്യയും സോഫ്റ്റ് വെയറുകളും ഉപയോഗിക്കുമ്പോൾ പാലിക്കേണ്ട മൂല്യങ്ങളും സംസ്കാരവും അവരിൽ സൃഷ്ടിച്ചെടുക്കുക.
വിദ്യാലയങ്ങളിലെ സാങ്കേതിക ഉപകരണങ്ങളുടെ ഉപയോഗവും നടത്തിപ്പും പരിപാലനവും കാര്യക്ഷമമാക്കുന്നതിൽ വിദ്യാർത്ഥികളെ പങ്കാളികളാക്കുക.
സുരക്ഷിതവും മാന്യവുമായ ഇന്റർനെറ്റ് ഉപയോഗം, സൈബർ കുറ്റകൃത്യങ്ങൾ എന്നിവയെ കുറിച്ച് വിദ്യാർഥികളെ ബോധവാന്മാരാക്കുകയും ഇതുമായി ബന്ധപ്പെട്ട പ്രചാരണ പരിപാടികളിൽ നേതൃപരമായ പങ്കാളിത്തം വഹിക്കാൻ പ്രാപ്തരാക്കുകയും ചെയ്യുക.
വിവിധ ഭാഷാ കമ്പ്യൂട്ടിങ് പ്രവർത്തനങ്ങൾ ഏറ്റെടുത്ത് നടത്താനുള്ള അവസരം ലഭ്യമാക്കുക.
സംഘപഠനത്തിന്റെയും സഹവർത്തിത പഠനത്തിന്റെയും അനുഭവങ്ങൾ കുട്ടികൾക്ക് പ്രദാനം ചെയ്യുക.പഠന പ്രക്രിയയിൽ ഉപയോഗിക്കാവുന്ന ഡിജിറ്റൽ ഉത്പന്നങ്ങൾ നിർമിക്കുക.
പുതുതലമുറ സാങ്കേതിക ഉപകരണങ്ങൾ പരിചയപ്പെടാനും അവ ഉപയോഗിച്ച് വിവിധ നിർമാണ പ്രവർത്തനങ്ങളിൽ പങ്കാളിയാകാനുമുള്ള അവസരം ലഭ്യമാക്കുക.
വിവരവിനിമയ സാങ്കേതികവിദ്യയുടെ നവീന മേഖലകൾ പരിചയപ്പെടാൻ അവസരമൊരുക്കുക.
പദ്ധതി
കൈറ്റ് നടത്തുന്ന പ്രത്യേക അഭിരുചി പരീക്ഷയിൽ വിജയിക്കുന്ന എട്ടാം ക്ലാസ്സുകാർക്ക് ഓരോ വർഷവും ലിറ്റിൽ കൈറ്റ്സ് അംഗങ്ങളാകാം.
പ്രത്യേക പരിശീലനം ലഭിച്ച രണ്ട് അധ്യാപകരാണ് കൈറ്റ് മാസ്റ്റേഴ്സ് / മിസ്ട്രസുമാർ .
വിദ്യാലയ പ്രവർത്തനങ്ങളിൽ മികച്ച പ്രകടനം കാഴ്ചവയ്ക്കുന്ന ലിറ്റിൽ കൈറ്റ്സിന് ഉപജില്ലാ തല ക്യാമ്പിൽ പങ്കെടുക്കാം. തുടർന്ന് ജില്ലാ തലത്തിലും സംസ്ഥാന തലത്തിലും മികവിൻ്റെ അടിസ്ഥാനത്തിൽ പങ്കെടുക്കാം
സിലബസ്സ്
ആനിമേഷൻ
സ്ക്രാച്ച് പ്രോഗ്രാമിങ്
മലയാളം കമ്പ്യൂട്ടിങ്
മീഡിയാ ഡോക്യുമെന്റേഷൻ
ഡെസ്ക് ടോപ്പ് പബ്ലിഷിങ്ങ്
ഇലക്ട്രോണിക്സ്
റോബോട്ടിക്സ്
ഹാർഡ് വെയർ
സൈബർ സുരക്ഷ
പരിശീലന സമയം
ബുധനാഴ്ചകളിൽ 4 pm മുതൽ 5 pm വരെ. കൂടാതെ അസൈൻമെന്റുകൾ പൂർത്തിയാക്കാൻ മറ്റ് ദിവസങ്ങളിൽ അധിക സമയ പരിശീലനവും ഉണ്ടായിരിക്കും.
