2024 ജൂൺ 5 ന് പരിസ്ഥിതി ദിനാഘോഷം സമുചിതമായി ആചരിച്ചു. കൃഷിഭവനിൽ നിന്നും നൽകിയ വിത്തുകൾ പാകി. പചക്കറികൃഷിയ്ക്ക് തുടക്കമിട്ടു. പരിസ്ഥിതിസംരക്ഷണ പോസ്റ്റർ പ്രദർശനം സംഘടിപ്പിച്ചു. സ്കൂൾ ഹെഡ്മിസ്ട്രസ് ഇൻ ചാർജ് ശ്രീമതി ഗിരിജ. എ.എൻ പ്രർത്തനങ്ങൾക്ക് നേതൃത്വം നൽകി. ശാസ്ത്ര ക്ലബിന്റെ ആഭിമുഖ്യത്തിൽ ക്ലാസ് തലത്തിൽ പരിസ്ഥിതി ക്വിസ് സംഘടിപ്പിച്ചു.
ജൂൺ 3- പ്രവേശനോത്സവം
2024 ജൂൺ 03- പ്രവേശനോത്സവം ഉദ്ഘാടനം
2024-25 അധ്യയനവർഷത്തെ സ്കൂൾ പ്രവേശനോത്സവം ബഹു. കൊല്ലം ജില്ലാ പഞ്ചായത്ത് മെമ്പർ അഡ്വ. ഷൈൻ നിർവഹിച്ചു. സ്കൂൾ പി.ടി.എ പ്രസിഡന്റ് അധ്യക്ഷനായി. പൂയപ്പള്ളി പഞ്ചായത്ത് പ്രസിഡന്റ് ശ്രീമതി സരിത.വി, വാർഡ് മെമ്പർ ശ്രീ. രാജു ചാവടി എന്നിവർ ആശംസകൾ അർപ്പിച്ചു. രക്ഷിതാക്കൾക്കുള്ള ബോധവൽക്കരണക്ലാസ് അധ്യാപിക ശ്രിമതി സിന്ധു നയിച്ചു. ഉദ്ഘാടനശേഷം നാടൻപാട്ട് കലാകാരൻമാരുടെ അവതരണം നടന്നു.
മേയ് 30- ശുചീകരണയജ്ഞം
സ്കൂൾ പി.ടി.എ യുടെ ആഭിമുഖ്യത്തിൽ സ്കൂൾ ക്ലാസ് മുറികളും പരിസരവും ശുചീകരിച്ചു.
2022-23 വർഷത്തെ പ്രവർത്തനങ്ങൾ
SSLC BRIDGE COURSE
കോവിഡ് മ‍ൂലമ‍ുണ്ടായ പഠന വിടവ് നികത്ത‍ുക എന്ന ഉദ്ദേശത്തോടെ മെയ് 7 മ‍ുതൽ പത്താം ക്ലാസ്സിലെ ക‍ുട്ടികൾക്കായി ക്ലാസ്സ‍ുകൾ നടത്തി.
ജൂൺ 1 - പ്രവേശനോത്സവം
***
പൂയപ്പള്ളി ഗവ.ഹൈസ്ക്കൂളിലെ സ്കൂൾതല പ്രവേശനോത്സവം പഞ്ചായത്ത് പ്രസിഡന്റ് ജെസ്സി റോയ് ഉദ്ഘാടനം ചെയ്തു. ജില്ലാ ഡിവിഷൻ മെമ്പർ ഷൈൻ ക‍ുമാർ മ‍ുഖ്യ പ്രഭാഷണം നടത്തി. പ്രഥമാധ്യാപിക, പി ടി എ പ്രസിഡൻറ്, എം പി ടി എ പ്രസിഡൻറ്, വൈസ് പ്രസിഡൻറ്, സ്റ്റാഫ് സെക്രട്ടറി മുതലായർ ചടങ്ങിൽ പങ്കെടുത്തു.
സ്നേഹാദരം
പൂയപ്പള്ളി ഗവ.ഹൈ സ്കൂളിൽ കഴിഞ്ഞ എസ് സൽസി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ കുട്ടികൾ "സ്നേഹാദരവ് നൽകി. ജി.എസ്.ജയലാൽ എം എൽഎ ഉദ്ഘാടനം ചെയ്തു. പി ടിഎ പ്രസിഡന്റ് പ്രിൻസ് കായില അധ്യക്ഷത വഹിച്ചു. ജില്ലാ പഞ്ചായത്തംഗം എസ്.ഷൈൻകുമാർ മുഖ്യാതിഥിയായിരുന്നു. പൂയപ്പള്ളി ഗ്രാമപ്പഞ്ചായത്ത് പ്രസിഡന്റ് ജെസ്സി റോയി, വൈസ് പ്രസിഡന്റ് എം.വിശ്വനാഥൻപിള്ള, ബ്ലോക്ക് പഞ്ചായത്തംഗം ബിനോയ് , ഗ്രാമപ്പഞ്ചായത്തംഗങ്ങളായ ജയാ രാജേന്ദ്രൻ, രാജു ചാവടി, എസ്എംസി ചെയർമാൻ എം.ബി പ്രകാശ്, പ്രധാന അധ്യാപിക ജി .സിന്ധു, എംപിടിഎ പ്രസിഡന്റ് രഞ്ജിനി, സീനിയർ അസിസ്റ്റന്റ് എ.എൻ.ഗിരിജ, സ്റ്റാഫ് സെക്രട്ട ജോൺ മാത്യു എന്നിവർ പ്രസംഗിച്ചു.
